أقدار الحب💖

البارت السابع عشر

أقدار الحب💖

# للكاتبة زيزو البصراوية🙂

على طاري الامل .....😯

ايست منك حيللل.....!💔

...........................................
علي:اخخخ من شفتها اوويلي طالعة اتخبل صح مشفت هوواي من شكلها بس شفتها اخخخ ياياسمين هيج القدر سوة بية وخلاني احبج وانتي مو قسمتي لا فوكاها خلاج اتكونين مرت ابن عمي وصديقي ربي اختبارك حيل صعب شلون اشوفها كل يومية بالبيت نفسة وفوكاها ما أكدر اتقرب منها اللهي طلع حبها من قلبي ليش هيج يصير وياي
ياسمين:بعد ما نزلت ضليت احجي ويا علي ونضحك ونشاقة هو يحشش علينا انا وعسل كمنا انا وعسل انسوي العشة اجت عمتي وعلمتنا شنو نسوي بالبداية ما رضت اسوي عشة بس انا لحيت المهم كملنا العشة انا وعسل سارة مسوت شئ مجرد تباوعلنا وتجيب اعيونها منا ومنا مدري شبيها المهم فرشنا السفرة واجوي كلهم نزل عباس شكلة سابح ومبدل كعدتني عمتي يم عباس هو ساكت محجة شئ جدي بدة ياكل وبدينة كل احنة جنت اكل ومرتضى كال
مرتضى:مرت اخوي
ياسمين:وياي
مرتضى:ايي وياج اريد اسئلج سوال
ياسمين:اكيد
مرتضى:انتم كلكم هيج
ياسمين:يعني شنو مفهمت
مرتضى: يعني صاكين شلون هيج كلكم حلوين
ياسمين:😂😂😂 هي خلقت ربك يعني انا شنو دخلني
مرتضى:لا يعني انتو خلقة وانا خلقة
ياسمين:شبيك شو شاب وحلو ومرتب بعد شنو تريد اكثر من هيج
مرتضى:اكلج انا من شفت اخوج والله لو ابنية جان كبلت ويا صدكي هو اخوج ولد وانا انعجبت جا انتي شلون
ياسمين:😂😂😂 شتقصد ولك
مرتضى:مجمل الحجي عدكم منا منا اخت بت عم يعني
ياسمين:😂😂😂😂😂 لا معندي اخت هي بس نرجس وحيدر خذاها اما بت عم ايي عندي من يجون بيت عمي شوفها البت عمي
مرتضى:يعني اكو امل
جد عباس:ولك مرتضى اتأدب شوي اثكل شنو هذا الحجي عوف هذا الحجي والتفت الدراستك انت طالب سادس مو هين
مرتضى:شبيك جدي نزلت عليه طن رزايل مغير احاول احسن النسل مالتك حتى يكولون شوفو طالعين على جدهم صاكين  وبعدين يا جدي هو هيج هيج مطيحين حظي بالسادس إلا اذكرني 
جد عباس:هااا هنا الحجي يعني انا ما اجيب نسل زين وانت يا زمال مو كل البنات مكطعين روحهن عليك
مرتضى:سمعتواااا خوووب جدي كالها انا حلو بعد إياكم تحجون عليه ادكولون مو حلو
الكل:😂😂😂😂😂
عباس:طاح حظك اكل وانت ساكت
مرتضى:راح اكل راح اكل
ياسمين:صدك ضحكت على سوالف مرتضى خطية هووا طالب سادس ومطيحين حظة بالدراسة خطية خلصنا العشة وشلنا المواعين وغسلناهن جدي كال صعدي الغرفتج كافي شغل صعدت الغرفتي بدلت تراك بدي لركبة وشوي مخصر عليه ومرسوم عليه ميكي وحبيبتة وبجامتة طويلة بس البدي نص اردان فتحت شعري وكضيت تلفوني خابرت ماما وحجيت ويا بابا وكالو عيسى عايش وياهم هذا طلب من عبير يا ناس كبرت بعيني هاي البنية درة مالت الله حجيت ويا عبير وعيسى ساعة كاملة وانا احجي وياهم خلصت المكالمة محسيت غير باب الغرفة انفتح دخل عباس اول شئ صفن بية وبعدين دخل كعد على الجرباية فتح تلفونة وكعد يكلب بي مهتميت اجيت انام ياربي وين انام هو ولا مهتملي مدري شبي شعلي بي جبتلي كوشايات وخليتهن بنص الفراش باوعلي وكال شنو هاي كتلة هاي حاجز بيناتنة لان انا ما اعرف انام بالكاع اياك وتعبر الخط هذا كال اوك ودار وجهة خليت راسي على المخدة وكعدت احجي ويا صديقاتي بالكلية طفيتة ومحسيت إلا وانا نايمة
عباس:كعدت العصر الساعة ب5 ملكيت ياسمين يمكن انزلة سبحت وبدلت ونزلت شفتها جاي اسوي عشة خلصو وصوبو عشة وكعد مرتضى يسئل بيها صراحة ردت ادفنة من كال كلكم صاكين يعني جاي يتغزل بطريقة غير مباشرة وهاي الفطيرة تضحك غبية عقلها مدري من وين جايبتة بالكوة خلص العشة كمت غسلت ايدية واجيت اشرب جاي هي صعدت للغرفة لان جدي كاللها صعدي لان انتي تعبتي المهم وراها بساعة صعدت الغرفتي من فتحت الباب وشفتها اوويلي ملاك مو بنية 😍 صراحة جذبتني الثواني وخرت عيوني عنها واستغفرت ربي رحت على الجرباية فتحت تلفوني وكعدت اكلب بي بس علمود اشغل تفكيري عنها محسيت إلا وهي حاطة كوشايات على الجرباية وادكلي لا تعبر هذا الخط كلتلها اوك لعبت شوي بتلفونها نامت واني جنت اكلب بالفيس حسيت تلفوني طار انصدمت شنو صار طلعت ياسمين دفرتة بيدها ضحكت عليها 😂 رحت جبتة التلفوني ونمت قصدي دخلت بحرب ويا ست ياسمين لان تتكلب خرب موتتني ليكول داخل بحرب مو نايم بالكوة يلة نمت من وراها
ياسمين:كعدت وانا اتمطة وامد ايدة فوك راسي وهنا مشابكات باوعت لسكف شفت شئ بحياتي ما اتمنى اشوفة كما اصرخ اااااااااااااععععععععععععععععع لميت البيت كلة عليه علي ومرتضى وعمي وعمتي وأبو حيدر وام حيدر وعسل وجدي كلها دخلت للغرفة وعباس كعد مثل المخروع اكيد اذا انا صرخت صرخة هزت البيت طفرت من الفراش وانا اصرخ وااشر على السكف ما حسيت الا وانا مركوعة بالشرشف عباس غطاني لان ملابسي فضيحة وفوكاها شعري مفتوح شكولتهم من دخلو ليكول مخترعين اكيد يعني شيسون غير يخترعون المهم عباس رزلني وكال وثول شبيج خبصتينة ليكول داخل حرامي عليج صوتج وصل السابع جار شبيج هو كلة ابو بريص كتلة لك هذا مو بس ابو بريص لعبان نفس نزل ابو بريص وكتلة عباس وطلعة من الغرفة وهو يستغفر ربة لان كعدتة مخترع خطية علي مبين عليه جان يبدل لان لابس قميصة بالمقلوب وشعرة مكفش ومرتضى اسوء منة كفشتة شكدها شكلهم كلهم تحفة جان يحتاج تصوير 😂😂😂
عباس:جنت نايم و مرتاح محسيت غير على صرخة هزت البيت هز شفت ياسمين اصرخ واطفر كمزت من الفراش محسيت غير الكل داخل علينا وهاي الغبية لا حجاب ولا مستورة شفت الشرشف بيدي ذبيتة عليها وهي اصرخ كلتلها شبيج أشرت على ابو بريص مووتتني خوف من الصبح كلة علمود ابو بريص طاح حظها رزلتها وكتلت ابو بريص كلها راحت الغرفتها رحت ست ياسمين بدلت ولبست حجابها لان راح نطلع للكلية انا رحت سبحت وبدلت ونزلنا وكلها تضحك على الي صار الصبح ويذكرون شكولتهم وهي مكلبة ويضحكون😂 صدك شكولتهم تموت ضحك
علي:كعدت الصبح من وكت رحت سبحت وانا جاي البس قميصي سمعت صرختها الياسمين خفت خاف صار شئ كلها اجت تركض فتحت الباب وياريتني ما فتحتة المنظر يخبل النا يتخبل ياسمين ووتراكها المفصل على جسمها ولكم جعلني ميكي وحبيبتي اتخبل والشعر السبل الي يوصل لركبة ماي لونة اسوووودد سواد الليل  يخبلل يدوخ ثخين ويخبل خاف جنت متخبل اتخبلت اكثر ولكم هاي نازلة من السمة ردت اطلعج من قلبي استوطنتي بي من جديد استغفرت ربي وطلعت رحت الغرفتي كملت تبديل وانا دايخ بشكلها الياسمين كعدنة على الريوك نزلت ياسمين واعتذرت كلها كالتلها عادي مصار شى واشتغل التصنيف على شكولتنا من الخرعة وجدي بس يصنف علينا
ياسمين:نزلت واعتذرت منهم بعدين طلعنا اني وعباس للكلية وصلنا بطريقنا مرتضى ومسلم للمدرسة وعلي طلع قبلنا وصلنا للكلية علي راح يصف السيارة بالكراج واني دخلت للكلية اجا عباس وراي شفت علي من بعيد واشرتلة وابتسمت وهو بادلني باابتسمة 😊 دخلنا للمحاضرة كعدت بصف عباس خلصت اول محاضرتين بعدها رحنة للكافيتريا كعدنة اني وعلي وعباس نكرك محسيت إلا واحد كال
الشاب:انسة ياسمين
ياسمين:نعم
الشاب:ممكن احجي وياج على انفراد
ياسمين:تكدر تحجي اهنا محد غريب
الشاب:صراحة يا انسة ياسمين انا معجب بيج واريد اخطبج من اهلج بس حبيت اعرف شنو رائيج
علي:من سمعت الشاب هيج حجة كتلة بعصبية بس هي مزوجة
عباس:ترة هي مرتي انا الي لازم احجي (يحجي بعصبية)
علي:اسفة طلعت لا ارادين
ياسمين:بعد الشاب من يمي بعد ما شاف الشرارة تطاير من عيون عباس وعلي من الغضب دك الجرس وافلت بروحي العزيزة دخلنا للمحاضرة وجان علي هو الأستاذ استئذنت من علي اريد اروح للحمام سمحلي طلعت من المحاضرة ولحمامات البنات دخلت غسلت وعدلت حجاب طبعا مكياجي خفيف بس كحلة ومرطب شفة اصلا ما احتاج اني حلوة ههههههههه تبا لتواضع طلعت من الحمامات محسيت إلا واحد جرني من ايدي شفتة نفسة الشاب الي مساع حجة وياي كتلة عفوا اخي عوفها الأيدي
الشاب:انتي ما مزوجة مجرد جذبة حتى محد يدنالج
ياسمين:اياك واتقرب عليه والله احسب الله ما خلقك لك انت ما تعرف انا منو وزوجي منو ولك يحطك ويكسر ضلوعك وخر عن طريقي وخر
الشاب:ما اوخر وخلي يجي هذا المدعو زوجج وخلي ياراويني جهرتة اذا هو رجال
ياسمين:ما حسيت غير عباس فوكة لشاب وكلة ولك انا مو رجال لك ابن الكل...... ابن الخ.... انعل أب....... لابو.....
ياسمين:لك عباس عوف الولد راح يموت عباس اجا علي وخرة عن الولد والله جان مات بين ايدة كام عباس وسحبني من ايدي وطلعنا لسيارة شغلها وصعدني وهو يزفر بغضب واحسة راح يطك من العصبية كام يسوق سريع صراحة خفت محسيت إلا واني وأيدي على رجلة هو شوي خفف من السرعة يمكن حس بية خايفة وخرت ايدي من رجلة
عباس:من راحت ياسمين للحمام اتأخرت ضل بالي كلت لعلي وطلعت شفت هذا الخرا كاض ايد ياسمين وهي تحجي عليه هو وانا بدون شئ محبل عليه هو اجا من كبالي صعدت عدي العصبية من كال اذا رجال وانا نزلت عليه دك واغلط اجا علي وخرني عنة بالكوة جريتها الياسمين هي جانت اصرخ بس ما فهمت منها شى من العصبية دخلتها لسيارة وصرت اسوق بسرعة فائقة محسيت إلا وايد ياسمين على رجلي فهمت انو هي خايفة خفتت من السرعة وخرت ايدها رجعنا للبيت مدري ليش هيج عصبت يمكن لان هان رجولتي يمكن لان عبث بعرضي  ما ادري بس من شفتة يم ياسمين جان بنفسي بس اكتلة لان هو من البداية ضوجني من كاللها معجب بيج واريد اخطبج كببني شلون وهو كاض ايدها دخلت للبيت وانا نفث نار مدخن ياهو الي يحجي وياي يجوز اكب  بوجها شفت ياسمين صعدت للغرفة رحت وراها شفتها دخلت للحمام وكفت ورا باب الحمام واسمع صوت بجيها يمكن خوف يمكن رعب مني من عصبيتي ما ادري بس اسمع صوت شهكاتها تتمرد قلبي عليها ما ادري شسوت بية هاي البنية حتى نرجس نسيتها بهاي اليومين ما ذكرتها ولا اجت بالي بس ياسمين شاغلة بالي احس شهكاتها جن خنجر بوسط قلبي جان قلبي يوجعني ويا كل شهكة مدري ليش 😟

ياسمين:واخيررااااااا اجيتتت هلا بيك والله مشتاقتلك حبيبي انت😚😗😘

برائيكم شنو هذا الشعور الي جاي يحس بي عباس هو غيرة لو لان هذا عبث بعرضة ؟؟؟؟ ومنو هذا الي استقبلتة ياسمين برحابة صدر وادكلة حبيبي؟؟؟؟

علقولي 😊
صوتولي🤗

أقدار الحب💖

# للكاتبة زيزو البصراوية🙂