#ثلاثيني17
،قعد جنبي وبقى يمسح لي دموعي اثناء م هو بمسح لي دموعي وبهدي فيني وبقول لي طيب م تحكي اي شي بس اهدي بطلي بكى انا معاك وانتي كويسهه وملامح وشو مخطوفهه ونبرهه صوتو متغيرهه من شدة الخوف م حسيت بي شي إلا وانا مترميه في حضنو وهو ضاميني عليهو بكل قوتو،فضلته ابكي اظن اول مرهه انا في نص المعاناة دي كلها ابكي بالصورهه دي،مهيد لما شافني كترته في البكى قال لي خلاص كفى تعالي،نزلني من السرير دخلني الحمام غسل لي وشي ونشفو لي بالبشكير ورجعني السرير وانا لسهه بتنهد قال لي البكى ممكن يكون شبه مفيد بس م حل للمشكله بقى يعاين لي رفع لي راسي وقال لي انا بقدر افهمكك حتى من غير م تحكي لي الشي الخلاك تدخلي في الحاله دي م اظن شي سااهل ،ختهه يدو في خدي وبقى يعاين لي في عيوني ،لما دموعي جات جاريهه وانا م عارفه اقول ليهو شنو رجع ضماني وقال لي حاولي غمضي عيونكك ونومي ماشي؟مسكتو وضغطتهه على فنيلتو شديد باسني في راسي ومسح بي يدو على شعري وقال لي خليكك مطمنهه طالما م إنتي هنا م حتجيكك عوجهه،شويه حسيت بي راحه وهو بهدي فيني بالطريقهه دي وبمسح بي يدو على شعري لغاايه م شالتني نومهه،حتى م حسيت بنفسي إلا وانااا عايزهه أتحرك لقيتو هو لسسسهه قااعد بنفس وضعيه امس وضاميني عليهو ونايم في قعدتو دي،لما بديت أتحرك فتح عيونو قال لي شهههد إنتي كويسه؟عايزة حاجهه؟هزيت ليهو راسي بمعنى لأ،قال لي طيب ارجعي إرتاحي،فضلته ساااكتهه وبعاين ليهو،قال لي من غير دموع ماشي رقدني في السرير وغطاني وهو زاتو رقد جنبي بقينا مواجهين بعض ووشي في وشو،خته يدو في خدي وقال لي كل شي حيهون م تفكري وغمضي عيونكك،فضلته سرحانهه وبعاين ليهو وهو زاتو بنفس الوضعيهه،دموعي جات جاريه قال لي حبيبي إتفقنا على شنو نحن؟قولنا تبطلي بكى صح؟صح ي شهد؟قولته ليهو بصوت وااااطي حتى م عارفاه طلع من وين م قادرهه ي مهيد😭😭😭قال لي لا ماف حاجه إسمها م قادرهه يلا حاولي أخدي ليك غفوة وانا هفضل منتظركك لمن تنومي قال كده وهو بمسح لي دموعي وببوسني في خدودي،بعدها كمل كلامو ب"يلا نحاول ننوم وم تفكري في شي خالص ماشي؟مسكك يدي وختاها في صدرو قال لي خليك ماسكاني من هنا لو حاسهه نفسكك خايفهه ،ضغطته على فنيلتو وانا ماسكاه ع طول غمضتهه عيوني وشبه جاتني نومهه ومهيد مقرب مني شديد حتى انفاسي في وشو وهو ماسكك يدي وضااغط عليها لغايه م شالتني نومهه كانت عميقهه شديد بعدها م حسيت بي شي كأنو اخدتهه مسكن للوجع الأنا حاساه بالرغم من إنو دموعي كانت في عيوني حتى وانا نايمه مهيد كان بمسحهم لي وهو بعاين لي بإستغراب ومحتار في إنو الحاصل شنو وصلني للمرحلهه دي من الإنهياار،وهو بحاول ياخد ليهو غفوهه فجأهه جرس الباب دق،فكاني ونزل مستعجل علشان انا م اصحى ومشى فتح الباب ،كان امجد،مهيد قال ليهو صباح الخير،امجد قال ليهو صباح الخير شنو ي زول والساعه ماشه لي10بضرب ليك تلفونك لييه مقفول،مهيد قال ليهو ااي قافلو والله،فجأهه مهيد يسمع صوت امي بتقول ليهو السلام عليكم بتي معااك؟عاين على جنبه الباب إتفاجا بي امي وملك واقفين،مهيد قال ليهم إتفضلو ي جماعه،امي قالت ليهو لالا على مشيه بس جينا نسألك شهد معاك؟امجد قال ليها ي خالتي كده اهدي واحدة واحدة،ي مهيد شهد دي امس تعبت نص الليل ودخلت في حالهه كدهه غريبه ودوها المستشفى و...قبل م يكمل كلامو مهيد قاطعو وقال ليهو هي معي اااي،ملك قالت ليهو بصوت ملهوف وينها اسي هي كويسه،جاتكك كيف نص الليل داك والحصل عليها شنو،مهيد قال ليهم إتفضلو ادخلو ي جماعه حتى انا عايز اعرف الحاصل على شهد شنو،امي قالت ليهو م حاصل عليها اي شي بس حضرت ليها فيلم رعب وساهرت فيهو ودخلت في الحاله دي نحن م داخلين جيبها لينا عشان نمشي،مهيد قال ليها هي نايمه اسي ي دوب اخدت ليها نومه طول الليل بتبكي،امي قالت ليهو صحيها ،مهيد قال ليها ي امي كدة حاولي ادخلي وقفتكم في الشارع كدة في حد زاتها م سمحهه،امجد قال ليها كدة تعالي ي هالتي جراها على جنب إتكلم معاها،لما جو راجعين مهيد قال ليهم إتفضلوو،دخلو فضلهم في الهول،ملك قالت ليهو ممكن اشوفها ي مهيد؟قال ليها بس هي نايمهه،قالت ليهو م بصحيها بس حابه اتطمن عليهاااا،قال ليها طيب تعالي ساقها وداها الغرفهه وفتح ليها الباب براااحهه شافتني وانا راقدة ومتكرفسهه زي البيبي ومهيد خاتي المخدة جنبي ومغطيني،قالت ي قلبي إنتي يااخي حالتها تكسسر الخااطر،قال ليها وامس كانت اسوأ ي ملك هي مالها وصلت للحاله دي كيف؟عارفه إنو شهد جات بجلباب ومع بتاع امجاد الساعه 4صباحا وبراهاات؟قالت ليهو والله ي مهيد م عارفهه نحن زاتنا إتخلعنا كلنا كنا نايمين هي الوحيدة الساهرت في التلفزيون،رجعو الهول امجد دخل المطبخ جاب مويه وعصير وكذااا،امي قالت ليهو جاتك كيف هنا البت دي ضربت ليك مشيت سوقتها ولا كيف؟والله انا دي بس مشيت المسجد قولته اصلي جيت لقيتها مااافي عيشتنا حاله كدة م يعلم بيها إلا الله للشرطه دي مشيناها لا إله إلا الله،مهيد قال ليها والله ي امي حتى انا إتفاجأتهه صحيت على صوت جرس الباب بضرب و......امجد قال ليهو والله دي حاله غريبه ياخ لكن كونها لقت ليها بتاع امجاد ود حلال ووصلها ليك دي في حد زاتها سلامه كبيره،امي قالت ليهو في الدنيا الما معروفه دي والله سلامه انا والله ي امجد ي ولدي صحيت لقيتها لسسه مساهرهه بتحضر ليها في فيلم بتاع شواطين كدة،قولته ليها بتحضري في العواليق ديل ومشيت خليتها إلا كان شويه كدة اسمع ليك كواريكها،امجد قال ليها هي اظن نامت ولسه الفيلم معلق في راسها وعمل ليها حالهه بتاعه هستريا كده ههههههه،امي قالت لي مهيد صحيها ي ولدي خلي تمشي تكمل نومها في البيت هناك اسي بتكون إتحسنت،مهيد قال ليها ي امي خليها ترتاح والله من جات م نامت عندها حوالي كم ساعه بس اخدت الغفوة دي،امي قالت ليهو بصوت جادي كدة لالا صحيها خلاص كفاها،
