حازم راح اتقدم لايتن و اهلها رحبوا بيه جدا لانهم كانوا متواصلين مع بعض من زمان و طبعا اتحدد ميعاد الخطوبه و الفرح وكل حاجه ماشيه معاهم تمام و ريماس كانت بتتفرج من بعيد علي وشها ابتسامه علشان شايفه حازم مبسوط و قلبها بينزف لانه هيكون لغيرها و جه اليوم اللي اتحكم فيه علي ريماس بالموت و هو يوم فرح حازم.
******************
عند ايتن….
الام: صباح الخير ياعروسه يلا ياحبيبتي علشان تجهزي لفرحك
ايتن: ياه ياماما اخيرا هكون لحازم و كل فلوسه هتكون ليا
الام: ايوه ياحبيبتي بس خدي بالك كويس لاحسن بنت عمه شكلها بتحبه
ايتن: ههههههههههههه ما انا عارفه انها بتحبه و هتتكسر لما تشوفه معايا انا مش عارفه ازاي الغبي اللي بعته يوم خطوبتها خبط العريس و سابها هي
الام: يلا مش مهم المهم انك هتكوني لحازم
ايتن: ايوه صح ياماما المهم حازم
قامت ايتن و جهزت نفسها وجاتلها الميكب و جهزتلها و استنت حازم
*******************
عند حازم……..
الام: زوما قوم ياحبيبي دا النهارده فرحك
حازم: انا صحيت اهو ياماما و باس ايدها صباح الخير ياست الكل
الام: صباح النور يابني خلاص نويت
حازم: اه يا امي خلاص
الام: بس ريماس
حازم قاطعها: ريماس اختي يا امي و مفتكرش انها شايفاني اكتر من كدا و المشاكل اللي بينا و بينهم و بنتهم اميره دي دا غير اني بحب ايتن و مقتنع بيها.
الام: ربنا يسعدك يابني و هي يرزقها باللي يصونها
حازم: يارب يا امي.
و قام اتوضي و صلي و جهز نفسه و نزل علشان عروسته.
*********************
عند ريماس…………
ريماس صحيت من نومها و دموعها علي خدها و قلبها واجعها لانها مش قادره تتخيل ان حازم هيكون لغيرها. اتوضت و صلت و كلمت رنا.
ريماس: السلام عليكم اذيك يارنا
رنا: ريماس حبيبتي وعليكم السلام انا تمام وانتي
ريماس: تعبانه اووي يارنا مش عارفه هحضر الفرح ازاي.
رنا: بلاش تحضري و قولي انك تعبانه و انا هاجي اقعد معاكي و كمان هيثم مش هيسيبك
ريماس: لا يارنا يعني مش كفايه هتحرم منه كمان عازاني اتحرم من اني اشوفه عريس انا لازم اروح حتي لو هموت بس اشوفه
رنا صعبت عليها صحبتها: خلاص انا هاجي اروح معاكي و كلمي هيثم ييجي هو كمان
ريماس: هيثم هنا من بدري مع حازم تعالي انتي
رنا: خلاص هلبس و مسافه الطريق هكون عندك
ريماس: ماشي سلام
رنا: سلام
وقفلت مع رنا و في الوقت دا دخلت هيثم
هيثم: ريماس انا مش هقولك متزعليش او متروحيش الفرح بس هقولك اني جنبك و عاوزك تكوني قويه
ريماس بتبكي………………
هيثم صعبت عليهف ضمها في حضنه: اهدي بس ان شاء الله كل حاجه هتكون تمام
ريماس: حاسه اني هموت ياهيثم حازم خلاص هيكون لغيري انا تعبانه اووي
هيثم: استهدي بالله و قومي صلي ركعتين قضاء حاجه و ان شاء الله هتكوني كويسه
ريماس: حاضر بس خليك معايا انت و رنا
هيثم: انا عمري ما هسيبك ياقطتي انتي اختي ياهبله
ريماس: ربنا يخليك ليا حبيبي
هيثم: و يخليكي ليا يارب انا هسيبك تصلي و تلبسي و اروح ارن علي رنا
ريماس: الله يسهلوا ياعم اوعدنا يارب😉
هيثم: اتلمي ياجزمه و يلا اخلصي
ريماس: ماشي ماشي يلا هوينا
خرج هيثم و ريماس حضنت صوره حازم
ريماس: بحبك اووي ياحازم و هفضل احبك لاخر يوم في حياتي و شالتها و قامت تلبس
**********************
في قاعه الفرح………………
ريماس ماسكه في هيثم و خايفه تسيبه يغم عليها و ايتن و حازم مبسوطين اووي.
ريماس: انا خايفه
هيثم: متخافيش طول ما انا عايش مفهوم ولا لا
رنا علشان تخفف عنهم: الله الله اي جو الحبيبه دا ماتروحوا تتجوز احسن من كدا
هيثم ضم ريماس اكتر: مالكيش دعوه يارخمه و يلا هوينا
رنا: نعم ياخويا
ريماس: هههههههه خلاص خلاص اهدي انتي هتبلعيه ولا اي وانت ياعم مالكش دعوه بالبت
هيثم: رنا دي روحي بس لو تبطل غيره
رنا: انا مش بغير انا واثقه من نفسي
هيثم: ياواد انت😉
في الوقت دا في واحد كان بيراقب ريماس من بعيد اول ما شافها اعجب بيها جدا
ريماس: بقولكم اي تعالوا نياركلهم و نمشي انا زهقت
هيثم: مابلاش ياريماس
ريماس: لا لازم اروح يلا
وصلوا عند حازم و ايتن
ريماس: مبروك يا ايتن خدي بالك منه
ايتن: متخافيش حازم دا في عنيا و بصوت واطي عند ودنها ''عرفت اخده منك'😉'
ريماس: اتوجعت بس مبينتش
ريماس: مبروك يا زوما و حضنته وكانت مش عاوزه تبعد عن حضنه
حازم: حضنها وحس انه مش عاوز يسيبها و غصب عنه دمعته نزلت و حضن وشها ب ايده. خدي بالك من نفسك ياسمسمه اتفقنا
ريماس: اتفقنا وانت كمان خد بالك من نفسك و طمني عليك دايما.
حازم ضمها ليه تاني: حاضر ياقطتي حاضر
وانتهي الفرح بفرحه و حزنه بس في النهايه تم.
******************
هيثم وصل ريماس و رنا لحد بيت ريماس لان رنا صممت تبات معاها و هو ماشي في الطريق… .
---: لو سمحت يا استاذ
هيثم: نعم حضرتك تعرفني
---:بصراحه لا بس حابب اتعرف علي حضرتك و اختك
هيثم بدهشه: اختي اختي مين
---:ريماس اللي كانت معاك في الفرح
هيثم: نعم انت عاوز من ريماس اي و مين اللي وراك
---: انا مفيش حد باعتني انا معجب جدا بيها و عاوز اتقدملها و قولت ادخل البيت من بابه و اتكلم مع حضرتك الاول
هيثم: ارتاح لانه حس انه صادق في كلامه: تمام قولي اسمك و هسئل عنك و بعدين نشوف الموضوع دا
---:اسمي مصطفي………
هيثم: تمام انا هسئل عنك و اكلم ريماس وبعدين ارد عليك
مصطفي: تمام و شكرا جدا و اسف اني عطلتك
هيثم: لا مفيش داعي للاسف بعد اذنك
و مشيوا كل واحد علي بيته
*****************
عند اميره---------
دكتور منير اعجب بيها و قرر انه يتقدملها و هي فرحت اوووي بكدا بس متعرفش ان مستنيها عذاب و فعلا جه منير اتقدملها و اتخطبوا قبل فرح حازم باسبوع………… ..
***********
انتهي البارت
عاوزه رائيكم و تشجيعكم علشان انزل البارت التاني النهارده😍
