تجار المخدرات

تجار المخدرات18

رواية :
تجار المخدرات

الحلقة :
    ¥الثامنة عشر¥

جن بنات وكشحن التراب في الطعمية والصاج وبقن يكوركن فيهن كتلتو اختنا ودايرين تشتغلو
ياناس الحله ديل كتلو اختنا وعملو جوطه معاهم وريم انفعلت وكانت دايرة تشيل زيت الطعمية وتدفقو فيهن بس خالتها احمتها ولملمو العدة ودخلو البيت وريم انقدت بكا وجعير وخشت في حاله تانية .
واستمر الحال دا كم يوم واهل سعاد بقو يحرضو ناس الحله عليهم .
وقبل مواعيد سفر ريم للخرطوم جوهم ناس اللجنه الشعبية في البيت واتكلمو معاهم وقالو ليهم اللجنة اجتمعت وقررت انو تبعدو من الحله وتسافرو اي حته تانية لحدي ما المحكمه تحكم ولو امكم حكمو عليها ماتجو نهائي للحله ولو المحكمه برأتها تجو طوالي ودا كلو خوفا من المشاكل مع أهل المرحومه سعاد.
ريم مامصدقة الموقف دا ومشت علي المتبخ فتخت الغاز وقالت دايرة تنتحر بس خالتها لحقتها وقالت لناس اللجنه نحنا من بكرة مسافرين وتاني البلد دي خليناها ليكم وارض الله واسعه وفي اي حته بنعيش.
وتاتي يوم ريم وخالتها لملمو حاجاتهم وسافرو الخرطوم...

صبحي :
طبعا صبحي بعد اتخارج من ناس المكافحه وبلع السجارة حقتو كان فضل ليهو البلاغات التانية والقاضي حكم عليهو بشهر سجن ونفذ الحكم وطلع ليهو يومين وبعد الفترة العداها في السجن اتغير وتاب وساب البنقو والمخدرات وبقي ملتزم وعمل ليهو دقن وفي فترة الشهر حفظ ليهو كم جزء من القران
وطبعا ناس المكافحه كانو خاتنها ليهو ومراقبنو 24ساعه وقام مشى ليهم وقابلهم وقال ليهم انا في الحقيقة كنت بتعاطي المخدرات وحاليا  خليتها وتبت وربنا هداني والسبب كان الفترة العديتها في السجن وفي الحقيقة الزول البجرب السجن بتوب مابرجع للمعاصي وانا حاليا جيتكم براي وعندي طلب منكم عايزكم تساعدوني واللهو كيف اتخلص من الادمان وانا مما طلعت وانا ماقادر اعيش حياتي وارجع زي زمان واصحابي القدام ماقادر اخليهم والشيطان بغريني عشان ارجع في سكه المخدرات...
وفي واحد من ضباط المكافحه قعد معاهو واتبناهو وقال ليهو نحنا بنساعدك وبنقيف معاك لحدي ماتتخلص من الادمان وهاك الكرت دا حق مستشفي عبدالعال الادريسى وامشى قابل الاخصائى وببدو معاك من الصفر ولازم تصبر علي العلاج وان شاء الله في فترة وجيزة حاتبقي كويس وترجع معافا واحسن كتير وكمان اهم شى لازم تغير اصحابك الزمان بتاعين المخدرات وتشوف غيرهم ويكونو ملتزمين ....
وبعد تتعالج تمام تعال لينا راجع وحانحتاج ليك عشان نقدر نصل للمروجين الكبار وحانبقيك مصدر وبنشغلك معانا وبنديك مرتب.
*معلومه( طبعا صبحي قبل مايتعرف علي نبله ويخش عالم المخدرات كان مغترب في ليبيا ليهو  سنتين ومستقر هناك ومتزوج جديد وساكن مع زوجتو وامها  وفي الاحداث الاخيرة في ليبيا حصل تفجير في العمارة الساكن فيها وهو كان شغال في مصنع  خارج المدينه وبرجع نهاية الاسبوع  ولمن رجع لقي العمارة الساكن فيها عبارة عن انقاض وقالو ليهو  زوجتو وامها استشهدو في التفجير وزوجتو  كانت حامل في الشهر الاول  ومن الزمن داك خشى في حاله تانية وبقي مانصيح ورجع السودان بخفي خنين وعدي فترة  حايم ساي ومامتزكر اهلو وين وهو جاي من وين ولحدي ما اتعرف علي نبله وشغلو معاهو في المخدرات واصبح مدمن وتاجر مخدرات )

الداخلية :
ريم وخالتها وصلو الخرطوم ومشو الداخلية وقابلت المشرفه بخصوص خالتها وبتها والمشرفه اتصلت علي صاحب الداخلية وهو وافق انو تقعد في الداخلية اسبوع وفي الفترة دي توفق اوضاعها وتلقي محل تسكن فيهو هي وبتها....
وريم كلمت صاحباتها في الداخلية عشان يفتشو شغل لخالتها ....
وحسنية قالت لريم انا بكلم صاحبتي سوسو هي شغاله في كوافير وممكن تلقا ليها شغل معاها وطوالي اتصلت عليها وحكت ليها مشكله ريم وخالتها وسوسو قالت ليهم تعالو علي المساء انتي وريم عشان تقابلو صاحبه الكوافير.

نبله :
اليومين ديل مبسوط والشغل معاهو ماشى دسيس ولانو اصبح المعلم الكبير وهو البستلم البضاعم من الرأس وبقي رافع القزاز وماشغال باي زول وحتي اصحابو  شكروتا وابو الهول اختلف معاهم ويومي متشاكلين وبرفع ليهم الاسعار عشان يستفيد وهو اصبح غنيان وبشتري في الاراضى والعربات والقروش راقدة ولمن شكلو اتغير والبشوفو مابقول دا نبله الزمان داك المبشتن .....

الكوفير:
حسنية ساقت ريم وخالتها ومشت لسوسو في الكوفير ولقوها قاعد في الاستقبال وحسنية عرفتها علي ريم وخالتها وسوسو لمن شافت ريم اتزكرتها طوالي وقالت ليها انا شفتك قبل كدا صاح ياريم ؟؟
ريم : ايوة قابلتك في الرحله في الحبل ...
وسوسو جرت حسنية بعيد وقالت ليها موش دي البت الكان بعاين ليها يثومي ومكسر فيها .
حسنية : ايوة ياها مالا في شنو...؟
سوسو : لا مافي حاجه بس هيثم وصاني عليها وكل دقيقة بتكلم عنها عشان كدت انا لازم اخدمها ...
حسنية : هوووووي ياسوسو اي حاجه ولا ريم البت دي ماره بظروف صعبة واوعك تدخليها في شغلنا كفاية دخلنا راوية ومها وريم بحالتها دي ممكن تعمل اي حاجه .
سوسو : ههههه ريم الخلت هيثومي يستغني مني لازم انتقم منها واصبري لي وحزارك تتدخلي في الموضوع دا....

يلا للحلقة الجاية نشوف سوسو عملت شنو لريم وخالتها !!!
السبب كلو من حسنية هي الجابتها لسوسو .....

الي اللقاء .......

بقلم : عوض ابوعلامه
يتبع.....