انا بنت ذلك الفقير

/3/

☆ انــا بـــنـت ذلـــك الــفـقــيـر ☆
الـكـاتــبــه : نــــازك الــبــور✎

الـــبـــارت " الــثـالـــث "

و راحت الايام و جتي و داومت هيام بكليه القانون .. اول يوم
هيام : طبت الكليه برجلي اليمنى .. يالله اللهم اكفني شرها و قربلي خيرها .. شنو هاي ياربي شكبرها !!! الف بالمية اتضيعين هيام هو انتي ورا البيت اتضيعين😣
اول خطوه لازم اختار صديقه اي لازم
هسه وين اروح!؟؟ 😰
خلي اسال هـذا الموضف .. ااا؟!!! طننننن لاا خلي اروح ع الموظفه 😒
السلام عليكم .... 😰
الموظفه : و عليكم السلام ..اتفضلي
هيام : العفو اني مرحله اولى قانون وين الصف!!
الموظفه : هههه مبين مرحله اولى من كلمة صف
قااعاتكم اطلعي كبل ع ايدج اليمنة يم الحدايق
هيام: "خرب اشلون فشله بدايه اتجنن 😣😣" تمام شكرا ..
الموظفه : عفوا تدللين ..
مشيت مشيت كبل هو غير يخلص الطريق اشو كله اشجار !!  اهاا وصلت للقاعات
باوعت ع الطلاب حسيت روحي خارج العراق شنو هاللبس كمت اشك بروحي اشو حتى شكولهم مو مثلنا...😰😨

" طبعا الجامعات الاهليه بهذاك الوقت يدخلها بس اولاد الذوات و الحزبيين الاكبار بالدوله يعني طبقات مخملية بحته "

هيام :   مرتبكه وجهها اصفر   هاي شنو عمري مشفت هيج عالم يربي باوع اللبس البنات يجنن اشو مالكيت هيج بالسوك!! 😞
السوك ...؟؟😒 خرب حظي ماعتقد طابات السوك هذني .. يلله ماعلينا احنا جايين ندرس مو نعرض ازياء 😰 دع الخلق للخالق هيام
باوعي هيوم الهدف الاول اتصيرين اشطر طالبه بالصف!!  لا مو الصف القاعه 😒
ثانيا يرادلي صديقه ع كدي  😢 معقولة الكي بنت بسيطه وفقيرة هنا !!  هففف
ربي ماعندي غيرك هنا انت الغني و اني الفقيره
خلي اكوم اطب للص... القاعه .. بسم الله خلي اكعد ثالث رحله!!  كرسي يا راحله هيوم عوفي زعطه طة المدرسه فضحتينا
كعدت  هيام ع الستول (مقعد دراسي بالجامعات) الثالث و طبعا ملابسها كولش بسيطات بالنسبه للموجودين و هذا الشي لفت الانتباه عليها

احمد حسن : ( ولد اسمر و طويل كولش برستيج و اناقه عمره 19 ابن رائد بالجيش  و واصل بالحزب )
بارق باوع مبين عليها ضايعه بنص هالامة النرجسيه ...!
بارق محمد : ( شخصيه نرجسيه حنطاوي بعيون صفر طويل و انيق عمره 18 ابن عقيد ركن و طاك بالحزب دولة و علم)
منو؟؟؟؟
احمد : ام الاسود و الابيض ههههه بعدها ع الزي المدرسي الافنديه
بارق : هسه انت شعليك بالعالم متبطل سوالفك اذا فاتت ذبانه من يمك تكصها
احمد : هي الدنيا شنو ضحك ب ضحك فكها عاد
احمد و بارق اصدقاء من المتوسطه و صداقتهم كولش قويه
بارق : اي اي فكيت
مياده شاكر : هلووو ( بنيه حلوة و ناعمه عمرها 18 بنت مقدم و حزبي .. ابوها صديق ابو احمد )

احمد & بارق : هلاوات
مياده : اشلونك احمد اكيد عرفتني
احمد : هلا زين اي طبعا مو جنتوا يمنا اول بارحه ع العشا
بارق : ( يهمس عشاء عمل ههه)
احمد : طن 😒
مياده : اي صح و امك كالت انت مقدم ع القانون اشلون صدفه حلوة .. عرفنا ع صاحبك؟؟؟
احمد : بارق من السودان ابن سياده العقيد محمد
مياده : ههههه هااا عرفت ابو .. اتشرفنا
بارق : هه .. اليا الشرف .

هيام :   وجه اصفر عيون يروحن و يجن   دخت يربي هسه ابقى كاعده لو اكوم متاكده اذا كمت اعثر و انفضح ماداوم غير اذا عثرت كدام الجماهير هاي .. وينج يما رجعوني للبيت 😭😭
سمر علي : احم احم .. هلاوووو( عمرها18 من عائلة جيده ماديا ابوها مدرس و امها معلمة)
هيام :" تفز و تشيل راسها " مراحب
سمر : هههههه يلله ميخالف مراحب ..   تكعد يمها   .. مبين عليج خايفه
هيام : لا من شنو اخاف؟؟؟ 😨
سمر : مممم المهم اني سمر علي و انت يا كتكوت؟؟
هيام :  كتكوت 😒  اني هيام
سمر : هيومه حلو اسمج .. شلون تشوفين الكليه
هيام : شكرا انتي احلى .. ممم زينه
سمر : زينه بس ناسها تخوف .. هنا الكل يحجي بالدينار و الدولار تدرين احسهم ناس فارغه
هيام : اها و اشلون عرفتي انتي جديده
سمر : ابويا يعرف عوائلهم يعني انطاني نبذه مختصره من ضمن النصائح تعرفين الاباء من بنتهم تدخل جامعه عبالك داخله حرب
هيام : هههه فعلا حرب ليش ابوج شنو يشتغل
سمر : مدرس عربي و ابوج؟
هيام : ها الله يحفظه .. ابويا كاسب
سمر : تسلمين و يحفظلج ابوج .. هيوم اني ارتاحيتلج لان شفتج غير عن البقيه هنا احب نكون صديقات و ها وعد منفترق
هيام : "وي وي و جان الكي صديقه مبين عليها حبابه من ثوبي مدام ماكو رفيق و حزب بالموضوع 😂 احم وجع اثكلي هيام لتشمرين روحج عليها" اتشرف و ان شاء الله منفترق ...

......يـــــتــــبــــع ..