مر اسبوع بكل احداثه مش فيه حاجه تذكر غير ان ريماس بدأت تتجاهل حازم و طبعا اخدت اجازه اسبوعين من المدرسه بحكم تعبها و ساعدها فيها مستر يوسف و رنا كانت دايما بتزورها و يوسف اتعرف علي والدها و كان بيشرحلها في البيت.
مع اذان فجر يوم جديد فتحت ريماس عيونها بتعب صحيت اتوضت و صلت و قعدت تقرا في مصحفها لحد شروق الشمس مسكت تليفونها تتفرج علي صور حازم كالعاده بس لقيت رساله من هيثم.
هيثم: السلام عليكم اخبارك اي
ريماس: وعليكم السلام الحمد لله وحضرتك اخبارك اي
هيثم: تمام الحمد لله بس بلاش حضرتك دي انا اكبر منك بسنتين بس
ريماس: اسفه بس مش بعرف اتكلم غير كدا
هيثم: ولا يهمك عادي انا بس لقيتك مختفيه و مسئلتيش تاني عن الكليه ف قولت اطمن بس
ريماس: شكرا علي السؤال بس انا مش بفتح كتير علشان الدراسه و حكايه الكليه لسه بفكر فيها
هيثم: تمام ربنا يساعدك هسيبك انا تروحي مدرستك
ريماس: لا انا واخده اجازه هنزل الاسبوع الجاي ان شاء الله
هيثم: اكيد طبعا علشان تذاكري براحتك ربنا معاكي
ريماس: لا والله انا تعبانه مش دلع
هيثم: الف سلامه عليكي خير فيكي اي
ريماس: الله يسلمك مفيش انهيار عصبي بس
هيثم: خير اي اللي وصلك لكدا لو مش عاوزه تحكي براحتك بس حاولي تاخدي بالك من نفسك انتي لازم تركزي شويه علي صحتك.
ريماس ارتاحت ليه و حست ان ربنا عوضها بيه يكون اخ ليها ف حكتله عن مشاكلها
هيثم: معقوله اللي حصل دا
ريماس: اه عادي وانا هحاول ابعد عنه
هيثم: بس انتي بتحبيه هتبعدي ازاي
ريماس: هتابعه من بعيد و كفايه عليا اشوفه مبسوط
هيثم: ان شاء الله هيكون من نصيبك او ربنا يعوضك بكل خير
ريماس: ان شاء الله
و قعدوا يحكوا كتير اوووي مع بعض و محسوش بالوقت و ريماس اطمنت ليه جدا و هو اعتبرها اخته الصغيره و كانوا تملي يتكلموا مع بعض تقريبا مش بيفوت يوم غير لما يتكلموا و يطمنوا علي بعض و هو كان بيساعدها في الدراسه و يشجعها.
…………………………………………
عند يوسف
ريماس كانت واحشاه جدا بس مش لاقي حجه يشوفها بيها فكان دايما يروح يقعد عند بيتها عشان يشوفها و لو مره شاف باباها بيتلكك و يطلعلها كان واخد اجازه من المدرسه و الدروس علشان يفضل طول الوقت مراقبها و اتكلم مع باباها في موضوع جوازهم و باباها رحب بيه اووي و شبه وافق بس طبعا مش قايلين حاجه لريماس….
………………………………………
عند حازم
عايش بيرسم حياته مع ايتن و احلام ورديه بس ريماس صعبانه عليه و عاوز يعرف سبب تغيرها بس كل اللي شاغله حياته مع ايتن و شغله و دراسته علشان يقدر يوفرلها كل اللي تحتاجه و مفيش حاجه تعطلهم عن الجواز
………………………………………
عند اميره
مشغوله في دراستها و تخطيطها لأذيه ريماس و ازاي تحبب دكتور منير فيها و تستغل حب رامي لمصلحتها بس لكل ظالم نهايه😉.
…………………………………………
مره احداث عاديه جدا و جه ميعاد امتحانات ريماس و جو من التوتر و القلق في كل البيت و قفلت فونها علشان تركز بس للاسف من كتر القلق تعبت و دخلت المستشفي و اكتشف انها عندها القلب💔 بس صممت انها تكمل الطريق للنهايه و تدخل لامتحانات.
…………………………………
مرت فتره الامتحانات و جه اليوم اللي اتحدد علشان يوسف ييجي مع اهله و كان يوم المفاجأت بالنسبه لريماس لانه يوم ظهور نتيجتها…
#انتهي_البارت
توقعاتكم ريماس هتعمل اي مع يوسف و هتكون جايبه كام و اي هيكون رد فعل حازم و هيثم لما يعرفوا ان يوسف اتقدملها
#مستنيه_توقعاتكم😍
