أقدار الحب💖

البارت الثاني

أقدار الحب💖

# للكاتبة زيزو البصراوية🙂

يا علي جبناهم بزفة عرس يم بابك!

يا علي عينك عليهم ذولة ولد ترابك...💔

.....................................

صار السلاح على بابا بس أثناء ما أطلق النار صار كدامة حسن صرخت صرخة لان ظنيت بابا الي اتصوب بس حسن جان كدامة وهو الي اتلقة الرصاصة جانو يحاوطونة أهل الحشد صراحة جنت خايفة منهم اكثر من ما خايفة من الدواعش لان الكلام الي وصلنا عنهم حيل يخوف كالو انو اهل الحشد يغتصبون البنات وخاصة المسيحيات والازيديات وغير انهم يقتلون الضباط والشرطة اخوي ما طلعنا بعد ما بابا سمع هذا الحجي جنت حيللل اكرهم بس أمرهم عجيب هسة هما الي جاي يحمونة هما الي يدافعون عن شرفنا على الرغم من انو احنة مسيحيات وغير هذا حسن الي حسيتة دخل قلبي من شخصيتة القوية من تضحيتة لناس ما يعرفهم وبحياتة مشايفهم بعدين بابا صاح عليهم علمود يشيلو الحسن لا صار ينزف حيللل متت بجي على حسن خطية شنو ذنبة شاب بعز شبابة لا ناقصة شئ ولا يحتاج شئ فوك هذا كلة انقذ عائلة ما يعرفها وصلنا للمقر نقلو الحسن لمنطقات معالجة الجرحة صارو ينقلون بي منا ومنا هذا كلة وبابا وين ما يودو يروح ويا لان هو انقذ حياتة البابا واخوي ويا بابا هم يركض منا ويجي منا آخر شئ حسن كضة البابا وكال
حسن:عمي هذا تلفوني بي رقم اهلي اتصل بيهم واريد منك يا عمي تبشر ابوي وادكلة ابنك استشهد ابنك صار بطل واريد منك ادكول الأمي خلي تهلهل وكللها ابنها ربح حور العين عاف معاصي الدنيا ولذاتها ابنج راح يم ربا كول الاختي انا اسف اذا بيوم وجعتها لو سببتلها الم كللها اخوج يحبج ويسلم عليج كول الأمي تهلهل وطش جكليت خلي الكل يعرف ابنها وين مزفوف خليها ازفني وتعذرلي منها كللها ابنج ما يزفونة الغرفتة لا يزفونة الكبرة وهو فرحانة حيل وكول الأبوي والامي والاختي يبرولي الذمة اذا فد يوم قصرت وياهم اشهد ان لا إله إلا الله واشهد ان محمد رسول الله واشهد ان علي ولي الله ⚰
ياسمين:متنا بجي على حجية ومن أشاهد وخلص نطق آخر حرف بهاي الحياة لفظ آخر كلمة وهي من اعظم الكلمات الي نطقها نطق الشهادة نطق الثبات على دين الله اخذ بابا حسن وخلو بتابوت وحسب ما كالو الشهيد يدفنونة بدون تغسيل راح اموت بس من البجي ما اعرفة صح بس حسيته حيل قريب على قلبي مدري ليش ولكم من اسوء الحظات هي لحظات الموت بس هو  استشهد وهو مبتسم ما اجمل طريقة موته وما أجل قدره عند الله اللهم ارحم جميع الشهداء اكتشفت أنو كل كلام الي كالو جذب كل كلمة ضد الحشد ما بيها اي كلمة صحيحة هما الي حررو هما الي دافعو هما الي حمو رحنة بطريقنا مباشرة لناصرية بعد ما كالو الشباب اصدقائة انو اهلة عايشين بالناصرية رحنة واحنة نبجي الله يساعد قلب امة شلون راح تتحمل لا وفوكاها يريدها ازفة زفة عريس ياويلي ياربي مجرد التفكير يموت يارب عين عائلتة الله يعين كل فاقد شهيد وصلنا لناصرية كد بابا باب بيتهم طلع ابو الحسن عرفنا لان حسن جان خال صورة عائلتة بالتلفون خلفية لجهازة المهم طلع ابو الحسن بابا حاجة الابو حسن وجان مدنك راسةوكلة حسن ابنك انتقل إلى رحمة الله حسن نقذ عائلة بأكملها ابنك استشهد وضحى بنفسة خاطر يحمي عائلة من الموت ابو حسن عجبني بردة وكال ونعم منه الابني بطل وهو راح يم ربا شريد اكثر من هيج بابا بانت عليه الصدمة من حجي الابو حسن كلة بابا حسن يكول اريد امي ازفني زفة عريس اريدها اتهلهل وطش جكليت طلعت ام حسن من سمعت الحجي جانت تبجي ومباشرة بدون سابق إنذار هلهلت نزلو تابوت حسن طلعت اختة صرخ وتبجي امة نامت على تابوت وضلت تبجي مردت قلبي من كالت وينك يابعد روحي وينك يالحنين شو رحت ولك هانت عليك امك مو كلت ارجع وراسي مرفوع شو جعتلي وانت تابوت مو كلت يمة بس ارجع اريد مرة مو كلت اريدج ازفيني بيدج لمرتي هاي يمة هلهلت كلوووووششش خاطرك يايمة هلهلت وفرحانة من قلبي انت شهيد بس يايمة مو بيدي ما اكدر ما اشوفك بالبيت اضوي بيتي ما اكدر ما اسمع عركتك انت واختك من تزعل ترجع تراضيها وكل يمةة كووم مو حلوة هاي النومة بحقك 😭😭😭😭😭
بعدين حجت اختة يابوية قلبي صدك صار جمر الله يساعدهم كالت اختة خوية هو هذا الوعد مو كلت اجي واغثج ولك خوية كوم كوم قابلة تغثني انت كلت اتغثني بس مو هيج مو كطعتة القلبة يانظر عيني شلون بلياك شلون تذكر من اكلك اضوج منك ومن سوالفك والعباس اشاقة وياك بيوم الي انت ما تتعارك بي وياي هذا مو يوم ينحسب عليه خوية ترضاها انام بهذا التابوت بدالك يمةةة حاجي يمةة كليلة والله بعد ما اسويلة شئ يمة خلي يكعد والله ياخوية بعد ما احاجيك ليش هيج اسوي بختك كوم بعد روحي 😭😭😭😭😭😭
ياسمين:😭😭😭😭 متنا بجي اخذتها الاختة الي جانت مجلبة بتابوت ليكول اذا ضل راح يكدر يعيش مرو ثانية شبكتها واني ابجي وهي تبجي شبكتني وضلت تبجي بكل ما عدها من قوة ابو الحسن بجة وامة ياربي شكد بجت طشت جكليت  على تابوت وبابا اتكفل بمراسيم الدفن حسب تقاليديهم يدفنونة بالنجف راح بابا وصى اخوي يسوي فاتحة هو وجماعة حسن اخوي ميعرف شيسوي بالفاتحة بس الشباب ساعدو وعلمو الي معجبني امر امة وهي تهلهل واطش جلكيت شنو من دين شنو من ايمان عليها  وهي راضية هيج وتهلهل ادري كلش زين قلبها محروك دخلناهن اني وامي واختي لبيتهم ضلت الفاتحة ثلاث ايام بعدها بابا اشترة بيت النا بالناصرية قريب منهم صرنة دائما نتراود على بيتهم انشوفهم شنو يريدون بس هما أهل كرامة مهما طكهم العوز ابد ما يمدون ايدهم الاحد
جرجيس:من بعد ما ضحى حسن بحياتة خاطر ينقذني هذا الشى صدك عجبني شاب بعمر الورد يموت خاطر يخلي انسان من غير دين يعيش جا من شنو هذا الرجل مصنوع من غيرة من تضحية ما اعرف شلون اوصفة من اخذنة تابوتة الاهلة صدك فاجئني ردت فعل ابو من كال هو راح الربا شريد من اكثر من هيج  انصدمت ظنيتة راح يبجي راح يضربني لان السبب بموتت ابنة بس لا صار كلشي عكس الشى والعجيب امة طلعت اتهلهل صح بجت وانمرد قلبي عليها بس هلهلت وطشت جكليت هذا الشى عجبني اكثر وغير الفاتحة وموضوع الدفن صار عندي فضول اعرف اكثر عن هذا الدين اشتريت بيت بالناصرية من بعد ما اخوي دزلي فلوس من بغداد رادني اجي البغداد مقبلت المهم ضليت ابحث عن موضوع الإسلام وليش هاي العادات كلها وشنو الي مخليهم هيج يفرحون لان ابنهم راح فداء للوطن لان ابنهم استشهد صرت اسئل ناس تعرف بدين صرت اقرة روايات عن الأئمة الأطهار قريت كم قصة بس اكو قصةة اكثر قصة اثرت بية قصة ما توقعت مثلها قصة واقعة الطف شلون استشهد الامام الحسين وهو عطشان صدك اثرت بية هاي القصة مع انو هو ريحانة الرسول صلى الله عليه وال وسلم شلون هيج يعاملونة صراحة تأثرت بالقصة وقصة الامام العباس (عليه السلام) قصة رائعة صراحة بعد ما قريت واستعلمت قررت اصير مسلم قررت ادخل الإسلام دخلت الإسلام عائلتي كلها اسلمت بعد ما قرو وشافوا سمعوا  اشياء يقشعر لها البدن قررنة انصير مسلمين دخلنا الإسلام اني وعائلتي صرنة نتعلم الصلاة ومواضيع كثيرة غير الصلاة صرنة نحب نعرف اكثر عن هذا الدين عن هذه العادات صرنة نحب الأئمة مثل الي انزرع حبهم بوسط قلبونا
ياسمين:من بعد ما خلصت الفاتحة وانتقلنا البيتنا الجديد بابا حب يعرف عن الدين الاسلامي كان بالبداية حب فضول بس بعدين اتعمق اني من النوع الفضول صرت ادخل بتلفوني عبر النت واقرة مواضيع حيلل أتعجب صرت اتعمق حيل صدك حبيت هذا الدين بابا كال عن قصة الامام الحسين وشلون مات مظلوم حبيت اقرة القصة بديت اقرة وصرت هووواي احب اقراها بكل لحظة بكل شئ قريتة بالواقعة بجيت عليه حتى تهت انقهر على الطفل الرضيع لو على الحسين لو على العباس لو على علي الاكبر لو على القاسم ما اعرف كلهم بجوني شبعت بجي على سيدة زينب والي حملتة من الم مواجع والفاجعات الي تطيح عليها قريت بعد ذلك نهج البلاغة صرت اتعمق بهذا الكتاب وكف شعر راسي على الحكم والمواعظ الي بي والأشياء العجيبة الي بي بعدين عرفت الي كاتبة هو الامام علي عليه السلام ابو الامام الحسين عليه السلام صرت استفسر هوواي شغلات من النت اسلمنا بكامل ارادتنا صار بابا يعلمنا الصلاة وشلون انصلي من التكبير حتى السلام صرت اعشق شئ اسمة صلاة صرت دائما اصلي وادعي ربي يدخلة الحسن الجنة ويمحي ذنوب الجميع والي دوخي وصرت ما اكوم اذا مو بكل صلاة اقرة منا شوية هو القرآن الكريم صدك جنا غافلين عن اشياء هوواي دين الإسلام دين جميل دين محبة دين تسامح😍 بعد مرور شهر على موضوع اسلامنا اجالي خبر تالمت بسبب هذا الخبر  الخبر هووو؟؟؟؟؟؟

برائيكم شنو هو هذا الخبر ؟؟؟؟

علقولي 😊
صوتولي🤗

أقدار الحب💖

# للكاتبة زيزو البصراوية🙂