#سرقت_سعادتي
Princess shosho
البارت الحادي عشر
نصيحه مني الكم (صديقك مثل باجر ماتعرف شضاملك)اقروها لحد ماتتعب عيونكم
عمر،،،،بعدىالي صار قررت احاجي سلوى واعرف منها كل شي واذا هي صدك الا اخليها تتمنى الموت وماتحصله
الكليه عفتها هذا الشهر كله مكدرت اشوف مرام وانكسارها مكدرت اشوف الشماته ،،،كل هاي الايام هي بس حاضرة ببالي ودا افكر بتعبها بدموعها ،،،اوف مجرد تخيلي انها دتبجي،اكض روحي بالكوة حتى لا احجي الها شي لان الشغله شغله شرف واذا ما اتاكد ،،راح تصير مصايب
،،حصلت رقم سلوى من مها اختي ،،واتصلت عليها ،،،بالبدايه تفاجئت ،،
سلوى،،، اني ماكدر اسويلك شي اذا جاي ع مود شغله مرام ،،،مرام هسه تكره حتى اسمك
،،،عمر ،،اني محتاجج بشغله ياريت نلتقي بمكان عام وبعدين تعرفين سبب اللقاء،
سلوى ،،اوك
جان موعدنا العصر التقيت بيها ،،،اجت متزينة كأنو عروس والبسمه بوجها ،،، جنت شاكك بيها بس بعدين ايقنت انو هي لان. من شكلها مو هامها مرام والصار بيها
سلوى،،مرحبا عموري
عمر،،،،اهلين سلوى شلونج
سلوى ،،الحمدلله انت شلونك
عمر ،من الله زين بس من عباده مو زين
سلوى،،،خير عمر شصاير
عمر ،،،انتي تدرين كلش زين ليش ردت نلتقي
سلوى،،،لا مادري الصراحه
عمر،،،من ارتباكج وجيتج بهاي الوضعيه ،،تفسر كلشي من الاخير سلوى ،،،انتي الي دزيتي الصور اعرف كلش زين
سلوى،،،بارتباك ياصور عمر شدتخربط قابل بس اني جنت وياكم بالكليه احتمال احد غيري صوركم من شباك القاعه
عمر،،،،هههههههههههه حلو،،،متعبتيني اعترفتي لحالج شمدريج اني اقصد الصور الي بالقاعه وشغله الصورة الي مرام دتبدل بيها ،،لج شنو من نذاله انتي بمثابة اختج هيج تخونيها امنتج على روحها ودخلت بياها ظوتخربين سعادتها كسرتيها باجمل لحظات عمرها،،كلش راح ينكشف حتى لو اني اتاذى المهم مرام راح تعرف الحقيقه مالتج وتعرف اني ماتخليت عنها ،،،،
سلوى،،،هههههههههههه عمر متكدر وماكو اي اثبات لان مرام قبل فترة ضاع الرام مالتها وبالاصل اني اخذته ومن تحجي اي شي مراح تصدك وشغله صوركم بالقاعه ،،الصورممكن اي واحد يأخذها الكم ،،،لاتلعب وياي عمر وتعبني واتعبك ،،من الاخير شرف حبيبتك بايدي اي غلطة او كلمه زايده مرام تخسر شرفها وراح تكون انت السبب واني اتفرج فقط ،،،عمر،،،بايدك كلشي اني احبك من اول يوم شفتك وحاولت الفت انتباهك بكل شي بس انت ركضت ورى مرام ،،،ومثل ميكولون بالحب مسموح كل شي واني حبي الك اعمى ،،،ومستعده اسوي كلشي حتى احصل عليك
عمر،،،اسمع كلامها واني مامصدك شنو من بشر معقوله عبالك فلم هندي ودا اباوع ،،،المصيبه عقلي مدا يستوعب بداخلي ادعي من ربي انو اني بحلم
،،،كتلها المطلوب ،،هسه شنو
سلوى ،،نتزوج
عمر،،،،ههههه ضحكت بستهزاء انتي اكيد تخبلتي يا اما انتي، شاربه شي لج مرام شسوتلج هيج تطعنيها بظهرها ،،اوك مرام عفتها بس تفكرين اتزوجج من سابع المستحيلات
سلوى،،،،بكيفك
عمر مو حاجه اعيد كلامي انت تعرف شنو نهايه عنادك كلشي بايدك
عمر،،،زين اذا وافقت شراح يصير بمرام راح تموت متتحمل
سلوى،،،اوي شخبصتني كتلك العندي
عمر،،،واهلج يدرون اني الي ردت اخطب مرام م اح يوافقون ،،
سلوى ،،اهلي ميعرفوك شخصيا واني اتكفل بالسؤال عنك بالأصل اهلي مراح يرفضون الي طلب ،،،والي اكوله هو راح يتم
عمر ،،،ضربت ايدي بكل حيلي ع الشجرة الي واكف قريب منها وصرخت بصوتي ولزمتها من زندها لوتموتين لو تبقين اخر وحده مراح انفذ طلبج فقدت عليها ودفعتها
سلوى،،،تصرفك راح تندم عليه الك مهله لباجر،5 العصر تجيب اهلك وتتقدملي يا تنشر الصور بذاك الوقت خلي حبك يفيدك .وجسم حبيبتك ينشر وكتلها يصير حلال
،،،
عمر،،،الله يلعنج شنو من بشر لازكه عليه بابا محبج مرام حبي الوحيدة ولج شلون أآمن بيج واخليج بيتي انتي صديقتج الي بمثابه اختج خنتيها
عافتني ومشت ،
وبقيت بدوامه وحيرة شسوي ماكدر انطق ولا اكدر اعترض ميهمني شراح العالم تفكر بس خوفي ع مرام ،،،بقيت بذاك اليوم منمت ومعرف لالمن احجي واشكي ،،،،،ضليت حاير ،،،نزلت لاهلي الصبح حجيت ويا امي كامت تصيح وتحجي ،،عفتها عرفت مامنها امل توافق بعد الي صار بمرام ،، انطيتها خبر راح اخذ بيت عمتي يطلبون الي البنيه
لان الوقت مني يروح وهاي الشيطانة كلشي اسوي ،،رحت لبيت عمتي حجيتلها عن اهلي ميوافقون ،،،وخطيه راحت وياي ،،وفعلا رحنا للشؤم وتمنيت بساعتها اموت لو اني لوهاي ولا مرام تشوفنا بهيج موقف مدا اتخيل شراح يصير بيها من تسمع بالخبر ،،،دست ع اعصابي اتضح امها ارمله ومتزوجه واحد ثاني وهي تعتبر مو بنته ،،،نطو موافقه بدون سؤال لان سلوى حابكتها عدل وقررو موعد عقد القران وفقط خاصه تكون بدون عزومات فقط كرايب العروسه ،،،واني ريحني هذا الشي بس بقيت بقلق
اجا موعد وعقد النا السيد من سالني ،،،تذكرت بوكتها خطبتي من مرام لو موافق جان هسه هي خطيبتي لكن سلوى سرقت سعادتي وسعادتها وخلت حياتي عذاب والله احس روحي راح انفجر واكتلها وافضح كلشي وارجع اتعوذ من الشيطان ،،،،طبيت دا البسها الذهب ،،اول ماباوعت ع المعازين جنت ادور مرام جان كلبي دليلي انو هي راح تجي بالبدايه مرفعت نظرها بعدين باوعت وانصدمت ،حسيت بروحي شكد نذل وحقير رغم اني لسويته من حبي اله وخوفي ع شرفها بس عرفت مرام من هاي الساعه ماتت حياتها وروحها راح تعتبرها طعنه من الحبيب والصديق خيانه عظمى ،،،بحد ذاتها ،،رجلي متشيلني بعد ،،اريد اتقدم ، ،جنت دايس ع نفسي وفتت للداخل وتجاهلت نظرات مرام مردت ينمرد قلبي اكثر لان جنت متاكد اذا ابقى اباوعلها راح اعترف بكل شي وسلوى تستفاد
مرام ،
(خاطرة مقتبسه من كتابات حبيبتي ديانا ام ايه
مشكورة 😘)
كانت صديقتي.....
كانت كروحٍ تسكن داخلي... اناجيها بما يؤرقني ... اخصها بسرّي ...
لم اخفي عنها حبي له ... كنتُ احادثها ساعاتٍ متواصلة ...؟حول مشاعري و احاسيسي...
كنت استشعر فرحةً منها حين ابوح بما يسعدني... مما دفعني لأطمئن لها و ادخالها حياتي...
ادخلتها الى الحد الذي باتت تمتلك متعلقاتي كلها...
حتى من كنت امتلكه وحدي ... من ارتبطت به و حمل اطفالي اسمه ... من كان سندي و ملجأي...
من كنت اغفى بحجرهِ...
من ختم بأسمهِ باب قلبي... و اوصدته بقفل مشاعري نحوه و اكتفيت...
سحبته مني و خذلتني... جعلتني وحيدةً ... بلا سنداً التمس الامان منه...
جعلت باب قلبي مشرعة تلعب بها ريح الخذلان ... بعد ان كانت موصدة و رجل واحد يملك مفتاحها... ضاع مني كل شيء... و ضاعت معاني الحياة عن ملامحي فصرت اتعثر بالخيبات .... كل ما جرى لي سببه .. كانت صديقتي..)...
،مرام،،الي ديصير مستحيل اكيد اني بحلم معرف اضحك ابجي ،،لا لا هاي كلش واكفه هذول اكيد ناصبين عليه
مو معقوله صديقه عمري الي اعتبرهااختي حبيبتي
تسوي هيج ،،،يعني عمر وسلوى،،،سوى،،،بديت احجي ويا نفسي ،،اذكر سلوى ،،،لا لا والله صدك احس نار بصدري راح تحركني وتحركهم خيانه من اقرب اثنين،،والله حرام،،،حسيت ع صوت رنا هجمت ع سلوى وصارت هوسة واني ماحركت ساكن مدا اصدك ،،حسيت العالم كلها ضدي ،،،افترت الدنيا بيه بعد ماسيطر ع نفسي حسيت بوقتها الموت ديداهمني ،،،
اقرب اثنين الي يكسروني شسويت غير حبيتهم
القصه حقيقيه وبالنسبه للقصه اني اختاريتها لان تحمل هواي عبر ومواعض
الفيديو يوصف حاله مرام 👇
