"Kenapa lagi ko termenung tu Bella". Bilang si bibi. Kami duduk2 di kerusi bilik rest. Selagi masih ada masa rest, selagi tu laa kami becerita, membawang semua. Haha.
"Teda. Sa teringat tadi baa si Anti Raniah ada jumpa sa . Ko masih ingat lagi baa kan si anti Raniah?". Sa bilang.
"Eyaa ingat. Kenapa?". Si bibi bilang lagi.
"Dia mau kasih jodoh sa sama anak dia Bi, sa inda kenal pun anak dia Bi". Sa bilang lagi. Suara sa yang macam mau menangis suda.
"Aikk.. Kenapa tiba2 dia mau kasih jodoh?". Bilang si Bibi lagi.
"Entah laa Bi, dia bilang sa saja yang dapat tulung dia". Saya.
"Jadi ko terima atau ko tolak?". Si bibi.
"Sa inda terima dan sa inda tolak juga. Sa bingung baa nie Bi". Saya
"Apa2 pun keputusan ko Bella, sa tetap sokong". Si bibi bilang sambil dia gusuk2 belakang sa.
Flashback
Dalam perjalanan mau pigi bilik rest kami. Tiba2 sa dingar nama sa kana panggil.
"Bella.. Bella". Sa dingar ada urang panggil sa dari arah belakang. Sa tingu si anti Raniah baa pula.
"Aikk anti. Kenapa anti?". Sa salam si anti.
"Anti ada mau cakap sama ko baa ini". Bilang si anti. Aikk apa juga yang si anti mau cakap sama sa ini. Sa bilang dalam hati.
"Apa anti mau cakap tu". Sa bilang sambil senyum2.
"Macam inda best pula kalau becerita sini. Jum kita pigi restoran depan hotel ini saja". Si anti
"Baa bulih juga anti sebab ngam2 waktu rest sa sekarang". Saya.
"Baa mari laa". Si anti bilang terus kami jalan.
Sampai saja di restoran, kami terus order makanan sama minuman. Makanan sa dengan si anti sama saja. Nasi ayam. Minuman sa cola si anti milo ping hihi. Nda lama sampai suda yang kami order tu.
"Baa makan laa Bella, anti belanja ko ini hari". Si anti
"Ehh anti biar laa. Sa ada duit juga ini sikit2". Sa bilang. Malu baa kana belanja sama urang yang belum kita berapa kenal kan.
"Bella.. Anti ikhlas belanja ko. Jangan tolak ahh". Bilang si anti lagi. Lembut suara dia. Serbah salah juga sa mau tolak.
"Baa yalaa. Tq ahh anti. Nanti kalau sa gaji sa lagi belanja anti". Sa bilang. Sa tingu si anti senyum saja. Senyuman si anti manisss betul. Kalau si anti ada anak mimang ensom dan cantik ini. Sa deluan makan. Besa laa lapar suda kan. Haha. Kalau maluu berlaparr laa haha.
"Berbalik kepada cerita kita tadi ahh Bella". Si anti bilang. Sa berhenti menyuap.
"Ohh yaakan anti. Cakap la apa yang anti mau cakap tadi tu". Sa bilang. Sa sambung lagi makan.
"Sa mau kasih jodoh ko sama anak anti. Anti mau kamu kawin". Uhuk..uhukk.. Terus sa tebatuk si anti cakap begitu. Terus cepat2 si anti bagi sa air. Punya main sa tekejutt si anti cakap begituu. Aduii mati laa sa ini kalii.. Apa sa mau jawab ini. Sa bilang dalam hati.
"Tapi anti sa belum lagi ada niat mau kawin. Lagi pun sa masih muda". Sa bilang. Sambil sa tingu si anti. Uhhuu nasib ok juga sa jawab kan.. Haha
"Tapi Bella. Anti mau ko yang jadi menantu anti. Tolong laa anti Bella. Tolong setuju". Si anti bilang sambil dia pigang2 tangan sa. Aduiii. Macam mana suda ini. Sa mau tolak pun macam sa rasa bersalah. Suda laa si anti yang kasih selamat nyawa sa tu hari yang sa hampir di tabrak. Aduuiii..
"Anti, buli sa tau kenapa anti pilih sa". Sayaa
"Sebab ko saja perempuan yang anti rasa layak untuk anak anti Bella. Anti takut anak anti tu tesalah pilih pasangan baa. Selama ini pun semua perempuan mahukan harta dia saja". Bilang si anti lagi. Uisshh kaya pula anak si anti ini. Eemm susah juga jadi urang kaya kan.
"Tapii anti..". Belum lagi sa habis becakap...
"Bella tulung laa anti. Anti merayu sama ko. Anti janji yang ko akan hidup bahagia dengan anak anti Bella". Si antii. Terus sa terdiam. Kamu mau tau sebab apa? Sebab si anti sanggup melutut depan sa.
"Astagaa anti. Bangun anti jangan begini". Terus sa cepat2 kasih bangun si anti.
"Begini laa anti. Bagi sa masa untuk berfikir boleh?". Sa bilang sama si anti. Perut sa yang lapar tadi pun terus kenyang ohh. Tu nasi ayam pun inda separuh sa makan.
"Berapa lama pun anti akan tunggu Bella". Bilang si anti. Sa senyum saja. Sa pun inda pasti sama ada sa bulih terima kaa inda. Sa bingung mau buat macam mana lagi. Sa tersepit di tengah2 ini sekarang. Kalau sa tolak kesian pula si anti, sa ingat lagi yang dia pernah tulung sa dulu. Kalau sa terima, entah macam mana laa rumah tangga sa nanti. Suda laa bakal laki sa pun sa inda kenal. Aduiii sa bingunggg.. Tolongggg sa sepa yg bulih tulung. Terseksa jiwa sa beginii ohhh..
"Uii Bella . termenung lagi ko sanaa". Terus sa seakan tersedar dari mimpi bila si bibi tepuk bahu sa.
"Ahh apa Bi? Masuk suda kaa?". Sa bilang bingung2.
"Naa kenapa suda ko tu bingung2. Eyaa mau masuk suda. Pigi dulu cuci muka ko yang kebingungan tu". Si bibi bilang lagi.
******
Azril Aiman
"Moning mi di". Sa bilang sambil sa cium pipi diurang. Memang kebiasaan sa awal pagi begitu. Maklum laa anak tunggal. Sepa lagi yang mau cium pipi diurang kan kalau bukan sa.
"Aik azril ko inda pigi tingu hotel ko ini hari". Dady
"Inda nie dady. Sa rehat dulu pening kepala sa". Saya.
"Ngam laa juga ko rehat2 sikijap nakk. Kesian juga ko hari2 urus tu hotel. Kasih chan dulu pekerja ko tu urus". Si mami bilang.
"Yalaa mi". Sayaa
"Ohh yaa Azril. Alang2 ko suda di sini jadi mami ada mau cakap ko sikit". Si mami bilang.
"Apa yang mami mau cakap tu". Saya
"Mami suda jumpa jodoh untuk ko. Tinggal tunggu respon kamu dua lagi". Mamii..
"Ahhh.. Apa mi? Jodohh??. Astagaa mi. Kenapa sampai mami buat begini. Sa bulih cari sendiri laa mi". Sa bilang. Terkejut sa dengan cadangan si mami nie.
"Teda bantahan Azril. Mami mauu ko ikut cakap mami ini kali sajaa". Tegass si mami. Kalau si mami suda bersuara tegas memang inda bulih suda kana lawan tu.
"Umur ko tu mau tua suda. Jadi fikir2 kan laa". Si mami bilang lagi.
"Dady rasa ok juga tu cadangan mami ko Azril. Sampai suda masa ko tu untuk berumah tangga. Dady pun inda sabar suda mau ada cucu nie". Si dadi bilang lagii..
"Tak kan ko mau tunggu dulu kami teda baru ko mau kawin". Mami. Terus sa tingu si mami.
"Mami.. Jangan cakap begitu baa.". Perkataan si mami yang tu laa bikin sa lemah. Bikin sa mengalah.
"Ok laa mi, bawa laa tu perempuan pigi jumpa sa". Kerana rasa sayang sa sama diurang dua ini, terpaksa laa sa setuju. Biar sa inda bahagia asalkan mami sama dady sa bahagia. Sa sayang diurang dua. Kalau teda diurang, teda laa sa di dunia ini. Eeemmm.
"Betul nie Azril?". Mami. Sa tingu muka si mami happy suda. Bahagia sa tingu walaupun hakikatnya sa ragu. Ragu akan rumah tangga sa nanti.
"Eyaa mami, sa setuju". Sa bilang sambil sa senyum.
"Okk nanti bisuk mami pigi jumpa lagi tu perempuan mami mau cakap yang Azril setuju". Mamii
"Sepa nama dia mami". Sayaa.
"Secret, nanti ko tau juga tu". Bilang si mami sambil senyum2 penuh makna.
"Tu pun mauu secret2". Sa bilang terus sa jalan mau pigi lepak2 di kolam renang. Mau merajuk kunun ..haha
"Besar suda jangan lagi merajuk". Sa dingar si dady becakap dari belakang. Sa pusing belakang terus angkat jari 'OK' terus diurang ketawa.
Adeeii. . harap2 perempuan yang si mami jumpa tu betul2 jodoh sa. Amin..
YOU ARE READING
OUR LOVE(COMPLETE👍)
FantasyHaii, ini ceritaa rekaan sajaa ah..kalau tiba2 kunun ada yang tesama itu nama sama keadaan, sa minta maaf betul2 kio. Sa asal sabah, jadi cerita sa pun kamu fham2 laa memang sabahan story jga..haha #Sabahanstory #Kita2 saja baa ini
