يِرُقُونِي حُبُكَ مَهْمَا كَاَن ( بلهجة الجزائرية)ْ

بارت 4

رحت نجري عند ماما قتلها واش بيك ماما ياك ماكيش مريضة ولا حاجة والله نموت انا قاتلي لا بنتي قتلها واش كاين حكمتلي يدي جات تحكي ماقدرتش قتلها حرام عليكم علاه تعذبو فيا واش كاين قاتلي عمتي فرح انا هي ماماك الحقيقية و هذا باباك و شارت لراجلها و هاذو خوتك على ولادها كمال اكبر مني باربع سنوات و سارة و أسية اصغر مني انا مافهمت والو عنقتني ماما قاتلي والله الى نبغيك انا ماولدتكش بصح انتي فرحتي نبغيك انتي كبدتي انتي اللي سهرت عليها الليالي باه كبرتها قتلهم مافهمتش قاتلي عمتي انا و باباك وقت ولدتك كنا فالمشاكل و طلقنا هو احرڨ لاسبانيا و. خلاني انا و خوك في دارناو خالك و مرت خالك كانو متزوجين في ربع سنين و ماجابوش الصغار و انتي كي زدتي انا هملتك مالمشاكل مع باباك وكنتي مريضة مالكلية نتاعك و مرت خالك كانت ديما معاك هي اللي تديك للطبيب و هي اللي تعطيك دواك و هي اللي كانت معاك في كل خطوة حتى تعلقتي بيها و والفتيهم هي و خالك بزاف حتى هوما والفوك و نهار جاو يروحو قتلهم يدوك و هوما قبلو قلت يبقالي غير كمال و انتي نتهنى عليك كنت مرة مرة نروح عندهم و نشوف معاملتهم كانو يموتو عليك و نهار ولينا انا و باباك كان عندك 4 سنين جبناك بصح ماقدرتيش تبقي عندنا مرضتي و مرت خالك مرضت و باباك قالي رجعيهالهم حرام علينا راها بنتهم علابالي انتي تبغيهم و هوما اكثر بصح بغيناك تعرفي الحقيقة برك ......انا اسكت تشوكيت حاجة ماشي ساهلة بقيت نستوعب فاللي سمعته قلتها نتوما ماشي ماما و بابا و هوما ماما و بابا و يمة ربيعة انتي ماشي جدتي و خوالي و خالاتي ماشي اللي نعرفهم سكت شوية ماما و بابا يبكو و عمتي و راجلها تاتي اللي هوما ماما و بابا من بعد مسحت دموعي قتلها انتي تبقي عمتي و هو راجل عمتي اسمحولي كلمة ماما و بابا نقولها برك لهاذو و رحت عنقتهم ماما و بابا اللي هوما خالي و مرت خالي قتلهم نموت عليكم نتوما حياتي شفت في ماما قتلها ماتبكيش انتي ماما و انتي حبيبتي انتي اللي كنت برك نطيح ينزلو دموعك انتي اللي حنانتك ماشفتش كيفها فالدنيا وقتها قلت كلام كان خارج مالقلب دك لوكان نقوله مانقولهش كيما ساعتها