#ثلاثيني27
سكتت مساافهه بعدها قولته ليهو مهييد،قال لي روحو،قولته ليهو انت بتعمل كل دهه ليهه؟ضماني عليهو اكتر وباسني في راسي مسااافهه وقال لي عشان كل حاجهه في الحياة دي بالنسبهه لي هي انتي،رفعته راسي عاينته ليهو قولته ليهو بس انت م مجبور تستحملنيي؟خته يدو في خدي وقال لي ومنو القال ليك انا بعمل كدة عشان مجبور؟انا بعمل كدة عشان عايز نكمل مع بعض م نفسي نبعد وم نفسي في يوم اشوفكك بتبكي او بتعاني فهمتي؟؟رجعته رقدته في حضنوو وانا سااااكتهه ،اليوم التاني م مشى الشغل فضل قاعد في البيت عشاني ههههه🙈
في الجانب التاني امي وهي في البيت جاتها مكالمه اول م شافت الرقم فصلت الخط في وشو،تاني رجع اتصل ،تاني فصلت الخط،فجأهه جاتها مسج محتواها "داير اتكلم معاك في موضوع ضروري واسألك انتي عندك بت اسمها شههد؟"في اللحظهه دي امي قلبها طاار ومن الخلعه لقت نفسها متصلهه على الرقم،اول م رد قالت ليهو بتعرف شهد بتي من ويين انت؟قال ليها كدة اول قولي السلام عليكم،قالت ليهو داااير شنو وجاوبني بتعرف شهد بتي من ويين؟قال ليها ممكن نتلاقى ونقعد نتفاهم؟قالت ليهو انا كلمتك قبل كدة م دايره اي تفاهم او تواصل معاك او مع غيرك انا بقيت زوله في حالي ،قال ليها وانا عشان عارفك زوله في حالكك عرضتهه علي...امي قاطعتو قالت ليهو وانا قولته ليك م موافقه وانا م زوله عرس انا عندي بنات بربي فيهم وبسسس،لكن برضو م قولته لي بتعرف شهد بتي من ويييين؟قال ليها من غير م الف وادور معاك ي بت الحلال شهد بتك مرت ولد اخوي لزم شايفهه الصدف دي كييف،قالت ليهو بي خوفهه شنووووو؟كيف يعنيي؟قال ليها زي م قولته ليك حتى انا عرفته الموضوع دة بالصدفهه من بتي لأنها شافتك قبل كدة في صورة وشافتك في بيت البكى وجات حكت لي،قالت ليهو لا إله الا الله محمد رسووول شنووو،بتككك،يعني الموضوع وصل شهد،وصل شهد الموضوع؟قال ليها م عندي علم إذا وصلها او لا وانا م متصل عليك عشان دة كلوو،انا متصل عليك عشان اقول ليك انو انا...امي قاطعتو وقالت ليهو إنو انت طلقته مرتك عشان تتزوجني صح؟وانا لسسه بقول ليك لأ ي الصادق لأ،انا ابدا م موافقه وإستحاله اوافق على حاجه زي دي،اسمع كلامي دة كويس خراب البيوت ساااهل لكن عمارها صعب قبل م تطلق مرتك فككر في اولادك وفي بيتك وفي الممكن يحصل فيهم ،انا دي اصلا الظروف جبرتني اشتغل كدة ولمتني بيكك ونفس الظروف دي خلتني اخلي الشغلهه دي وارمي قشتها لأنها لا بتقدم ولا بتأخر بس انا طالبه منك شي وااحد حلفتك بالذي سواك م تخلي الموضوع دة يصل لراجل بتي او بتي م دايره بتي بيتها يتخرب بسببي ولأنو بتي عمرها م ختت فيني الشينهه ،قال ليها العفو ياخ انا ابدا م بستغل حته زي دي عشان استفزك بيها ي سوسن بالرقم من كل شي بيني وبينكك الإحترام والله الموضوع دة انا حااافر ليهو حفرهه ودافنو لكن..قاطعتو وقالت ليهو وي رييت م ترجع تتصل علي مرهه تانيه وقفلت الخط في وشو،ووقعت في الأرض،على صوت الوقعه ملك جات طالعه وبقت تصرخ امي،مالك ي امي شنو ي امي..
