يِرُقُونِي حُبُكَ مَهْمَا كَاَن ( بلهجة الجزائرية)ْ

بارت 6

المهم كملت حياتي دخلت للجامعة و قريت عام والله يا لبنات ماقدرت نعشق و لا ندير حبيب كلام بدرو ديما في وذني كنت كل ما نجرب نحكي مع واحد نحس روحي نكذب عليه و على روحي نعاود نجبد اما اصدقاء كانو برك بنات و ولاد عمامي و عماتي مانصاحبش و مانخالطش الناس فات عام و جات العطلة و جات عمتي و راجلها و اولادهم و قررنا نروحو نصيفو في بلاصة خلاف باسكو كنا متعودين غير في سكيكدة أما هذاك الصيف ديسيداو وهران انا فرحت لانها الولاية اللي تربيت فيها و فيها ريحة حبابي و قلت لماما كي نوصلو نروحو نزورو جيرانا القدم و ماما عجبتها بالفكرة اما يما و جدي قالونا روحو غير انتوما جدي كان شوية مريض مايقدرش للطريق بعيدة و يما قالتنا نبقى معاه بابا و عمامي و عماتي ماحبوش يروحو بصح جدي قالهم روحي راني مليح وجدنا رواحنا و رحنا لوهران النهار الاول ريحنا و النهار الزاوج قلت لماما نروحو عند جيرانا قاتلي اوك نقولو لباباك و نروحو و قلناله قالنا اليوم راني عيان غدوة و نروحو فالاول ضاقتلي واش يصبرني لغدوة بصح قلت كي اليوم كي غدوة اصلا بدرومايكونش بصح المهم نعرف اخباره و فالليل نزلنا عمنا مع بنات و اولاد عمومي و عماتي و خاوتي و كنا نلعبو لعبة التحدي نتع اللي يطيح العود يخسر و يدير اي حاجة يطلبوها منه و اخسرت قاتلي بنت عمي شفتي هاذوك الجماعة نتع ليجان روحي و خمسي معاهم قتلها لا انتي مهبولة مانديرهاش قاتلي الوغ تنسحبي ماللعبة و انا نكره الانهزام قتلها لا نروح كان الليل كانت الظلمة مع انو كاين ضوء بصح قليل المهم رحت حشمانة عيني فالارض قتلهم السلام اسمحولي بصح خسرت فاللعبة و قالولي لازم نجي نخمس معاكم واحد فيهم قالي صافي بليزير شابة كان باين من هدرته ميڨري وانا حشمت ماشفتش فيهم والله راسي فالارض موقف محرج خمست معاهم عادي الا واحد فيهم ماشي اللي حكا معايا وحد اخر كي خمست معاه قلبي رجف والله حسيت قلبي يخبط و تقول نعرف هاذ اليد طلعت راسي شفت فيه وجه مألوف حتى هو بقا غايس فيا من بعد بعدت يدي و رحت