☆ انــا بـــنـت ذلـــك الــفـقــيـر ☆
الـكـاتــبــه : نــــازك الــبــور✎
الــبـــارت " الــرابـــع "
سمر : اجا اجا الاستاذ
طب الاستاذ الطلاب تراكضوا كدامه وكف نافخ صدره... بروف قانون بعد😁
استاذ سالم :" باوع عليهم واحد واحد " السلام عليكم
الطلاب : و عليكم السلام
الاستاذ : طبعا اهلا و سهلا بيكم بعالم القانون و ان شاء الله نقدم الافضل الكم و تقدمون افضل شي عدكم خليكم من هسه عادلين في ابسط قراراتكم متفائلين عازمين و حازمين و نريد انشوف اجتهاداتكم اعزائي...
سمر : عازمين و حازمين و محمدين و جاسمين و و و خخخخ
هيام : هههه خرب اسوكتي لننطرد
سمر : ايي يطبق قانون الاجرام كلها علينا ههههه
الاستاذ : اعزائي بالكليه اول شي لازم نسوي نختار ممثل قاعه يقوم بكل شؤون القاعه و يصير حلقه وصل بين طلاب و رئاسه القسم فرشحوا كم طالب و راح نسوي تصويت
الطلاب : استاذ ما الها غير غزوان بدون تصويت و ترشيح
غزوان : ( ولد ابيض بعيون خضر جميل لدرجه الغرور عمره 19 ابن مقدم و حزبي و غني كولش )
الاستاذ : عادي بالعكس شي جميل الاتفاق وينه غزوان...؟
غزوان :( ليش تقررون عني الله يورطكم ) نعم استاذ
الاستاذ : اسمك الكامل ابني؟
غزوان : غزوان احمد ريس. .
الاستاذ : تمام غزوان عود راجع رئاسه القسم...
احمد : هذا ابن المقدم احمد ريس عرفتي مياده...!
مياده : اي عرفته فد ناس عكره ع شنو شايفين نفسهم مادري ويع
بارق : هسه شعليكم بالناس متسكتون
احمد : كوم رشح نفسك بارق انت الها
بارق : لا لا مابيا حيل دوخه راس بربك
مياده : ليش انت شخصيه و نعتمد عليك
بارق : اكفوني الشر
احمد : يووو هذا طاب للكليه من ورا خشمه كلنا متريد القانون و ابوك جبرك بس عيش الكليه ياخي متتكرر
...
سمر : هلووو هذا غزوان يلقبوا الملك... جمال و مال و حسب و نسب و ناس طاكه و سوده بوجهي
هيام : صدوك مبين داشوف هدومه اعتقد كله من خارج
سمر : لعد شعبالج الي هنا كلهم ناس واصله للستار يلعبون بالفلوس لعب اتخيلي حتى اوادم يشترون بيها
هيام : يما اسم الله شلون يعني 😨
سمر : هههههه نشف دمها ولج تعبير مجازي ميشترون اوادم بس داسوي اثاره للحديث عابت
هيام : هااا خرب خوفتيني
الاستاذ : اخذوا راحتكم وقت ريست ..
طلع الاستـاذ و الطلاب
سمر : كومي يلله
هيام : لا وين خلينا كاعدين
سمر : امشي نفتر اشبيج كاعده مثل الدجاجه كووومي .. تسحب بديها
مياده : هذيج مو سمر بنت استاذ علي؟
احمد : اعرف استاذ علي بس ماعرف بنته منو هاي الي وياها
مياده : مادري مبينه نموذج من الطبقه المنتهيه
احمد : اي مبينه وحبابه بس شجابها شورطها بهيج كليه!!
مياده : لتخاف هيج نماذج يسوون كولشي في سبيل يوصولون لمستوانا مبين عليها جايا تصيد
احمد : انعل ابو الفلوس قابل تصيدني هههههه
مياده : هههههه اووي شبيها شكلها عادي.
(بارق مورث جكاره و صافن ع الحديقه)
احمد : فاتنه فاتنه جدا انتي شمعرفج بهاي سوالف و اذواق الرجال ... بارق لك بارق
بارق : هممم
احمد : باوع الطاووس الجاي لك شوف الشعر والطول .. الجسم .. خرب انتهيت
بارق: بطل سوالفك
الطاووس .. رنا كريم بارودي : ( بنيه 18 سنة شكره عيونها صفر من اجمل البنات غرور فول و شخصيه نرجسيه بنت رائد بالجيش )
رنا : هففف شنو هالناس علياء هي هاي هم تتسمى جامعه
علياء : (صديقه رنا ) اي والله خنكه انتي ليش ابوج مقبل تكملين بالجامعه الامريكيه
رنا : غير امي مقبلت متريد اروح وحدي
علياء : اويلي ع الامهات .. العالم عينها عليج امشي امشي للكافتريا ناكل ..
....يــــتـــبــــع. .
أنت تقرأ
انا بنت ذلك الفقير
Romanceقصه منقوله للكاتبه نازك البور ☆ انــا بـــنـت ذلـــك الــفـقــيـر ☆ قصة " هيام " فتاه من عائلة فقيره في زمن الطبقات الراقيه و العنصرية الماديه 1999 في العراق هيام اكبر اخوانها الاثنين و اخواتها الثلاثه يعمل ولدها كاسب و امها ربت بيت يدخلها والدها ال...
