أقدار الحب💖

البارت الثاني والعشرون

أقدار الحب💖

ولأنني احببتك حقا...💖

لم أخبر امي انك سبب اوجاعي.....💔

ف دعاء امي مستجاب....🙏

...................................
عباس:درت خرب وياريتني ما درت خرب حظي لازم تخرب فرحتي خلي احجيلكم شنو صار بيني وبين جدي من دخلت الغرفة جدي كال تعال اكعد بوية رحت كعد مقابيلة حجة جدي وكال
جد عباس:بوية انا جبتك علمود ياسمين
عباس:شبيها ياسمين مسوية شئ ما عاجبك
جد عباس:لا يابوية وردة مال الله ياسمين وين اكو مثلها
عباس:جا اشبيها ياجدي
جد عباس:هسة يابوية هي مثل البيت المايل لا هي طايحة ولا هي واكفة ومستقرة
عباس:شنو جدي شنو تقصد مجاي افهم
جد عباس:الموضوع وما بي انا ادري بيك ما مدني الياسمين لليوم
عباس:😟 اييي
جد عباس:وهي البنية تمثل انو هي سعيدة وفرحانة وتلكاها مبتسمة دائما بس داخلها هوواي أوجاع انا متأكد من غير انت وياها بس عرايك ما يكول مزوجين ليكول شرايج بس تتناكرون ما عدكم غير هاي الشغلة
عباس:جدي شسوي انت تدري شلون جانت ظروف زواجي منها وانت اعلم بكلشي
جد عباس:ولذلك يا ابني ردت احاجيك بهذا الموضوع واكلك ياابني خلص البنية ملت من التمثيل وهي مالها دخل بالي جاي احجي انا جاي احجي المصلحتكم اثنينكم
عباس:هسة جدي شنو تريد اسوي
جد عباس:طلك ياسمين
عباس:شنووووووو جدي شجاي تحجي لا اتجيب الطلاك على السانك 😠😡
جد عباس:اهدء اهدء ترى هاي المصلحتكم وهم هي ترتاح وفوك هذا ابن عمك علي يريدها ومستعد يأخذها ويزوجها وهو كال ما عندة مانع (هاي جانت خطة من جد عباس حتى يشوف مشاعر عباس تجاه ياسمين 😂 يااابووويةةةة مو جدد 😂 يخوف)
عباس: جدددددديييي شنووو هذا الحجي انا مستحيل اطلك مرتي وياسمين ما اصير الشخص ثاني هي مالتي افهم مالتي اتريد تحرمني من النفس ماليييي كلي تكدر تعيش بدون بيبيتي وردة يووم اكيد لا انا هيج اذا ما اتعارك وياها احس يومي ناقص اذا ما شفتها احس اكو شئ جبير بحياتي مفقود واذا ما صبحت بوجها وهي نايمة مثل الملاك جدي شنو تتوقع من شخص يتخبل اذا واحد غازلها ويكللها انتي حلوة ياجدي انا اتخبل من اخوي اذا يكربها مو يجي يأخذها ابن عمي لا جدي هذا الحجي ما يصرف عدي مرتي مستحيل اطلكها واذا تريد سوي الي اسوي ياسمين محد يطخ اصبع منها هي الي وللموت اظل الي واذا هي تريد تطلك غصبا ما عليها اظل وياي
جد عباس:شبيك عباس اتخبلت لا تعلي صوتك وشتريد من البنية وانتي بعدك تحب اختها وما ناسيها عوفها تعيش حياتها ليش ادمرها وهي بعز شبابها لا هي مثل اختها مدللها حيدر ولا هي مثل الأرملة مووتتها كافي هي صبرت عليك هوواي ارحم بحالها ياابن الناس هي هم بشر مثل مثلك اتريد اتعيش تريد رجال يحسسها هي اهم شئ بحياتة يوكف وياها بكلشي ويدافع عنها يحبها يحتويها ليش هي ادمر حياتة البنية
عباس:جدي كافي كلتتتتت كااافيييي 😠😠😠😡
نرجع للحاضر
عباس:خرب لازم تخرب فرحتي اجا هذا علي
علي:عباس
عباس:هااا علي شتريد
علي: انا سمعت الحجي الي دار بينك وبين جدي وانا مستعد ازوج ياسمين
عباس:شنووووو😡😠😠😠😠
علي:شبيك مو جدي كلك عوفها وطلكها بعد ليش انت لاطش
عباس:ولك انجب فورلي دمي الخرا جريتة من ياختة وضربتة بوكس صرت فوكاه وشبعتة بوكسات كمنا نتلاوة انا ويا صار يضربني لحد ما طلع الكل وجدي صاح بينة ما اهتمينة بالكوة الولد فكونة حيدر كاضني بالكوة اريدددد اشرب من دمة لهذا النذل 😡😡 بعدني ما برد قلبي اريد اذبحةةة
جد عباس:كافي ولكم واحدكم شطولة وتتعاركون جا شبقيتووا لجهال وانت عباس اليوم شبيها طناكيرك كابة وبس تتعارك
عباس:جدي رحمة الوالديك لا تخليني احجي خرب حظي اليوم ما ادري شبي ما يرضى يمشي صدمة فوك صدمة الله واكبر ما طلع عباس ربي بس موت....
ياسمين:اشششش الله لا يكولها شبيك عباس ليش هيج مسوي بروحك لكككك باااع ايدككك تنزف دمم 😱 جا شمسوي بعلي امشي اضمدلك جرحك امشي عباس بلا اعناد كووم
عباس:عووفيني عووفيني انتي السبب بكلشي ولج دمرتي حياتي منين طلعتيلي الله يلعن الساعة السودة الي شفتج بيها
ياسمين:حيللل قهرنييي من كالي هاي الكلمة شنو مسويتلك حتى هيج تحجي وياي من غير شى قبل شوي خربطت كياني وطلعت 😢 انت مو بشر لازم يسموك سيد الجروح على كد ما اجرح بية😢 تحجي بقلبها
جد عباس:عباااس شنووو هذا الحجي بلا اخبال كوم ادخل الغرفتك بوية علي امسحها بوجهي
علي:لا جدي انا بعد ما اظل هنا باجر راجع للبصرة رايح هسة لفندق كعدتي بعد ما اصير بهذا البيت
جد عباس:بوية انت شتحجي هذا بيت جدك وشحدة الي يحجي وياك كلمة
وردة:ولك وين رايح الساعة ب12 من كل عقلك يابني ما اطمن عليك خليك اليوم هنا وباجر وين ما تريد تروح روح ياابني اخاف عليك وهاي الدنيا ما ادري شنو بيها ما بيها فدوة اروحلك لا تطلع
علي:لا يا بيبي انا فدوة اروحلج اضل بس باجر اطلع
وردة:ياابني تعال خلي أعالج اجروحك وحبيبتي ياسمين عالجيها الايد زوجج وكومي لا يمرض
ياسمين:حاضر بيبي كام عباس صعد للغرفة صعدت ورا كوة يمشي جنة واحد كاسرة ما ادري شنو بي 😟 خايفة منا حيللل مبين عصبي حيل ياربي سترك وصلت للغرفة دخلت شفتة واكفة بنص الغرفة دار علية وجانن عيونة الخضر الي نظرتهن تذبح اي واحد من الخوف بخزرة وحدة هاي العيون ما بيهن عصبية ولا يخوفن لا بيهن دموع بيهن انكسار بيهن الم ولك ابن قلبي شبيك هيج مكسور ليش الدنيا هيج اسوي بية اتخليني احبك وانت ما اتحس واتحب وحدة ثانية هاي الدموع المن جاي تنزل الي الها على الزمن وشنو سوة بينة وين راح يودينة اووووف تقدم عليه وضمني الصدرة صار يبجي مثل الطفل ما عرفت شنو الي مبجي بس الي كدرت اسوي هو اربت على ظهرة حسيتة يريد يدخلني بين ضلوعة خنكني وخر عني وراح للحمام ضليت احوم بالغرفة هسة ادكولون شنو نزلني وشلون نزلت وبدلتي المشلحة من سمعت صوت عيطة جوة وكلها كامت تصارخ ما ادري شنو الي صار كما من مكاني مسحت دموعي وخليت على جسمي شئ طويل سترني وخليت حجابي على راسي ونزلت من شفت منظر عباس اتخبلت وهو كاعد بالكاع وايدة كلها دم اتخبلت وزاد بخبالي من كال ياربي موتني يمةةة قبل باي كملها وكفتة يعني يخليني احبة وبعدين يروح وتعرفون الي صار بعدين ولحد هاي لحظة ذبيت الروب أو هذا الي جان فوك الفستان رحت طلعتلي دشداشة قصيرة ونص ردن طلع عباس من الحمام وجهة الي جان قبل الفطور ورا الفطور مبتسم هسة حزين ومبين عليه الحزن اووف اووف دخلت سبحت ولبست الدشداشة طلعت وهو بعدة كاعد بس مصعد عيونة لسكف ويباوع رحت نشفت شعري بالسشوار وهو يباوعلي شفتة من المراية محجيت شئ خلصت رحت من يما حتى اخذ تلفوني محسيت إلا ونجريت من ايدي وصرت فوكة العباس صار راسي على صدرة 😳 سحبني الى وكال اووووفيش خليج هيج اريد ارتاح ترى ميت تعب ولا الله يرضاها ولا محمد هيج يصير بية ترى والله تعبت
ياسمين:ما حجيت شئ نمت وانا مرتاحة بحضنة لأول مرة انام هيج كعدت الصبح الساعة ب11 ونص صرختتت صرخةة مو طبيعيةةة عاااااااااااااااا
عباس:هاا هاا شبيج على شنو الصريخ
ياسمين:الساعة ب11 ونص وانا بلا سحور وفوكاها لا صلاة الفجر وهممم مشاربة ماي شحجي عليكككك مو انا موقتة تلفوني شلون ما دك
عباس:انا وقفتة
ياسمين:شلووون ولك هسةةة شلون يكضى اليوم والله اموت شحجي عليك ليش هيج اسوي بية على الأقل لو خالني اشرب ماي عاااااا صارت الساعة ب11و34 ودقيقة اكوم اصليييي قبل لا تروح عليه صلاة الفجر كمت على السريع غسلت وتوضيت ولبست محرم الصلاة صليت صلاة الفجر ارتاحيت قريت شوي من القران قريت سورة يوسف راحة نفسية علاج لكل الالم صرت بعالم ثاني وانا اقرة من صدك نسيت نفسي ما حسيت غير عباس من كال ياسمين اذن الظهر ما يصير تقرين وهو يأذن لازم اصلين وتقرين كومي راح اصلي كدامج يلا من كلي هيج ما اعرف ليش ابتسمت بوجهة لا اراديا كمنا انصلي هو كدامي وانا ورا صلينا وخلصنا شلت القرآن وشلت سجادتي بدلت ونزلت يم عمتي صبحت على الكل وكعدت الوب من الجوع كلها اتباوعي ما يدرون شنو الي صاير بية نزل عباس اعتذر من الكل وجان بس يتبسم ويضحك الادبسزز يضحك عليه لان يشوفني الوب من الجوع 😢 😢😢ابجي طينن على حظي المصخم هسة شلون كلة من ورا مكعدني حتى اتسحر باوعت على جدو كاعد بحدة رحت يمة وكلت جدووو
جد عباس:هااا يا جدو
ياسمين:جدو شوف حفيدك يضحك عليه ما خلاني اسحر وما كعدني على السحور وهم يضحك عليه لان ميتة جوع ☹ جدوو ترضاها
جد عباس:شسويلة ياجدو ايي كليلي ليش ما كعدتي انتي كعدنة الفجر كل احنة من شفتكم ماكو كلت يمكن ما يريدون ليش انتي ما كعدتي وكعدتي العباس هم
ياسمين:جدوووو هذا دراكولا طفة المنبه وما كعدني حتى اتسحر مثل البشر
جد عباس:اتحملي يابنتي اكو ناس مثلج هم هيج جوعانين وعطشانين وفوك كل هذا صابرين يجوز انتي بلليل تلكين اكل غيرج ينام على لحم بطنة يا بنتي اذكري الناس الجوعانة واحمدي الله وشكري انتي عندج بيت وعندج اكل حتى لو تنحرمين ساعة وساعتين انتي متأكدة راح تأكلين غيرج ما يدري ياكل لو يوكل جهالة وهم ما يدري يجوز ينام وهو جوعان لذلك يا بنتي الله خلة شهر رمضان الكريم حتى انحس بمعانى الفقرة الي ما عدهم اكل انشوف هما شنو جاي يمرون بي ياا شبيج بجيتي هسة انا جاي انصحك جاي اخليج تبجين
ياسمين:😢😭ابجي على نفسي وانا شكد ما عندي عقل شلون انا أنانية ما افكر بس بنفسي هذولة الناس كلها تعاني وانا هنا ضايجة لان ما اتسحرت جدووو انت مثلي الأعلى انت صرت قدوتي بهاي الحياة تعرف حبيتك كاب اتمنيتك من صدك جدي وتعلمني الصح من الخطأ اتمنيتك وياي من جنت صغيرة وتحجيلي قصص حلوة اتعلم منها 😢😭
عباس:شبيج ياسمين ليش تبجين (يحجي وميت خوف لان جاي يشوف حبيبتة تبجي)
جد عباس:كل السالفة ومابيها (حاجة جد عباس شنو كال الياسمين)
عباس:اوويلي على قلبج الحنين كافي بجي كومي تعوذي من الشيطان واقري شوي قرآن وانتي راح ترتاحين يلة كومي
ياسمين:اييي كايمة كمت غسلت وجهي وبعدها توضيت وصرت اقرة قرآن وابجي ابجي على نفسي وشلون جنت قبل وهسة شلون صرت جنت ما اعرف شئ عن هذا الدين هسة هذا الدين صار هو طريقي بالحياة كملت قراءة قرآن وكمت ساعدت عمتي بالبنات بالفطور حتى نسيت جوعي على كد ما افكر بالي ما عدهم اكل واخيرااا خلص اليوم واذن كلها فطرت إلا انا كاعدة واباوع على الاكل اجتي الدمعة بعيني 😢شلون انا اكل وغير ما ياكل شنو هاي الحياة الي فرقت سوت اغنياء وفقراء ياربي يعين كل شخص فقير بهاي الدنيا صاح عليه عباس وكال شبيج ياسمين فطري صالج من امس ماماكلة شئ اكلي فطرت بتمر ولبن وبديت اكل خلصنا وكمت غسلت المواعين اذكرت علي خطية كالت عمتي طلع الصبح ب9 وراح الفندق بلليل يطلع للبصرة المهم كملت شغلي وصعدت فوك توضيت وصليت قريت شوي قرآن وكمت صرت ابحث بالنت دخلت على اليوتيوب طلعلي فيديوووو اوويلييي يخبل

مما اسولفيلكم كمت مثل الخبلة كاضة المشط والهتفون بااذني واغني فتحت شعري وصعدت فوك الجرباية مجنت منتبها لان جان الهتفون عالي بذاني ما اسمع شئ محسيت إلا وايد تجرني شفتة عباس سحبني عليه طخيت بصدرة يمةة عيووونة يخوفن مدري شبي وخرت الهتفون من ذاني وهو كال وثووول حررام الاغانيي حرام واحنة هسة بشهر رمضان المبارك حرام اسمعين اغاني 😐قبل شوي جنتي تقرين قرآن شصابج كتلة هااا ما ادري حرام اسفة هسة اوخرهن واطفيها بعد ما اسمع اغاني بس هدني (شو هذا هدء وعيونة ذبلن قرب وجهة عليه وخلة راسي بركبتي يمةة جسمي رجف من حركتة حسيت بانفاسة اطخ بركبتي شعور لا يوصف ذبت بين ايدية حسيت بالم بركبتي وخرت بسرعة وهو هم وخر وخلة اصابيعة بين شعرة وهو يرفعة رحت للحمام وانا ميتة خجل اباوع لخدودي راح يطكن على كد ما حمر سبحت وطلعت لبست تراك جنت خالتة بالحمام لان اصلا قررت ابدل من مساع بس النت لهاني المهم طلعت وانا خالة المنشفة فوك راسي رحت جبت السشوار وانا اسرح بشعري طاحت عيني على الي بركبتي صرخت صرخةةة عااااااا اجا عباس عليه وكال هااا شبيج شبيج كتلة وانا ميتة خوف باوع ما ادري شنو هذا الزراك يمةةة عباس خاف بية مرض شلون صار هذا عباس فدوة راح اموت من الخوف 😱😢 شوف هو مرض لو شنو شصاير ليش هيج صار بجسمي
عباس:ميت من الضحك عليها بس ما ردت ابين ضحكتي كلتلها لا ماكو شئ شئ عادي شبيها هاي معقولة ما تدري شلون صارت مبين اجذب عليه ماكو بنية بالدنيا ما تدري شنو معنى هاي إلا هي ثولة 😂 هي يمكن ثولة لان حيل خايفة ليكول مكتولة ياربي شلون بهاي البنية الي راح اتموتني
ياسمين:غلست عن الموضوع نشفت شعري ونمت كعدت ب2 رحت على المراية اعدل حجابي المهم وانا اعدل بالحجاب يمةةةةةةةة شنوووووو هاااييي
عباس:اشبيج ليش اصرخين بنص الليل
ياسمين:ع ع ع عبااااا س عبااااسس صرصورررررر
عباس:وينةة
ياسمين:ذاك على الميز
عباس:مو زرفتيها الأيدي هديها خلي اشوف شنو صاير
ياسمين:جنت حيل خايفة وما ادري شنو اسوي محسيت بنفسي من خليت ايدي على ايدينة العباس واجيت ازرفهن على كد ما نبتت ظافيري بيهن راح عباس علمود يكتل الصرصور وانا صعدت فوك الجرباية شفتة دار وميت ضحك ويكلي لعابة وثول شبيج هيج خفتي ليكول شفتي جني هاا 😂😂😂😂😂
ياسمين:شمدريني قابل انا افرزن بيناتهن شو يشابهن
عباس:😂😂😂وثول يلة ننزل خاطر نتسحر

ياسمين:اسمعي زين اياج اجيبين طاري تربيتي وما محترم يعرف نفسة وكل شخص يرى الناس بعين طبعها وهذا راجع الج مو الي

.....:دروحي بلا تربية ما بقى علينا بس انلفي هاي الشكولات من الشارع بلا أخلاق

ياسمين:الي بلا أخلاق محاجة اكول ياهي واسمعي زين اياج تتعدين على اهلي لا ارويج شئ بحياتج مشايفتة انا مو ياسمين جرجيس اذا ما اخليج تتندمين على كل كلمة كلتيها

برائيكم منو هاي الي تعارك ويا ياسمين ؟؟؟؟ عباس راح يعترف بحبة الياسمين؟؟؟؟

علقولي😊
صوتولي🤗

أقدار الحب💖

# للكاتبة زيزو البصراوية🙂