Ang Tula

Konsensya

Isang gabi sa isang madilim na kalye

Ako'y naglalakad at sa isang tabi

May nakita akong isang malagim na pangyayari

Umuulan noon at sobrang lakas grabe!

Ngunit sakabila ng kalakasan ng pagbuhos ng ulan

Narinig ko ang ungol ng isang babaeng pilit lumalaban

Sa mga kalalakihan na hindi mo mawari kung tao pa ba dahil sakanilang kademonyohan

Sinubukan kong kumilos para siya ay tulungan

Pero huli na ang lahat tapos na siyang pagsamantalahan

Pinilit kong tumakbo papalapit sakaniya

Ngunit nanaig ang takot sa aking damdamin at kaba

Kaya't tuluyan akong napatakbo ng bigla

At ang babae ay tuluyan kong nilisan ng nag-iisa

Ilang minuto pa lamang ng ako'y makarating saming tahanan

Kinakain na naman ako ng aking takot at kabang nararamdaman

Ngunit may pilit na gustong lumabas at sinasabi sakin ng aking mga paa

Kumilos ka at gawin mo kung anong tama

Pilit kong nilabanan ang takot at bumalik na nga

Sa lugar kung saan nangyari ang lahat ng nakita ng aking mata

Ngunit pagdating ko, ni hindi ako makakilos dahil sa dami ng tao

At nagkakagulo at nag sisigawan na ang mga ito

"Isang babae natagpuan nakahandusay at wala ng malay!"

Kahit na pilit itong inaalalayan, wala na itong buhay

Tumulo ng hindi ko namamalayan ang aking luha

Napaupo sa aking kinakatayuan at tuluyang nanghina

Wala akong nagawa, isa akong duwag at isang mahina

Ni hindi ko man lang siya natulungan dahil sa aking takot at kaba

At gabi-gabi ito ang aking naririnig

Isang tinig ng babaeng hinagpis ang dala-dala sakanyang pagkawala.    

(ctto of photo)