عشقني أستاذي

البارت التاسع عشر

فراق:- هاا شبيچ أستغربتي؟

زينب:- أنت شتسوي هنا؟
مو گتلي بعد ما أحچي وياچ

فراق:- أي صح گتلچ ما أحچي وياچ منا لمن تطلگین وهاي أنتي تطلگتي

زينب:- من سمعت كلامه تفاجأت منه وخفت حيل لأن عرف بموضوع طلاگي وأنه ما چنت أريده يعرف أبد.
بس هو شلون يجي لكليتي ويحاچيني بنص قاعتي گدام الطلاب ومن تذكرت ألطلاب موجودين التفتت لگيتهم يباوعولي صح هم ما سمعو شي لأن فراق حچه على كيفه بس أستحيت حيل لأن هاي أول مره ف گتله...
أنت شلون تجي تحچي وياي گدام الكل بالقاعه وتعرف زين أنه ما أحب هذا الشي؟

فراق:- طلعي للممر خلي أحاچيچ وأروح

زينب:- گلت أحسن شي أطلع لبره خاف الطلاب يسمعون شي حتى أنوب أصير ما صدگت أتطلگت وأجيت بسرعه أرتبطت بواحد ثاني لو تطلع عليه سالفه أنه تطلگت علمود فراق.
گمت من ستيجي وطلعت وياه للممر گدام القاعه وچان بوقتها زهراء وريهام رايحات للأستنساخ.
گتله...
رجاءاً لا تجيلي ولا تحاچيني مره ثانيه

فراق:- أسف ما أگدر.
أنه چنت منتظر تتطلگين وأخلص من رجلچ حتى أگدر أحاچيچ براحتي ونطلع نتمشه ونگعد سوه ونسولف

زينب:- لا بالله خاف ما ترضى.
شلك بهذا الحچي.
چنك ما تعرف أنه هاي السوالف ما أمشي بيها لو أموت وما أعتبرعا بنعال هم

فراق:- زينب أنه أحبچ

زينب:- بس أنه ما أحبك

فراق:- راح تتعودين عليه وتحبيني من نطلع ونسولف ونگعد راح آحچيلچ كلشي عني

زينب:- ما أريد أعرف عنك كلشي.
بس شغله وحده ردت أعرفها منو گالك أنه تطلگت؟

فراق:- ما يهم هذا الشي أهم شي عرفت

زينب:- أنت ما يهمك بس أنه يهمني

فراق:- خوش إذا يهمچ راح أگلچ.
أنه كل يوم أجي يم محمد أخوچ وإذا مو مل يوم ف بين يوم ويوم ومن نگعد بالباب نحچي تجي بنت جيرانكم وتدخل لبيتكم تاخذ فتره وتطلع.
وهي دوم من أنه ومحمد گاعدين تجي وتباوع عليه ف عرفت هي معجبه بيه وأستغليت هذا الشي.
بيوم چان محمد بالبيت راح يجيب ماي قبل لا نطلع وهي أجت ف أنه صحتها...
يبنيه

طيبه:- هاا

فراق:- رحت يمها وأنطيتها رقمي.
هاچ بس رمشيلي عندي موضوع وياچ

طيبه:- ماشي (بأرتباك)

فراق:- أبتسمت بوجهها وهي راحت دخلت لبيتكم.
بالليل رمشلي رقم وبعدها بشوي دزت رساله گالت...

طيبه:- أنه طيبه جيران بيت أبو محمد.
شنو الموضوع الردتني بي

فراق:- رديت عليها..
هلو طيبه شلونچ

طيبه:- الحمد لله زينه أنت شلونك

فراق:- بخير بشوفة حروفچ.
وبديت أحچي وياها وهي أرتاحتلي بعدين گمت اسألها عنكم أسوي نفسي أسأل على محمد وهي تسولفلي كلشي تعرفه.
بيوم چنت أحچي وياها ف سألتها...
شكو ماكو؟
شلونهم بيت أبو محمد؟

طيبه:- الحمد لله زينين.
بس والله اليوم حيل اتأذيت عليهم

فراق:- خير شصاير

طيبه:- أخت محمد الچبيره أتطلگت

فراق:- منوو (بأستغراب)

طيبه:- زينب

فراق:- ليش شنو صار واتطلگت؟

طيبه:- زوجها ما يصير عنده أطفال وهي يصير عدها ف طلگها حتى ما تنظلم وياه وتگدر تتزوج وتجيب طفل

فراق:- هاا هيچ السالفه

طيبه:- أي

فراق:- شلون عرفتي؟

طيبه:- أجن أخواتها المتزوجات كوثر وهدى وهن صديقاتي ف رحت أشوفهن وهن حچلي.
بس والله ما تستاهل زينب ورده

فراق:- الله يعوضها.
من سمعت هيچ من طيبه أرتاحيت حيل وفرحت فرحه ما صايره أبد.

زينب:- حچالي فراق على كلشي وشلون عرف أنه تطلگت طلعت بنت جيرانا (طيبه) هي اللي گايلتله على كلشي.
طيبه عمرها بعمر أختي كوثر وصديقة كوثر وهدى حيل ومعتبريها وحده من أخواتي ودائماً عدنا بالبيت تاكل وتشرب وحتى مرات تبات يمنا.
بس طيبه ما الها ذنب من گالت لفراق لأن هي ما تعرف بي يعرفني لو يحبني وهي حبته وحچتله كلشي بس هو أستغل طيبتها ف گتله...
هي حبتك و وثقت بيك وحچتلك كلشي بس أنت أستغليت حبها لمصلحتك

فراق:- هي تحبني بس أنه ما أحبها

زينب:- أنت بس تعرف تضحك على بنات الناس

فراق:- لا أنه ما ضحكت عليها بشي وأضلاً ما گلتلها أحبها ومن هاي الخرابيط

زينب:- أنه ما يهمني هذا الشي.
اللي يهمني ما أريد أحچي وياك أبد ولا أوگف وياك ولا تجي عليه

فراق:- أسف.
ذيچ المره قبلت طلبچ لأن چنتي متزوجه وعلى ذمة رجلچ بس هسه ما أگدر أوافق أبد لأن أنتي أنفصلتي وخلص كلشي

زينب:-أنه ما أعرف هاي الأشياء.
اللي أعرفه أنه ما أريد أي شي يربطني بيك ولا أريد أي علاقه بيناتنا

فراق:- بس گتلچ أنه أحبچ

زينب:- وأنه گتلك ما أحبك

فراق:- أنه هسه راح أروح وأنتي فكري زين ولا تتسرعين بشي أبد وبعدين نسولف

زينب:- گتلك ما بينا سوالف

فراق:- لا بينا سوالف وهواي هم مو شوي.
يلا أنه رايح باي

زينب:- راح فراق وأنه رجعت للقاعه گعدت بس چنت حيل خايفه ما أريده بأي طريقه وأي صوره.
يا رب إذا بي خير ألي ويحبني مثل ما گال قربه مني وخليني أثق بي ولين گلبي أله وإذا بي شر بعده عني لأن ما بيه أتحمل شي بعد.

____________________🌸🍃

أكمل لو لا؟