#ثلاثيني7
قال لي يلا تصبحي على خير وقولي للحاجه م تنسانا من صالح الدعوات يااخ،قفل الخط وانا والله م عارفه اقول شنو اول مرهه احوج نفسي لزول كدة وم من عاداتي ابداا ،المهماليوم التاني جهزنا نفسنا وشلنا شنطنا ورحلناااا حتى بدون عفش رحلنا،وم كان معانا ولا جنيه علشان نرحل بيهو العفش،لما وصلنا لقينا الكهربه مأمنهه بقينا م عارفين نعمل شنو،اتصلته عليهو قولته ليهو ي مهيد نحن جينا بس الكهربهه م شغاله م عارفه ليه،قال لي طيب انزلي دقي الباب تحت كلميهم هيوصلوها ليكك ،قولته ليهو م بنزل ليهم وانا م بعرفهم يااخي،قال لي دقيقهه،فصل مني شويه كدة رجع لي قال لي ي شهد بتصل على معاويه دة تلفونو مقفول انزلي تحت حتلقي اخواتو وامو سلمي عليهم وقول ليهم انو الكهربه فاصله علشان يوصلوها ليكم،قولته ليهو ي مهيد م بنزل انا يااخي قولته ليكك م بعرفهم😢قال لي ي شهد م حياكلوك حتنزلي تدقي ليهم الباب وتسلمي عليهم وحتحكي ليهم الحاصل وبعدين اخواتو ظريفات زاتهم،قولته ليهو ابيييت ياااخي م بنزل بمشي ليهم ولا شي،قال لي قولتي كدة؟قولته ليهو ايوة طق قفل الخط في وشي،ملك قالت لي خلينا ننزل ليهم ياااخ،قولته ليها انا م ماشه،م تم دقيقتين رجع اتصل علي قال لي معاويه جاي عليكم تمام؟قولته ليهو طيب،قال لي لو احتجتو اي شي اتصلي علي 💕قولته ليهو حااضر، ست البيت م قصرت جات سلمت علينا وادتنا فرشين بي مخداتهم واتظارفت معانا وكل يوم بترفع لينا الشاي،نحن قولنا ليها متفقين مع بتاع دفار بس م عارفين مالو اتأخر،وطبعا حبل الكذب قصيير،عدى يوم واتنين وتلاتهه واسبوع والحال من بعضو ،وبراءة العشمانه فيها امي خبرنا م جابتو،وانا مهيد تواصلو معي بقى بس في حدود بسألني كيفكم،مرتاحين ،او عايزين حاجه وكذاا؟انا بقول ليهو تمام الحمدلله طبعا م جبته ليهو سيرة انو نحن م رحلنا العفش فكان كل م يقول لي جاايكم اسلم عليكم وكدة انا بقول ليهو لا م بحتاج م ضروري تجي والله نحن بخييير م عندنا عوجه،لغااايهه م في يوووم في الجامعه رسل لي قال لي شهد انا المساء جااي اسلم عليكم وبالمره عايزكك في موضوع بتاع شغل كدة ياااخ،طبعا خلاص قلبي عمل شحح وانا خلاص فترته وانا بطلع ليهو بي جاي وبدخل ليهو بي جاي،قولته ليه. امممممم مهييد ؟قال لي ايوة،قولته ليهو عايزة اقول ليكك حاجهه لكن م تزعل مني لاني م حكيت ليك،قال لي قولي ي شهد في شنووو؟قولته ليهو نحن العفش لسه ن رحلناهو معانا علشان بتاع الدفار المتفقين معاه عربيتو في الصيانهه لسهه فبس دة السبب،قال لي لا حولااا ي شهد انتي م جادة طبعا؟انتو اسي رحلتو تقريبا عندكم شهر وقاعدين في الارض؟قولته ليهو م في الارض ست البيت م قصرت معانا ادتنا فرشات وحفاظه مويه وكذاا،قال لي حتى ولو ي شهد برضو عندكم إحتياجات تانيه ،لييهه م كلمتيني انا عندي اصحابي كتااار شغالين في عربات النقل دي ممكن اكلم ليكم واحد منهم،قولته ليهو لا م يحتاج شكرا،قال لي شهد م تنشفي راسكك انتي ،قولته ليهو م منشفهه راسي اوكيه بس ي مهيييد انت م قصرتهه معانا وجميلك فوق راسنااا بس لغاايه هنا استوب خلاص نحن بنعرف نظبط امورنا بنفسنااا فشنوو م تشيل همنااا ولا اي شي وم كل مره تقول لي انا هساعدكم وانا هفعل ليكم،قال لي شهد بطلي انا اهم شي عندي راحتكك بس كمان راحة اهلك اهم،وطالما انا بقدر اساعد م تمنعيني من الحاجه دي ،وبعدين م تبقي انانيهه يااخ هتخلي اهلك يكونو نايمين على الأرض كدة كيف؟قولته ليهو انانيهه؟طيب سميها انانيهه بس برضو م هوافق ي مهيد،قال لي طيب ي شهد انا بكلم ليكم الزول انتو ادوهو حق الجاز بس لانو بعرفني وكدة،قولته ليهو مش من طرفكك؟برضو م هوافق بيهو،قال لي طيب ي شهد انا بعدين بجي عليكم نتفاهم في الموضوع دة،قولته ليهو لا م تجي ي مهيييد😢قال لي شهد طيب م بدخل البيت بس بقيف بره اسلم على الوالدة واتكلم معاك شويه وخلاص،قولته ليهو لا م تجي يااااخ😭👊💔قال لي طيب تمام ي ستي،قولته ليهو انت زعلتهه؟قال لي لا م زعلته وطلع،قولته ليهو طيب حتجي تقعد في الأرض عاادي؟م ردة لي،رجعته البيت حكيت لي ملك قالت لي شهد م تبقي بايخه خليهو يجي يخخخ،قولته ليها بجد؟قالت لي والله،شلته التلفون اتصلته عليهو ،قال لي ي شهد كيف تمام؟قولته ليعو تمام الحمدلله اسمع بطل نفسنهه وتعال ياخ م تزعل والله م قصدي شي،قال لي والله ي شهد م زعلته بس عندي صحبي ابوهو اتوفى مشيت ليهو واسي راجع على البيت لكن لو لقيت طريقه بجي عليكم ان شاءالله،قولته ليهو ربنا يرحمو ان شاءالله ي رب،،المهم قفلته منو وفرشنا فرشاتنا ورتبناها ورسلنا اليييف جابت بيبسي وااحد وجات ،بالفعل حوالي الساعه7كدة اتصل علي قال لي نومتو ولا اجي؟قولته ليهو لا تعال،قال لي طيب انا في شارع البي،بعد ربع ساعه كدة وصل والله كنت خجلانهه وداخلهه في ظفوري لأنو حيقعد في الأرض،وعلى العليهو جاب معاهو صحبو امجد والظريفهه اول م وصلو ،طبعا مهيد م بصافح سلمته على امجد بس مهيد سلم على ملك عادي وعلى امي برضو عاادي،قبل كدة قال لي م بصافح بس م بحب احرج زول في نفس الوقت هههههههههههههههههههههه،المهم كانو جايبين معاهم كيس ادوهو لي ملك وعلى طوول قعدو في الارض قبل م نقول ليهم اتفضلو حتى شكلو عملو كدة علشان م نتحسس وكدة،كنا حاسبين حساب مهيد بس في البيبسي انا سوقته اليف ونزلته جبته بيبسي لي امجد،جيت راجعه لقيتهم بتونسو وبضحكو مع امي وملك،قال لي اها ي شهد موضوع العفش دة اكلم صحبي؟قولته ليهو مهيد اتكلمته معاك قبيل والموضوع منتهي،قال لي امي والله عندك بت عنيدة عنادة يااخي،امي قالت ليهو لت والله انت م قصرته ي ولدي يااخي ان شاءالله ربنا يقدرنا ونساديكك ان شاءالله،،قعدنا اتونسناا كدااا بعدها مهيد طلع وقف جنب البلكونهه وانا كنت قاعدة بإتجاه امجد،وبقى بنادي في هيام بصوت وااطي قامت مشت عليهو اتكلم معاها كدااا بصوت واطي بعدها جا راجع كمل ونستو ،بعدها قام قال لي امجد ي امجد انت م ناوي تعزم الجماعه ديل عرس اختكك ولا شنو ؟امجد قال ليهو كيف ياخ والله م ببقى بلاهم كمان الجمعه الجايه ان شاءالله ي جماعه عرس اختي بس بدون حفلات وربه والكلام دة لانو عندنا عمنا متوفي قريب،امي قالت ليهو ان شاءالله ي ولدي ربنا يتم ليها على خيير وعقبالكم كدة ان شاءالله ي رب،مهيد قال ليها اميييين قريب ان شاءالله بس الواحد لا داير حنه لا داير حفله بس حاجه كدة على خفيف والسلام،ملك قالت ليهو كيف يعني حنه ماف؟تتحنن غصب طبعا واصحابك المصاحبنكك العمر كلو ديل حيفرحو بعرسكك كيف؟قولته ليها ئهه دة منفسن سااي م تسمعي كلامو دة بكره العروس تقول ليهو عايزة وعايزة تلقيهو في نص الحفلهه ببشر،قال لي لا هو كل شي عايزاه العروس ببقى لكن بدون حفلات وحنهه والكلام دة،قولته ليهو ودة يتسمى عرس يعني؟احمد قال لي شهد م تركزي نحن بعدين حنحننو غصبا عنو بس هو يثبت على راي واحد😂😂👊💔قولته ليهو ان شاءالله💕قال ليهو انت ي امجد شكلها الونسهه عجبتكك قوم ارح ي اخوي الزمن اتاخر وبكره ورانا صحيه بدري،امي قالت ليهو م تمشو واقعدو شويه بس قالو ماشين،بعد م مشو ،يااخي انا بقيت معقدة منوو شديد وموضوع انو دفعنا القروش دة معقدني اكتر ،ملك قالت لي طبعا لما ناداني في البلكونه اداني قروش وقال لي شهد دي م تشتغلي بيها مجنونه ومعقدة ساي وانتو بعد.كدة بقيتو زي اخواتي امسكيها اديها للوالدة بعد انا امشي لكن م تكلمي شهد ،بس انا ابيت وقولته ليهو والله معانا قروش،حلف وانا حلفته ،قال لي متاكدة ،قولته ليعو ايوة،وعلى كدة إقتنع،رسلته ليهو قولته ليهو تاني عملته حركتكك البايخه واديت ملك قروش صح؟رسل لي ضحكك وقال لي قروش شنو يخخ انا زاتي مفلس وفايت الشحاد بدرجهه،قولته ليهو ملك حكت لي😑👊💔قال لي ملك الا كان بتتخيل والله😌 قولته ليهو مهيد ممكن اقول ليك حاجهه؟قال لي احكي،قولته ليهو في يوم من الايام لو انا اشتغلتهه ممكن اسدد ليك القروش دي على شكل دفع يعني جزؤ جزؤ حتى لو قليل حتقبلو؟علشان انا الموضوع دة مضايقني شديد وم متعودة على كدة والله العظيم😭👊💔قال لي شهد لاحظته ليك انتي متحسسه بس والله العظيم الموضوع عادي وانا لما ساعدتكم ساعدته علشان عارف ظروف البلد دي تمام،وكمان انتي وملك بنات يعني عادي ممكن تبقو من البنات اياهم وتمشو شمال في النعايه الغايه تبرر الوسيله بس انتو م هتعملو كدة لانو في بنات كتاار الظروف جبرتهم يعملو كدة ولو لقو زول ساعدهم م بصلو للمواصيل دي،وي ستي علشان م تضايقي وتفضلي متحسسهه انا موافق القروش دي اعتبريها دين لمدة عشرة سنهه،لمن انتي تخلصي دراستكك وتبقي شهد الكلنا عايزين نشوفها بعداك ممكن اشيلها منك وعلى اقل من مهلتكك كمان،قولته ليهو عشره سنه وقتها انا هكون عرسته وجبته اولاد اقول لي راجلي في زول زمان عندو عندي دين علشان يطلقني😆قال لي انا هكون لسسه م اتزوجته يلا يسددوها لي اولادكك،قولته ليهو يعني حتتزوج بعد عشرة سنه لي قدام؟😂قال لي اااي لانو لسسه عندي حجات كتيرهه في الحياة دي مفروض اصل ليها غير العرس،قولته ليهو اممممم،قال لي اسي داير اكبر وكاله السفر حقتي دي في الوقت الحالي بعدين كل شي ربنا يسهلو ان شاءالله والزوله العايزاني قالت حتنتظرني عايز شنو اكتر من كدة،قولته ليهو طيب ظريف بس حتنتظركك 10سنوات😂👊💔قال لي اي ،قولته ليهو ي سلااام حبيتهااا ياخي بس م تخزلها ياااخ وتبقى من الرجال ايااهم،قال لي لا ي زوله متمسكك بيها شديد اناااا بس خليت ليها الخيار بتاع لو جاها الاحسن مني م تنتظرني 😍قولته ليهو ربنا يخليكم لبعض ان شاءالله ي رب💕قال لي اميين ادعي لينا بس ي صحبتي،قفلته منو بس حسيت كدة بشويه غيظ عادي،عدينا حكايه بتاعه تلاته شهور ،في يوم قاعدة مع هديل واسيل في الجامعه فجأهه هديا جاتها مكالمه ردت وقالت"الوو ،ايوة ي امي ،والله نزلته الإعلان بس م شايفه واحدة رسلت لي وقالت عايزة تشتغل الشغل دة وكدة،طيب تمام يلا ،بعد م قفلت قالت اوووففف،اسيل قالت ليها لسسه م لقيتي مودل لي امكك؟قالت ليها والله لسسهه يااخ ،قولته ليها موديل لشنوو؟قالت لي لي جلسه تصوير امي عندها فساتين عايزة تعرضهم وكذااا،قولته ليها اهااا ظريف طيل،رجعته البيت بالليل وانا بفكر قولته بسس على طول اتصلته على هديل لقيت رقمها مشغول،تاني اتصلته لقيتو مشغول فصلته شويه كدة رجعت لي قالت لي مالك دايرة تخربي ام قصه حبي باقي اليوم دة ابقى مطلقهه،قولته ليها هديل انا ممكن ابقى موديل لي امكك جادة معاك والله،قالت لي شهد شربتي شنو انتي غير المويه لما رجعتي بيتككم؟قولته ليها انا جادة ع فكره ياااخ والله مفلسه ومحتاجهه قروش بس ان شاءالله امك قروشها حنينهه،قالت لي بجد انتي موافقهه؟قولته ليها ااايوة،قالت لي طيب ظاابط بكلمها واشوف بتديك كم في جلسه التصوير الواحدة حيييهه حليتي لي مشكلهه😍😘💕قولته ليها ظريف😘💕كنت خايفهه ومترددة بس يلا اتوكلته على الله ومشيت الجلسه الاولى ظبطوني والفستان الاول كان حلوو شديد،وبكدة عملته كم جلسه وامها م قصرت معي ادتني تلاته الف على اربعهه جلسات كيفتني شديد جبنا منها العفش وخليت الباقي مصاريف لينا في البيت،وعدت الايام وحالنا كان ماشي م كعب وم كويس وسط ،وانا كل م كان يجيني شغل بتاع موديلز بشتغل فيهو ،وعلاقتي مع مهيد بقت محدودة يعني هو بتجاهلني وم بحب يتكلم معي كتيير اي نعم الحاجه دي كانت بتغيظني بس بتراجع وبقول مع نفسو،في يوم رسلته ليهو م ردة،عاتبتو ،اعتزر لي قال لي مشغول بس م اكتر،المره التانيه كان عندي امتحان برضو في يوم بندردش حكيت ليهو بموضوع الإمتحانات وكدة هو م اهتم ولا سالني ولا جاب خبري لغايه م خلصتهه م سألني وانا كل مره اتغاظ واقول تاني م هريل ليهو ولو رسل م حارد اساسا هو م مجبور يسال ويسال ليه اساسا يعني؟بقيت اتعامل معاه بنشاف وكل زول فينا بقى في حالو،عدت الفترة وبراءة رسلت لينا اول حاجهه عملناها دفعنا قروش البيت علشان م نتسيك،بعدها قولته لي امي شوفي ي امي انتي قومي اعملي تجارة هنا في البيت الحي دة شكلو م فيهو تاجرات،يعني جيبي تياب الهزاز والريحه واعملي دلكه وملابس نسوان ،وخلي انا وملك نجيب حجات البنات والميك اب ونعمل تجاره حنينه والناس هتشيل والله،قالت لي دايرات راس مال،قولته ليها البنى من طوبه نبدا من الصفر ومالو بالبسيط نبدا بس،قالت لي طيب ان شاءالله،وبالفعل دة الحصل امي بدت بكم توب هزاز وعملت بخور ودلكه وريحهه طلعت بيهم اسبوع وبعد كدة الناس بقت تجيها في البيت ويقولو عايزين حجات،شبه ربنا فتحها علينا وامورنا بدت تظبط،في يوم بتونس مع مهيد قولته موضوع فتح موضوع قال لي عارفه ي شهد انا م حصل جاتني هديه ولا حتى من اصحابي م بتزكر ياخ انا في عيد ميلادي م بتزكر في زول قال لي كل سنه وانت طيب،قولته ليهو بسم الله ماشاءالله عليك كيس جوافهه انت😂😂قال لي ومعفن كمان ههههههههههههههههههههههههههه ،عدت علينا فترة علاقتنا بقت ظريفه هو برسل وبسال علي دايما وكدة،في يوم فتحته الانبوكس بتاعي لقيت امجد صحبو مرسل لي عندو حكايه بتاعه شهر تقريبا ،على طوووول وافقته ورديت عليهو،بقى يتونس معاي وكدة،بعد اسبوع في يوم صحيت الساعه 3صباحا فتحته تلفوني لقيت رساله من مهيد رديت عليهو،مهيد.كان اون لاين فجاهه طلع وفي نفس اللحظه رسل لي امجد استغربته طبعا حسيت بي انو في حاجه م طبيعيه م رديت ليهو الا اليوم التاني الصباح،واثناء م انا بتكلم مع امجد مهيد رسل لي،م رديت عليهو،تاني رسل لي "هي ها"نظام انا بتكلم مع احمد وكدة،هنا اتاكدته انو في حاجه غلط ،وتقريبا هم بحاولو يباصوني لبعض لانو انا م قولته لمعيد انو امجد متواصل معي او كذاا،زعلتهه وإتخنقتهه شديد ،قولته اواجه معيد،تاني قولته لا هعمل روحي م فاهمه حاجه،بتكلم مع امجد فجاهه اتصل علي مسنجر،م رديت،بعدها رسلته ليهو المكالمه دي جات غلط صح؟قال لي لا وين انتي في الجامعه؟قولته ليهو لا في بيتناا،قال لي طيب بعد المغرب اجهزي بجي اسوقكك مشوار،م فتحته الرساله قريتها من الستارهع وعملته نفسي م شايفاها،وفي نفس اليوم داك واصلته ونستي مع مهييد عاادي بس بقيت بتغاااظ منو ومن حركاتو وشديد كمان،وفي نفس الوقت بحب ونستي معاه تطول بس هو عكس كدة كان بختصرني،في يوم اتصل علي قال لي ي شهد مش بتعرفي تستخدمي الكمبيوتر وكدة؟قولته ليهو ايوة،قال لي ظريف يااخي عايزكك تشتغلي معي في الوكاله حقتي مش انتي الفترة دي مؤجزة؟قولته ليهو ايوة،قال لي خلاص تمام اول م ابقى عليك بديكك تلفون وانا جادي عشان م بثق في زول غيركك تمام؟قولته ليهو طيب ماشي،في يوم حلمته حلم قبيح شديد،وانو هو عمل حاادث اثناء م قاطع الظلط وككدة والحادث حصل قدامي وانا صحيت مخلوعهه بقيت ماشه وجايه في البيت وتلفوني شحنو خلصان دخلته اتوضيت صليت لي ركعتين واستغفرته وتاني للصباح م جاني نوووم ابدااااا،الصباح رسلته ليهو مهيد ممكن اطلب منكك ططلب؟قال لي من غير ممكن اتفضلي،قولته ليهو ممكن تخلي بالك من نفسكك؟يعني سواء كنت في الشارع او غيرو وم تستخدم التلفون وانت قاطع الزلط يااخ😭عارفه هتشوف كلامي دة غريب وانت زول كبير م محتاج يوصوك على نفسكك بس ممكن ؟انا عارفه انو انا يمكن اكون بالنسبه ليك صفر على الشمال بس علشان البحبوك كلهم يااخي،اول م ردة لي قال لي شهد انتي حبيتيني ولا شنوو ي زولهه😂😂😂بعدين انا شديد ولضيض ان شاءالله م بتجيني عوجه بس نفسي مرقت من البلد دي وعايز اساافر البلد دي امورها بقت جايطه وم بتتعاش ،قولته ليهو يحبكك كلب سعران ي متخلف احب فيك شنو ها😑😒👊💔وبعدين هتسافر وين😢م تسافر يااخ اي نعم البلد دي يمكن صعبهه بس بتتعاش😢😔قال لي شايفهه اهو انتي كدة حبيتيني عديل يلا بساافر😂👊💔قولته ليهو عاارف؟انا اصلا متخلفهه وحيوانهه لاني بوصيك على نفسك انت حرر ساافر،وكمان شنطتكك انا بجيبها ليك في المطار م تتعب نفسكك تشيلها هااااا😌😌😌😌ضحكك قال لي حااضر،يااخي غيااظ وفيهو بروود يقرف الكااافر،عندي شغل اشتغلتو وإستلمته قروشو مشيت مع ملك جبته على الله فظييعه لونها بيجي،وجبته سااعهه وجبته طاقيتين،كان باقي لعيد الضحيهه حكايه بتاعه شهر كدة ،جبتهم دخلتهم الدولاب،ومشيت جبته علبه بتاعه هدايا كبيره رصيتهم فيها ،وضفته ليهم برطمان بتاع ورق بكدة قروشي خلصت فضل لي العطر وكيس الهدايا قولته قريب للعيد ان شاءالله بظبط موضوع العطر والكيس وبديهم ليهو وكنت مبسوووطهه بيهم شديد خصوصا انو انا أول واحدة حأهديهو هديهه😍🙈 في يوم دخلته الوتساب لقيتو كاتب في الإستوري بتاعتو"زولهه شهتني العرس"على طول عندي صورة بتاعه يس صحبي رفعتها استوري وكتبتهه عليهو الدنيا دي كلها في كفهه وانت بس في كفهه تانيهه خالص هههه🙈وبقيت يوومي بنزل في صغحتي كتابات رومانسيهه احساس انو انا عايشه قصهه حب وكدة مع انو ماف اي حاجه من دة بس فجاهه تصرفاتي بقت هبلهه ومحور تصرفاتي كلها بقت ردود افعال من حركان مهيد معي،حتى هو بقى لما يرسل لي او يتصل م برد ولو رديت برد رد بااارد وعادي،وفجاهه الفتهه ليهو قصهه خياليه بي انو انا كنت مرتبطه بي واحد وإنفصلنا واسي رجع تاني وانا اديتو فرصهه و..بقيت سافهاهو شديد حتى م برد عليهو ابدااا،بقى متواصل مع ملك وبسالها عني وعن احوال ناس البيت وكدة،قبل العيد بي اسبوعين براءة كانت عندها فترة مستقره في قطر رسلت زياره لي امي وملك علشان اليف كانت عندها امتحانات وماف طريقهه نمشي كلناا،قولته لي امي نحن بنقعد برانا وبنقفل علينا باب الشقهه بس م اكتر،امي كانت رافضه الفكرهه شديد بس ملك اصرت عليها وانا برضو فإقتنعت اصلا كانت فتره كم يوم وحيجو راجعين ،وانا قولته ليها بضرب للبنات يجو يقعدو معاي وبالفعل بعد.م سافرو جاتني هديل واسيل قعدو معي كم يوم،في يوم قولته لي هديل يااخي مهيد دة غيااظ خلاص وعلى العليهو باارد قدر م سفهتو واتجاوزتو برضو م فارق معاه شي،قبل يومين جاب لي كيس فيهو حجات كتيره سلامو ووقفتو م اخدت دقيقتين بس قال لي كيفكم تمام الحمدلله طيب اتفضلي الكيس دة وانا جاي في طريق بيتكم قولته اغشاكم اشوفكم واتطمن عليكم كيف ،اذا محتاجين اي حاجه إتصلي علي ماشي ؟وبس،😢👊💔قالت لي ي بت يعني اكتر من كدة يعمل شنو مثلا؟وبعدين مهيد دة بس متماسك شديد شخصيتو تهببل زاتها يااخ وبتعجب افضل من الراجل الخفيف زي شاي البكى، المهم انتي خليك كدة سافهاهو وزي م قولته ليك عيشي دور المرتبطه العايشهه قصصهه حب عنيفهه ،قولته ليها وبعدين اصلا م بهمني يهتم او لا انا مالي،قالت لي شهد انتي كدة فكري بينكك وبين نفسكك لييه بتعملي كدة؟عايزاه يهتم بيك كصديق ولا انتي جواك في حاجه تانيه مخلياك تعملي دة كلوو🌚،قولته ليها بري ماف اي حاجهه والله من الفي بالك بس بتغااظ منو سااي بس هو بارد وغيااظ بس هههه،قالت لي عارفه ي شهد اصعب شي العلاقه الما عندها اسم دي بتكون فيها غيرهه ومهاترات وصراعات من طرف واحد والتاني اصلا م مهتم فبالتالي بتكون مرهقهه ومهلكهه بجد علشان كدة اقعدي مع نفسكك وبرواقهه شوفي مهيد دة هو جواك عبارهه عن شنو بالظبط لانو ي شهد انا بعرفكك عمرو م حصل زول فرق معاك كدة نحن عندنا اربعه سنه بنقرا في جامعهه واحدة هاااااا،قولته ليها خلاص م ارقي بطلي هبالهه وفلسفهه واكلي 😒بس كلام هديل كان في محلو ليه هو فارق معي مع انو هو صحبي بس م اكتر وانا ليه بتصرف معاه كدة،بس برضو اصريت على موقفي لسه وبقيت بتمادى في إستوريهاتي وبوستات الفيس حقتي الرومانسيهه كانو انا عايشاها بجد،في،قبل م ناس امي يرجعو السودان بيومين امي اتصلت علي قالت لي صحباتك معاك؟قولته ليها واحدة رجعت امس وواحدة الليله لانو اسيل امها عيانه اخوها عبدو شويه متعصب،قالت لي خلاص م مشكله اقفلي بيبانكم عليكم كويس وم تطلعي باليل الدكان ولا غيرو فاهمهه؟قولته ليها طيب حاضر م تخافي بتكك بي 100رااجل بس ي حجهه قولي لي ملك م تنسى تجيب لي الحجات القولتهم ليها علبه المكياج واهم شي الساعهه والعطر يكون فيزاتشي او دارج وكمان الكيس عايزاهو يكون اسوود بس يكون فخم كدة😍😘💕ملك قالت ليها قولي ليها فهمت كررت لي الكلام دة جغلميهه مرهه😂👊💔قولته ليها طيب بس برضو م تنسي،امي قالت لي م تنسي تقفلي بيبانكم عليكم انتي خليك من ملك نحن ان شاءالله بكره بنقطع تزاكرنا وبعد بكره معاكم 👊💔قولته ليها حااضر ي حجهه،بعد خلصته مكالمه مشيت طلعته علبه الهدايا عاينته ليها كداا قولته لنفسي والله زوقكك عالي علا ي شهد وبعلي منكك انتي بس فديتكك😘😍😌طلعته بره لقيت مهيد متصل علي م رديت عليهو،رسل لي مسنجر برضو عملته نفسي م شايفه،وفي نفس اللحظه دي نزلته بوست كتبتهه فيهو"وي حلات غيرتو علي وهو هارشني وبقول لي انتي حقتي انا وبس فاهمهه ههههههه🙈💕الساعه كانت 7مع اذا المغرب كدة،صليت المغرب وشغلته التلفزيون اليف كانت قاعدة تحضر جنبي فجاهه نامت شلتها دخلتها غرفتهاا وطلعته وجيت قعدتهه احضر عملته لي صحن اندومي وبقيت اكل واحضر،فجاهه جرس الباب ضرب ،قمته مشيت فتحته الباب إتفاجاتهه بي مهيد واقف في وشي،قولته ليهو بي إستغرااب اهليين مهييد كيفكك؟قال لي تمام الحمدلله انت كيفكم؟قولته ليهو بخير م عندنا عوجهه،إنبسطتهه بشوفتو مع انو امي لما قامت ماشه كلمتو ووصتو علينا قالت ليهو خلي بالك من اخواتك ديل لمن ارجع عليك الله ،قال ليها م بتجيهم عوجه ان شاءالله هو كان بتصل وبسأل على الدوام اذا محتاجين حاجه او كدة بس انا كنت سافهاهو شديد،قال لي انا م بقدر اجي البيت علشان انتو براكم وممكن الناس تفهم غلط حتى لما جا مرتين جاب لينا حجات المره الاولى طلعته ليهو انا وقولته ليهو م تكلف نفسكك تجيب لينا حاجه تاني والله م عايزين شي،المره التانيه بعد م وصل قال لي خلي اليف تنزل تستلم مني الحجات دي وتطلع انتي م تجي وبالفعل دة الحصل، وانا اساسا م كنت برد عليهو في اغلب الاوقات،قولته ليهو اتفضل،دخل قعد في الكنبه قال لي اليف وين؟قولته ليهو ناايمه كانت بتزاكر وحضرت شويه واسي دخلت نامت ،،لبسته طرحتي لاحظته لي ملامح وشو كانت متغيره وم طبيعيه،قولته ليهو كيف مع الشغل؟م ردة لي،جبته ليهو مويه لقيتو خاتي يدو في جبهتو وبمرر فيها كانو بدلك فيها وكدة،قولته ليهو مصدع ولا شنوو؟قال لي اي والله مصدع شويهه حتى عيونو لونها كان متغير،قولته ليهو هعمل ليك كبايه قهوة تشيل منكك الصداع دة،قال لي لا انا ماشي زاتي بس قولته اجي اطل عليكم لانو بتصل عليك م بتردي،تلفوني كان قاعد قدامو عملته روحي مطنشه قولته ليهو القهوة م بتاخد خمسه دقايق ثواني وبطلعها ليك،بالفعل خمسه دقايق جبته ليهو القهوة،ومسك تلفونو قال لي تلفوني قفل ممكن تلفونكك دقيقهه اعمل مكالمهه؟قولته ليهو شيلي ياهو قدامكك م عامله ليهو نمط انا😂💔شال التلفون فتحو عاين فيهو مساافهه بعدها رجعو،طبعا انا نسيت انو هو رسل لي واتصل قبل م يجي بشويه وانا م رديت وخليت الرسايل والمكالمات معلقهه في الستارهه،قولته ليهو امم خليتو؟قال لي نسيت الرقم جيبي لي شاحن بس لو عندكك،قولته ليهو طيب ،دخلته غرفتي شلته الشاحن جا وقف لي في باب الغرفه،طبعا انا زاتي إتخلعتهه بس اتماسكته قولته ليهو دة الشاحن،قال لي شهد انتي م بتردي علي لييهه؟قولته ليهو اممم متين م شوفته محاداثاتكك والله،قال لي بس هي ظاهره في تلفونكك اسي،قولته ليهو معناها م انتبهتهه كنت بنضف ،قال لي حبيبكك هو المانعكك من انو تتواصلي معي وكدة صح؟قولته ليهو ههه هو منو؟وبعدين تعال نطلع برهه وصل تلفونك في الشاحن ونتفاهم عايزة اطلع بسرعهه لزاني ورجعني جوة ودخل وقفل علينا الباب وقال لي ليه م نتفاهم هناا ،قولتهه ليهو بخلعهه مهيييد انت جنيييت ولا حاجهه ؟قرب مني ومسكني بكل قوتو قال لي بتفضليهو علي ي شهد؟؟...
#نتلاقى♡
