𝑩𝒂𝒃𝒚 𝑪𝒖𝒕𝒕𝒊𝒆 𝑰𝒔 𝑴𝒊𝒏𝒆 [𝑪𝒐𝒎𝒑𝒍𝒆𝒕𝒆𝒅]

Baby Cuttie (5)

📌Unicode

ယုန်သွားလေးနဲ့ ချစ်ဖို့ကောင်းတဲ့ ကိုကို
ကလေးလေးလိုလဲ ချစ်ဖို့ကောင်းသလို
Manly ဆန်ဆန်လဲ ဆွဲဆောင်မှုရှိနေတာမို့
ဟောဒီကောင်က တဖြုတ်ဖြုတ်ကြွေနေတယ်ဆိုတာကိုတော့ သိတယ်မလားဟင် .....အချစ်။

K.T.H

__________♡♥♡♥♡♥♡♥♡___________

မျက်လုံးတဝိုက်ကို အလင်းတန်းတစ်ခုက အားကြီးကြီးနဲ့ ထိုးလိုက်သလိုမျိုး စူးရှရှ ခံစားမှုကြောင့် မနှစ်မြို့ခြင်းများစွာဖြင့် " အာ...ပြတင်းပေါက်ပွင့်နေတာလား မသိဘူး... သွားပိတ်လိုက်စမ်းပါကွာ" ဟု ခပ်တိုးတိုး မပီကလာ ပီကလာ ညည်းလိုက်မိသည်။

ထို့အတူ လူကလဲ အိပ်ရေးမ၀ခြင်းများစွာဖြင့် နိုးထဖို့ အစီအစဉ်မရှိ။ ပြန်အိပ်စက်နိုင်ဖို့သာတွေးရင်း အနှီ အနှောင့်အယှက်ပေးနေသော အလင်းတန်းကို ဖုံးကွယ်ဖို့ရာအတွက်တော့ စောင်ဖြင့် မျက်လုံးတဝိုက်ကို ကာဖို့ ရည်ရွယ်ရင်း မလှုပ်ချင်လှုပ်ချင်နဲ့ အနီးအနားရှိ စောင်ကို ဆွဲမရန် လက်လှမ်းကာ စမ်းကြည့်မိပေမဲ့လဲ ဘာစောင်မှ စမ်းမမိ။

"ကျစ်.... စောင်တွေက ဘယ်ရောက်နေသလဲ"

//ထယ်ယောင်း ... သူ့ ဘက်မှာများ အကုန်ဆွဲယူထားလေသလား....//

အတွေးနဲ့အတူ မျက်လုံးမဖွင့်သေးဘဲ သူ့ရှိရာကို မှန်းဆ၍ စမ်းကြည့်မိတော့လဲ ဘာဆိုဘာမှမရှိ...။

စောင်မပြောနဲ့ ချစ်လင်လေးပါ ကုတင်ပေါ်မှာ မရှိတော့တာ။

"ဟာ...Baby က အစောကြီး အောက်ထပ်ဆင်းပြီး မနက်စာများ ပြင်နေပြီလားမသိ...."

အတွေးနဲ့တင် ချစ်စရာကောင်းလွန်းနေသော လင်တော်မောင်လေးကို မြတ်နိုးခြင်းအတိ။

ထို့ကြောင့် Baby အောက်ဆင်းသွားပီဟုသာ ယူဆရင်း Baby ကိုယ်စား ဖက်ထားစရာကို ဖက်လုံးကိုသာဖက်၍ အစားထိုးပြီး ဆက်အိပ်မည်ဟု ကြံစည်ရင်း ဖက်လုံးကို အားရပါးရ လက်နဲ့ လိုက်စမ်းမိပြန်သည်။

မတွေ့ ။

//ဟာ...ဘာလဲ....//

ဘာလို့ ငါ့အနားမှာ...ဘာဆိုဘာမှ မရှိဖြစ်နေတာလဲ...။ဘယ်တွေရောက်နေသလဲ ဖက်လုံးတွေ စောင်တွေက...။