رواية :
تجار المخدرات
الحلقة :
¥الرابعة عشر¥
ناس المكافحه كبسو ورفعو صبحي والنفرين المعاهو وفتشوهم ولقو عندهم سجاير بنقو ملفوفه وورق برنسيس واثناء مابفتشو فيهم صبحي قام خمش السجارة حقتو من العسكري وبلعها والعسكري بقي يكورك فيهو وبضرب فيهو وودوهم القسم وصبحي طلع من بلاغ التعاطي لانو بلع السجارة وفتحو ليهو بلاغ معارضة وازعاج عام وفتحو للنفرين التانين بلاغ 20/أ تعاطي المخدرات ودخلوهم الحراسة وصبحي اتصل علي نبله قبل مايدخلو الحراسة جا ضمنو وجا معاهو هيثومي وفضلو الاتنين المعاهو في الحراسه وهم شماسه ومافي زول بعرفهم غير صبحي....
وبعد العملية العملها صبحي عساكر المكافحه بقو خاتنها ليهو ومتوعدنو وقالو ليهو ماتدقس تاني وبنوديك التوج ....
شارع النيل :
هيثومي وصل متأخر ولقي سوسو قاعدة وصارة وشها ومكرضمة :
هيثومي: معليش ياحياتي اتأخرت عليك .
سوسو : انا قاعدة منتظراك لي ساعتين اصلو ماممكن انا تاني مابتصل عليك واعتبر البيناتنا انتهي وتاني انا من اتجاه وانت من اتجاه ولو بقيت قبله ماتصلي علي.
هيثومي : انتي اصبري لي وشوفي السبب الاخرني وبعد داك احكمي والقرار قرارك.
سوسو : خلاص ياجورج قرداحي ،،مهما يكون برضو مابتتأخر شديد زي تأخيرك دا .....
هيثومي : انا لمن قلت ليك جاي عليك اتحركت ووصلت الكبري اتصل علي اخوك ابوالهول وقال لي تعال راجع في موضوع مهم شديد ورجعت ليهو لقيت معاهو نبيل وشكلو متوتر وقال لي امشي معاهو القسم عندو صاحبو اسمو صبحي مقبوض بسجارة بنقو ومعاهو نفرين وطلعنا القسم .....وحكي ليها القصه كلها لحدي ماطلعو صبحي وجرجرة النيابةو الضمانات المعروفه وبعد طلعنا جيت عليك جاري جري وحتي نزلت نبله وصبحي في الشارع عشان احصلك ودا الحصل كلو وبعد داك الحكم حكمك.
سوسو: لا كان كدا حقك علي وانا المتأسفه وتاني مابستعجل علي اللوم ساي .
هيثومي : حصل خير وانسي الموضوع وخلينا في مواضيعنا .
سوسو : لكين صبحي طلع شفت واتعلم من نبله كويس.
هيثومي : امال لابد يطلع شفت .
سوسو : طبعا جبت ليك بضاعه جديدة اول مرة تنزل السوق ...
هيثومي : دي كيف دي ..
سوسو : هي نوعين قطرة بدوها في العيون وبتخليك منعنش وشايف الدنيا مبتهجة وجميلة والتانية حقنه بالوريد ودي كمان رهيبة شديد ودي تأثيرها بتصل اسبوعين ..
هيثومي : لكين ياسوسو مالقيتك معلمه واها عندك عينه والاسعار كيف .
سوسو : تعال علي بكرة في الكوافير اديك عينه منهم وبعد تجربهم اديك الكمية العايزها وما اكضب عليك الاسعار غالية شديد القطرة الواحده ب 500وبتعدي معاك اسبوع وفتيل الحقنة ب600وبعدي برضو اسبوع.
هيثومي : الحسابات دي ماكتيرة ؟؟؟
سوسو: انت جرب وبعد داك احكم براك.
هيثومي : خلاص اتفقنا وبكرة بمر عليك قبل ما امشى الكلية ....
القسم :
تاني يوم الصباح حولو بلاغ الجماعه20/أ للمحكمه ولانو اول مرة يقبضوهم والبلاغ تعاطي والقاضي حكم عليهم بشهر سجن وغرامه 2000 لكل واحد وبلاغات صبحي جرجرتها طويله وفيها شهود وبتاخد زمن واحتمال تتشطب ......
هيثم مشى لسوسو في الكوافير واستلم البضاعة الجديدة وطلع الجامعه عشان يجرب البضاعه ويشوف المفعول السحري..
الي اللقاء في الحلقة القادمة ........
بقلم : عوض ابوعلامه
يتبع.....
أنت تقرأ
تجار المخدرات
Mistério / Suspenseرواية تحكي عن تجارة المخدرات بانواعها المختلفة واضرار المخدرات
