عدي حوالي شهر و ريماس اتحسنت بس طول الوقت بتفكر في يوسف و قررت انها تفضل لابسه دبلته دايما.
حازم قرب من ريماس لانه كان حاسس انها محتاجه ليه ك اخ و هي بدات تشوف فيه الحب اللي كانت مستنياه من زمان.
هيثم كان تملي يكلمها و بقي صاحبها و اخوها و اوقات كتير كان بيزورها في البيت لانه اتعرف علي حازم و بقيوا اصحاب.
اميره و رامي اتخطبوا بس بعد ما عذبها و عرفها يعني اي حب.
*****************************
في بدايه الدراسه في الجامعه
ريماس: انا مش عارفه حاجه و حاسه اني خايفه
هيثم: بت انا مش قولت قبل كدا بلاش خوف دي كل حاجه هتكون تمام بس انتي بلاش تصاحبي اي حد
حازم: يابني بلاش تخوفها سمسمه حبيبتي خلي بالك من نفسك و اخلعي الدبله لان كل اللي بيشوفك بيفكرك مخطوبه
ريماس: لا ياحازم مش هخلعها انا فعلا محبيتش يوسف بس حبيت واحد تاني و الدبله اللي في ايدي دي مش هخلعها غير لو لبست دبله حبيبي مكانها دي كانت وصيه يوسف و انا لسه مش ناسياه علشان اخلعها.
حازم بدهشه: بتحبي دا مين دا ان شاء الله و عرفتيه امته و ازاي
في الوقت دا وصلت ايتن
ايتن بابسامه: صباح الخير ياجماعه
كلهم: صباح النور
ريماس لحازم بصوت واطي: هي دي ايتن
حازم: اه هي
ايتن: اخبارك ياريماس معلش ياحبيبتي قدر و لطف باذن الله ربنا يعوضك بغيره بس شيلي الدبله دي
ريماس: الحمد لله علي كل حال بس مش هخلع الدبله انا حره
هيثم: بعد اذنكم ياجماعه انا لازم امشي يلا ياريماس عندك محاضره
حازم: سيب ريماس انا هوصلها
ايتن: توصلها ليه ما هو يوصلها او تروح لوحدها
ريماس: متقلقيش يا ابله ايتن انا هروح لوحدي
ايتن: نعم ياختي اي ابله دي
ريماس: اسفه اصلي مش متعوده اتكلم مع حد اكبر مني ممكن تقوليلي اندهك ازاي
ايتن: متندهيش ولا تكلميني اصلا
ريماس: ماشي واسفه اني كلمتك يلا ياهيثم نمشي
هيثم: يلا
*********************
عند اميره و رامي
اميره: رامي انا مخنوقه ممكن نتمشي شويه
رامي: حبيبتي انتي تؤمري بس بالله عليكي بلاش خطط لريماس سيبيها في حالها كفايه اللي هي فيه
اميره: خلاص يارامي انا سكت ربنا ياخدها و نخلص
رامي: اميره مالكيش دعوه بيها انا بقولك اهو
اميره: بقولك اي خد دبلتك انا مش عاوزاك اصلا انا اللي غلطانه اني اتعاطفت معاك و اتخطبتلك.
رمتله الدبله و مشيت
رامي واقف يبص للدبله و المكان اللي كانت واقفه فيه و اتنهد بحزن😢 و قال ربنا يهديكي يا اميره
************************
عند حازم و ايتن
حازم: مالك يا ايتن بتتكلمي مع ريماس كدا ليه
ايتن: لا والله عاوزني اعاملها ازاي يعني دي بتقولي يا ابله
حازم: هي لسه مش عارفاكي و بعدين انتي عارفه ظروفها خليكي حنينه معاها
ايتن: يوووه كل شويه ريماس ريماس انا اتخنقت منها
حازم: انا رايح المحاضره شكلت عاوزه تتخانقي وانا مش ناقص
ايتن في نفسها: ماشي ياريماس انا هوريكي وانت كمان ياحازم
**************
#انتهي_البارت
و مش فيه حزن زي اللي فات
مستنيه رئيكم😍
