بنات القصه حقيقيه ولاتستغربون من شي بهذا الزمن
ارائكم تهمني شنو رائيكم بالقصه لحد الان وطبعا مرام موجوده ويانا ودا تابع القصه
#سرقت_سعادتي
Princess shosho
البارت العاشر
عمر ،،،جاوبت وبداخلي نار و بركان يريد ينفجر
كتله يابا بعد اذنكم بس عندي كلام وياك او ويا عمي ابو مرام على انفراد اذا سمحت لي شيخ
،،الشيخ ،تفضل ابني اخذو راحتكم طلعنا بره كتله عمي ابو مرام الي راح اسوي هسه راح تحقد عليه طول عمرك بس صدكني لمصلحت مرام
،،بابا،،،،شدتحجي انت شنو قصدك
عمر،،،يابه هذه الخطوبه مراح اتم ومرام متستحق واحد مثلي واني عمي اكلك اياها من الاخير اني انسان سكير ومو خوش ادمي وماريد ااذي مرام واهلي راد يزوجوني عبالهم دا اعقل ،،بس اني محب اظلم بنات الناس
ابوي،،لك انت شدتحجي هي لعبه الشغله لك بابا هذا زواج شال ايده ديضربني وقفه صوت عمي ابو مرام عوفه ابو عمر الحمدلله طلعتو ع حقيقتكم اني بعد هذا الكلام مستحيل انطيكم مره تفضلو من غير مطرود
مرام ،،،،،بعد ما سالني الشيخ ووافقت بقى عمر ،الشيخ ساله تقريبا 3مرات وهو شارد وثالث مرة استاذن وطلع ديحجي مع بابا وابوه
وجعني قلبي وخفت شصاير ليش عمر هيج تصرف
شويه ودخل بابا عيونه شرار وتكدح من الغضب طب للديوانيه واخذ الشيخ ع صفحه ،،وبعد طلع الشيخ والرجال كلهم ومانعرف شنو السالفه
بقيت واكفه انتظر احد يفهمني ماكو اني وماما وسلوى والاقارب الكل صافنة وتنظر تفسير شصار
دقايق ورجع دخل بابا ،،حجى وكال مرام بنتي
الزواج قسمة ونصيب ،،،ابتسمت شنو تقصد بابا
بابا،،بنتي الولد هو رفض الزواج وهذا السواه نزل من قيمتنا بس الحمدلله ربج خلصنا منه ع خير وطز بي واحنا قدرنا ناس طلعت متسوى
مرام،،،بقيت اسمع بالكلام وكأنو عايشه بعالم ثاني
عبالك ديحجون ع غيري وبس الاصوات ودموعي تجري ،،،
رنا،،،،مرام حبيبتي فدوة لعينج حبيبتي. لاتنهارين وتقهرين نفسج احمدي ربج طلع ع حقيقته خلينا نروح لغرفتنا
مرام. ارتاحي شويه
،مرام،،،رنا انتو اكيد دتشاقون هذا مقلب عمر ميسويها هو يحبني
رنا،،،اش مرام اصحي ع نفسج ياحب هذا لج هانج دمر سعادتج ،،،باجمل لحظات،،كافي ليسمعج بابا ،،،كافي فدوة لعينج ابوج ،،من الصدمه والقهر راح يصير بي شي
،،سلوى،،،خلص حبيببتي مرام خلي يولي ميستاهلج ،،
مرام،،،،جنت مصدومه بحيث الخبر صار صاعقه عليه كسرني بعملته ،،ليش هيج ليش،،،اخذت الموبايل مالتي ،،شفت مسج منه (مرام سامحيني اعرف لو مهما احجي واعتذر مراح يكفي بس صدكيني لمصلحتج اني ما استاهلج )
جنت اقرا احرف الرساله حرف حرف دا ادور ع عذر اوغلطان ،،،،اريد اقنع نفسي بس الصار كسر قلبي وشوش عقلي وخلاني عميه بنص الدرب ماعرف ولا اكدر اوصف شعوري ذيج اللحظه
،،،عمر،،،بعد الي صار ابويه مافك عني وامي تسب بيه وميدرون بالنار الي بصدري ابوي بساعته حلف يتبرى مني
اريد اتكلم ماكو واصلا ماعندي حجي اكوله شرف حبيبتي اهم من الدنيا كلها خليهم يكرهوني يحقدون عليه المهم مرام ..واخ يامرام غصه بقلبي صارت شحالها شفكرت بيه شدتحجي. شتفكر هم كرهتني اووووف ليش شسويت اني كل الي ردته بالحلال تصير الي
بس منو اله مصلحه بتهديدي ،،،الصور جانت لمرام دتبدل بملابسها بس مشوشه عليها والثانيه جانت الي والها بالقاعه دنتبادل القبل
صفنت الها ،،،منو ،،منو
معقوله لا،،،مستحيل سلوى ،،،بس ماكو غيرها
اوف شراح يصير بحال مرام اذا صدك متتحمل صدمه ثانيه
بس ليش شنو مصلحتها مرام معتبرتها اختها ،،،،شتريد من عدنا . ليش ،،،خلي اتاكد كن الرقم وبعدين
مرام،،،،دموعي مانشفت وامي ورنا وبابا ،،،كلش مقهورين بس ميبينون هذا الشي حتى ليزيدوها عليه
عشت ايام بس الله ليدري بحالي
كمت اتخيل نفسي انسانه قبيحه احس بنفسي نقص و عيون الناس كلها تراقبني باختصار فقدت ثقتي بنفسي وبالناس كلها
مرت الايام والغريب سلوى كلش قللت زيارتها
بس ماهتميت لان عزلت روحي واكتفيت بالوحده والكليه بالإصرار من بابا رجعت بس مكسورة وعمر ماشفته ابد شكد كرهته واريد اشرب من دمه ،،وسلوى جانت ماخذه اجازة مرضيه مده شهر ،،،وخلال ايام ،،ام سلوى ،،،اجت عزمتنا ع خطوبه سلوى كلش فرحت الها ماعتبت عليها
لان تعرف ضروفي واحتمال ماحبت تقهرني بس استغربت ممعقوله هي متعزمني. يالله ربي يسعدها
،،عمر انقطعت اخباره نهائيا حتى الكليه ميتواجد
بعد الحاح من امي حتى اغير جو بحفلهةسلوى ورنا اصرت ،،،،،، ولان سلوى اعتبرها اختي مو بس صديقتي مردت ارد. عزومه امها لان هي الى حد هاي اللحظه وجان ضني انو اني محتاج عزووومه
رحنا للحفله ووكانت الحفله باديه وينتظرون العريس يدخل حتى يلبس سلوى الذهب،،،
مكدرت اوصل سلوى لان جانت يمها هوسه صاحت وحده من الحاضرين العريس راح يدخل سووو مجال
دخل ،،،وياريت مارفعت نظري و شفت هاللحظه
اعتبرها اسوء لحظه ويوم بحياتي
