أقدار الحب💖

البارت التاسع عشر

أقدار الحب💖

# للكاتبة زيزو البصراوية🙂

@كالولي

كالولي عوفة اسبوع خل #نستفزه...😉

كلت الدقيقة هوواي ياناس #اعزه....😘

كالو دعوفة شبيك مشايف #انت.....🤔

كلتلهم شلع تروحون فدوة #الضحكته..🙂

............................................
ياسمين:صار الليل بعد ما تعشينة وخلصنا غسلنا اني والبنات المواعين وتفقوا باجر خطبتهم العسل ومسلم المهم صعدت فوك حتى انام غيرت ملابسي ولبست تراك وكعدت اراسل ماما كالت باجر يجون ياحياتييي مشتاقتلهم بكد رحمة الله وراح يجي وياهم حبيبي مشتاقتلة موت بااثناء ما اني احجي ويا ماما دخل عباس وباوعي بنظرة ماعرف افسرها نظرة شخص تعبان نظرة شخص هلكتة الحياة شنو بي وليش هاي النظرة اليوم عباس شكلة غريب ياربي هذا البشر شبي راح سبح وطلع من الحمام باوعلي وكال
عباس:ياسمين ماكو لبس فاضح
ياسمين:شنو مفهمت
عباس:بخطبة مسلم وعسل لبسج مستور ولا تلبسين قصير ولا مصلخ اوك
ياسمين:زين ليش يعني هي بس بنات ومن يدخل مسلم البس عباية فوكاهن
عباس:بلا بس وتنعوص كلت ماكو لبس فاضح يعني ماكو
ياسمين:اوووي شهلقنقينة المرة هاي خرب حظي شكلي ولا راح أستمتع بالحفلة من ورا إلا اراويك منو اني يا استاذ عباس باجر شوف شنو راح اسوي بيك اذا ما اخليك تسودن ميطلع اسمي ياسمين واني كد وعدي محجيت شئ و يا نمت ومحسيت غير على عسل فوك راسي وادكلي
عسل:ولج ياسمين كومي منو يروح وياي لصالون لج شبيج اليوم من بين كل الايام خامدة ولج كومي
ياسمين:اووي عسل خليني انام فد خمس دقائق صالي شكد منايمة عدل من ورا الكلية
عسل:ولج اليوم خطبتي وانتي نايمة
ياسمين:اوووف كايمة امري لله كمت انتي روحي وانا هسة اجي وراج
عسل:مو ترجعين تنامين
ياسمين:ايي عود ايي
عسل:يلة كدامي للحمام حتى ما يضل بالي انتي ترجعين تنامين
ياسمين:ترة سهلة أكدر انام بالبانيو
عسل:نامي وشوفي اذا ما افتح الماي عليج وكون بارد بهذا الجو البارد
ياسمين:كايمة روحي بدلي
عسل:رايحة
ياسمين:كمت سبحت وبدلت نزلت صبحت على الكل راح تروح عسل وسارة وشهد لصالون هاي العكرة شهد عرضت ليش ياسمين تروح ومع انو عسل رايدتني بس ست شهد قنعت عمتي وخلتها تروح واني ونرجس كعدنة انظف ونوزع ماي ومدري شنو بس اقاربهم اجوي محد اجا لحد الساعة ب11 اندك الباب طلع عباس يفتح الباب سمعت صوت صوت اعرفة طبعا انا بالمطبخ نرجس جانت كاعدة يم حيدر المهم وانا واكفة اغسل المواعين الزايدة سمعت هوسة وناس تبجي مدري شنو صاير خلصت الي بيدي وجبت ماي ببطالة خليتهن بالصينية وطلعت واني واطلع من المطبخ وصلت لباب الصالة رفعت راسي واشوف ماما كبالي محسيت إلا صينية طايحة من ايدي ودموعي نزلن لا ارايدن واشوف نرجس بحضن ماما هم تبجي ماما من شافتني وكفت وابتسمت من كثر الصدمة انا واكفة ودموعي تنزل ادري بيهم راح يجون صح بس مشتاقتلهم صعبة تبعدين عن اقرب الناس الج ركضت على ماما وشبكتها واني ابجي وهي تبجي وبعدها وخرت عنها ورحت على بابا  شبكتة وهو يبوس راسي بعدها عيسى وعبير هم شبكتها مجنت منتبها على الي وراي حسيت ايد انحطت على جتفي درت وشفتة حبيبي واخيرا شفتة عمووو اليااااا شبكتةةة حيللل ليكول طفلة مضيعة ابوها جان عمي حيل مقرب الي ولحد هسة مقرب ضليت ابجي واشهك بحضنة 😭😭😭😭 وهو شابكني ويبوس براسي ويكول اشتاقيتلج ياسة اشتاقيتلج ياروح عمج وخرت عنة وكال
اليا:شرائيج والمفاجأة
ياسمين:دريت من امس راح تجي بس بدون ما ادكلولي شئ تجون فجأة هاي صدك اتفاجئت بيها صراحة مشتاقتلك موت
اليا:وانا هم مشتاقلج حبيبتي
ياسمين:سلمت على مرت عمي وبت عمي روان الشخص الوحيد الي مشفتة هو حسين وينة
اليا:على منو ادورين
ياسمين:اممم حسين وين
حسين:وراج ام السوس
ياسمين:هلا ابن العم
حسين:هلا بيج بنت العم
عباس:جنا نحجي انا وعمامي واثناء ذلك اندك الباب طلعت اشوف منو فتحت الباب طلع عمي جرجيس وعائلتة وهم عمي ياسمين وعائلتة دخلو سلموا ونرجس تبجي وتشبك بيهم ليكول صالها سنة مشايفتهم ما جنها بس اسبوع😂 هاي هينة شوي إلا ياسمين لعبت جولة طيحت صينية الماي وبجت ليكول طفلة وتشبك وتبجي تموت ضحك من شافت عمها كعدت تتغزل صراحة ضجت بس كلت يلة عمها عادي خلصت وبعدين سئلت عن ابن عمها حسين الي دخل ومن عرف انا زوج ياسمين مدري شبي رمقني بنظرة عمري ما انساها مثل نظرة الحقد هيج شئ المهم سئلت عليه ضجت حيل من كللها ام السوس وهي دارت وابتسم وسلمت عليه كعدو يسولفون مطلوا وصبينة غدة الزلم بحد ونسوان بحد لان اكو ناس غربة خلصنا الغدة وديت غدة للبنات قبل لا يجون أهل ياسمين طلعنا احنة والشباب للحلاق عيسى وحسين ويانة
ياسمين:صبينة غدة وكعدنة ندردش خلصنا وشلنا المواعين فيلق امواعين كعدنة اني ونرجس وروان خطية تعبت ويانة خلصنا ب2 راحت روان تبدل يم نرجس وانا صعدت ابدل وعلى عناد استاذ عباس لبست هذا طبعا بعد السبح😂