#سرقت سعادتي
Princess shosho
البارت الرابع
من بحثت عنه طلع فايبر ماكو عليه سويت بحث بالفيس وطلع عمر ،،،صفنت هاي شنو وشجابه عليه ومنين اخذ رقمي وشيريد مني ياربي اكيد اخذ فكره عني مو حلوة وعباله جنت متقصده الي سويته ،،اوف شسويت بروحي
اتصلت بسلوى
مرام ،،،سلوى لج تعرفين لمنو هذا الرقم
سلوى ،لمنو
مرام ،،عمر
سلوى ،،،شنو ياعمري قصدج عمر الي بالمرحله الثالثه
مرام ،،اي
سلوى ،شيريد ومنين جاب رقمج
مرام،،والله مادري
سلوى ،،مو كتلج هذا فكر انتي متقصده وديحاول وياج عباله مثل هاي البنات الخفيفه ،لاتنطي ابد مجال زين حبي واحظري واذا تغيرين رقمج بعد احسن
مرام ،،،اي والله صح كلامج بس والله مجنت متقصده الصدفه لعبت دورها ،، وشحده يعتبرني من هاي البنات ،،اني بنت ابوي باجر اوكفه عند حده واسد الموضوع
سلوى ،،اي عفيه عليج هو هذا الصح
مرام ،،سديته وضليت بحيرة ،،رفعت الحظر عن الرقم وترددت اتصل عليه بعدين كلت باجر اواجه احسن ،،،
رنا ،،خير ياطير
شعندج صافنه وايدج ع الخد
جنج عاشكه وبالج احد
مرام،،،،اي ببالي شخص لازم اوكفه عنده حده قبل ليتماده لان الظاهر ماخذ فكرة عني مو حلوة
رنا ،،،خوفتيني ،،منو هذا ،
مرام ،،عمر ،،
رنا ،،،ياعمر ،،قصدج الي ساعدج
مرام ،،،اي هو ،،،
رنا،ليش شبي شسوى الولد
مرام،،،حجيتلها كلشي
رنا،،،،لاتستعجلين شمدريج نيته سيئه لاتحكمين عليه بسرعه
مرام ،وهاي المسجات شنو معناها
رنا،،،مرام خليني انصحج نصيحه صح اصغر منج بس ديري بالج من سلوى معرف دا اشوفها متغيرة
مرام،،،اوف رنا ممعقوله انتي سلوى اختي اسراري كلها يمها واحنا نعتبر خوات صداقتنا عمر مو يوم ويومين
رنا ،،،ع كلا حبيبتي اخذي الامور بهداوة واسمعي لقلبج مو لحجي غيرج.،،
مرام ،،اوك قلبي ،،شخبار احمد ،،رنا،،الحمدلله تمام الاسبوع الجاي ينزل وراح يحدد موعد الزواج
مرام ربي يسهل الكم حبيبتي ويسعدكم
رنا ،،امين
مرام ،،،كالعاده مر اليوم وصار الصبح وتلاقينا اني وسلوى رحنا للكليه ،،،،المحاظرة الاولى فراغ لان الاستاذ ممداوم كيفنا رحنا صعدنا للكافتريا ،،،لاحظت عمر ،،انتبه علينا واجا بتجاهنا ،،،،كلبي بدى يدك سريع معرف عبالك عندي امتحان اريده اخلص من هاي الشغله وارتاح اريد اوضح سؤء الفهم
سلم علينا
عمر ،السلام عليكم ،
البنات ،،عليكم السلام ،،
عمر،،،مرام شلون صرتي،،
مرام ،الحمدلله احسن ،بس عمر ممكن احاجيك اذا عندك وقت وياريت بالحديقه نطلع
عمر ،،ماشي صار تفضلي
مرام ،،،سلوى انتي ابقي ما اتاخر
سلوى ،،بس
مرام ،،سلوى من رخصتج
عمر ،،،تفضلي
مرام ،،عمر اعتقد انت فاهم الموضوع غلط واني مالومك بس شغله المسجات ع موبايلي وغير شي هاي ما اسمحلك بيها اني مو من هذا النوع من البنات وثق بالله ياخويه مافكرت بشي ولا اعرف انت الي جنت قريب ع الدرج مني
عمر ،،،اني اسف ،،مرام ،،شغله الموبايل متتكرر واكرر اعتذاري وجان قصدي اطمن عليج والله اما بخصوص الي حجيتي وانو انتي مقاصده اني اعرف كلش زين ،،،لان اني شفتج واجيت باتجاهج وصار الي صار ،،،واكرر اعتذاري واسف اذا اتجاوزت حدودي وياج واوعدج ما اتقرب منج ابد ،بس الصراحه اني معجب بيج واذا اعتبرتيني صديق اوعدج ماتشوفين مني الا كل خير واذا رفضتي شوفتي اني انسحب بكل هدؤؤء
مرام،، بس صعبه انت
عمر ،،اسف والله اسف لاتكملين ادري غلطان هل المرة سماح كتلج جان قصدي اطمئن عليج
مرام ،،، ،تمام اتفقنا اصدقاء لا غير
عمر،،،اوك احلى صديقه ،،
خليني اعرفج ع نفسي اذا ماعندج مانع
