#ثلاثيني10
وانتي مختاراهو لي بزات نفسكك يبقى انتي اكييد م حتختاري لي إلا الأفضل والإنتي شايفاه سيد الرجال كمان ولا م كدهه ههه🙈🙈برضو لسهه فضلت ساكته وبتعاين لي،قعدتهه اضحكك قولته ليها م تبقي شديدة كدة في الزعل انتي كمان يااخ والله انا جاااهزهه عرسوهو لي في اقرب وقت إن شاءالله بكرهه م دايره اتحبس زاتو بتحبس في بيتي ههههههههه🙊🙈😂😂😂😂👊💔لما قولته ليها كدة قعدت تضحكك قالت لي عويرهه دي بكره يقول امها جابتها لي وسخانهه وم نايرهه تشيلي حالناا مع اهلو😂😂😂👊💔قولته ليها يعني خلاص م زعلانهه مني صح والدراما دي حتنتهي مش ولا م مش؟😢😏😕قالت لي دراما في عينكك ،انا لما بزعل منكم بزعل عشان انا بكون شايفه الحاجه في مصلحتكم وانتو م دايرنها،انا بس دايرة اشوف اي واحدة فيكم في بيت راجلها وماسكه بيتها ورايقهه ومبسوطهه غير كدة م دايرة منكم شي في الدنياا دي والله،قولته ليها خلاص قولي ي واحد شهد مرقت😍😂👊💔فجاهه جات ملك وقفت قالت لينا اشيي في شنو فجاهه؟وشهد حاسهه بشنوو الليلهه؟😵😰قولته ليها حاسه بإحساس العروس بس م اكتر🙈امي قالت ليها اختكك قالت ديك كلها دراما منها سااي قالت موافقهه على مهييد،ملك ضحكت وقالت ليها م تستغربي ي امي اصلا انا كنت عارفه انو دي حركات منهاا ساااي هي غيير مهييد م ليهااا دواء الوسخهه😂😂😂😂😂😂😂😂😂😂👊💔ضحكتهه قولته ليها هششش ي تافهه تعالي اشربي الشااي يلا،امي قالت لينا اليف وين؟قولته ليها اليف طلعت المدرسهه قبيل ههههه،قعدنا بنشرب في الشاي بعد م خلصنا امي قالت لي ملك جيبي لي تلفوني دة اضرب لي ابوك اكلمو بالحاصل دة واضرب لي مهيد اقول ليهو جيب اهلك وتعال،طبعا انا لما قالت كدة ضربات قلبي زادت وإتوترتهه بس إتمالكتهه اعصابي،ملك مشت جابت التلفون وجات،انا قولته ليهم ماشه وجايه،طلعته من الغرفهه وانا رجولي م شايلاني دخلته الحمام قعدتهه ابكي ،بكيت كداااا لغاايهه م شبعتهه بكى بعدها نضفتهه عيوني وغسلتهه وشي وطلعتهه عاادي،لما جيت لقيت امي بتقول"تسلم ي ولدي،يديك العافيهه..."قفلت ،ملك قالت ليها قال ليك شنوو؟امي قالت ليها قال إتصل على ابوك هو زاتو م انا المره الفاتت اديتو الرقم قولته ليهو الشوره شوره ابوها،المهم اسي قال ابوك قال ليهو جاي وان شاءالله لما يجي كل شي حيتم على خيير لكن هو يوم الجمعه جايب اهلو وجااي البيت هنااا عشان التعارف وكدة،دخلته ليهم وإتصرفتهه عاادي،وعدت الايام وناس امي بجهزو وكلمو ناس حبوبه وخالاتي ،وانا حكيت لي صحباتي على اساس انو انا ومهيد إتخطبنا وانا مبسوطهه وكدة ،هدييل قالت لي على اساس انو م كنتي بتفكري في الزواج ودايرة تقري والدراما الرخيصهه القولتيها لي دييك،قولته ليها اعمل شنوو يااخ هو ختاني امام الأمر الواقع وامي زعلت شديد لما رفضتهه وهو زاتو متمسكك شديد هههههه🙈ضحكت قالت لي وسخهه روحكك ونفسكك مهييد ومركبهه لينا مكنه صحبي صحبي ،اسيل قالت ليها وهيييي دي الصدمهه😪💔👊رتاج قالت ليهم كدة خليكم من دة وخلونا نفكر يوم الخطوبه حتلبس شنو وحتعمل شنو و...قولته ليهم هلبس توب من تياب امي عاادي اصلا هم جاين تعارف بس هههههه،هديل قالت لي اصلا طول عمركك متخلفهه😪💔👊عدت الأيام وانا الليل والنهار بقى بالنسبه لي واحد،وكنت بفكر هو كيف هيجي يقيف قدامي بعد العملو وانا كيف حاقدر اواجهو عاادي كدة إذا كانت حتى سيرتو بتوترني😭💔بس مجبورة اتجاوز واعمل قويهه ،يوم الخميس ناس امي رتبو البيت وغيرو نظامو و...،انا طوول الليل كالعادة فضلته صاحيهه وبفككر ،يوم الجمعه صحو بدري طبخو اصناف كتيرهه قريب للساعه 12كدة خلصو ،وناس حبوبه وخالاتي جو والناس داخله ومارقه وانا مع كل حركهه ضربات قلبي كانت تتضارب ،بس صحباتي كانو معي وشغالين فيني ونسه ونضافه وش وتخطيط حواجب و...لغايه الساعه 3كدة فجاهه الباب فتح كانت ملك ماسكه تلفونها في يدها قالت لي احمد إتصل علي قال لي قريبين من البيت،انا لما قالت كدة خلاص مسكني هبوط بقيت م قادره اتحرك ولا اتكلم ولا اقول اي شي،هديل قالت لي يلا ي السمحه امشي استحمي واطلعي سرعه قبل م يجو،وبالفعل دة الحصل جيت لبسته وامي ادتني التوب وقعدته في الغرفه،اسيل قالت لي متحمسهه لشوفتو صح؟اسي يكون لابس جلابيهه كدة وبعلي🙈اريج قالت لي اخييير ا هنشوف مهييد الفالقننا بيهو دهه😍🙌هدييل قالت ليهم ضربات قلبها من شدة م بتضارب اخماس في اسداس لمن م قادرة تفتح خشمها هههههههه ان شاءالله حالناا ي رب شهد خلاص اتخارجت 😭اريج قالت ليها. شهد حتفتح لينا السكهه ي زولهه،😂😂😂😂😂😂😂👊💔شويه كدة اليف جات فتحت الباب قالت لي اهل العريس جووو😍اول م قالت كدة جسمي كلوو جرى مويهه،هديل واسيل واريج كلهم نطو وقفو في الباب بالجنبه علشان يشوفوهو وكل واحدة فيهم بتقول للتانيه زحي كدة،م تزحي كدة يااخي خليني اشووف معاكم،هديل قالت ليهم م شايفاهو😢اريج قالت ليها ولا اناااا معقوله يكون قصصييير😵ملك جات لزت الباب لقتهم واقفين قالت ليهم مالكم؟قالو ليها عايزين نشوف العريس😙💦ضحكت قالت ليهم م جا ي هطلات جو نسوان بس امو وعماتو علشان يشوفو شهد وكدة😂😂😂😂👊💔هديل قالت ليها كذابه والله؟واااااي من حراق الروح مالو غالي كدة،ملك قالت ليها الغالي بغلاتو المهم شهد امي قالت ليك البسي وتعالي سلمي على الجماعه ديل لانو عماتو فاكرني انا العروس كانو😂😂😂😂😂😂😂👊💔انا سرحانهه م جايبه للدنيا خبر،قالت لي هي هاا انا بتكلم معاك،قولته ليها هااا طيب طيب،لبسته التوب،هديل قالت لي إنتظري،رشت فيني العطر وصلحت لي التسريحه وقالت لي يلاااا،طلعتهه وانا ماشه خطوة يمين وخطوة شمال ،اول م وصلتهم حبوبه قالت لي تعالي ي بتي اها دي عروستكم ي اخواناا جات،طبعا انا وقفتهه بقيت م قادره اتحرك،واحدة قامت على حيلها سلمت علي بالحضن قالت لي ماشاءالله حلات الدنيا عليها العروس،بعدها ضحكت قالت لي متوتره وخايفهه خوفه السواد ي حليلهاا انا إسلام عمت مهيد وديل كلهن عماتو 😂😂😂😂😂💔كانو تقريبا سبعهه نسوان سلمته وإتحضنته لمن زيتي طلع،اخر واحدة سلمته عليها كانت لافه وشها وسلمت علي بصورة بااردة كانو انا بايته معاها وطبعا ماشاءالله عليها سماحه واناقه تخليها ليها،واحدة منهم قالت لي طبعا ي شهد دي ام مهيد خالتكك ليلى،اول م قالت لي كدة بلعتهه ريقي وبقيت اعاين ليها وانا ساكتهه،قالو لي اقعدي اقعدي ي حليلك خايفه لمن م قادرة تتكلمي م تخافي عجبتينا ي بتي وهو مهيد بختار حاجه شينه لكن،المهم هم قاعدين ومبسوطين وانا تقول قاعدة في النار ،وام مهيد كل مره تعاين لي بالعين البايظهه ،كانو جايبين معاهم حجات كتيرهه خاتنها قدامي في الطربيزة وفي الارض،وناس امي طبعا شغالين ضيافه لغايه م جهزو الغداء وحلفو عليهم الا يتغدو وبعدها إتكلمو في مواضيع هايفه سااي بعدها إسلام قالت لي طبعا ي شهد ي بتي انا استغربته لما مهيد قال مستعجل للعرس لكن اسي الإستغراب العندي كلوو رااح،واحدة منهم قالت ليها اي والله اسي في الشارع ضرب لينا قال شهر بالكتييير بس والعرس يتم يعني احبسو لينا العروس دي طوالي ي جماعهه،حبوبه ضحكت قالت ليها نحبسها ليكم طواالي من بكره نقعدها ليكم في الحفرهه كمان،انا في قلبي بقيت اقول التافه الحقييير الله يقطعو حتت حتت بركه الجمعهه الجامعه والدعوة السامعه 😭💔،ام مهيد قامت قالت طبعا ي جماعه ولدي دة قايم قومه الشباب دي نظام متدين وكدة المهم قال م داير بزار وبزخ كتير وحفلات والكلام دة مناسبه بسيطه وداير يسوق عروستو ويمشي بيها ،امي قالت ليها عارفه والله ي اختي هو زاتو قبل كدة كلمني ونحن م عندنا مشكله ابداا العرس م بالحفلات والصالات العرس عندنا راجل وكلمهه بس💕حبوبه قالت ليها كلناا زمان عرسنا م عملو لينا هيلا ميلا زي شباب الزمن دة والقومه القايمنها دي شي صالات وشي حفلات وجوطهه شديدة الراجل دة من عقدو ليهو في الجامع دة معناها خلاص يسوق مرتو ويفووت ،الونسه طالت وبقو ياخدو ويدو لغاايهه قريب للمغرب كدة قامو طالعين ،بعد م طلعو ،بعد م طلعو ملك قالت ليهم امو متعجرفه مالها حاسه بشنوو،امي قالت ليها ي بت ها انتي عرفتيها متين لمن حكمتي عليها تكون طبعتها كدة 💔حبوبه قالت ليها لكن عماتو بشوشات شديد،امي قالت ليها اي والله طيبين زي ولدهم يااخ،ملك قالت ليها بسم الله ماشاءالله طفرهه في العماات😂😂😂😂💔كدة اشوف جابو شنو اشي عااد شهد عزوووك والله لكريمات الترطيب دي جايبنها ليك طبق وتلفوووون وطبق الشوكلاتهه كووم تاني خاالص كل نوع براها حييييييهه بس وقعتي ليك في راجل سماحه خلقه واخلاق وإيد واصلهه واهل يتختو في الجرح يبرى ظريفين ويدخلو القلب😍امي قالت لي لكن مع الجامعه دي تتحبسي كيف اسي مش نازله يوم الاحد؟ملك قالت ليها عاادي تتدخن بالليل والصباح تلبس عبايتها وجوينتاتهاا ولو عايزة نقاب بجيبو ليها وتمشي تحضر محاضراتها وترجع بس،قولته ليها امي انا م دايره اتحبس يخخ،خالاتي فارو فيني م بتتحبسي كيف و...حبوبه قالت لي ي بت هااا في مره بتمشي بيتها م محبوسهه؟نحن زمانك الواحدة بتتحبس قبل العرس باربعهه شهور لكن لما تطلع بتطلع عروس على مستوى بس القمره البتضوى الباب دة م بطلعهاا،ملك قعدت تضحكك قالت ليها م للدرجهه دي كمان ي حبوبه نحن م عايزين نطلع ليهو بقرهه😂😂😂😂👊💔المهم انا خلاص إستسلمته ليهم وإستسلمتهه للواقع القذر دة م في يدي شي غير اني اعمل كل العايزنو هم وبالفعل دة الحصل اليوم التاني صحيت الصباح لقيت امي بتعمل في نشأ في المطبخ،قولته ليها دة شنوو؟قالت لي نشات حبستك قبيل صحيت بدري جبته مره حفرت لي حفره تحت جنب باب الشارع اجهزي علشان الشمس م تبقى حاره انا مجهزة ليك الحفرة، نزلوني الدخان ونزلته الجامعه في نفس الوقت كل يوم ماشه وجايه وم عارفه الحاصل شنو بالظبط بس زول ومتحرك وبعمل البطلبوهو منو،وانا ومهيد التواصل بينا منعدم تماما،عدت اربعه اسابيع في يوم جيت راجعه من الجامعه امي قالت لي ابوك ضرب وقال هو جا الخرطوم هنا والعرس الجمعه الجايهه،طبعا انا خلاص بقى ماف شي بفاجئني،ماف شي فارق مغاي،ماف ااي شي بأثر علي،قولته ليها طيب ودخلته غرفتي حتى الدموع انا بقيت بفتش ليها م لاقياها كل شي جواي بقى بااارد خلاص إتاقلمته على الوضع ،عدت الايام وصحباتي كانو معاي في البيت والجوكه بتاعه انو في عرس في البيت وكدة الناس كتار رحلوني بيت ناس هديل ويوم بكره العرس ودوني الكوفير حننوني جسمي كلو حتى في الكتف قالو للرسامهه اعملي ليها نظام وشم كدة،صحباتي طبعا تافهات بس م اكتر 💔بالليل هديل قالت لي شهد انتي اسي قاعدة تتكلمي مع مهيد؟قولته ليها تلفوني بايظ،قالت لي بس هو جاب ليك تلفون مع اهلو صح؟قولته ليها م عجبني جدعتو في الدولاب،قالت لي م عارفه ي شهد بس انا حاسه انو في حاجه م تمام م عارفهه ليييهه انتي واثقه انو ماف اي حاجه نفسكك تحكيها لي؟قولته ليها واثقهه ي هديل وبعدين انا حتزوج مهيييد تاني عايزة شنو اكتر من كدة ههههههه🙈اريج جات قالت لي لكن بالجد المره فنانه في الرسم ياخ كل حاجهه في حتتها بالظبط😍😘اسيل قالت ليها قولي ماشاءالله ي زوله تطقيها لينا عييين سااااي😂👊💔هدييل قالت لي واااي ي شهد بكرهه زي الزمن دة انتي ومهيد هتكونو🙈🙊👊💔طبعا لما قالت كدة انا بقيت مقلعه عيوني وكل حاجه حصلت اليوم داك بقت ماشه قدامي،اسيل قالت ليها هديل ي تافهه ي تافهه😂👊💔اريج قالت ليها إن شاءالله حالي عاااد احيييييهه بس😴😴😴فضلته طول الليل صاحيهه وبفككر وقابضهه يدي مع بعض ومتكرفسهه في نص السرير وجسمي كلووو نازل مويه،الصباح صحينا بعد م فطرنا وكدة بعد صلاة الضهر جاتني هديل شايله التلفون قالت لي شهد هاك،قولته ليها في شنوو؟قالت لي هاك ملك وهي صوتها مبحوح،شلته التلفون وانا بعاين ليهاا،قولته الوو"ملك قالت لي مبرووك ي اختي وقعدت تبكي في التلفون ،اول م قالت لي كدة رميت التلفون وبقيت ابكي بأعلى صوتي خلاص إستسلمته وبقيت في عصمه التافه الظلمني وخزلني وهعيش معاهو في بيت واااحد عاادي كدة؟ 😭 واسيل وهديل واريج بقو يبكو معاي هم ببكو من الفرحهه وانا كنت عكس كدة انا تقريبا ساعهه م كفتني من البكى بعدها جات البت البتمكيج،قعدت مكيجتني،طبعا كنت لابسه توب جرتق إشتروهو لي في الشيله بعد م خلصو من تجهيزي،جات زمرد وملك ساقونا في بالعربيه،وانا في العربيه فجاهه ملك جاتها مكالمه ردت،قالت "اقسم بالله اسي كنت بفكر فيك ي لادن😂م ناسياك هصورها ليك وبرسل ليك صورها ي زولهه من امس فالقاني بمكالماتكك😂👊💔،ياها جنبي هااك،ادتني التلفون،زمرد قالت ليها لادن شايفهه ابت الطيار ووافقت بمهيد بتاعها دة حييييينااااا كان جبتيهو لي انا مالكك😭💔قولته ليها لدون ازيك،قالت لي العروس لمن صوتكك متغير وسمعتني زغروتهه طويلهه في التلفون قالت لي دقيقه انتو دايرين ليكم مكالمه فيديو عديل ثواني برجع ليكم اسي،فصلت ورجعت بمكالمه فيديو اول م فتحته قالت لي وبعلي ي شهد م عرفتكك واااي وبقت تصرخ ،قالت لي بالجد بقيتي فظيعهه ،زمرد قالت ليها خمسه وخميسهه عليكك م نقوم نعمل بيها حادث ساي في الشارع دة😪😂👊💔فضلت تتكلم معي قالت لي شكلك متوترة ي زوله م تخافي اصلا اليوم الاول كدة نظام داخله حياة جديدة وكدة بس فتره وحتتعودي خصوصا اذا كنتي ميته موت في زولك بحببك في كل حاجه حتى المسؤليهه هههههه🙈ملك قالت ليهم عاينو الباطلهه بقت تنصح كمان حييييهه انا خلاص هنفسن لازم اعرس يخواني😭💔هديل قالت ليها وانا كمان حييييهه متين اعرس لمن يجو ينصحوني ويوصوني كدة واااع😭💔زمرد قالت لينا انا بس اقعد انقل في الناس بعربيتي من عرس فلانه لعرس علانه ولا ضكر ذبابه نافع سااي م ببركن جنبي حسبي الله😪💔لادن قالت لي شهد م تركزي معاهم ديل متخلفات سااي ركزي معاي واسمعي كلامي كويس،وفضلت تتكلم معاي لغايه م وصلنا ملك شالت التلفون وقالت ليها شكرا نحن وصلنا باي،قالت ليها انتظرو بعدين شوفوني العريس،زمرد قالت ليها ي بت ها إتلهي مع راجلك بلا عريس معاك مش قولنا ليك انزلي السودان احضري العرس ابيتي ماف ليك اي عريس يلااا💦😙قبل م ننزل ملك تاني جاتها مكالمه ردت قالت ليهو امجد،طيب تمام نحن زاتنا ي دوب وصلنا،خلاص ظريف اساسا اسي المغرب قرب ياذن يلا نزلو ملك قالت لي م تنزلي خليك قاعدة،دخلت جوة وجات طالعه شايله الدلوكه ومعاها النسوان يغنو ويزغردو،عايزة افتح الباب انزل،زمرد قالت لي إنتظري العريس في الطريق قال قريب 😂💔شويه كدة جات سيرة عربات وقفت ،فجاهه الشارع انا بقى بالنسبه لي زي البركان او دوامه انا عايمه في نصها او زلزال بتاع صخور بضرب فيني من كل الإتجاها ،بعد حكايه بتاعه ربع ساعه كدة باب العربيه إتفتح هديل قالت لي انزلي نزلته بس كان اشوف ليك مهيد واقف قدامي لابس جلابيهه ولافين ليهو العمهه وشايله سعفهه في يدو،ومعاهو رجال كتار والنسوان تزغرد وهو عينو حتى م قادر يرفعها يعاين لي،وامجد شغال ليهو اااابشر ي عريس ابشرر،وانا رجعته لوره إتلصقتهه مع العربيهه لاننو ضربات قلبي زادت وحسيت بخوفهه من شوفتو،بعد مساافه من الجوطه دي فجاهه حسيت بزول بحضنو من غير م احس لزيتو بكل قوتي،الصدمه انو كان ابوي انا بس إتخلعتهه،قال لي مبرووك ي بتي الف الف مبرووك وإن شاءالله متهنيه ومستورهه في بيتكك💕بقيت اعاين ليهو واقول لنفسي حتى ملامحكك اتمحت في زاكرتي،هم بالجد الرجال ديل كلهم صنف واااحد كدة؟هم ليه كلهم بالسؤ دة،بعدها قالو لينا ادخلو جوة ،امجد قال لي مهيد ي عريس امسكك مرتكك ياخ خجلان منها في شنو انت،ملك قالت ليهو بالجد امسكها اطلع بيها فووق يلاا علشان م تقع بالشبشب العالي دة، 😂💔رجع خطوتين عايز يمد يدو نزلته تحت قلعته شبشبي وشلتو في يدي قولته ليهم م بقع اناااا،امجد قال لينا خجل لكنن😂👊💔طلعنا فوووق قعدونا جنب بعض وعماتو قاعدين يتونسو ويضحكو معانا ،وحبوبه قاعدة في نصهم طبعا ،وامجد ومعاهم كم نفر كدة من اصحابو،بعدها طلعو صلو المغرب ،وعملو لينا الجرتق ،وامجد قرى لينا يس بعدها أمجد قال خلاص ي جماعه بعد كدة خلو العرسان يمشو بيتهم 😂💔 ابوي قال ليهم اي بعد كدة خلاص ماف حاجه،ساقوني دخلوني غرفتي امي وخالاتي إتكلمو معي طبعا كانهم م إتكلمو معي ولا كاني سامعه شي بس شايفهه سواااد قدامي،بعدها بقو الببكي ببكى والبضحكك بضحكك وانا والله الإحساس جواي إتعدم وانا طالعه ولا دمعه م جرت مني بالرغم من بكى كل الحوالي ،لما امي جات حضنتني هي الوحيدة المسكتها مساااافهه قولته ليها اعفي لي ي امي وخلي بالك من نفسك وصحتكك ومن اخواتي ،قالت لي عافيه منكك دنيا واخرهه ي بتي م اوصيك على بيتك وراجلك م تشمتي يوم خلق الله فيك علشان يقولو امها م ربت،وهديل بتتكلم معي كانت وبتصلح لي في التوب ،بعدها قبل م نركب العربيه ناديت اليف،قولته ليها اجري جري الدكان وتعالي راجعه،قالت لي لشنو؟قولته ليها بس امشي وتعالي انتي مالكك جيبي لي الحاجه القبيل قولته ليكك جيبيها لي وقولتي لي الدكان قافل ،شالت القروش مشت وم جات ،فتحو لي الباب ركبته ورا،امجد قال لي ي زوله اركبي مع راجلك قدام،قولته ليهو خلاص ركبته م بنزل تاني،قال لي طيب ي زولهه 😂💔مهيييد ركب العربيهه وقفل الباب وهو بقول يلا ي عمي سلام إن شاءالله تسلم،وانا بتلفت الييف م جات ،وبره بشاغلو فيني ناس زمرد وملك وامي رافعه لي يدها والنسوان بزغردو و....عايز يتحرك قولته ليهو بنبرهه حادهه " م تتحرك،"وقف العربيه،نزلته القزاز وطلعته راسي بالشباك شفته اليف جايه جاريه قولته ليها اسرعي،ملك قالت لي في شنوو؟قولته ليها ماف شي،اليف مسكتني من يدي وقالت لي الباقي جبته لي منهم شبس ولبان،قولته ليها اللبان خلي معاك يلا بااي،قالت لي جايانا متين تاني،عاينته ليها وانا ساكته،قالت لي باااي اخييرا حتكون عندي غرفهه برااي وقعدت تضحكك وهي مطلعه لي لسانها برهه😂💔امجد جا قال ليهو يلا ي عريس اتحرك عشان نحن كمان وراك ياخ قافل لينا الشارع😂💔مهيد إتحرك وفضلنا ماشين وناس امجد واهل مهيد ورا عاملين شغب بالعربات في الشارع،بعدها مهيد غير منهم الشارع هم مشو بإتجاه ونحن بإتجاه،وانا متجمدة في محلي وبعاين ليهو في المرايهه وهو م قادر يرفع عينو من الدريكسون وانا نظري كلو مركزاهو في المرايهه،بعد نص ساعه كدة بالتقريب وقف نزل من العربيه فتح الباب ورجع ركب دخل العربيه في بيت كدة و نزل فتح لي الباب وهو سااااكت،طبعا انا في اللحظهه دي كأنو ضارباني صاقعههه حتى نفسي بقى م منتظم بس اصلي م حسستو اني خايفهه نزلتهه ومشيت قدامو بإتجاه باب مدخل البيت الداخلي لغاايه م وصلنا وقفته على جنب هو جا فتح الباب عايز يدخل دخلتهه قدامو الببيت كان كبييير ومتداخل ،وصلته نص الهووول ،ووقفتهه بقيت اتلفت يمين وشمال بعدها قولته ليهو اممممممم يعني دي قبري الإنت إخترتو لي صح؟إتلفت عاين لي وعاين للأرض وفي وشو اثر الصدمهه وقال لي بخلعههه شههههههد دة شنووووووو...
#نتلاقى♡
