في المدرسه عند ريماس………
ريماس: انا تعبت اووي يارنا النهارده اليوم مقرف اوي و مفيش ولا مستر غايب الكل موجود.
رنا بتعب: وانا كمان تعبت اوي بس مستر يوسف عينه هتطلع عليكي ياجميل.
(يوسف مدرس كيمياء في مدرسه ريماس عنده 29 سنه عيونه زرقاء و شعره بندقي و جسمه رياضي معجب ب ريماس جدا و مستني السنه تعدي علشان يتقدملها)
ريماس: بس يابت بلا يوسف بلا بتاع انا مفيش في قلبي غير زوما ابن عمي و بس و مش هفكر ولا هحب غيره.
رنا: بس انتي بتقولي ان في مشاكل بينكم ازاي بقي هو هيحبك او هيفكر فيكي🤔
ريماس: يا رنا انا مش فارق معايا اي حاجه انا بحبه اووي و ممكن اعمل اي حاجه علشان و المشاكل دي اكيد هييجي يوم و تتحل بس يارب يكون بيحبني هو كمان زي ما بحبه
رنا: ربنا يقدملك اللي فيه الخير بس نصيحتي فكك من حازم لان مستر يوسف هيموت عليكي.
ريماس: بس طيب متوجعيش دماغي انا مصدعه طبيعي و لسه درس سي يوسف دا كمان اللي هنروحه هيصدعني اكتر.
رنا: بتكتم ضحكتها والله الواد هيموت عليكي دا لو كان حبني انا انا كان ممكن اروح اتقدمله دا مززز.
ريماس: طيب امشي قدامي بدل ما اموتك النهارده عاوزين نخلص ام اليوم دا احنا ثانويه عامه يازفته انتي
رنا بقله حيله: ماشي يلا
…………………………………………
عند حازم في الجامعه………..
حازم: ايتن انا تعبت امته نتجوز بقي
ايتن: حبيبي هانت خلاص ياروحي بقولك اي يلا ناكل انا جعانه اوووي
حازم: وانا هموت من الجوع ماتيجي نتجوز بقي
ايتن: هههههه بطل قله ادب انا جعانه بجد
حازم: همك علي بطنك دايما يلا ياختي قدامي انا مش عارف بتودي الاكل فين مش بيظهر عليكي حاجه ابدا
ايتن: طيب يلا بدل ما اكلك وانت واقف😂
…………………………………
عند اميره اخت ريماس
اميره: قاعده سرحانه
سحر: اميره اميره
اميره: ها في اي مالك يابنتي
سحر: مفيش بس شافيه رامي عينه عليكي وانتي بقالك فتره مطنشاه
(رامي زميل اميره في الجامعه و بيحبها اوووي)
اميره: هوف بقي انا عاوزه حد يكون غني عشان يدلعني مش واحد لسه هيبدا من الصفر.
سحر: يابنتي دا بيحبك حرام عليكي.
اميره: فكك فكك انا هحاول اوقع دكتور منير
(منير دكتور غني جدا و مغرور في نفسه و بيكره صنف البنات لسبب هنعرفه مع الوقت😉)
سحر: منير مين انتي اتجننتي انتي عاوزه تنتحري دا مش بيطيق البنات خالص
اميره: مالكيش دعوه انتي المهم انه عنده فلوس و هيعملي كل اللي عازاه.
سحر: طيب و ريماس هتعملي معاها اي.
اميره: هقولك…….……………
سحر بخضه: يانهارك اسود انتي عارفه انتي هتعملي اي
اميره بلامبلاه: اه عارفه هي مينفعش معاها غير كدا اصلا.
سحر: حرام يا اميره دي مهما كان اختك
اميره: انا خلاص خطط للموضوع و مستنيه التنفيذ و في شخص هيساعدني
سحر: مين دا
اميره: هتعرفي بعدين انا هروح علشان صدعت سلام
سحر: سلام…………..
……………………………………………
عدي اليوم بفرحه و قلقه و شره و طلعت شمس يوم جديد ريماس صحيت ب ابتسامتها المعتاده بس وشها قالب علي طماطم من الكسوف صحيت اتوضت و صلت و نزلت علي مدرستها، رنا اول ماشافتها كدا انبهرت بيها لانها كانت عثوله اوووي و هي خدودها محمره🙈
رنا: مش ممكن ريماس اي اللي حصل لخدودك دا
ريماس: بس يارنا انا اللي فيا مكفيني اسكتي خالص و خلي اليوم يعدي
رنا بتكتم ضحكتها: ههههه خلاث خلاث بس قوليلي انتي شوفتي حازم ولا اي
ريماس ب ابتسامه: لا بس شكلي هشوفه قريب هحكيلك في البريك
رنا: ماشي يا اوزعتي يلا بينا…
عدي الوقت و جه البريك….
رنا: ريماس يلا احكيلي بقي حصل اي
ريماس ب ابتسامه: حلمت بيه بس حلم اوله وحش و اخره حلو اووووي و صحيت علي اذان الفجر
رنا: احكي و خلصيني انا عاوزه اعرف شوفتي اي في الحلم
ريماس غمضت عيونها و ابتسمت و حطت راسها علي كتف رنا و بدات تحكي..
فلاش……
ريماس كانت ماشيه في مكان ضلمه بس شافت حازم واقف بعيد عنها و المسافه بينها و بينه كلها شوك
ريماس بعياط و صوت عالي: حااااااااااازم حااااازم تعالي انا خايفه
بس حازم مش سامع.
فضلت ماشيه كتير لحد ما قربت للنهايه و حازم شافها بس كان بينهم مايه لو عدت ممكن تغرق فيها.
حازم: ريماس انتي بتعملي اي هنا و ليه ماشيه في الطريق دا، دا مليان شوك وانتي اتعورتي.
ريماس: مش مهم المهم اني وصلتلك انا محتجالك اوووي
حازم: مينفعش يا ريماس في مشاكل كتير بينا مينفعش تكوني معايا
ريماس بعياط: بس انا بحبك و مستعده اعمل عشانك اي حاجه
حازم: لا يا ريماس انتي مينفعش تكوني معايا لو سمحتي امشي مش عاوز اشوفك تاني
ريماس شافت جرح مكان القلب عند حازم
ريماس: طيب ممكن تمد ايدك اعدي عندك اعالج جرحك و امشي و مش هتشوفني تاني
حازم: قولتلك لا انا هداوي جرحي لنفسي لو سمحتي امشي.
ريماس: حازم وحيات اغلي حاجه عندك خليني اداوي جرحك مدلي ايدك
حازم: هتغرقي لو عديتي امشي بقي
ريماس: مش هغرق طول ما انا ماسكه فيك
مدلها ايده و ريماس مسكتها و غمضت عيونها و عدت ليه
ريماس و قفت قدامه و حضنته و بدات تملس علي حرجه بحب و حنان و هو كان مستغرب هي ليه بتعمل كدا
حازم: ليه يا ريماس ليه بتداوي جرحي و انتي جروحك بتنزف
ريماس: لاني بحبك و بحبك اووي كمان
حازم بدهشه: معقوله انتي يا ريماس انتي بتحبيني للدرجه دي
ريماس هزت راسها بمعني ايوه و شويه و الجرح خف.
ريماس بدموع: انا خلصت و همشي بس خد بالك من نفسك
حازم شاف جرح في قلبها و حط ايده عليه
حازم: هتمشي وانتي بتنزفي!!
ريماس: ايوه عادي انا نزفت كتير مش هتفرق
حازم شدها لحضنها و قعد يطنطب عليها
حازم: انا مستحيل اسيبك بعد ما لاقيتك انتي الوحيده اللي قدرتي تدواي جرحي و مشيتي عشاني الطريق دا كله انا مستحيل افرط فيكي مهما يحصل
ريماس: طيب و المشاكل اللي بينا
حازم حضن وشها ب ايده و بص في عيونها
حازم: مشاكل الدنيا حلها تهون طول ما انتي جنبي و في حضني
ريماس مصدقتش نفسها و رمت نفسها في حضنه
ريماس: بحبك اوووي ياحازم اوعي في يوم تسيبني و تبعد عني
حازم: عمري ما هسيبك ياقلب حازم انا مصدقت لقيتك بعشقك يا قطتي و باس راسها و ضمها اكتر………
باااااااك………………..
ريماس بخجل: بس ياستي هو دا اللي حصل
رنا: هو الحلم غريب شويه و اكيد هنفسره بس انتي مكسوفه اوووي و محمره كدا من حضن في الحلم امال لو كان حقيقي هتعملي اييي😂
ريماس: بس بقي يارنا اسكتي خلينا نشوف الحصه دي
في الوقت دا دخل مستر يوسف و طبعا شاف ريماس و هي محمره و مكسوفه
#انتهي_البارت
تفتكروا اميره هتعمل اي مع ريماس و مين اللي هيساعدها
و يوسف هيتقدم ل ريماس بيحب ريماس فعلا ولا اعجاب بس
و اي تفسير الحلم و اي اللي هيحصل ل ريماس و حازم
و اي ازاي ريماس هتتعرف علي هيثم و هيكون اخوها
#مستنيه رائيكم و توقعاتكم😍
