☆ انــا بـــنـت ذلـــك الــفـقــيـر ☆
الـكـاتــبــه : نــــازك الــبــور✎
الـــبـــارت " الــعـــاشـــر "
اي اني هيام من كوكب الارض رساله الى السماء نشكرك اللهم ع النعم 😄
نور : شلت المخده و ع وجه هيام .. بطلي دراماتج بطلي هيام من كوكب الارض ع اساس عندج غير كوكب تروحيله 😂😂😂
هيام : اشكد خبله كطعت سلسله تاملاتي ولج جنت مندمجه بغير عالم حقيره 😒
نور : اي اني نور من كوكب عطارد ادري بحقارتي من زمان هيومتي الارضيه 😂
هيام : ياااااا شراح يفكني من لسانج عابت حتى عابتين ...
دهاج و اتعاركنا بالمخاد و ضحكاتنا وصلت للسماوات دائما فرحة الفقير بيها طعم خاص لان مظلوم مو ظالم
و ع ضحكنا و لعبنا نمنا مرتاحين بال و ضمير
و بدت السنة الدراسيه الثانيه و اتجهزت الها بهدوم رغم بساطتها و رخصها بس فرحت من رحت ويا امي و اشتريت و ويانا حمودي روحي همين جان كولش فرحان فديته حسيت بفخر و اني امشي ويا بالسوك لزمت ايده بودي اكول للناس ياعالم هذا اخويااا الماكو منه ...
و كبرنا سنة و اتغير تفكيرنا يكولون العقل مو بالعمر بس اكيد بالعمر كلما كبرت كلما نضج تفكيري و كمت احسب لكل خطوة شخصيا اني حسيت نضجت اكثر مادري و قررت اصير اقوى و اقوى و ميهمني طبقات النرجسيه القرقوزية الحولي
و طبيت الكليه و كالعاده اول تفكير يراودني هياام لا تعثرين و لا توكعين كبال الجماهير ركزي ع الكاع 😒😂
رحت كعدت بالحديقه كبال القسم انتظر سموران طبعا كوولش مشتاقتلها المكروها
يمااا منوووو؟؟؟؟ فجأه ايدين سدت عيوني من ورا 😨😨
سمر : حزري حزري منوووو انيييي
هيام : يااااااا ولج حقيرة اشتاقيتلج
حضنتها و بوستها فدووووة
سمر : انييي اكثر كتكوتي ممممواح
هيام : ولج صايره احلى
سمر : مو بحلاتج اكيد فديتج .. شلونج مالونج شسويتي مسويتي بالعطله وين رحتي
هيام : الحمدلله .. مممم نسيت وين طلعت خلي اتذكر مو تعرفين كل اسبوع بدوله مدري فرنسا مدري ايطاليا خو لندن مليت منها يرادلي زياره لموزنبيق تغيير جو
سمر : هههههههه لا يا حقيره
هيام : هههههه ولج قابل وين اروح بالبيت منا لهنا مطلعت .. انتي شسويتي مسويتي
سمر : ممممم متصدكين
هيام : جربيني
سمر : تهمس انـ انـخطبت 😍
هيام :صدووووك 😍 ولج مبروووك منوو وشلووون و ويين
سمر : بدا التحقيق ههههه الله يبارك بيج .. ابن خالي و هااا عن حب صار سنتين احبه و يحبني
هيام : الله ... فدوة الله يسعدج ويا
سمر : يارب ..يوم الج و تاخذين واحد تحبي و يحبج
هيام : يمعوده ويني وين الحب و الزواج
سمر : ليش متريدين تحبين؟
هيام : هو اكو بشر بالدنيا ميريد يحب .. بس مو كل بشر ضروفه تسمح و اني و ضروفي بعيده كولش عن الحب
سمر : هيوم الحب يجيء فجاأه مثل النسمه متوكفه ضروفج الخنفشاريه متحسين الا و روحج واكعه و غركانه ووو فد احساس يجنن ولج حتى عذابه حلو
هيام : هممم هممم كافي العشقانه هههه
سمر : كفينا يالمكروها ههههه
غزوان : اني واكف بنص ربعي و عيوني متلهفه ع شوفت هيام .. اتاخرت شنو بسلا متجي ... هاا هلا اجتي الروح كالعاده تمشي مثل الملكات رغم الفقر طاغي ع كولشي بيها بس تضاهي الملكات بمشيتها
عبدالله : اجا الحب مالك غزوان
غزوان : هه ياحب مو غزوان التوكعه بنيه
عبدالله : عبالي هههه خلي تفكيرك بالتحدي لتخسر
غزوان : لك عبدالله هاي و عشره منها يجن للطريق باشاره مني بيها ريحة فلوس
عبدالله : اني وياك هيج نماذج العازه تجيبهن .. و انت رنا جايتك بدون تعب بختتتت
غزوان : (يا رنا لو تدري بداخلي صديق خسرت التحدي مـن زمان ... بس لا لازم اربح التحدي شكليا بس خلي تجي دخيل الله اربحها و اربح تحديهم.. )
رنا : هلو غزوان اشلونك
غزوان : ياهلا. بخير
رنا : امشي عازمتك بالكافيتريا خلي نغيير جو بدل الوكفه
غزوان : اي ليش لا .. شجابج هسه ربي الحلو حتى عيوني مشبعن من الروح
هيام : و اني كاعده اسولف ويا سمر اجا غزوان و اصدقائه و وياهم رنا ..اني كالعاده سويت روحي ماشوف
غزوان : السلام عليكم
سمر : وعليكم السلام (استلم بدت رحمة الله هههه)
غزوان : اشلونج هيام ..؟
هيام : طبعا مرديت السلام لهيت روحي بالجنطه ... اشلونج هيام ...؟؟ هذا اشبي
رفعت راسي .. بخير الحمدلله
غزوان : دومج .. رايحين للكافيتريا معزومه انتي و سمر
رنا : اني روحي طلعت من تصرف غزوان ردت انسحب اصلا شنو هاي و تكعد يمي بنت الفكور بس بلحظه كلت ماخسر كدامها
هيام : تسلم وصلت العزيمه..!
عبدالله : لا لا منقبل شنو وصلت لازم تشرفينا
غزوان : بصدها الي دمرتني هسه عفت الفشله كدام الشله .. احس گلبي انفطر .. معقوله ممنتبه و مو حاسه بيا ليش تتعامل ابرود ؟
هيام : اعذروني
رنا : يلله شباب اتاخرنا راح تبدي المحاضره بعد اشوي
عبدالله : يلله غزوان
غزوان : الجايات هواي هيام و نتشرف بيج
سمر : ان شاء الله هلا بيكم .. ضربت هيام ورا مراحوا .. ولج ثول انتي بيج شي
هيام : شكووو شنووو تريدين تروحين روحي
سمر : ولج ماريد اروح شسوي رايحه و بعدين العزيمه الج .. شكو بيها لو رحتي مراح ياكلوج ترا ...
هيام : باوعتلها صفنت بوجهها ...
....يـــتــــبــــع ..
أنت تقرأ
انا بنت ذلك الفقير
Romanceقصه منقوله للكاتبه نازك البور ☆ انــا بـــنـت ذلـــك الــفـقــيـر ☆ قصة " هيام " فتاه من عائلة فقيره في زمن الطبقات الراقيه و العنصرية الماديه 1999 في العراق هيام اكبر اخوانها الاثنين و اخواتها الثلاثه يعمل ولدها كاسب و امها ربت بيت يدخلها والدها ال...
