سرقت سعادتي
Princess shosho
البارت السادس
،،،مرام مر شهر على الجامعه وعمر بدى يتقرب اكثر واكثر بس متجاوز حدوده ابده وبقينا بحكم الاصدقاء لكن سلوى ،،،تغيرت جذريا ودائما تسمعني كلام،بس جنت ماخذته بشقه لان هي صديقه عمري وبيت اسراري متوقعته تنضد مني
عمر،،،،بديت احس بحبي لمرام رغم هوايه بنات اعرف بس هالبنت بيها شي يختلف صح اكو احلى منها بس بنظري هي اجمل بنات الجامعه صرت اغار عليها واخاف واتقرب منها وحتى اتصالات بيناتنا ،وقررت اصارحها لان احب تكون علاقتي واضحه وياها احبها ورايدها على سنة الله ورسوله وماريد اي بشر يجيب طاريها
قررت اليوم اصارحها واشوف ردت فعلها
مرام ،،،رحت للجامعه مثل كل يوم وقت الريست نطلع للكوفي نلتقي اني وسلوى وكم بنيه وشاب وعمر ويانا ندردش ونضحك ونقضي وقت
اليوم رحت اني وسلوى للكوفي ،اجا عمر،،،،عمر هلو بنات شلونكم ،،وين الباقي شو متبخرين
مرام ،،،هههههههههههه عدهم محاظرة
عمر،،،،مروم عيني محتاجج بشغله بس ياريت نحجي ع انفراد
سلوى،،،،ليش عيني ترى مرام اختي ومتخبي شي عليه احجي شعندك هنا
مرام ،،،،صح عموري احجي سلوى اختي وماظم عنها شي
عمر ،،،اعرف بس هذا الشي خاص
مرام ،،،اوك بعد اذنج سلوى
عمر ،،،نزلنا للحديقه اني ومرام والكلام تبخر اريد انطق تلعثمت
مرام ،،تفضل عمر احجي ترى قلقتني
عمر،،مرام من الاخير اني معجب بيج واحبج والصراحه من اول يوم شفتج بي عجبتيني وماريد اراوغ وياج حبيت اشوف رائيج واذا توافقين اتقدم الج
مرام ،،سكتت فاجئني بجرائته ،،،جاوبته خلينا اناجل الموضوع شويه وبعدين لكل حادث حديث
عمر ،،،يعني اكو امل ،،،
مرام ،،،عمر احنا اصدقاء قبل كل شي .انطيني فرصه اتعرف عليك اكثر
عمر،،،خلص براحتج ،،،بس فدوة لعينج والله باليوم كوه لازم نفسي،قللي كلام مع زملائج الشباب
والله احترك حرك من الغيره اعرف مو من حقي،بس يابنت الحلال احبج واخاف عليج حتى من نفسي،
مرام ،،،،،،سكتت ماعرف شجاوب الصراحه اني معجبه بي وكل يوم قبل ماانام اطب لصفحته بالفيس واشوف مناشيره وصوره ،،،الى ان اتعب وانام ،،،معرف شيريد يسموه بس معقوله هذا الحب
،،،،ترخصت منه وطلعت لاكيت سلوى
سلوى ،،،خير شرايد
مرام ،،،جنت فرحانة اريد اعبر عن الي بداخلي ،لج سلوى اعترف الي بحبه والله ممصدكه
سلوى ،،،،شنو وانتي شكلتيله اكيد رفضتي
مرام ،،،بعت شويه ثكل عليه وكتله افكر ،،،،،،،بس الصراحه اني هم معجبه بي يمكن اكثر منه
سلوى ،،،انتي اكيد تخبلتي بابا هذا ديلعب عليج
مرام ،،،اا ممعقوله الولد حباب
سلوى ،،،اني حذرتج
مرام ،،،،خلص اصلا اني مانطيته جواب ،،،،الله كريم الي قاسمه الله هو يصير عفتها وطبيت للمحاضرة
بعد ايام مرت ع كلام عمر اشوفه اي واحد يتقرب ويتكلم وياي يجي يوكف بصفنا وعايف محاضراته
مرة ،،رحنا للمكتبه اني ومجموعه من البنات وجانت سلوى ممداومه فرفعت نفسي اجيب الكتاب جان عالي فجاءة انمدت ايد ونزلت الكتاب انداريت شفت عمر التصقت بي هو شويه بعد واني اخذت الكتاب دا ا روح لزم ايدي
مرام ،،،عمر شدسوي
عمر ،،،مرام والله احبج تفكيري كله بيج انطيني امل بعلاقتنا او انهيها والله تعبت
مرام ،،،عمر مووقتها العالم هسه تجي
عمر ،،،لا وقتها ومراح اخليج اتطلعين من مكانج الى ان تكوليلي جوابج رفع راسي
احبج احبج والله احبج
مرام ،،،اخجلت من كلامه وابتسمت
عمر ،،،ها ترى ماعندي شي والله ابقى كاعد وماخليج تطلعين
مرام ،،،خلص عمر ،،موافقه
عمر ،،،،،صدك واخيرا مو موتيني والله خبلتيني وشعلتي ابو الجابني من ورى تجاهلج اليوم ادز اهلي مثل ميكولون دك الحديد وهو حامي اخاف تغيرين رائيج
مرام،،هههههههههههه لا ع بختك خلي كم يوم وبعدين دزهم مو هسه
عمر ،،،مرام تحبيني
مرام،،اي
عمر،،شنو اي ،اريد اسمعها
مرام ،،،،اي احبك
عمر ،من فدوة لحلكج رحت واني اموت عليج
مرام،،،،وهسه اكدر اروح
عمر،،،هههههههههههه اي عيني بس بشرط شنو اليوم نتخابر بليل
مرام ،،،،هو كل يوم نتخابر انت
عمر،،،لا حبيبتي اليوم الكلام غير شكل ووحدنا مو جماعي
مرام ،،،احم كافي انطيتك مجال خلي اروح ماريد احد يحجي عليه
عمر،،، منو اليحجي والله احسب الله ماخالقه لج انتي حب حياتي
مرام ،،،خلص عموري ،،،،راح اروح وبليل نتخابر باي
عمر ،،،روحي حبي روحي لا ابتلي بيج
