انا بنت ذلك الفقير

/25/

☆ انــا بـــنـت ذلـــك الــفـقــيـر ☆
الـكـاتــبــه : نــــازك الــبــور✎

الــبــارت الــخـامــس و الــعــشـريـن

ميهموني لا بارق و لا غزوان .. اريد اتخرج مثل ما طبيت اول يوم .. هيام الاولى... ماريد افقد راحتي و لا برائتي

عبدالله : خلصت السنة الثانيه و جتي هجمان البيوت .. الامتحانات اويلييي

غزوان : مرن سنتين مثل الحلم

عبدالله : كنگ .. من صدك تحب هيام؟

غزوان : حب ..؟؟ قليل اذا كلت احبها .. عبدالله احسها تمشي بدمي .. هناا بالشريان ..

عبدالله : بنت فگر غزوان .. بنت فگر

غزوان : بنت الفگر اتزوجها املكها و تصير بنت الغنى .. عبدالله ماكو شي صعب ويا الفلوس .. هيام و امثالها كائنات رقيقه منخلقت للعب .. نخلقت حتى تصير ام بيتي ..

عبدالله : والله مافهم شتحجي.. بس بالتوفيق خويي ..

غزوان : لتكول شي. .. نكال الي نكال بعد ..
ايي غزوان من نكشف امر حبك لهيام هم حياتك نكلبت و هم البنات حولك يئسن .. و رنا هه ارتبطت .. الجانت عاشكه غزوان.. حبت عليه و لكت بديل ..
و يلوموني الناس بحبج هيام ... الله يقدرني و بيدي هاي افتحه لگلبج ..

هيام : و خلصت الامتحانات و نكول عدت السنة ع خير ..
هففف اشكد ضغوطات مرت بيا جانت سنة مضغوطه حيل بالمشاكل ..
مالفت انتباهي تقرب بارق بكد ما لفت انتباهي ابتعاده ...؟
معقوله ..؟  معقوله اليحب يتنازل .. شنو احساس العشك ...؟ عادي نلكي بديل عن عاشك اذانا ..؟ معقوله هذا الحب ...؟

نور : هيام .. باوعي النجوم

هيام : داباوع .. يكولون اليحسبهن يشوف جن
نور : يوووو اشكد حسبت و مطلعلي جن .. هو غير يطلعلي ..!
هيام : ههههه يخاف منج يالوكحه
نور : اي لعد .. برائيج يطلعلي طب؟
هيام : معدلج 90 و اعشار اعتقد صيدله ..
نور : هم انعم الله ..
هيام : همم الحمدلله سباعيه انتي ..

نور : بارق ...!
هيام : من ذكرت اسمه .. عيني استقرت ع نجمه .. و گلبي خفق ..
شنو ...؟

نور : اشلون شكله ..؟

هيام : شكله ..! مادري نور ..
نور : باوعتي بعيونه...؟

هيام : غمضت عيوني .. اتذكرت اول مره صارت عيني بعينه .. الاحساس نفس ذاك الاحساس ..  بس هالمره مكدرت افتح عيوني .. طيف عيونه قيد عيوني .. مكدرت افتحهن .. اختفى طيفه .. و عيوني بجت ..
نور : تحبي ..؟

هيام : نوور ... ولج نوور
نور : خلت ايدها ع وجهها انفجرت بالبجي..
ههه ثولة هيام ثولة من شوكت ..؟