#سرقت سعادتي
Princess shosho
البارت الثاني
مرام ثاني يوم كعدت من وكت وبدلت ولبست حجابي بس المصيبه العلامه براسي بعدها وورامة ودتوجعني كلش بس ماانطيتها اهميه كلت عادي ، وامي ماخلتني اداوم الا تاخذني للطبيب واني عاندت ،،ماقبلت ،خابرت سلوى،،وين صرتي راح نتاخر
سلوى ،،اي حبي جايه بالطريق دقايق واوصل
مرام اوك يالله اني بالباب
اجت سلوى،ركبت السيارة
سلوى،،،عزه شبيها كصتج لج هاي كلش وارمة امشي دنروح للمستشفى اخاف متاذيه
مرام ،،اوف اني اخلص من امي تطلعين انتي ،،،امشي بابا خلي نلحك ،،،
سلوى،،هههههههههههه ع شنو تلحكيني اخاف تريدين تظربين الباب مرة ثانيه ،،يومه كل ما اتذكر اموووت من الضحك ،مرام ،،،هههههههههههه حقج هو اني اضحك ع نفسي ،،،يالله عيني وصلنا انزلي،،
نزلنا وطبينا للقسم وخلصنا المحاضرات الاولى وطلعت للكافتريا جنت احجي ويا ماما بالتلفون سديته ،،لزمتني دوخه كلش قويه واني ع الدرج دنجت لزمت ايد عبالي ايد سلوى واحجي وياها ولج ياعوبه اصبري دخت كلش ،،شو هاي ما الها حس ،حسيت روحي انتهيت بعد ماركز بس اسمع اصوات وديصيحون منو سلوى واحس العالم كلها فوكايه شويه وصحيت لكيت نفسي بغرفه باوعت الاستاذ الي اخذنا بالمحاظرة الاولى وسلوى ،كمت ع حيلي ،ركضت سلوى عليه ،،
سلوى ،حبي شبيج والله خوفتينا عليج خابرت ع عمو ديجي ياخذج ،،،مرام ،،والله ماعرف دخت وماسيطرت ع نفسي
الاستاذ الحمدلله ع السلامة بنيتي الظاهر هاي الضربه الي براسج هي السبب ميصير تسكتين عليها عود هاي انتي جبيرة وتعرفين اصابه الراس كلش خطرة وما لازم نتهاون عليها ،،،مرام صح استاذ ان شاء الله بس يجي الوالد اروح اجيكها ،،،طلع الاستاذ،اجت سلوى كعدت يمي
سلوى ،،،اي عيني تعرفين تختارين وقت الدوخه معبالي انتي هيج لوتيه
،مرام ،،،حسيت سلوى تحجي ومقهورة مني مو عليه
،،،جاوبتها ليش تحجين هيج شقصدج
سلوى ،،تعرفين كلش زين قصدي مالزمتي الا ايد عمر وها عود شالج هو و جابج لهنا بس مانجحت خطتج لان بسرعه راح ولا عبرج
مرام ،،،ولج ياعمر وفعلا ماعرف شتقصد اني لزمت ايدج وكتلج دايخه
سلوى ،،،هههههههههههه ماتعبر عليه عمر الي البارحه هم ساعدج ،،،يالله ع كلا خلي نطلع اخاف اجى عمو وينتظرنا وهم بالهم يمج
مرام ،،سلوى عود هاي انتي صديقتي وهيج تحجين لاعتب ع الغريب نقهرت كلش عفتها ومشيت واني الدنيا تفر بيه طلعت بره صار بوجهي عمر تحمدلي بالسلامة ،،واني شكرته وانحرجت بنفس الوقت ، خفت لاصدك يعتبر الموقف مدبر لان صديقتي هيج فكرت ،شراح يفكر هو
وطلعت شفت سيارة بابا اجت ،،،
اخذني بابا للمستشفى ضمدو الجرح وجان عندي هبوط بالظغط طلعت روحي الى ان طلعنا بالمستشفى
،رجعنا للبيت خطيه ماما قلقه كلش طمنتها وطلعت لعرفتي
،رنا،،،مرام شلون صرتي حبي ،،
مرام الحمدلله احسن
رنا ،،شبيج شو ضايجه سلوى وينها ليش ما اجت وياج
مرام ،،اوف رنا شمدريني بيها
رنا ،صاير بيناتكم شي
مرام ،،،حجيت لرنا ،،عزه معقوله سلوى هيج تحجي يمعوده هاي تشاقه ،،،وين وسوبر مان شتبين منه
مرام شمدريني بي ،شكد عيب كلش مستحيه منه ومن التفكير الي راح يفكر بي
كلت لرنا،رناوي حبي تعبانة اريد انام وفعلا نمت
كعدت العصر افكر بكلام سلوى كلش حز بنفسي
شفتها متصله عليه اكثر من 10مرات
اخذت الموبايل ودكيت ،،جاوبت
سلوى ،،،ولج وينج مرام اليوم اشبعج كتل بس،لازعلتي مني يمعوده بعد مشاقه وياج
مرام ،،،اخذتني بكلامها مثل كل مرة وتصالحنا وبقينا نسولف وحجتلي ع كل الصار فعلا اني نحرجت من نفسي ماشاء الله الي يومين نشهرت بالكليه اتفقنا باجر اني امر عليها وبابا يودينا لان كصتي مضمديها وخايف عليه
ربي يحفظه هو وامي.
