انا بنت ذلك الفقير

/22/

☆ انــا بـــنـت ذلـــك الــفـقــيـر ☆
الـكـاتــبــه : نــــازك الــبــور✎

الــبــارت  الــثــانـي و الـعـشـريــن 

بارق : خليت كتبي ع المقعد .. درت لكيت هيام بوجهي .. عيونها حمر و مورمات .. گـلبي  وجعني عليها .. 

هيـاام ...؟

هيام : طبيت للقاعه شفت بارق .. رجلي ودتني عليه بدون ماحس .. حسيت بگلبي كره اول مره احس بي .. حقدت عليه .. دار وجهه عليا .. حجيت ويا بهدوء

انتو شنو ..؟؟؟؟
هايهية ... الدنيا يمكم هايهية فلوس و بناات ..؟
عبالكم بفلوسكم كولشي يجي تحت امركم ..!!
متعوفونا بحالنا ..؟؟  شتريدون اي فگر ..  فگر بس ترا مننذل ... و متشترونا بفلوسكم .. ترا مو انتو خلقتونا ..فلوسكم عيشوا بيها منريد شي منكم ..
صيحت .. انت شتريد مني .. ليش ابويةةة بالذات .. شتتوقع راح احبك؟ راح اتوسلك ...؟

انت اخر واحد بالدنيا افكر احبه ...!

عفته و مشيت و عيوني ماكدرت الزمهن من البجي ...

بارق : تحجي و تبجي .. بقيت صافن .. شدتحجي ..؟؟؟
شالت سيف و خلته بگلبي من كالت ماحبك .. طفت الدنيا بعيني .. حتى مكمت اشوفها من راحت ...

هيام : طلعت اشهگ من البجي ع ابوية .. صار غزوان بوجهي .. موكفت مابيا حيل  احد طلعت من الجامعه ...

سمر : نزلت من السيارة شفت هيام طلعت تمشي سريع و تمسح بعيونها ركضت عليها ..
هياام ..؟؟؟ هياام ..
لزمتها .. اشبيييج ...؟
هيام : سمر .. سمررر ابوية ..
سمر : اشبيج شصاير
هيام : ابوية الشرطه سمر اخذوا ابوية ... ابوية انسجن سمر .. الله يخليج عوفيني اريد ارجع للبيت ...عوفوني الله يخليكم عوفوني ...
سمر : خليت ايدي ع حلكي عزااا .. ليش ..؟؟
هيام : مادري مادري .. اريد ارووح الله يخليج
سمر : زين .. زين بس ديري بالج ع نفسج .. وكفت كوستر و صعدتها بيها و دفعت كروتها .. بس گلبي عليها ..

غزوان : وكفت بالباب شفت هيام دتحجي ويا بارق طبيت ... سمعتها تبجي و ترزل بي ... طلعت تركض و تشهگ بالبجي .. گلبي انمرد عليها .. ركضت ع بارق جريته من ياخته و لزكته بالحايط

لك نذل شسووويت بيهاااا ..؟؟؟

بارق : كلامها بقى براسي .. حتى براسي مكمت احس ... محسيت الا غزوان لزكني بالحايط ...؟؟؟؟
دفعته حيل و صحت
وخررررر غزوووووان ...
عفته داروح وراها .. اريد افتهم شبيها ... جرني و درت عليه جانت اعصابي نااار ماتحمل وجه بشر مو عاد غزوان
ضربته بوكس يمكن فلشت وجهه .. وكع ع المقاعد ..
طلعت ركضت ادور عليها  ...؟
احمد : ها زعيم ...؟؟
بارق : وينهاا....؟
احمد : منووو..؟ اشبيك ..؟
بارق : صحت هياام .. وينها ..؟
احمد : مادري مشفتها ...؟ عافني و ركض صحته ..
بااارق ...؟؟؟  ركضت ورا
سمر : طبيت دامشي بالممر و بالي ع هيام حيل انقهرت .. شفت بارق يركض و احمد ورا
بارق : سمررر .. وينهااا؟
سمر : هيام؟
بارق : اييي وينهاا ....؟؟؟
سمر : راحت لبيتهم ... ليش ..؟
بارق : تندلين بيتهم ..؟
سمر : لا والله ..؟
بارق : اشبيها اليوم صديقتج اشبيهااا ..؟
سمر : خطية ابوها ماخذي الشرطه ..
بارق : رجعت خطوة ليورا .. ابوها ..؟
اجا ابالي كلامهاا ..؟؟  وصلت عندي اذا اضرب الحايط يمكن اهدمه من الاعصاب ... عفتها و مشيت .. اختنكت