عشقني أستاذي

البارت السابع والثلاثون

وسام :- گعدت الصبح كلش نشيط وأحس گلبي مشتاق لزينب وعطشان على شوفتها حيل ما أعرف ليش.
رحت غسلت وبدلت وأخذت جنطتي وطلعت الساعه ب٧ وثلث من الغرفه ورحت ركض للصاله گلت...

وسام :- صباح الخير

الكل :- صباح النور أستاذ

وسام :- باوعت بكل مكان بس ما شفت زينب بس گلبي يدگ بكل قوته حسيته يريد يطلع من حلگي عليها بس هديت نفسي شوي گلت يجوز بالمطبخ راحت تساعد البنات.
رحت للمطبخ بحجة أشوف الطلاب باوعت هم ما شفتها وبهذا الوقت قلقت عليها حيل.
رجعت للصاله وجابو الريوگ خلوه على الطاوله بعدنا ما گعدنا سمعت هاجر گالت..

هاجر :- أكو أحد بيكم شاف زينب اليوم

شذى :- أنه ما شفتها

بارق :- ولا أنه شفتها

معاذ :- حتى أنه لا

عمر :- ولا أنه

ميلاد :- اكيد فايتتها نومه

ضي :- يجوز تعبانه من البارحه وبقت نايمه

وسام :- ما گالت لأحد بيكم هي تريد تروح الصبح لمكان

الكل :- لا

وسام :- كل الطلاب گالو ما شفناها اليوم عفتهم ورحت على غرفتها وهاجر وشذى أجن وراي وبارق ومعاذ وعمر أقتربو شوي.
دگيت باب غرفتها بس ماكو رد رجعت دگيته مره ثانيه هم ماكو صحت..
زينب
بس محد جاوب عليه وبهذا الوقت زاد خوفي حيل ف رجعت دگيت الباب وصحت بصوت عالي..
زينبببب تسمعيني
ما جاوبت عليه أبد ف گلت للبنات..
فتحن الباب أنتن وشوفنها مفتوحه

هاجر :- ماشي استاذ.
رحت فتحت الباب بس الباب چانت مقفوله

وسام :- مقفوله (سأل هاجر بأستغراب)

هاجر :- أي أستاذ مقفوله.
شلون هسه شراح نسوي

وسام :- عندي مفاتيح أحتياطيه لكل الغرف راح أجيبهم.
رحت ركض لغرفتي فتحت الباب ورحت للكنتور أدور على النسخ الأحتياطيه ولگيتهم.
رجعت لباب غرفتها وبديت أجرب المفاتيح واحد واحد منا لمن أنفتح باب الغرفه

شذى :- أنفتح أنفتح

وسام :- هاجر وشذى فوتن شوفنها بالغرفه لو لا

شذى :- صاار أستاذ

وسام :- دخلن شذى وهاجر لغرفة زينب شوي أسمع صوت هاجر عالي حيل...

هاجر :- زينب شبيچ أحچي وياي زينب بس فتحي عيونچ شوي

وسام :- مات كلشي بيه من سمعت كلام هاجر وصحت عليها..
هاجر شصاير أحچي (بصوت عالي)

هاجر :- أستاذ الحگ زينب واگعه

وسام :- دخلت أركض باوعت لگيت زينب بتراكها واگعه يم الچربايه يمكن چانت ترید تگوم من مكانها و وگعت.
رحت ركض عليها أخذتها من أيد هاجر وشذى اللي چانن يصيحن ويبچن وصحت عليها..
زينب شبيچ گومي
باوعلها ماكو أي حركه خليت أيدي على گلبها حسيت أكو نبض بي بس ضعيف وجسمها مثل الثلج وأشافها زرگ.
ركضت سحبت چرچف (غطه الچربايه) ولفيتها بي لأن شعرها طالع وصحت على بارق..
بارق تعال أنت و ٢ من الولد وياك وهاجر وشذى