عشقني أستاذي

البارت الثامن عشر

زينب :- بعد ما صعدت بالسياره الطريق كله ريهام وزهراء يحچن وياي ويخففن عني القلق اللي أنه بي ويشجعني أستمر أدرس وأحقق الشي اللي أطمح أله.
وصلنا للجامعه ونزلنا من السياره نتمشه لمن وصلنا لكليتنا دخلنالها خلينا ملازمنا باللوكر ورحنا للقاعه دخلنا لگينا الطلاب موجودين

ريهام وزهراء وزينب :- صباح الخير

الكل :- صباح النور

نصير :- بنات أستاذ عدنان ما يجي اليوم يعني أول محاضره شاغر ف وين ما تريدون تروحون روحو علما تبدي المحاضره اللي بعدها

زينب :- ماشي تسلم لأن بلغتنا.

نصير :- ولو تدللين

زينب :- طبعا (نصير) زميلنا ويانا نفس القسم و نفس المرحله والقاعه وهو ممثل الشعبه يعني يحچي بلسان الطلاب اللي موجودين بالقاعه

زهراء :- هلا هلا هذا يوم عيد.
معقوله عدنان مشغول وي لينا اليوم لأن تطلگ وراح تجيبله الشاذي الخامس

زينب وريهام :- ههههههههه 😂😂😂

زينب :- سكتي ولچ لا يسمعچ أحد ونروح بيها.
طبعا زهراء حچت هيچ لأن الكل يعرف بأن زوجة دكتور عدنان حامل وعلى أبواب ولاده وهذا الطفل الخامس اللي راح تجيبه

زهراء :- سكتت وأمري للباري 😥

ريهام :- خلي نطلع نتمشه

زهراء :- أي ضوجه وباقي ساعتين للمحاضره الجايه

زينب :- أوك نروح.
طلعنا نتمشه ونسولف سوه وأحنا نمشي عبرنا على ٥ شباب گاعدين سوه ف سكتنا علما جزيناهم.
بعدين من صرنا مسافه عنهم حچت زهراء...

زهراء :- أويلي ربي كنافه مو شباب

زينب وريهام :- هههههههههه 😂😂😂😂

زينب :- خرب بيومچ أي والله

زهراء :- أي والله صدگ أحچي شوفن شحلاتهم.
ولچن ذوله يسمونهم حلويات الكليه 😍

زينب :- ههههههههههه

ريهام :- ههههههههه وأنتي شيسمونچ.
أكيد صخلة الكليه

زهراء :- أگول أنتي بذات تنچبين وتنلصمين خووش

ريهام :- لا مو خوش

زهراء :- عود أنتي ليش هيچ مضغوطه مني شبيچ

ریهام :- وشبت بیچ أي والله.
أكو واحد ينضغط من وحده لسانها لسان دلاله

زينب :- هههههههه كافي سكتن لا تتعاركن أنوب ومنو يفلچن إذا تكافشتن

زهراء :- يا رب على عناد هاي المضغوطه أرزقني بفرحه چبيره وخليها تنجلط گدامي

زينب :- بهاي الأثناء وزهراء تدعي رب العالمين يرزقها فرحه حتى ريهام تنضغط مر عصفور بالجو وضرگ على راس زهراء