أقدار الحب💖
# للكاتبة زيزو البصراوية🙂
سأجعل من اكبر امنتياتك 🙏
الوصول الي😏😎
..............................................
ياسمين:اليوم كعدت حيلل نشيطة ومثل العادة متحمسة حيل بدلت وتريكت ورحنة اني ونرجس للكلية وبااثناء ما جنت احجي ويا نرجس ما حسيت الا وانطكيت بواحد وكعن كتبي بالارض كلتت الله اجا فارس الأحلام 😁 لان هيج انشوف بالمسلسلات يعني متأثرة كلش المهم شو هذا نزل يلم وياي الكتب بس ابد ما اعتذر لمحتلة وكلت شباب آخر زمن ولا تعرف شئ اسمة اعتذار شو هذا كلي انتي مشوفين تعرفون الحجي المهم هو راح واني صرت احجي عليه مثل زمال بلا أخلاق سحبتني نرجس. كلتلي لا يجي يكتلج شوفي شكدة وشكبرة اذا لفج براشدي يجوز معالمج تختفي😂 كلتلها انجبي خلي ندخل يلة دخلنا للقاعة المهم كعدت اني ونرجس وحدة يم الثانية جانت تحجي واني اكرك عليها لان مخلتني احجي ويا وارزلة شو هاي رزلتني وكالت ليش تحبين المشاكل دعوفي الولد مشافج وانتي صدك جنتي طايرة ما اشوفين
ياسمين:شنوووو ولج انتي اختة اختي من امدة حظي المصخم على هيج اخت ولج لازم اصيرين وياي مو ضدي
نرجس:بالله ما اسكتين دوختيني
ياسمين:واني جاي احجي درت وشفت هذا صافن علينا نفسة الي تعاركت ويا خزرتة وهو بادلني الخزرة بس يمة خزرتة تموت باع العيون الخضر شلون يخبشن بس صراحة شكلة يخبل يووووو شجاي تفكرين خلي يولي
عباس:انتبهت عليه هاي الثولة خزرتني على الاساس خوفتني خزرتها اني هم وبعدين درت وجهي
حيدر:شبيك ضلع ليش عاكر وجهك
عباس:ماكو شئ
حيدر:لا احجي انت مو خالي
عباس:كافي كتلك ما بية شئ لا اجي هسة الزكك بوكس اعدل خلقتك
حيدر:لا لا لا كلشي ولا البوكس مالك يخوف
ياسمين:خلصت المحاضرة وطلعنا للكافتيريا واحنة جاي نحجي اجا علينا شاب وكال
حيدر:مرحبا اني حيدر من نفس مرحلتكم
ياسمين:أهلا عرفتك لان انت كاعد كدامنا😁 مو صح
حيدر:صح😂 خوش منتبها
ياسمين:اتشرفت بيك اني ياسمين وهاي اختي التؤام نرجس صح ممبين علينا تؤم بس احنة تؤم
حيدر:الي الشرف أهلا نرجس
نرجس:هلا بيك
حيدر:صح ممبين عليجن تؤام بس اعيونجن نفس الون
ياسمين:يس هاي وراثة من ماما واخونة كذلك اعيونة هم زرك😊
حيدر:يعني عدج أخ
ياسمين:ايي وهو أكبر منا وهو يشتغل شرطي
حيدر:هااااا حلو
ياسمين:اييي
نرجس:يلة ياسمين راح تبدي المحاضرة خلي نمشي
ياسمين:اوك هسة اشوف شكلي واجي
نرجس:ماشي اني رايحة
ياسمين وحيدر:ماشي لو راكض
ياسمين وحيدر:اني كلتها اول 😂😂😂😂😂
نرجس:ياابوية شكد تافهين انتم هنوب ياسمين ولكت من يشاركها نفس الصفات لا هاي هي
ياسمين:امشي امشي حتى شكلي بطلت اعدلة ست معقدة
حيدر:يلة امشن راح تبدي المحاضرة
ياسمين:رحنة للقاعة سبقتني نرجس وحيدر كعد بمقعدة واني جاي امشي مشيت من يم هذا الغثة ما حسيت الا واني طحت إلا دقيقتين جا صرت فلم همزين كضيت الرحلة قبل لا اطيح خرب عرفتة هذا الغثة اتعمد يمد رجلة لا ويسوي نفسة ممسوي شئ مال هسة اضربة بطاوة غثة كعدت يم نرجس ولا كائنو شئ صار بس اني الى اني ياسمين بت جرجيس اطيحني 😑 خلصت المحاضرة وطلعنا اني ونرجس نفتر بالكلية ونحجي تعرفت على بنات هوواي بطبعي اجتماعية واحب اكون صداقات بس نرجس لا هاي قافلة خرب حظها منطوية على روحها لمحت من بعيد هذا الغثة يحجي ويا نرجس وهي تبتسم وتحجي ويا كتلني الفضول شنو جاي يحجون رحت يمهم وكلت احم نرجس شنو سوالج الأستاذ لدرجة شاكة حلكج بالابتسامة
نرجس:مكال شئ مجرد حديث عادي واني مشاكة حلكي بالابتسامة ادري بيها شاكة حلكج بالضحك مو الابتسامة
ياسمين:اهم شئ النية
حيدر:النية لو الكلي
ياسمين:😂 ترى قوية
حيدر:ادري
ياسمين:لا اصير ثكيل على المعدة بليز
حيدر:ها ياابن العم شجابك هنا
عباس:اجيت اتعرف على الانسة نرجس
حيدر:هاااا اعرفكم يابنات ابن عمي عباس وضلعي واخوي الغالي
ياسمين: شنوووو ولد عم
حيدر:😂😂ادري منتشابه بس هي هاي الحياة
ياسمين:أهلا استاذ عباس اتشرفنا بمعرفتك
عباس:أهلا بيج ست.....
حيدر:ياسمين
عباس:ياسمين
ياسمين:كعدنة كل احنة على طاولة نحجي بس اني وحيدر طبعا الإخوان ما خذين دور السايلنت معقديننن 😑😣
حيدر:اممم انتو عايشين هنا يعني بالناصرية
ياسمين:لا قبل فترة اجينا للناصرية
حيدر:هااا جا وين جنتو عايشين
ياسمين:جنا عايشين بالموصل وتعرف شنو صار بالموصل
حيدر:ايي 🙁
ياسمين:اممم عدك عائلة
حيدر:😂😂😂 بالله هذا سوال اكيد عدي عائلة
ياسمين:وثول قصدي يعني بعدهم عايشين عايش وياهم
حيدر:ايي بعدهم عايشين ربي يطول بعمرهم
ياسمين:امين يارب
عباس:بعدنا ما كلنا بسم الله غلطت وكال ثول لو آدك ميانة شنو اسوي (يحجي بقلبة)
حيدر:امي وابوي واخ اسمة مسلم عمرة 17 سنة واخت اسمها سارة عمرها 18 سنة فقط لا غير
عباس:مثلا راح تجين تخطبين منهم شعليج بيهم
ياسمين:انت شبيك مضغوط هو اني حاجية وياك
حيدر:لا اني جاي اعرفها هي شعليها
ياسمين:ايي كمل
حيدر:وعدي جدي وبيبتي عايشين ويانة احنة وبيت عمي عايشين سوة لان جدي هيج راد
ياسمين:سوووو كيوووت بنفسي اشوف جدك وبيبتك
حيدر:😂 ان شاء الله تتعرفين عليهم شئ يوم
ياسمين:ان شاء الله
حيدر:وعائلتج
ياسمين:عدي ابوي اسمة جرجيس وامي اسمها مريم واخوي عيسى وتعرفها النرجس واني محاجة اعرفك عن نفسي وخلاص
حيدر:🤔 اسمائكم غريبة يعني مو مالت مسلمين
ياسمين:😂😂😂 ايي صحيح احنة جنة مسيحين
حيدر:جنتو وهسة شنو
ياسمين:مصار النا فترة من اسلمنا
حيدر:يعني هسة انتم مسلمين
ياسمين:ايي مسلمين بس حالين جاي نتعلم على الصلاة وعلى الدين وقريت اكثر من قصة للائمة الأطهار شدتني قصة الامام الحسين عليه السلام حيل بحيث اتعلقت بالاسلام هاي القصة خلتني اسلم الي شدني للقصة ان الحسين مات مظلوم وهذا الي شدني هواي شخصيات بواقعة الطف حبيتها
حيدر:ايي قصة الامام الحسين من افضل القصص صحيح وهاي القصة قصة انتصار الدم على السيف قصة الحسين عليه السلام قصة لحياة الإسلام والانتشاره وهاي انتي اكبر دليل بان قصة الامام الحسين دخلت هوواي من الناس للاسلام
عباس:شنووو هاي حيدر منو وين لك هاي المعلومات اول مرة اشوفك هيج مؤمن
حيدر:انجب شتقصد
عباس:لا لا ما اقصد شئ بس اليوم قلبك عامر بالايمان😂
حيدر:هههه سخيف امشي المحاضرة راح تبدي
عباس:كايمين كايمين
ياسمين:كايمين لو كاعدين
حيدر:😂😂😂😂
عباس ونرجس:سخيفة
ياسمين:لا مو سخيفة بس حضرة جنابكم معقدين الامور كلش
حيدر:صحيح شبيكم هيج معقدينها فكوها شوي
عباس:امشي لا اخلي بوكسي يعرفك التعقيد
حيدر:لا كلشي ولا البوكس مالك
ياسمين:ليش
حيدر:ولج مو بوكس يفقد الذاكرة
ياسمين:😂 لهدرجة قوي
حيدر:اييي ولج قوووي يكتل
عباس:امشو امشو
ياسمين وحيدر ونرجس:ماشين ماشين
ياسمين:خلصت المحاضرات كلها واخير راح نرجع للبيت متت تعب اليوم خرب حظي من رجعت بدلت وصليت وبعدين نمت تغدينة اني ونرجس بالكلية كعدت قريب المغرب صليت وكفت يم ماما اسوي العشة سولفتلها عن حيدر وضلت تضحك ونرجس كعادتها هادئة بس لو اعرف هاي البنية شلون تتحمل اتكون هادئة اني اذا سكتت خمس دقائق امووت احس عقاب اذكر بابا جان يعاقبني بسكوتي جنت من صدك اموت اذا ما احجي حتى مرة بجيت لان ما حجيت مدة نص ساعة يصير بية حالة نفسية اذا ما احجي😂 كملنا العشة كعدنة على العشة كال عيسى باجر هو ياخذنة للكلية وكتلة اوك خلصنا غسلت المواعين ونرجس نظفت بعدين رحنة حضرنة الباجر خلصنا ونمنا كعدت يوم ثاني سويت روتيني العادي صعدت لسيارة مالت عيسى كعدت بصدر ونرجس ورا المهم جنا مندمجين ونحجي اني وعيسى ونضحك ما احس الااااااااااااا
برائيكم شنو صار العيسى وياسمين ونرجس ؟؟؟؟ وياسمين راح تنتقم من عباس مثل مكالت لو لا؟؟؟؟؟؟
علقولي😊
صوتولي🤗
أقدار الحب💖
# للكاتبة زيزو البصراوية🙂
أنت تقرأ
أقدار الحب💖
Storie d'amoreقصتي تتحدث عن شاب احب فتاة لكن اجبرته الظروف على الزواج بااختها 🤔 فهل سيحب الفتاة ام يظل على حبه لاختها 😞 وما هي الظروف التي تجبره على إقدام بهذا الأمر 😐 للكاتبة زيزو البصراوية🙂
