#ثلاثيني19
تاني لفحها ليك كف في وشها وقال ليها لما تجي تتكلمي عنها روابي قالت ليهو مهيد،قال ليها م عايز اسمع كلمهه ي روابي،رزان طلعت من الغرفه وانا لسسه كنت خاته يديني في إضني وببكي بطريقهه هستيريه بس بدون صوت بس دموعي جاريه ،جا قعد لي في الأرض وزح لي يديني قال لي شههد،حبيبي انا اسف ،شههد ،بقى يتكلم معي ويمسح لي في دموعي وانا بقيت ازيد.في البكى،قال ليها روابي جيبي مويه،قالت ليهو حااضر وطلعت،قال لي اصلا غلطتي انا م مفروض اخليك براك هناا ،قمته على حيلي عايزة امشي مسكني قال لي ماشه وين،م رديت عليهو قال لي شههد بتكلم معاك انا ماشه وين؟طلعته من الغرفه النحن فيها مشيت غرفتي فتحته الدولاب اقرب عبايه لقيتها شلتها ،جا لاحقني وشايل كبايه المويه في يدو قال لي شهههد،عايز يقرب مني لزيتو،مسكني قال لي طيب حبيبي روقي وإشربي ليك مويه مدة لي المويه لزيتها بكل قوتي لمن إترشت في قميصو والكبايه وقعت إتكسرت،قولته ليهو بي صرخهه م تمسكني م تلمسني تااني فااهم انا م عايزة اقعد هنا وخلاص،قال لي حتركزي مع غفران يعني؟قولته ليهو م مركزه معاها بس هي فعليا مرتكك ودهه بيتها و...قبل م اخلص كلامي لقيتو ضاميني عليهو بكل قوتو وبقول لي بالنسبه لي إنتي بس مرتي وعمرو الشي دة م إتغيير ولا حيتغير حتى لو إتزوجتهه الدنيا كلهااا،ضعفت للحظهه وانا بين يديهو وكنت عايزهه امسك فيهو بس رجعتهه إتماسكتهه ولزيتو مني وقولته ليهو حتمسك بي زمن وتقضي معي يومين تلاتهه زي م قالت هي صح؟إنت عايز تستقل الحالهه الأنا فيها دي زي م إستغليت الفرصهه المرهه الفاتت وإتافهتهه علي صحح😭😭😭😭رجع خطوتين لي ورا قال لي وحتسمعي كلام غفران صح ي شهد؟دة الحتعمليهو حتى من غير م تفكري و تديني فرصه حتسمعي كلامها،طيب تمام ي ستي العايزاه إنتي يحصل م حاقرب منكك وم حتشوفي وشي ابداا لو عايزهه كدهه،بس م تطلعي خليك قاعدة هنا إنتي عندي اهم من كل النقاشات المستهلكهه دي ماشي ي شهد؟طلع وقفل الباب بعدها قعدته في السرير وبقيت ابكي،جات روابي داخله شايله معاها جك بتاع مويه وكبايه،قعدت جنبي قالت لي شههد حبيبتي وقفي بكى يااخي دي واحدة م تستاهل إنك تنزلي دموعكك عشانها وبعدين مهيد م قصر معاها تستاهل اللي اخدتو في وشها دهه كلو الغيااظهه قهرتني لكن مهيد فشاني😐عارفه ي شهد يمكن تشوفيني انا بضحكك كده ودايما مبتهجهه تقولي البت دي ي بختها مبسووطهه وحياتها ماشهه عال العال،انا من جيت لاحظته ليك كئيبه وفي وجع في عيونكك بس حابه اقول ليكك م اي زول بضحكك معناها هو فعليا الحاجه دي طالعهه من جواهو ،احيانا بنضحكك من كترهه الوجع الجوانا ،واحيانا علشان م نخلي غيرنا يشوف همومنا،واحينا الضحك ده زاتو هو البقوينا ونحن في عزز وجعنا،يمكن م اقدر احكي ليك معاناتي والخصها ليك كلها بس انا حرفيا عشت حياة كلها ملانهه نكد ومهاترات بس ابدا م ضعفته م إستسلمته م قولته ليه انا من بين الترليون الف شخص دهه يحصل معي كدة علشان واثقهه تمام إنو كل حاجه تنزل من ربنا هو عندو حكمهه فيهااا ،ولسسهه عايشاها بس اهو انا قدامكك لسسه مكملهه وبحاول ابسط نفسي بنفسي فشنو علشان كدة ي صحبتي طول م انا معاك بطلي نفسنه وخلينا ننبسط ياخ العمر قصييير وم معروف الواحد يموت متين علشان يفضل ينكد على نفسو كدهه😂😂😂👊💔قالت لي وبعدين ياخي إنتي متزوجهه جنتل ع فكرهه يعني كونكك تكوني من اولوياتو وهو يكون ملهوف عليكك بالصورهه دي م حصل لاقاني في الشرق الأوسط انا عشت في دبي،والشارقه وقطر،بس م لاقتني حاله من حالات مهيد دي ع فكره كل اهلي حاليا بقولو إتغير لأنو عصبي شديد ولا هو بس معاك إنتي بكون كدهه؟سكتته م رديت عليهاااا،قالت لي إتفضلي إشربي مويه هدي بيها اعصابك وادخلي الحمام إتدوشي شويه كده علشان تستكيني وإرتاحي تمام؟قولته ليها حااضر،قالت لي طيب يلا اخليك علشان تاخدي راحتكك😘🌸طلعت من الغرفه لقت مهيد واقف قال ليها هدأت؟قالت ليهو شويه احسن بس ياااخي حراام والله شكلها مرهقهه ومنهارهه لدرجه إنها م قادرهه تدافع عن نفسهاا،قال ليها فعلا ي روابي ده الحاصل معاها عشان كدة انا جبتك تكوني معاها ،قالت ليهو حاخلي بالي منها والله العظيم،فجأهه وهم واقفين الجرس ضرب ،مهيد قال ليها خلي انا بمشي بفتح ،مشى فتح الباب إتفاجأ بي امو واقفه في الباب ووراها رزان ،امو قالت ليها ادخلي ي بت من غير م تسلم عليهو حتى،مهيد وقف ليها في الباب قال ليها امي لو سمحتي سوقي بت اختكك ورجعيها مكان م جبتيهاااا،امو قالت ليهو يدكك دي لي انا ي ولد؟سكت،قالت ليهو اسمع كلامي ده للأخر بدون ااي إنفعلات،البيت ده ورثهه من ابوك انا عندي فيهو وانت عندك فيهو،انا جايبه بت اختي وعايزة اقعد في الجزؤ بتاعي كلامي دهه واضح ولا لأ؟قال ليها بت اختكك م عندها اهل بلموهااا؟قالت ليهو الكلام دهه بنطبق على الهاملهه الخاتيها جوهه عندكك دي،قال ليها ماف مقارنهه،قالت ليهو فعلا ده الحاصل بس إنت العيونكك وسخانهه م تكتر معي انا جيت راجعهه بيتي حتطردني منوو؟سكتت،إتجاوزتو ومسكت رزان ودخلت بيهاا،اول م شافت روابي قالت ليها بت الصادق ازيك،روابي قالت ليها اهلين عمتو كيفكك،قالت ليها تمام الحمدلله زي م بقولو البيت محروس وستو بتكوس من متين معانا بي جاي،قالت ليها والله ي دوب جيت اليوم ههههه،قالت ليها ايواا منورهه والله اهلكك كيف امك واخوانكك وابوك كويسين،قالت ليها الحمدلله إتفضلو اجيب ليكم مويهه،قالت ليها هههه لا ي بتي خليك ست البيت جات بعد كده عليها حق الضيافهه ولا شنو ي رزان،رزان على طول جرت دخلت غرفتهاا،مهيد جا وقف وعلى وشو علامات الغضب دخل يديهو في جيوبو قال ليها إنتو خليكم قاعدين نحن الحنمشي تمام ي امي؟ وإتحرك جاني في الغرفه لقاني راقدة قعد جنبي في السرير ومسك لي يدي قال لي شههد امي جابت رزان وجات راجعهه البيت،قمته على حيلي وفي وشي علامات الخلعه والخوف،قال لي نحن ممكن نمشي نأجر شقه مفروشهه في اي مكان ناخد فيها فتره قومي جهزي نفسك انا عندي واحد صحبي شغال في العقارات حأخليهو يشوف لينا شقهه اسي ونطلع على طول،قام على حيلو طلع تلفونو من جيبو وإتصل مكالمه وقال"ي عباس كيفك ،لا تمام الحمدلله اسمعني،عايز لي شقهه مفروشه تكون نضيفهه كدهه وفي مكان يكون نضيف ،عايزها اسي ،طيب منتظر مكالمتكك 🌸بعد م قفل لقاني بعاين ليهو قال لي شويه كدة وحيرجع لي إنتي الوقت داك جهزي نفسكك ،وقفته على حيلي ومسكتو من كتفو قولته ليهو بس دة بيتكك،قال لي م بيتي ي شهد ابداا،قولته ليهو الواقع بقول غير كدهه،وبعدين إذا جيت تحسبها حتى لو امكك جابت غفران دة م سبب يخليك تزعل منها في النهايه هي امك وغفران مرتك وعلى زمتكك يعنى حتى لو طلقتها غفران عندها حق تقعد في البيت دة تلاته شهور ،عاين لي بي زعل قال لي حتى إنتي ي شهد؟قولته ليهو م انا دة الواقع،وبعدين انا ابدااا م عندي مشكله إنو اقعد مع غفران في بيت واحد اصلا بقى ماف شي بفرق معي يعني لو أذنت في راسي للصباح م حأركز معاها إنت م تشيل هم وامشي رضي على امكك كفايه جدا إنها بتحاول تحافظ على مكانتكك في المجتمع وبتخاف عليك وبتحسب ليك الف حساب لكل حاجهه ي مهيد وانت عارف كدة صح؟قال لي إنتي بتقولي كدة؟قولته ليهو انا م حاقعد العمر كلهه في البيت دة بس فتره قصيرهه اكون بعيده عن اهلي والناس القريبين مني شويه بعدها هحاول إني اشوف مكان اقعد فيهو يعني م حطول وانت كمان لازم،قاطعني قال لي تمام ي شهد من غير م تكملي وطلع وقفل وراهو الباب،جات روابي قالت لي انا همشي ي شهد،قولته ليها وين؟قالت لي م بحب الأجواء المكهربهه دي لاني هاربه منها وبعدين إنتو كمان طالعين انا حأقعد اعمل شنووو؟قولته ليها م تمشي ياخ م طالعين نحن ولا شي حنقعد هنا وبعدين إذا إنتي مشيتي انا الحيقعد يفرق علي منوو؟قالت لي طيب طالما م ماشين حأقعد،نهايه اليوم ده جاتني ملك وإتفاجات بي ام مهيد ورزان في البيت،اصرت علي امشي معاها قالت لي ديل حيجننوك فهمتي يعني شنو حيجننوك؟قولته ليها م ماشه،قالت لي شهد إنتي في شنو مالك؟نسيتي العملو فيك مهيد فجأهه؟قولته ليها م نسيت ،قالت لي طيب اها شنووو؟قولته ليها مهيد م طلقني يعني الأول والاخير الواقع بقول إنو نحن لسسه متزوجين،قالت لي يعني افهم من كلامكك إنك عايزة ترجعي ليهو ي شهد؟سكتته،قالت لي كلامك م مقنع وانا واثقهه في حاجه إنتي داساها وم عايزة تقوليها دي عادتك بتكتمي على نفسك لغايه م تصلي لمرحله الناس م تقدر تعمل ليك فيها شي،قولته ليها ملك انا هنا كويسه ومرتاحه صراحه عايزة اخد فتره هنا دي كل القصه ممكن م تضغطي علي؟قالت لي وحتعيشي تحت رحمه وزله ام مهيد وغفران التافهه؟قولته ليها مع مهيد،قالت لي حتجني بسببو بس يلا تمام امي قالت اتصل ليها عشان عايزة تطمن عليك وتشوفك كيف،قولته ليها بسرعه لا م تتصلي عليها انا كويسه لما تمشي هناك انا بتصل عليكم،قالت لي بالمناسبه هاك صلحته ليك تلفونك ركبته ليهو شاشه،قولته ليها بخلعهه فتحتيهو؟قالت لي بسم الله مالك مخلوعه كدة لا م فتحتو لانو قافل كهربهه،شلتو منها بسرعه ،قالت لي دقيقه اتصل على امي،بقيت متوترهه م عارفه كيف حاقدر اتكلم معاها واسمع صوتها عاادي انا فعليااا قرفانهه منهاااا،بعد مسافه من مسكه ملك للتلفون قالت لي م بترد م عارفه مالها،في قلبي قولته اووف الحمدلله،قالت لي عايني انا البيت دهه وجو م بنزلو لي من زوري انا ماشه خلي بالك من نفسك واتصلي علي تمام لو حصلت معاك اي حاجه ولو غلطو عليك بس مسكلي لي ظابط؟قولته ليها طيب،قالت لي وبالله فكري وخلي جنكك البتعملي فيهو ده مهيد دة ود امو افهمي ود امووووو،سكتته،قالت لي يلا سلام طلعت لقت ام مهيد قاعدة في الهول طلعت على طول وم إتكلمت معاها،
فضلنا إسبوع على الحال دة،طول فتره الاسبوع دي طلعته من الغرفه مره واحدة بس وإتلاقيت مع ام مهيد بس م سلمت علي ولا حتى انا،بس مهيد وروابي كانو مهتمين بي شديد واغلب الوقت انا وروابي بنكون مع بعض في الغرفه حتى في الأخير روابي حولت شاشه غرفتها لغرفتي وبقت تنوم معاي وكدة،في يوم جمعه قالت لي عايني أنا زهجتهه ارح نطلع نمشي،قولته ليها وين؟قالت لي ااي مكان ي شهد المهم نطلع من كتمه النفس دي،بعد تحانيس منها قولته ليها طيب،لبسنا وطلعنا ،مشينا إتغدينا بره ولفينا كدااا،رجعنا قريب للمغرب،اول م جينا داخلين البيت سمعنا اصوات رجال كتيرهه والباب فاتح م كان مقفول،روابي قالت لي شكلو في ضيوف،قولته ليها تقريبااا،اول م دخلنا بالفعل كان في ضيوووف في كم راااجل قاعدين،دخلنا قولنا السلام عليكم فجأهه اسمع روابي بتصرخ وبتقووول وااااااااي باااااباااا جييت متييين،وجرت ،فجأهه اشوفها بتترمي في حضن رااجل كدة،قال ليها بتي يااااخ كيفكك،قالت ليهو مشتاقهه ليك والله مشتاقهه ليك شوووووق م عاادي،مهيد بقى يعاين لي وملامح وشو متغيره،الراجل قعد يضحكك وروابي بتتكلم وبترقي معاه وبتسالو عن صحتو وكذاا،انا كنت واقفهه ومترددة م بين اسلم وم اسلم وبعاين في الرض،رفعته عيني وقعت على روابي ابوها وهو حاضنها وبسالها عن اخبارها والحب الفي عيونو ليها صراحه اول مره احس إني حاسدهه زول على نعمه اداها ليهو ربنا،والراجل ماشاءالله كان جنتل شديد وشعرو فيهو شيب ولحيتو برضو باين عليهو كبير بس م شديد وملامحو جميلهه لمن غلط نفس ملامح مهيد شكلو طالع عليهو ،فجاهه اسمع زول بقول لي تعالي ي بتي كان راجل كبير كدهه،روابي قالت كملت سلامها على بقيه القاعدين وقالت لي شههد تعالي،إتحركته مشيت سلمته عليهم كلهم وكل واحد فيهم سلامو احلى من التاني ،مهيد قال لي طبعا ي شهد دة عمي الصادق اصغر اعمامي،ودة عمي عثمان كبيرنا ،ودة مهدي،قولته ليهم اهلين،مهيد قال ليهم طبعا دي شهد،فكرته لقيت ابو روابي بعاين لي مساافهه،روابي قالت لي إحم شهد بابا شكلو مشبهكك علشان كدة متنح فيكك كدة😂😂😂😂😂ابوها ضحكك قال ليها لا بس داير اعاتب مهيد ده ي ولدي اسي دي بت بعرسو فيها صغيرا شكلا وعمرا يااخ إتفضلي ي بتي اقعدي ،روابي قالت لي شهد حيعزموك يعني؟إتفضلي،عمو عثمان قال ليهم شكلها خجلانه اول مره تتعرف علينا وكده معليش ي بتي والله مع مشغوليات الحياة وكدة م جات فرصه مناسبه نتعرف عليك فيها ياخ💕💔قعدته ،مهيد كان قاعد وبهز في رجلو سااي،عمو عثمان قال ده مالو سكن في محلو،عمو مهدي قال ليهم امور كلاب الشرطه دي م بقدر يخليها ده العادي حقهم ،فجاهه سمعنا صوت بقول خليك في الغرفه دي لمن اناديك فاهمهه وطاخ الباب قفل،طبعا انا م قدرته اتلفت بس صوت الرجول كانت قريبهه،فجأهه اسمع صوت بقول السلام عليكم،روابي وقفت على حيلها قالت ليهو وعليكم السلام كيفكك تمام،بقى يسلم عليها بحرارهه كدة قال ليها إنتي بت خالي الصادق إذا م غلطان صح؟ قالت ليهو ايوهه ههههه،قال ليها إتشرفنا طبعا انا ود خال مهيد😊قالت ليهو إتشرفنااا،إتلفت علي وقال لي السلام عليكم اول م رفعته عيني عاينته ليهو إتخلعتهه وبقيت م قادرهه امد يدي ولا اخليها مكانها وهو نفس الشي ملامح وشو إتغيرت 360درجه من شافني ....
#نتلاقى®
