لهفه
همس القوارير
البارت الاول
اني لهفه ويدلعوني لولو بنت صغيره عندي اختي لمياء واختي تحيه واخوي عباس وماما وبابا الي اعرفه ماما وبابا تزوجوا عن حب وعاشوا بيت جدي كانت بيبي ام بابا كولش متسلطه حجايتها وحده بالبيت وامي كانت الجنه الكبيره لبيتهم واحنا كولنا كاعدين بغرفه وعمامي اثنين متزوجين واحد منهم عنده ولد صغير سجاد والثاني بعده ما عنده اطفال كل واحد منهم بغرفه وبيبي بغرفه بس اكثر كعداتها بالهول كانت بيبي متحب تخلي الولد يطلعون بره البيت تكول اريدهم كدام عيني ومحد يطلع لحد ما اموت واني كنت اتمنى تموت بيبي علمود نطلع لوحدنا وتصير عدنا غرفه لوحدنا نلعب بيها اني واخواني كانت ماما هواي تلح على ابويه علمود نطلع بيت لوحدنا بس ابوي مكان يقبل يگول ما اكدر اعوف امي وبيت ابويه كنا شايفين الويل من بيبي من نلعب تكوم تصيح على امي اخذي جهالج بغرفتج ولا تخلينهم ينزلون وتاخذنا امي تحبسنا بالغرفه ومرات تبجي من سوالف بيبي كنت اداوم بالمدرسه بس مكنت شاطره وصلت صف خامس ابتدائي وبطلتني بيبي على ابو اني حلوه وتخاف عليه اعرف اقره واكتب كانت اهم شي هذه عند امي ابوي يشتغل موضف وحنون علينا وقلبه طيب بس دائما يصف ويه بيبي علينا ومرات يضربنا ويعيط علينا في سبيل يرضي بيبي كان شغل البيت اكثر شي على امي ومكانت تحجي وحتى وان حجت منو يسمعها خطيه من يصير الليل امي تهلك من التعب وتريد بس تنام وترتاح ومن يجون عماتي هنا عدنا انذار تضل امي تشتغل وتكرب ليل ونهار وعماتي كولشي ما يشتغلن تكول بيبي خليهن يرتاحن تعبانات بالشغل ببيوتهن يجن بيت ابوهن يرتاحن والجناين يخدمنهن حتى من يردون مي يصيحوني او يصيحون لخواتي وكمنا أنا وخواتي نساعد امنا بشغل البيت لان تكسر الخاطر وتضل الليل كوله تون من التعب ابوي كمنا منحجيله شي لان عمره ما وگف ويانا حتى لو احنا مغلطانين كوله واكف بصف بيبي صار عمري ١٣ سنه وبدت معالم جسمي وجمالي يبين وصرت كولش حلوه طويله وبيضه وحمره وشعر اسود وعيون شهله وكبار كنت كولش جميله وكمنا اني وخواتي انام يم بيبي لان كبرنا وميصير انام يم ماما وبابا المفروض يكون النا مكان خاص بينا بس شنيوي حكم القوي عالضعيف امي مرات تتعارك ويه بيبي ومرات بيبي تضربها لأمي وتروح زعلانه لبيت جدي وتاخذنا وياها ورى اسبوع يجي بابا يعتذر ويتسامحها ونرجع لبيتنا كنا نتونس من نروح لبيت جدي ابو امي نطب ونطلع براحتنا ونلعب وبيبي ام امي كانت تگعدنا وتسولفنا قصص عن حياتهم قبل واضل كاعده يمها اني واخواني وفاكين حلگنا على سوالفها حتى لو كنا سامعينها منها اكثر من مره نحس عبالك اول مره نسمعها كنا كولش انحب بيبي ام امي كانت تنطينا حلويات وفلوس حتى نشتري عكس بيبي ام بابا عمرها ما عبرتنا بس من تريد شي منا تصير ويانا زينه
