#سرقت_سعادتي
Princess shosho
البارت الخامس عشر
عمر،،،،واخيرا مرام قررت تنطيني فرصه وعاهدت نفسي اسعدها وأعيشها ملكه بزمانها بس للاسف جانت سعادتنا محكوم عليها بالاعدام الخبر بمثابه صاعقه
وقعت علينا يمكن الموت ارحم منه ،،،
جنت مقرر احجي لمرام كلشي ،،واكيد راح تتفهمني بس سلوى كالعاده سرقت سعادتنا ،وحجت كل شي،،،معقوله سلوى حامل هاي شدتخبص استغفر الله كمت اشك بيها معقوله مو مني،معقوله سللوى سوت كل هذا الشي ،حتى تنقذ نفسها
بس لا لان الوضع الجنا بي من كعدت الصبح يفسر هواي اشياء
تعوذت من الشيطان ،،وكمت سحبتها من ايدها وصعدتها بالسيارة بدون اي كلام
اما مرام ،،،،انجرحت مني للمره الثانيه وتعتبرني اني المذنب وهالمرة مراح تلتمس الي اي عذر وحقها ما الومها ،،،شغلت السيارة وتوجهت لاقرب مستشفى
نزلت ونزلت سلوى
سلوى،كافي عمر اني حامل حرام الي دسوي هسه يصير بابنك شي
عمر،،،الله ياخذج ولج دمرتيلي حياتي ،،،،
سلوى ،انت ممصدك
عمر،،،هههههههههههه طبعا ممصدك وهسه لازم اتاكد بنفسي
انتي اخذتي كلشي بالحيله والغصب ،طبينا للدكتور طلبت تحاليل حمل
بقينا بقاعه الانتظار اثناء هاي الفترة دكيت ع امي ونطيتها علم بكل شي ردت احد يساعدني وحجيتلها عن شكوكي وبطلب من امي انو لازم تسوي سونار واشوف عمر الطفل شكد وفعلا طلعت النتائج وجانت ايجابيه شكد اتمنيت تكذيب الخبر ،،،بس ميفيد رب العالمين قاسمه
اله حكمه بكل اموره. اخذنا موعد للسونار وطبينا بعد انتظار ديوصل الحجز النا ،،،،،،انطتنا النتائج والدكتورة شرحت لسلوى كم اسبوع الها واني بدوري شرحت لامي لان شغلات نسائيه واني ما اعرف الها
صدمتني امي بحجيها انو ع الاغلب والله اعلم صح كلام سلوى،،،ارجع واكول اني شاكك بيها وميهدالي بال الى ان يجي الطفل واسويله فحص يثبت ابني لولا ،،لان سلوى امه ومراح اامن ولا اثق بيها،
مرام ،،،ماعرف اوصف شعوري انقهر ع نفسي لو ع الموقف الي خلاني عمر بي لو ع سلوى وعمايلها يعني معقوله الحقارة توصل بيهم ويتفقون عليه معقوله يكون ملعوب منهم حتى يشمتون بيه العالم ،،،بس ليش وشنو السبب اني ماسويت الهم الا الخير ،،عمر،بالنسبه الي،نقطه وانتهى ،،
عمر،،،،،بعد ماتاكدت من حمل سلوى
سلوى ،،،،تبقين يم اهلج ومصروفج يوصلج واذا تريدين مصلحتج لتشوفيني نفسج وكلشي تحتاجي راح يوصل لباب البيت عن طريق الوالده ومن يجي الطفل للدنيا يصير خير وانفذ طلاكي ،،،لان مستحيل ارتبط بانسانه عديمه الاخلاق والكرامه مثلج وحتى الطفل اخذه منج ميعيش بالبيئه العشتي بيها وتربيتي وهسه هذه فلوس ذبيتها عليها وروحي ،، شكد حاولت تتكلم منطيتها مجال صرت اخاف من الاعيبها
ذبيتها باب اهلها وسقت سيارتي وحاير بدنيتي وين ااروح وشلون تصفى كل ما اكول تنحل تتعقد اكثر ،،،،خابرت ع رنا
رنا،،،خير عمر شتريد ،، مكافي الي سويتو بمرام انت تكول سويت هذا كله لاجل مرام شو طلعت سلوى حامل ليكون حملها لمصلحة مرام،،همات ،،،كافي عمر ماعندك عذر هاي المرة.
عمر،،،،حقج رنا انتي متعرفين شي بس اريد رقم زوجج محتاجه ضروري وبدوره هو يفهمج لان صعبه اشرح الج ومراح تصدكون بس راح تشوفين كلشي بعيونج
،،سديته منها ثواني وصلني رقم احمد زوج رنا ،،،
سيفته واتصلت بي وطلبت اشوفه ،،،والولد ماقصر اتفقنا ع الموعد بعد نص ساعه نلتقي
احمد ،،السلام عليكم
عمر ،،،وعليكم السلام حياك ابو شهاب
احمد ،،خيرك عمر اني عرفت بالي صار ومو من حقي ادخل تبقى شغلات خصوصيه ومرام ابتعد عنها افضل الك والها لان ربك ماكاتب الكم قسمه والبنيه دتذبل مثل الورده بسببكم
عمر،،،احمد اني ردت اشوفك لان انت رجال وراح تفهمني وهسه راح احجي وانت احكم
وبديت احجيله عن الي صار واني مجنت صاحي ماعرف شنو الي صار وشوفته شريط الحبوب وشوفته محادثه سلوى مع صديقتها الشيطانه ،،
احمد ،،،،اعوذ بالله شنو من مرة احنا وين عايشين
هذا الشي مايصدك ،،،عمر ،لاتزعل بس راح اسالك انت متاكد تقربت من سلوى ،،
عمر،،،احمد وحق الي خلقك ماعرف شي ومدا اذكر الله يلعنها انسانه اخبث من ابليس ماكدرت اعرف الها الصح
احمد ،،،اترك شغله مرام عليه
راح افهم رنا ورنا بدورها تفهم مرام ،،،وان شاء الله يصير خير
عمر،،،ممنوك اخي ماعرفرشلون اجازيك بس تعرف الموضوع حساس ،،،ومكدرت احجي شي لمرام ،،،
احمد ولايهمك ،،استأذن اني
عمر الله وياك حبيبي
رنا،،،بعد ما اتصل عمر طلب رقم احمد معرفت شيريد ،،بس بعدها من وصل احمد وشرح الي عن كل شي بقيت بحيره يمه شنو هاي سلوى عزا طلعت داهيه يارب سترك الحمدلله رب العالمين بعدها عنا والا جان صارت مصايب لبست قناع البرائه ووصلت للتريده
طلبت من احمد اروح لاهلي ورحنا اخذت الموبايل الي بي المحادثات والحبوب ،،،طبيت للبيت لكيت ماما ومرام كاعدين ديشتغلون بالطرشي ،،سلمت عليهم بس مرام جان التعب والحزن كاسرها ،،،،استاذنت ماما وصحت لمرام لغرفتها
حجيت الها كل شي وشوفتها
مرام ،،استغفر الله ياربي رنا دتفكرين مثلي لو اني تفكيري وسخ
رنا ،،،لا خيتي حتى عمر واحمد شاكين ،،،،بس هسه ميكدر يسوي شي خوفا ع سمعه الطفل مهما كان اذا طلع ابنه راح تمسه الحجايه
مرام،،،،اوف واني شعليه خليني اروح اساعد امي
رنا،،،شنو شعليج مرام ،،،عمر حقه عليج ترى ميصير الولد يتحمل الشغله كلها حتى يحميج وانتي تصيرين ناكرة جميل اعرف مو سهل عليج بس هو حاله اصعب الله يعينه ع الاقل سانديخ مرام عمر ضحى بكل شي حتى ينقذج وهسه ترك سلوى يم اهلها ومن تولد ياخذ الطفل بعد مايتاكد يعني باختصار سلوى انتهى منها لو الف طفل يربطهم مشاعره عمر تجاه سلوى حقد وكره واشمئزاز
وخليج هسه فكري واني رايحه اساعد امي واحجيلها شويه عن الموضوع باختصار ميصير الولد يحمل كلشي بوحده
مرام،،اوك
رنا ،،شوشت افكاري وخلتني اراجع نفسي
يمكن البعض ينتقد اسلوبي بس عمر فعلا يستحق اسانده
ولو خايفه انطي امل بس يستحق معتقد الكه مثل عمر شخص مضحي ويحبني لهاي الدرجه ومتمسك بيه
اخذت الموبايل مالتي وترددت بالاتصال
بعد اتصلت واحس كلبي يرجف
عمر،،،،رن الموبايل اباوع رقم حبيبتي مرام
معقوله جاوبت وبلهفه
الو مرام ،
مرام،مرحبا عمر
عمر ،،،مراحب عيون عمر
مرام ،،الصراحه عمر ،،،مااعرف منين ابدي بالكلام
عمر،،،احجي براحتج الوقت كله الج وكلي اذن صاغيه
مرام ،،،عمر اني اسفه لاني موثقت بيك ومسمعت الك
عمر،،،،،اخ مرام صوتج هذا كفيل ينسيني كل همومي معذورة بعد روحي هو اني ممصدك نفسي ومو سهله الي صار ،،،بس حبي خليج واثقه بيه اموت وماعوفج او اخونج
مرام،،،بعيد الشر عنك عمرك طويل ربي يحفظك
عمر،،،مرام ،،،شنو راح يصير بعلاقتنا والله تعبت اريدج حلالي يعني هذا شي صعب
مرام ،،،الله كريم ،،،كلها تنحل
عمر،،،مرام بعد فتره اجي اخطبج
مرام ،،،بس متاكده الوالد راح يرفض بعد الي صار
عمر خلي يرفض مرة ومرتين وعشرين انتي الي ومتصيرين لغيري احبج واعشقج ولو اضطر احجي السالفه كلها هم احجيها
مرام،،،لا عمر،،،مو ناقصنا وجع راس وتصير عشائريه الشغله خلينا نسد الموضوع وبعدين لكل حادث حديث
بس لازم ننتظر الى ان تولد سلوى ويصير الطلاك وبعدها يحلها ربك
عمر،،،،شنو وج ابقى كل هاي الفترة
رنا،،،نتحمل لان سلوى مامضمون شتسوي بعد
عمر،،،اوك
نهينا اتصالنا ،،،
وبعد هاي الفترة عمر 3مرات خطب ووالدي حتى ميدخله للبيت من الباب يطرده وفقط نتواصل اني وهو بالاتصال
عمر مرت 8اشهر تقريبا وسلوى بقت تلح باتصالاتها واني ممعبرها فقط من يصير موعد عند الدكتوره الوالده تروح وتقوم بالواجب.
فمره جنت احجي ويامرام وسهرانين ورقم سلوى يتصل
مرام حبي ،،،سلوى دتتصل هاي شتريد بتالي الليل
نرام،،،جاوبها عمر المرة حامل ،،،
عمر ،جانت نبره مرام بيها قهر وحزن
اوك راح اجاوبها ابقي وياي
جاوبتها ،،،،جانت ام سلوى،،،،الحك عمر سلوى دتولد راح اخذها قبلك للمستشفى كذا
عمر،،اوك جاي مسافه الطريق دزيت مسج لمررام ونزلت للوالده اخذتها ورحت وصلنا المستشفى جانت بعدها بصاله الولاده ودتكول امها صارتعدها ولاده مبكره ع الثامن ،،، ماهتميت لكلامه جان كل املي،انو اسوي،الفحص لهذا الطفل واتاكد لان الشكوك دمرتني ،،،،بعد انتزار طلعت الممرضه وباركت النا وسلوى جابت ولد
عمر،،،،والكفل شلونه
الممرضه حاليا حطيته بالخدج لان حالته تعبانه والحمدلله ع سلامه المدام
عمر شكرا ،،،اكدر اشوف الطفل
الممرضه ،،اي بس انت من خلف الزجاج
عمر،،،اوك رحت دا اشوفه مجان مبين عليه جانت البرائه محت حقدي لقواني بشوفته نسيت منو امه لان هذا الطفل مال ذنب بشي
اختصارا للاحداث مر تقريبا 5ايام والطفل بالخدج وامي تراجعهم ،،،،نروح ونجي طبعا اني سلوى الى حد هاي اللحظه مشايفها
اليوم قررت اشوفها،،،وصلت كالعاده المستشفى
طبيت لغرفتها
سلوى،،،عمر واخيرا حن كلبك معقوله ما استاهل كلمه الحمدلله ع سلامتج اني ام ابنك
عمر،،،،منو يكول ابني
سلوى،،،بصياح انت اكيد تخبلت دتشكك باخلاقي
سلوى،،،انتي السبب ع العموم جاي اكلج اناي طالق بالثلاث وورقتج توصلج للبيت والولد نتقاسم تربيته مره ه عندي ومره عندج مراح اصير بلا ضمير وافرق ولد عن امه وكل مصاريفه عليه
سلوى،،،الله يلعنك
عمر ،،طبعا هاي الفترة مرام اتصل بيها متجاوب ورنا تكول مرام انسحبت من حياتك لان صار طفل بالموضوع وماكدر اتاقلم ويا الوضع صعب كلش
عفتها تهدى هاي لفترة لان حقها مراح تتقبله بسهوله
دزيتلها مسج اني طلكت سلوى
