وصل حازم المستشفي بس كانت ريماس في العمليات و رنا بتعيط و هيثم بيحاول يهديها.
حازم: اي اللي حصل حد يرد عليا
هيثم: ريماس اضربت بالنار في وسط الحفله
رنا: كانت مستنيه حفله التخرج دي من زمان و النهارده استنتك كتير تيجي تقف معاها بس للاسف راحت قبل ما تفرح
حازم: لالا مستحيل ريماس هتعيش
في الوقت دا خرج الدكتور و الكل جري عليه
حازم: خير يادكتور ريماس مالها
الدكتور: ادعولها حالتها صعبه اوووي الرصاصه كانت في. مكان خطر دا غير انها عندها القلب
رنا: ارجوك يادكتور دي اختي حاول ترجعهالي تاني
الدكتور: ادعولها بعد اذنكم. و سابهم و مشي
حازم: خدوا بالكم منها شويه وراجع
رنا: وانت من امته بتكون جنبها اصلا. هي اللي طول الوقت جنبك و بتحاول تفرحك لكن انت لا وكمان هتسيبها و هي بتموت و هتمشي انت اي اللي جابك اصلا
هيثم: اهدي يارنا وانت ياحازم روح مكان ما عاوز احنا هناخد بالنا منها
حازم: اي اللي بتقوليه دا يارنا
رنا سابته و راحت تشوف ريماس من ورا الشباك
هيثم: متاخدش في بالك ياحازم رنا اعصابها تعبانه بس
حازم: انا هروح اعاقب اللي عمل كدا و راجع خد بالك منها
هيثم: انت عارف مين اللي عمل كدا
حازم: ايوه سلام
و سابه ومشي قبل مايسمع رده و راح البيت
******************
عند حازم
دخل لقي ايتن بتلم حاجتها
حازم: رايحه فين
ايتن: ماشيه انا نفذت انتقامي خلاص
حازم: و بنتك
ايتن: مش عاوزه اي حاجه تربطني بالعيله دي
حازم: انتي طالق و ورقتك هتوصلك و مش هخليكي تلمحي بنتك تاني
ايتن: احسن بردو بس انتقمت وخلاص انا كدا مرتاحه
حازم: منك لله
*******************
عند اميره….
كانت قاعده في اوضتها و جالها تليفون
المتصل: السلام عليكم حضرتك دا منزل دكتور منير
اميره: عليكم السلام ايوه هو
المتصل: حضرتك دكتور منير عمل حدثه و هو دلوقت في مستشفي---------
اميره بصدمه: اي طيب انا جايه حالا
و غيرت هدومها و راحت المستشفي
…………………… .
في المستشفي
اميره: لو سمحتي في واحد عمل حدثه و جه هنا اسمه منير
الاستقبال: اه يافندم في اوضه---
اميره: شكرا ليكي و طلعت تجري عليه
في الاوضه عند منير
اميره: خير يادكتور حصله اي
الدكتور: هو نزف دم كتير و هنحتاج ليه نقل دم لو الحاله مش استقرت
اميره: استر يارب
***********************
عند ريماس
عدي اكتر من خمس ساعات ولسه الوضع زي ماهو و بعدها بدأت تفوق
ريماس بتعب: ااه انا فين
الممرضه: حمدالله علي السلامه انتي في المستشفي
ريماس: انا اخر حاجه فاكراها اني كنت بستلم الشهاده و بعدين مش حسيت بحاجه هو اي اللي حصل
الممرضه: مفيش حاجه اضربتي بالنار بس ثواني هندهلك الدكتور
ريماس:…………………… .
خرجت الممرضه من عندها و كان حازم و هيثم و رنا موجودين
رنا: ها فاقت
الممرضه ب ابتسامه: اه فاقت هروح انده الدكتور
كلهم في نفس واحد الحمد لله
و بعد ما مشيت الممرضه دخلولها
رنا: حبيبتي حمدالله علي السلامه منه لله اللي كان السبب و بصت لحازم
ريماس: الله يسلمك بس حازم دخله اي بالموضوع
هيثم: بت انتي كل شويه توقعي و تتعبينا انا ضهري وجعني من كتر ما بشيلك خسي شويه
ريماس: هههه بس مش قادره اضحك حرام عليك
حازم: حمدالله علي سلامتك
ريماس: الله يسلمك انت عرفت ازاي
حازم: مش مهم المهم انك بخير بعد اذنكم
و مشي حازم…… ..
