طلعناو كلهم رقدو الا انا عقلي غير معاه نسب في روحي الف مرة قاتلي نسيمة مالكي حكيتلها الحكاية و حكيتلها انو بدرو هو نفسو الجان اللي خمست معاه و اللي عطاني الرقم ولد عمه المهم كي حكيتلها وجها تبدل و راحت وانا بقيت نايضة وحكيت مع خالد حتى طلع النهار جات ماما قاتلي علاه مراكيش مليحة قتلها غير عيانة برك قاتلي صحة نوضي دوشي يروح عليك العيا حتى جات نسيمة بنت عمي وجها اصفر قاتلي فرح راح نقولك و سمحيلي قتلها علاه نسمحلك قاتلي انا راني نحكي مع نجيم على اساس انتي
انا:
نسيمة: فرح هو اعجبني و عييت فيك احكي معاه ماقبلتيش ايا حكيت معاه على اساس انتي
انا: دك نجيم حاسبني انا راني نحكي معاه؟
نسيمة : واه
انا: مهبووووولة انتي مهبولة كيفاش ديري هاك علاه درتي هاك علاه تكذبي علاه تحكي باسمي
نسيمة: ماحسبتهاش توصل هنا قلت نحكي معاه و نفوت وقت و نروحو و ننسو كلش
انا: تسما بدرو حاسبني حبيبة ولد عمه على هاذي عاملني هاك و نجيم حاسبني انتي على بيها حكا معايا بهاذيك الوقاحة الله لاتربحك نسيمة علاه درتي هاك
نسيمة: والله ماظنيت توصل هنا غي بغيت نلعب
انا: تلعبي؟ هذا لعب جايح علاه هاك علاه اسمعي دك تعيطيله و تقوليله نشوفك و نتلاقو معاه و حكيله
نسيمة : لا مانقدرش
انا : مين كذبتي قديتي و دك لا علاه هاك نسيمة
نسيمة: صحة نقوله و اسمحيلي بصح والله مانيتي نضرك جيست بغيت نحكي معاه
انا: عيطيله
نسيمة: اوك
عيطتله نسيمة و تفاهمو على رونديفو و رحت معاها و جا نجيم حكاتله نسيمة و قاتله اسمحلي والله ماقصدت ندير حاجة ماشي مليحة و نجيم بان عليه الشوك قالها لوكان مالاول قلتيلي علاه كذبتي قاتله ماقدرتش و اسمحلي ورحنا و خلينا نجيم و انا بقيت نستنى يعيطلي بدرو قلت دك يعرف الصح يعيطلي بصح هو ماعيطليش و العشية نزلنا للبحر تلاقيت بالجماعة كلهم الا هو ماحبيتش نسقسي عليه المهم عمنا مع بعض و عرضهم بابا اتعشو عندنا و معاهم نجيم و نسيمة ماخرجتش كانت حشمانة تقابل نجيم فالليل كانت تبكي قتلها علاه البكا قاتلي من وقت ما عرف ماعيطليش قتلها الله يسهل عليه قاتلي نحبه قتلها انتي مهبولة بعدا حبيتيه وانتي تعرفيه في مانبا شهر قاتلي والله والله نحبه قتلها اسمعي مهبولة راه عمرك 20سنة راكي عاد صغيرة ماتبنيش حياتك على راجل عيشي حياتك و ماتخلي حتى فرخ يكون سبب تعاستك
نسيمة: شكون اللي يحكي فرح ؟ اللي من صغرها تعشق في صديق الطفولة
انا: لا انا مانعشق حتى في واحد
نسيمة : ماشي عليا راكي مالصباح تستني يعيطلك
انا: انا؟ لا راكي غالطة
نسيمة : وعلاه مرة مرة تشوفي في تلفونك
انا: نشوف الساعة برك و رقدت و خليتها و الصباح صونا رقم مانعرفهش جابتلي نسيمة تلفوني قاتلي رقم ماعرفتهش ريبونديت عييت الو الو الوووو واحد مارد نسمع غي النفس كوبيت قتلها ماتزيديش تريبوندي على هاذ الرقم راهم فارغين شغل
أنت تقرأ
يِرُقُونِي حُبُكَ مَهْمَا كَاَن ( بلهجة الجزائرية)ْ
أدب نسائيوكنت اجد بك عشقا ؛ لم تتلوه الروايات....
