#ثلاثيني18
م اظن في إختبار اسوا من إنو إنت تصبح على واقع إنو امكك مرافقهه للرجال بتبيع نفسها للغاشي والماشي او بمعنى ادق عاهرهه،وانا قاعدة كدهه إتحركتهه ،مهيد قال لي عايزهه حاجهه؟قولته ليهو لأ ،قال لي طيب تعالي رجعني في حضنو،قولته ليهو مهييد انا سيئهه ،قال لي شهههد،قولته ليهو جاوبني بصراحهه انا سيئهه؟رفع لي راسي وبقى يعاين لي قال لي في زول بقول على نفسو سيئ؟قولته ليهو بس انا بكدهه،يمكن ربنا م بحبني علشان كدة دايما بختني في مواقف صعبهه انا م بقدر اتجاوزها ،قال لي مواقف ولا إبتلاءاات؟قولته ليهو بغض النظر عن مسماها بس انا حاسه بيه بيعاقبني بس بالناس البحبهم وبيعنو لي،أول شي إنت وتاني شي..سكتته ،قال لي كملي تاني شي شنووو؟قولته ليه ماف حاجهه،انا بس تعبت الحياة دي ارهقتني بما فيه الكفايه حاسه نفسي لو خطيت خطوة لقدام فيها هأخسر كمان زووول عرفت انا ليييه بقول ليك انا سيئهه؟مسح لي دموعي قال لي نحن السيئين ي شهد ابدا م إنتي لانو نحن اخدنا منكك اكتر مما اديناك وخلينا تصلي للدرجه دي وتفكري في نفسك بالصوره دي،فجاهه صوتو إتغير ودموعو جات جاريه جراني وباسني في راسي وقال لي عارفها م حتفيد بي شي ولا حتغير شي بس انا اسف ي شهههد،اسف على كل وجعه انا كنت سبب فيهااااا،رفعته راسي عاينته ليهو مسااافهه بعدها قولته ليهو انت وجعتكك موتتني ي مهييييد،واسي ممكن تقول علي إندفنت لو كنت وجواي روح م كانت رجولي حتسوقني تجيبني ليكك فهمت ي مهييييد،دموعو بقت نازله في يدي على طول فكاني وطلع من الغرفهه،وانا إنفعلتهه اكتر في البكى،وانا ببكي شالتني نومهه صحيت لفيتو لسسه م رجع حسيت بروحي عطشانه نزلته مشيت على المطبخ لقيت التلفزيون فااتح فيلم كدة بس هو ماف،واصلته المطبخ لقيتو واقف فاتح. تلفونو وبقرا في حاجه وخاتي قدامو صحن إندومي كبير وبشكل فيهو وعندو بطاطس في. النار،طبعا بقيت واقفه وبعاين ليهو،إنتبه لي قال لي. نزلته ليييه كان تنناديني ي زولهه،قولته ليهو عطشتهه💔قال لي اسي خربتي كل حاجهه بطلعتكك دي كنت بحضر. ليك في صحن إندومي مش بتحبيهاااا؟سكتت،فتح التلاجه اداني كبايه مويه قال لي هاك،شلتها عايزة امشي مسكني قال لي تعالي تعالي ماشه وين خليكك قاعدة،قولته ليهو م نفسيي،مسكني من يدي قال لي طيب م تقعدي في المطبخ تعالي،وداني الهول قعدني في الكنبه قال لي عارفه الساعه كم؟8مساء اكيد م حتفضلي الوقت كلو مقفوله في الغرفه دقايق وبرجع ليك،رجع المطبخ وانا فضلته بشااهد في الفيلم سااي م فاهمه ليهو اي شي بس مسهيهه وقاعدهه فيه،فجأهه جا راجع شايل الصينيه ،قال لي م عاارف هل هي طلعت ظاابطه زي م لقيتها في الوصفهه ولا لأ بس على العموم م تحرجيني لو طلعت م حلوهه😂👊💔قعد جنبي قال لي يلاا،قولته ليهو مهيد اناا،قال لي م نفسي حتقولي كدة صح؟بطلي البتعملي فيهو دهه يلا حبيبي خلينا ناكل من الصباح م اكلتي شي والعلاج البتاخديهو دهه قوي يعني م ينفع تاخديهو وم تاكلي فاهمهه؟حسيت بيهو تعب وهو بعمل فيهو م قدرت اقول ليهو لأ،شال الملعقهه قال لي أأككلك ولا تاكلي براااااااك رفع لي حاجبو؟شلته الملعقهه ،وبديت اكل وهو بدا ياكل معي ،اول م دخلته الملعقه في خشمي بقى يعاين لي ومنتظرني اقول ليهو حااجهه،قال لي هااااا،قولته ليهو حلوهه،كان عامل فيها خضار وباشر فيها جبنه كتيييرهه وكتشب ومعاها كشري شكلو طالب الكشري دليفري،قال لي م قصرتي طيب😒قولته ليهو مالي؟قال لي طيب كملي اكل،فضلنا ناكل ونشاهد وهو يتكلم معي لغاااايهه م خلصنا اكل رفع الصينيه وداها المطبخ جا شايل بيبسي ،شربنا وقعدته شويه كده حسيت بنفسي نعسانهه قمته مشيت الغرفهه دخلته الحمام إتدوشته وجيت رجعته سريري رقدته وإتغطيت ،وانا سرحااانهه وبفككر فجأهه حسيت بي مهيد داخل الغرفهه فتح الدرج شال تلفونو فتحو ووصلو في الشحن،اول م وصلو في الشحن جاتو مكالمه ،ردة وقال "ي حبيب،تمام الحمدلله ،موجود والله خليك معي ثواني،طلع من الغرفهه ،بعد مساااااااافهه جا راجع ،تاني تلفونو إتصل،عاينته ليهو كاني مخلوعه على طووووول قفلو ووصلو في الشحن وشغل تلفزيون الغرفه وقعد في الكنبه وفضل يشااهد ملامح وشو كانت متغيرهه حسيتو كدهه فضلته اعاين ليهو وانا سااكتهه لما إنتبه لي بعاين ليهو قال لي عايزهه حاجه؟هزيت ليهو راسي بمعنى لا،واصل مشاهدتو بعد مسااافهه تاني عينو وقعت علي لقاني لسسه بعاين ليهو ،قال لي صوت التلفزيون م مخليك تنومي؟قولته ليهو لأ،وانا سرحانهه فيهو لغااايهه م جاتني غفوهه ،جاتني صحيهه لقيتو نايم في الكنبه،نزلته صحيتو فتح عيونو مخلوع وقال لي بلهفهه إنتي كويسه واجعاك حاجه؟قولته ليهو حتنوم هنااا؟بعدها شال نفسو وقال لي شويه كدة حانوم عندي مكالمه شغل منتظرها،قولته ليهو طيب،رجعته نمته بعد مسااااافهه حسيت بي يدين مهيد ملفوفهه حوالي،إتقلبته لقيتو نايم وراي وضاميني عليهو ،فضلته اعاين ليهو مسااافهه بعدها قربته منو ورقدته في حضنو وإتغطيت تاني م صحيت إلا وهو بقول لي صباح الخيير،زحيت منو قولته ليهو صباح النور قال لي كيفك؟قولته ليهو الحمدلله،نزل دخل الحمام،وهو في الحمام جاتو مكالمه،قولته ليهو مهيد عندك مكالمه،طلع من الحمام وهو لابس بس الشورت بتاعو حتى انا إتخلعته على طوول غطيت وشي ،هو رد وقال صباح الخيير ،يعني وصلتي؟طيب اول شارع يلقاكعلى يدك اليمين ادخلي ،دخلتي؟طيب ثواني جاي عليك اناااا،لبس ليهو فنيله وشورت طويل وطلع وانا دخلته الحمام ،طلعته من الحمام مهيد جا داخل الغرفه،قال لي تعالي،قولته ليهو في شنووو؟قال لي تعالي بسسسس مسكني من يدي طلعنا من الغرفهه كان في كنبه الهول في واحدة قاعدة بالإتجاه المعاكس لينا،فجأهه مهيد قال "روابي،إتلفتت ووقفت على حيلها ،كانت بت حلااتها كدة لابسهه تشيرت اسود وبنطلون جينز وفاكه شعرها،قال ليها شهد ،شهد ر...قاطعتو قالت ليهو دي شهد؟قال ليها اااايوهه،قالت ليهو شابكني شهد شهد موقفهه قلبكك وهي صغنن كدهه🙆ضحك قال ليها سجم،قالت لي هااااياات،قولته ليها اهليين،قالت لي اسمعي انا بت عم السجم دة م علينا حنتعرف فيما بعد بس مبدئيا كدة ي مهيد م نفسك تفكها من يدها علشان انا اقدر اسلم عليها زي النااس؟😂😂مهيد فكاني جات حضنتني قالت لي يخوااتي حلاااااتكك إنتي ي صغنن إنت ي موقف قلب ود عمي السجم دة😂😂😂😂😂😂😂😂😂😂😂😂😂😂😂😂😂😂😂👊💔إبتسمته ليها إبتسامه خفيفه،مهيد قال ليها سجم هههه،قولته ليها إتفضلي ،قعدت،مهيد جاتو مكالمه إتحرك من جنبنا،قمته ماشه قالت لي دقيقه دقيقه ماشه وين إنتي؟المطبخ؟ي ستي انا ن ضيفه وبعدين إنتي زاتك عيانه تعالي خليك قاعدة،عاينته لي مهيد،قالت لي كفايه مهيد امس بسببك مصحيني الساعه2صباحا ي روابي لازم تجي تقعدي مع شهد ،ي روابي شهد م بقدر اخليها براها في البيت عشان حأفضل مقلق عليها معطني اريتو حالي اناااا عااااد رااجل يعزني العزة دي بسس😑ضحكته قولته ليها معليش حصل فيك كدة بسببي هههه،قالت لي يلا انا اساسا قاعدة ماله وزهجانه من جو السودان دة يمكن اقدر اغير جو شويه معاك هناا،مهيد جا راجع قال لي طبعا ي شهد دي بت عمي الصادق اللي في قطر ،عاينته ليه،قال لي م بتعرفيهو هههه نزلو السودان عندهم فتره بسيطهه قولته بدل م اخليك براك افضل اجيبها تقعد معاك اصلا هي فاضيه وم عندها موضوع🙋قالت ليهو ايواا عايز تتموضع بي صح كويس ي مهيد ي سجم ههه8،دخل غرفتو لبس وجا طالع،قال لي شههد عندي موضوع بتاع شغل ضروري امشيهو بس م بتأخر تمام؟روابي الغرفه ديك فاضيه دقيقه شال بيها شنطتها دخلها في الغرفه ،قال لينا يلا سلام،روابي قالت ليهو إستنى إستنى،قال ليها مالك قالت ليهو تعال جاي وامسك الكمره دي خلينا نتسولف ،قال ليها م طبيعيهه إنتي،شال التلفون وقف وهي وقفت وراهو قالت ليهو شهد م ظااهرهه يووخ مهيد إتحرك بإتجاهي واخد لينا صوره،بعدها قال لينا يلا سلام،روابي قالت ليهو تيكك كييبر،وصل جمب الباب قال لي شههد وفضل واقف يعاين لي،روابي قالت لي امشي ليهو عادي ههههه انا هشوف الغرفه الزمن داك،مشيت ليهو قال لي حبيبي إذا إحتجتي اي حاجهه او حسيتي نفسكك متضايقهه في اي لحظهه إتصلي علي بس اوكيييهه،قولته ليهو حااضر،خلي بالك من نفسكك ي شهد وم ترهقي نفسك تمام؟هزيت ليهو راسي بمعنى حاضر،عاين بإتجاه الهول وقرب مني وباسني في راسي مساااااافهه ورفع لي راسي وهو بعاين لي في عيوني وبقول لي م تخافي من اي شي تمام؟قولته ليهو طيب ،قال لي يلا ادخلي واقفلي الباب،قفلته الباب وفضلته واقفهه ومتكيهه فيهو وانا محتارهه في البحصل معي دهه،ليييه انا مستسلمهه ليهو كدهه ي ربي ليييه بقيت م بقامو مهما حصل ومهما قرب مني،خوفي منو داك كلو شبه إتلاشى😭💔،شويه كده روابي طلعت من غرفتها اول م شوفتها إتحركته مشيت عليها،قالت لي مهيد مشى؟قولته ليها ايوه،قالت لي طبعا انا بحب الاكل شديد طفسهه طفسهه جدااااا بعيد عنكك وبما إني جعانه ارح ندخل المطبخ م تخافي ي زوله انا بطبخ وانتي خليك قاعدة بتتفرجي بس هههههههه ،دخلنا المطبخ فتحت التلاجهه قالت لي نشوف الفي شنو والماف شنووووو،فضلنا في المطبخ تقريبا ساعتين في المطبخ وهي مشكله اغاني وونااسهه وظريفهه ودمها سسسكر بس حتى انا تلقائيا لقيت نفسي متجاوبهه معاها، بعد م خلصنا طبيخ وفطرنا خلطت عصير طلعنا قعدنا في الهول بي عصيرنا،اثناء م نحن بنشرب في العصير فجأهه جرس الباب ضرب،قولته معناها دة ملك قمته،روابي قالت لي خلي انا بفتحو،قولته ليها لا خليك،مشيت فتحته الباب بس اول م فتحتو اتفاجأ ليك بي رزان واقفهه في الباب و بتقول لي"انتي بتعملي شنو في بيتي؟الجابكك بيتي شنو ،الجابكك هنا شنوو انتي وبقت تصرخ وبتقول لي اطلعي من بيتي سرعهه ي تافهه ي حقيرهه ي بتاعه الشيوخ م صدقتي متين حصل بينا خلاف وعلى طوول جرتني وطلعتني برهه وانا طبعا م عندي حيل اقاومها ،وعلى جوطتها روابي جات قالت لي شهد في شنوو؟ولسسه رزان جايطه وبتتكلم فارغ،روابي مسكتني من يدي قالت ليها دقيقه دقيقه منو انت وكيف بتتكلمي معاها بالإسلوب دهه؟رزان قالت ليها إنتي المنو قاعدين في نص بيتي وبتسالوني والله طيب ،روابي قالت لي شهههد؟م رديت ليها،مسكتني من يدي دخلتني جوة رزان لحقتنا وبقت تججوط وتقول لي شيلي شنطتكك وشوفي ليك مكان يلمك مشيتي لفيتي كداا بقى ليك م اخير قولتي ترجعي هنا ي هامله ي ...روابي قالت ليها كونك تجي بيوت الناس ومنفعلهه كده وعلى العليك م عندك إسلوب دي قلهه الادب بام عينها بعدها مسكتني ودخلتني الغرفه بتاعتها وشالت تلفونها وعلى طول إتصلت على مهيد اول م ردة قالت ليهو مهيد تعال راجع البيت سرعهه في مشكله في البيت،قال ليها شهد مالها؟قالت ليهو م شهد في واحدة جات البيت وقاعده تجوط م عارفه،قال ليها شهد وين اسي؟قالت ليهو شهد دخلتها غرفتها،قال ليها روابي م تخليها تطلع لمن اجي تمام فاهمهه ي روابي؟انا دقايق واكون معااكم،انا فضلته قاعدة في السرير وبرجف ودموعي جاريهه ،روابي قعدت جنبي قالت لي شهد اهدي وبقت تهدي فيني،فجأهه رزان جات داخله لينا الغرفه وقالت لي عايني إنتي م بتفهميي؟انا بقول ليك اطلعي لي من بيتي ده بيتي وبيت راجلي فهمتي من يوم م انا عتبه عتبه الباب دة بقى حقي ؟إتفضلي شيلي شنطتكك واطلعي برهه اصلا مهيد م مركز معاك لما شوفتيهو م شغال بيك جيتي برااك عشان تعرفي نفسكك رخيصهه وهاملهه كيييف،هو م كلف نفسو عشان يمشي يسال منكك حتى الرخصهه لييكك شنو ،وفضلت ترقي وترقي وروابي واقفه ليها وبتحاول تلزها تطلعها برهه وانا إنهرت بكترهه البكى حتى م سامعاها بتقول في شنو بالظبط بقيت خاته يدي في إضني،روابي قالت ليها هيي إنتي هييي إنتي معاقهه ولا حاجهه؟علشان ساااكتهه ليك يعني تتمادي؟م شايفهه حالتها كيف ؟قالت ليها دراما كوين لازم تنزل كم دمعه علشان مهيد يحن عليها بس اسمعي مهيد من يوم م إتزوجني بقى ملكي انا ولبستو زي الخاتم في يدي يعني إنتي يمكن يقضي بيك يوم يومين في فتره خلافنا دي بس في النهايه م برجع لغيري انا وين وإنتي وين ماف مقارنهه بيناااا اساساااا تفتكري يعني حيخليني عشانكك مثلا ؟هههه بتلعبي إنتي والله مثلي كويس في النهايه دراما رخيصهه بتاعه بنات رخيصهه م عندها وليان بس م اكتر،روابي قالت ليها والله واضح إنو إنتي مريضهه ركزي معاي هنا انا بتكلم معاك ،قالت ليها انا م بعرفكك علشان ارد ليك انا كلامي مع التافهه الجايهه داخله بيتي وقاعدة كانو ملك ابوها دي،فجأهه اسمع ليك صووت كف طاااااخ رفعته راسي مخلوعهه على اساس إنو روابي ادت رزان كف اتفاجأ بي إنو دهه مهييد،قالت ليهو مهيد انت بتمد يدكك علي اناا،تاااني رفع يدو واداها كف طااخ قال ليها اطلعي برهه ،سرعهه م اشوفكك في البيت دة تاني ولا بالغلط،قالت ليهو إنت بتضربني عشان الجربوعهه بتاعتكك دي ي مهيد،بتمد يدك علي عشانهااا،تاني لفحها ليك كف في وشها وقال ليها المره الجايهه لو عدته ليك الكلام دهه م حيحصل خييير فهمتي...
#نتلاقى♡
