ﺭﺣﻨﺎ ﻟﻠﺪﺍﺭ ﻭ ﻫﻮ ﺳﺎﻛﺖ ﻣﺎﻗﺎﻝ ﻭﺍﻟﻮ
ﻛﻲ ﻭﺻﻠﻨﺎ ﻗﺎﻟﻲ ﺗﺼﺒﺤﻲ ﺑﺨﻴﺮ ﻗﺘﻠﻪ
ﺳﻼﻡ ﻭ ﺩﺧﻠﺖ ﻟﻘﻴﺖ ﻟﺒﻨﺎﺕ ﻳﺴﺘﻨﻮ
ﺣﻜﻴﺘﻠﻬﻢ ﻗﺘﻠﻬﻢ ﺑﺪﺭﻭ ﻣﻌﺎﻣﻠﺘﻪ ﻣﺮﺓ
ﻣﻠﻴﺤﺔ ﻋﺸﺮﺓ ﻻ ﻭ ﺣﻜﻴﺘﻠﻬﻢ ﻗﺎﻟﻮﻟﻲ
ﺑﺎﻳﻨﺔ ﻏﺎﺭ ﻗﺘﻠﻬﻢ ﺑﺼﺢ ﺭﺍﻩ ﻭﻟﺪ ﻋﻤﻲ
ﻗﺎﺗﻠﻲ ﻣﻴﻤﻲ ﻓﺮﺡ ﺍﻟﺮﺍﺟﻞ ﻛﻲ ﻳﺒﻐﻲ
ﻭﺣﺪﺓ ﻳﺒﻐﻴﻬﺎ ﻏﻴﺮ ﻟﻴﻪ ﺑﺮﻙ ﻗﺘﻠﻬﺎ
ﻫﺎﺫﻱ ﺍﻟﺒﺪﺍﻳﺔ ﺑﺮﻙ ﺧﺎﻳﻔﺔ ﻣﺎﻟﻠﻲ ﺟﺎﻱ
ﻭ ﺑﻘﻴﻨﺎ ﻣﺠﻤﻌﻴﻦ ﺣﺘﻰ ﻭﺻﻠﻨﻲ ﻣﻴﺴﺎﺝ
.... Je t'aime ﻣﻦ ﻋﻨﺪ ﺑﺪﺭﻭ
ﻣﻴﻦ ﻗﺮﻳﺘﻪ ﻓﺮﺣﺖ ﺑﺰﺍﻑ ﺑﻘﻴﺖ ﻧﺘﺒﺴﻢ
.Moi aussi ﻭﺣﺪﻱ ﺭﺩﻳﺖ ﻋﻠﻴﻪ
:ﺍﻧﺎ...... Quoi:ﺭﺩ ﻋﻠﻴﺎ ﺑﺪﺭﻭ.....
:ﺑﺪﺭﻭ.........nmouuuuut 3lik
ﻓﺮﺣﻮﻧﻲ........ na3chak fik
ﺑﺰﺍﻑ ﻟﻴﻤﻴﺴﺎﺝ ﺑﻘﻴﺖ ﻧﺤﻜﻲ ﻣﻊ
ﻟﺒﻨﺎﺕ ﻭ ﻋﻘﻠﻲ ﻋﻨﺪﻩ ﺣﺘﻰ ﻋﻴﻄﻠﻲ
ﺭﻳﺒﻮﻧﺪﻳﺖ ﻗﺎﻟﻲ ﻃﻠﻌﻲ ﺍﻟﻔﻮﻕ ﻃﻠﻌﺖ
ﻟﻠﺴﻄﺢ ﻧﺤﻜﻲ ﻣﻌﺎﻩ ﻗﺎﻟﻲ ﺷﻮﻓﻲ
ﻓﺎﻟﺒﺎﻟﻜﻮﻥ ﻛﻲ ﺷﻔﺖ ﻟﻘﻴﺘﻪ ﻭﺍﻗﻒ
ﻓﺎﻟﺒﺎﻟﻜﻮﻥ ﻧﺘﻊ ﺩﺍﺭﻫﻢ ﻗﺘﻠﻪ ﺭﺍﻙ ﻣﻠﻴﺢ
ﺑﺪﺭﻭ: ﻻ
ﺍﻧﺎ: ﻋﻼﻩ
ﺑﺪﺭﻭ : ﺯﻋﻔﺖ ﺣﺒﻴﺒﺘﻲ
ﺍﻧﺎ: ﺍﻣﻤﻤﻢ ﺷﻜﻮﻥ ﺣﺒﻴﺒﺘﻚ
ﺑﺪﺭﻭ : ﺍﻟﻠﻲ ﻧﻌﺸﻖ ﻓﻴﻬﺎ
ﺍﻧﺎ: ﺷﻜﻮﻥ ﻫﻲ
ﺑﺪﺭﻭ:ﻓﺮﺡ ﺣﺒﻴﺒﺘﻲ ﻭ ﻋﻤﺮﻱ ﻭ ﻋﻴﻨﻴﺎ ﻭ
ﻗﻠﺒﻲ
ﺍﻧﺎ: ﻛﻞ ﻫﺎﺫﻭ ﻫﻬﻬﻬﻬﻪ
ﺑﺪﺭﻭ: ﻭ ﺍﻛﺜﺮ ﻭ ﺍﺳﻤﺤﻴﻠﻲ ﻗﺒﻴﻞ
ﺍﺗﻘﻠﻘﺖ ﺑﺮﻙ ﺍﻧﺎ ﻛﻲ ﻧﺘﻘﻠﻖ ﻣﺎﻧﻌﺮﻓﺶ
ﻧﺤﻜﻲ
ﺍﻧﺎ: ﺍﻧﺖ ﻣﻦ ﺑﻜﺮﻱ ﻫﺎﻙ ﻣﺎﺷﻲ ﺟﺪﻳﺪ
ﻋﻠﻴﺎ ﻫﻬﻬﻪ
ﺑﺪﺭﻭ: ﺍﻣﻤﻢ ﻣﻠﻴﺢ ﻣﺰﻟﺘﻲ ﺗﺘﻔﻜﺮﻱ
ﺍﻧﺎ: ﻋﻤﺮﻱ ﻣﺎﻧﺴﻴﺖ ﻧﺘﻔﻜﺮ ﺍﺩﻕ
ﺍﻟﺘﻔﺎﺻﻴﻞ ﻭ ﺳﺎﻣﺤﺘﻚ
ﺑﺪﺭﻭ: ﺑﺼﺢ ﻧﻘﺼﻲ ﻣﻜﺎﻟﻤﺎﺕ ﻣﻊ
ﻫﺬﺍﻙ ﺧﺎﻟﺪ
ﺍﻧﺎ: ﺧﺎﻟﺪ ﻭﻟﺪ ﻋﻤﻲ ﻭ ﺯﻳﺪ ﺻﺪﻳﻖ
ﻋﻴﺐ ﻧﺨﻠﻮ ﺍﺻﺪﻗﺎﺋﻨﺎ
...... :ﺑﺪﺭﻭ
ﺍﻧﺎ: ﺧﻠﻴﻬﺎ ﻟﻠﻮﻗﺖ ﻭ ﺧﻠﻲ ﻋﻨﺪﻙ ﺛﻘﺔ
ﻓﻴﺎ
ﺑﺪﺭﻭ: ﻋﻨﺪﻱ ﻓﻴﻚ ﻛﻞ ﺍﻟﺜﻘﺔ ﺍﻣﺎ ﻣﺎﺷﻲ
ﻓﺎﻟﻨﺎﺱ
ﺍﻧﺎ: ﺍﻟﻤﻬﻢ ﻋﻨﺪﻙ ﻓﻴﺎ ﺛﻘﺔ .........ﺣﻜﻴﻨﺎ
ﻫﺎﺫﻳﻚ ﺍﻟﻠﻴﻠﺔ ﻭ ﻓﻮﺕ ﺍﻳﺎﻡ ﺭﻭﻋﺔ ﻛﻨﺎ
ﻧﺨﺮﺟﻮ ﻛﻠﻨﺎ ﻣﻊ ﺑﻌﺾ ﻭ ﺑﺪﺭﻭ ﻛﻞ
ﻣﺮﺓ ﻧﻌﺮﻑ ﻓﻴﻪ ﺣﺎﺟﺔ ﺷﺎﺑﺔ ﻛﺎﻥ ﻣﺜﺎﻝ
ﻟﻠﺮﺟﻠﺔ ﻧﺘﻊ ﺍﻟﺼﺢ ﻭ ﻛﻤﻠﺖ
ﻫﺎﺫﻭﻙ ﺍﻻﻳﺎﻡ ﻭ ﻧﻬﺎﺭ ﺟﻴﺖ ﺭﺍﻳﺤﺔ
ﻗﺎﻟﻲ ﺑﺎﺑﺎ ﻳﺠﻲ ﻛﻤﺎﻝ ﺧﻮﻙ ﻳﺠﻴﺒﻚ
ﻗﺘﻠﻪ ﻻ ﺩﻙ ﻳﻮﺻﻠﻮﻧﻲ ﺑﺪﺭﻭ ﻭ ﺍﻻﻭﻻﺩ
ﻭﺍﻋﺮﺿﺘﻬﻢ ﻳﺮﻭﺣﻮ ﻣﻌﺎﻳﺎ ﻳﻮﺻﻠﻮﻧﻲ ﻭ
ﻣﻨﻬﺎ ﻧﻌﺮﻓﻬﻢ ﺑﺒﻨﺎﺕ ﻭ ﻭﻻﺩ ﻋﻤﺎﻣﻲ ﻭ
ﻋﻤﺎﺗﻲ ﻭ ﻗﺒﻠﻮ ﻭ ﻣﻴﻦ ﺟﻴﻨﺎ ﻣﻘﻠﻌﻴﻦ ﺟﺎ
ﻋﻨﺪﻱ ﻧﺠﻴﻢ
ﻧﺠﻴﻢ: ﻓﺮﺡ ﺍﺣﺘﺎﺟﻴﺘﻚ
ﺑﺪﺭﻭ: ﻏﻴﺮ ﺍﻟﺨﻴﺮ؟
ﻧﺠﻴﻢ: ﺍﺣﺘﺎﺟﻴﺘﻬﺎ ﻫﻲ ﻣﺎﺷﻲ ﺍﻧﺖ
ﺑﺪﺭﻭ: ﻭﺍﺵ ﺗﺤﺘﺎﺝ ﻣﻨﻬﺎ؟
ﻧﺠﻴﻢ: ﻓﺮﺡ ﻋﻼﺑﺎﻟﻲ ﻳﻤﻜﻦ ﻣﺎﺗﻘﺒﻠﻴﺶ
ﺑﺼﺢ ﻧﺤﺘﺎﺝ ﻧﺤﻜﻲ ﻣﻊ ﻧﺴﻴﻤﺔ
ﺍﻧﺎ: ﻧﺴﻴﻤﺔ؟
ﻧﺠﻴﻢ : ﻭﺍﻩ
:ﺍﻧﺎ
ﻧﺠﻴﻢ: ﺍﻟﻠﻪ ﻳﺨﻠﻴﻚ ﻓﺮﺡ ﺑﻐﻴﺖ ﻧﺤﻜﻲ
ﻣﻌﺎﻫﺎ
ﺍﻧﺎ: ﺑﺼﺢ ﻋﻼﻩ؟ ﻭﺯﻳﺪ ﻣﺎﻋﻨﺪﻫﺎﺵ
ﺗﻠﻔﻮﻥ ﻭ ﺯﻳﺪ ﻋﻤﻲ ﻟﻮﻛﺎﻥ ﻳﺴﻤﻊ
ﺑﺎﻟﻠﻲ ﻛﺎﻧﺖ ﺗﺤﻜﻲ ﻣﻌﺎﻙ ﻳﻘﺘﻠﻬﺎ
ﻧﺠﻴﻢ: ﺩﻳﺮﻱ ﻓﻴﺎ ﻣﺰﻳﺔ ﻓﺮﺡ
ﻣﺎﻧﻨﺴﺎﻫﻠﻜﺶ ﻻﺯﻡ ﻧﺤﻜﻲ ﻣﻊ ﻧﺴﻴﻤﺔ
ﺍﻧﺎ: ﻧﺠﻴﻢ ﻧﺴﻴﻤﺔ ﻣﺎﺷﻲ ﻧﺘﺎﻋﻚ ﺍﻧﺖ
ﻭﻳﺎﻫﺎ ﻣﺎﺷﻲ ﻛﻴﻒ ﺍﻧﺖ ﻋﺎﻳﺶ ﻭ
ﺿﺎﺭﺏ ﺍﻟﺪﻧﻴﺎ ﺑﻄﺎﻟﻮ ﻭ ﻣﻦ ﺑﻨﺖ ﻻﺧﺘﻬﺎ
ﺍﻣﺎ ﻫﻲ ﻋﻤﺮﻫﺎ ﻣﺎﺣﻜﺎﺕ ﻣﺎﻭﺍﺣﺪ ﻗﺒﻠﻚ
ﻭ ﺧﺎﻃﻴﻬﺎ ﻫﺎﺫ ﺍﻻﻣﻮﺭ ﻣﺎﺗﺘﻮﺍﻟﻤﻮﺵ
ﻧﺠﻴﻢ : ﻓﺮﺡ ﺍﻧﺎ ﻣﺎﻻﻭﻝ ﺍﻋﺠﺒﺘﻴﻨﻲ ﺍﻧﺘﻲ
ﻭ ﻣﺎﺭﻭﻣﺎﺭﻛﻴﺘﺶ ﻧﺴﻴﻤﺔ
ﺑﺪﺭﻭ: ﻧﺠﻴﻴﻴﻴﻴﻢ
ﻧﺠﻴﻢ: ﺧﻠﻴﻨﻲ ﻧﻜﻤﻞ ﻣﺎﻟﻚ ﺍﻧﺖ ﻳﺎﻙ
ﻗﻠﺖ ﻣﺎﻻﻭﻝ ﺑﺼﺢ ﺑﻌﺪ ﻣﺎﺣﻜﻴﺖ ﻣﻊ
ﻧﺴﻴﻤﺔ ﻋﺠﺒﺘﻨﻲ ﻋﻘﻠﻴﺘﻬﺎ ﻭ ﺗﺨﻤﺎﻣﻬﺎ ﻭ
ﻭﺍﻟﻔﺖ ﻧﺤﻜﻲ ﻣﻌﺎﻫﺎ
ﺍﻧﺎ: ﻭﺍﻟﻔﺘﻬﺎ ﻭ ﺩﻙ ﺍﻳﺎﻡ ﻭ ﺗﻨﺴﻰ
--------
ﺍﻧﺎ: ﻭﺍﻟﻔﺘﻬﺎ ﻭ ﺩﻙ ﺍﻳﺎﻡ ﻭ ﺗﻨﺴﻰ
ﻧﺠﻴﻢ: ﺳﻴﻴﺖ ﻧﻨﺴﻰ ﺑﺼﺢ ﻭﺍﻟﻠﻪ
ﺳﻜﻨﺘﻠﻲ ﻓﻲ ﻋﻘﻠﻲ ﻭ ﻗﻠﺒﻲ ﻋﻄﻮﻧﻲ
ﻓﺮﺻﺔ ﻣﻲ ﺭﺍﻧﻲ ﻧﺒﺎﻧﻠﻜﻢ ﺍﻧﺎ ﻭﺣﺶ
ﺍﻧﺎ: ﺣﺎﺷﺔ ﻣﺎﻗﻠﺘﺶ ﻫﺎﻙ ﺑﺼﺢ ﺧﺎﻳﻔﺔ
ﻋﻠﻴﻬﺎ ﻣﻨﻚ ﻋﻤﻲ ﻣﻌﻘﺪ ﺑﺰﺍﻑ ﻧﺨﺎﻑ
ﻳﻌﺮﻑ ﺣﺎﺟﺔ ﻳﺬﺑﺤﻬﺎ ﻭ ﺯﻳﺪ ﻧﺴﻴﻤﺔ
ﺷﺎﺑﺔ ﻭ ﺻﻐﻴﺮﺓ ﻭ ﺍﻟﻒ ﻣﻦ ﻳﺘﻤﻨﺎﻫﺎ
ﻧﺠﻴﻢ: ﻋﻄﻴﻬﺎ ﺗﻠﻔﻮﻥ ﻓﺮﺡ ﻭ ﻧﻮﻋﺪﻙ
ﻣﺎﻳﺼﺮﺍﻭﺵ ﻣﺸﺎﻛﻞ
ﺍﻧﺎ: ﺍﻭﻙ
ﻗﻠﻌﻨﺎ ﺭﺣﻨﺎ ﻭﻳﻦ ﻛﺎﺭﻳﻴﻦ ﺍﻟﺒﻴﻨڨﺎﻟﻮ ﻭ
ﺭﺍﺡ ﻣﻌﺎﻧﺎ ﻧﺠﻴﻢ ﻭﻣﻴﻦ ﻭﺻﻠﻨﺎ ﻛﺎﻧﻮ
ﻣﺠﻤﻌﻴﻦ ﻛﻠﻬﻢ ﺣﺘﻰ ﻧﺴﻴﻤﺔ ﻋﺮﻓﺘﻬﻢ
ﻋﻠﻰ ﻭﻻﺩ ﻭ ﺑﻨﺎﺕ ﻋﻤﺎﻣﻲ ﻭﻋﻤﺎﺗﻲ ﻭ
ﻧﺴﻴﻤﺔ ﺷﻮﻳﺔ ﻭ ﺩﺧﻠﺖ ﺍﻣﺎ ﻧﺠﻴﻢ
ﻣﺎﺣﻄﺶ ﻋﻴﻨﻴﻪ ﻣﻦ ﻋﻠﻴﻬﺎ ﺩﺧﻠﺖ
ﺣﻜﻴﺘﻠﻬﺎ ﻗﺎﺗﻠﻲ ﻭﺍﺵ ﻳﺤﻮﺱ ﻳﺪﻳﺮ ﺑﻴﺎ
ﻗﺘﻠﻬﺎ ﻗﺎﻟﻲ ﻧﺤﻜﻲ ﻣﻌﺎﻫﺎﺍﻧﺘﻲ ﺍﺣﻜﻲ ﻭ
ﺷﻮﻓﻲ ﺍﻟﻰ ﺑﺎﻧﺘﻠﻚ ﺗﻜﻤﻠﻲ ﻭﻻ ﻻ
ﻗﺎﺗﻠﻲ ﺍﻭﻙ ....ﺧﺮﺟﺖ ﻭ ﺧﻠﻴﺘﻬﺎ ﺷﻮﻳﺔ
ﻭ ﺻﻮﻧﺎ ﺗﻠﻔﻮﻥ ﻧﺠﻴﻢ ﻭ ﺭﺍﺡ ﻳﺤﻜﻲ
ﻋﺮﻓﺖ ﻣﻌﺎﻫﺎ ﺍﻟﻤﻬﻢ ﻓﺎﺕ ﺷﻬﺮ ﻭ ﻧﺺ
ﻭ ﺍﻧﺎ ﻭ ﺑﺪﺭﻭ ﻋﻼﻗﺘﻨﺎ ﻓﻲ ﺗﺤﺴﻦ ﻛﺎﻥ
ﻋﻨﺪﻩ ﺣﺴﺎﺳﻴﺔ ﻣﻦ ﻣﻮﺿﻮﻉ ﺧﺎﻟﺪ ﺑﺼﺢ
ﻛﺎﻥ ﻣﺎﻳﺒﻐﻴﺶ ﻳﺰﻋﻔﻨﻲ ﻭﻣﺮﺓ ﻣﺮﺓ
ﻳﺠﺒﺪﻟﻲ ﻋﻠﻰ ﺍﻟﺨﻄﺒﺔ ﻭﺍﻧﺎ ﻧﺄﺟﻞ ﻗﺘﻠﻪ
ﺣﺘﻰ ﻳﺮﻳﺢ ﺟﺪﻱ ﺭﺍﻩ ﻳﻤﺮﺽ ﻭ ﻣﺎﺷﻲ
ﻭﻗﺘﻬﺎ ﺍﻣﺎ ﻧﺴﻴﻤﺔ ﻭ ﻧﺠﻴﻢ ﻋﻼﻗﺘﻬﻢ
ﻛﺎﻧﺖ ﺗﻄﻮﺭ ﺷﺮﺍﻟﻬﺎ ﺗﻠﻔﻮﻥ ﻭ ﻛﺎﻧﻮ
ﻳﺤﻜﻮ ﻛﻞ ﻭﻗﺖ ﺣﺘﻰ ﺑﺪﺭﻭ ﻗﺎﻟﻲ ﻧﺠﻴﻢ
ﺍﺳﺘﻌﻘﻞ ﺭﺍﻩ ﻳﺤﻜﻲ ﻣﻊ ﻧﺴﻴﻤﺔ ﺑﺮﻙ ﻭ
ﻟﺒﻨﺎﺕ ﻟﺨﺮﻳﻦ ﻟﻴﻜﻴﺪﺍﻫﻢ ﺣﺘﻰ ﺍﻟﺘﻜﺤﺎﻝ
ﺣﺒﺴﻪ ﻫﻬﻬﻬﻬﻪ ﺍﻟﻤﻬﻢ ﻛﺎﻧﻮ ﺣﻜﺎﻳﺎﺗﻨﺎ
ﻣﺎﺷﻴﻴﻦ ﻟﻼﻓﻀﻞ ﺑﺼﺢ ﺟﺪﻱ ﻗﻠﻘﻨﺎ
ﻣﺴﻜﻴﻦ ﻛﺎﻥ ﻣﺮﺓ ﻣﺮﺓ ﻳﺘﻌﺐ ﻭ ﻭﺍﺣﺪ
ﺍﻟﻴﻮﻡ ﻛﻨﺎ ﺍﻧﺎ ﻭ ﺑﺪﺭﻭ ﻗﺎﻟﻲ ﺧﻼﺹ
ﺣﺎﺏ ﺗﻜﻮﻧﻲ ﻧﺘﺎﻋﻲ ﻗﺘﻠﻪ ﺣﺘﻰ ﺍﻧﺎ
ﺣﺎﺑﺔ ﻗﺎﻟﻲ ﺧﻼﺹ ﻧﺠﻮ ﻧﺨﻄﺒﻮ ﻗﺘﻠﻪ
ﺣﺘﻰ ﻧﺮﺟﻌﻮ ﻟﺴﻜﻴﻜﺪﺓ ﻗﺎﻟﻲ ﻻ
ﻳﺨﻄﺒﻮﻙ ﻫﻨﺎ ﻭ ﻧﺪﻳﺮﻭ ﻓﻴﻮﻧﺼﺎﻱ ﻭ
ﺍﻟﻌﺎﻡ ﺍﻟﺠﺎﻱ ﺍﻟﻌﺮﺱ ...ﺍﻧﺎ ﻓﺮﺣﺖ
ﺑﺰﺍﻑ ﺑﺼﺢ ﺣﺎﻟﺔ ﺟﺪﻱ ﻛﺎﻧﺖ
ﻣﻘﻠﻘﺘﻨﻲ ﻗﺘﻠﻪ ﺯﻳﺪ ﺍﺻﺒﺮ ﺑﺮﻙ ﻳﺮﺗﺎﺡ
ﺷﻮﻳﺔ ﻗﺎﻟﻲ ﺍﻭﻙ ﻧﺨﻄﺒﻮﻙ ﻭ ﻛﻲ
ﻳﺮﺗﺎﺡ ﺟﺪﻙ ﻧﺪﻳﺮﻭ ﻓﻴﻮﻧﺼﺎﻱ ﻗﺘﻠﻪ
ﻛﻴﻤﺎ ﺗﺒﻐﻲ ﻗﺎﻟﻲ ﻗﻮﻟﻲ ﻟﻤﺎﻣﺎﻙ ﻏﺪﻭﺓ
ﻳﺠﻮ ﻗﺘﻠﻪ ﻏﺪﻭﺍ؟ ﻗﺎﻟﻲ ﻭﻱ ﺑﺎﺳﻜﻮ ﻳﻤﺎ
ﻭ ﺑﺎﺑﺎ ﻋﻼﺑﺎﻟﻬﻢ ﻳﺴﺘﻨﻮ ﺑﺮﻙ ﻭﻗﺘﺎﺵ
ﻳﺠﻮ ﻋﻨﺪﻛﻢ ﻗﺘﻠﻪ ﺍﻭﻙ ﻭ ﺍﻟﺼﺒﺎﺡ
ﺭﺣﺖ ﻟﻤﺎﻣﺎ ﻗﺘﻠﻬﺎ ﺣﺎﺑﺔ ﻧﺤﻜﻲ ﻣﻌﺎﻙ
ﻣﺎﻣﺎ: ﻫﻬﻬﻪ ﺑﺪﺭﻭ ؟
:ﺍﻧﺎ
ﻣﺎﻣﺎ: ﺍﻣﻤﻢ ﺍﺣﻜﻲ
ﺍﻧﺎ: ﺭﺍﻫﻢ ﺟﺎﻳﻴﻦ ﺍﻟﻴﻮﻡ ﻓﺎﻟﻠﻴﻞ
ﻳﺨﻄﺒﻮﻧﻲ
ﻣﺎﻣﺎ: ﻳﺎﻋﻤﺮﻱ ﻋﻠﻰ ﺑﻨﺘﻲ ﻛﺒﺮﺕ ﻭ ﺭﺍﺡ
ﻧﺰﻭﺟﻬﺎ ﻟﺤﺒﻴﺐ ﻗﻠﺒﻬﺎ
ﺍﻧﺎ: ﺣﺒﻴﺐ ﻗﻠﺒﻲ ﻭ ﺭﻭﺣﻲ ﻭ ﻋﻤﺮﻱ
ﻧﻤﻮﺕ ﻋﻠﻴﻪ ﻳﺎ ﻣﺎﻣﺎ ﻧﻌﺸﻘﻪ
ﻣﺎﻣﺎ: ﻫﻬﻪ ﺭﺑﻲ ﻳﺪﻭﻡ ﻫﻨﺎﻛﻢ ﻭ ﻳﺨﻠﻴﻜﻢ
ﻟﺒﻌﺾ ﻳﺎ ﺑﻨﺘﻲ ﺣﺘﻰ ﺑﺪﺭﻭ ﺑﺎﻳﻨﺔ ﻳﺒﻐﻴﻚ
ﺍﻧﺎ: ﻧﻌﺮﻑ ﻳﺎ ﻣﺎﻣﺎ ﻳﺒﻐﻴﻨﻲ ﻭﺍﻧﺎ ﻧﻤﻮﺕ
ﻓﻴﻪ
ﻣﺎﻣﺎ: ﻧﺮﻭﺡ ﻧﻘﻮﻝ ﻟﺒﺎﺑﺎﻙ ﻭ ﻫﻮ ﻳﺨﺒﺮ
ﺟﺪﻙ ﻭ ﻋﻤﺎﻣﻚ ﻭ ﺭﺑﻲ ﻳﺴﺨﺮﻟﻜﻢ ﻭ
ﺭﺍﺣﺖ ﻭﺍﻧﺎ ﻋﻴﻄﻠﻲ ﺧﺎﻟﺪ ﺣﻜﻴﻨﺎ ﻭ
ﺧﺒﺮﺗﻪ ﻋﻠﻰ ﺍﻟﺨﻄﺒﺔ ﻭﻗﺎﻟﻲ ﻣﺒﺮﻭﻙ
ﺍﻟﻌﻘﻮﺑﺔ ﻟﻌﺮﺳﻚ ﻗﺘﻠﻪ ﻭﻟﻴﻚ ﻧﺰﻭﺟﻮﻙ
ﻭ ﻧﺘﻬﻨﻮ ﻣﻨﻚ ﻗﺎﻟﻲ ﺍﻟﻰ ﻛﺘﺐ ﺭﺑﻲ ﺍﻟﻤﻬﻢ ﻭﺟﺪﻧﺎ ﺭﻭﺍﺣﻨﺎ ﻭ ﺍﻟﻌﺸﻴﺔ ﺟﺎﻭ
ﻋﻤﻲ ﻣﺤﻤﺪ ﻭ ﻃﺎﻃﺎ ﻭ ﺟﻴﺮﺍﻧﺎ ﻭ ﺍﻟﺒﻨﺎﺕ
ﻭ ﺍﻻﻭﻻﺩ ﻛﺎﻧﺖ ﺧﻄﺒﺔ ﻭﻗﻌﺪﺓ ﻧﺘﻊ
ﺣﺒﺎﺏ ﻭ ﺟﻮ ﻋﺎﺋﻠﻲﻭ ﺣﺒﻴﺒﻲ ﻛﺎﻥ
ﻓﻲ ﺍﺑﻬﻰ ﺣﻠﺔ ﺭﺑﻲ ﻳﺤﻔﻈﻪ ﻭ ﺑﻌﺪ ﻣﺪﺓ
ﻋﻤﻲ ﻗﺎﻝ ﻟﺒﺎﺑﺎ ﻭ ﺭﺍﺟﻞ ﻋﻤﺘﻲ ﺟﻴﻨﺎﻛﻢ
ﺑﺎﻟﺤﺴﺐ ﻭ ﺍﻟﻨﺴﺐ ﻭ ﺭﺍﺟﻞ ﻋﻤﺘﻲ
ﻗﺎﻟﻬﺎ ﺍﻟﻰ ﻗﺒﻞ ﺑﺎﺑﺎﻫﺎ ﺣﺴﺎﻥ ﻭ ﻗﺒﻠﺖ
ﻫﻲ ﺍﻧﺎ ﻗﺎﺑﻞ ﺑﺎﺑﺎ ﻗﺎﻝ ﻟﺒﺪﺭﻭ ﻣﺎﻧﻠﻘﺎﺵ
ﻟﺒﻨﺘﻲ ﺧﻴﺮ ﻣﻨﻚ ﺭﺍﻙ ﻭﻟﺪﻱ ﻭ ﺟﺪﻱ
ﺗﺎﻧﻲ ﻗﺒﻞ ﻭ ﻫﻨﺎ ﻋﻤﻲ ﻣﺤﻤﺪ ﻗﺎﻟﻬﻢ
ﺍﻟﻴﻮﻡ ﻣﺎﺟﻴﺘﺶ ﻏﻴﺮ ﻋﻠﻰ ﻓﺮﺡ ﺟﻴﺖ
ﺗﺎﻧﻲ ﻋﻠﻰ ﺑﻨﺖ ﺍﻟﺴﻲ ﺟﻤﺎﻝ ﻭ ﺷﺎﻑ
ﻓﻲ ﻧﺠﻴﻢ ﻗﺎﻟﻪ ﻭﺍﺵ ﺍﺳﻤﻬﺎ ﻫﻬﻬﻪ
ﻧﺠﻴﻢ ﻗﺎﻟﻪ ﻧﺴﻴﻤﺔ ﻳﺎﻋﻤﻲ ﻗﺎﻟﻬﻢ ﻋﻤﻲ
ﻣﺤﻤﺪ ﺟﻴﻨﺎ ﻧﺨﻄﺒﻮ ﻧﺴﻴﻤﺔ ﻟﻨﺠﻴﻢ ﻭﻟﺪﻧﺎ
ﻭ ﺑﺎﺑﺎﻩ ﻭ ﻳﻤﺎﻩ ﻗﺎﺑﻠﻴﻦ ﺑﺎﻟﺨﻄﺒﺔ ﻭﺍﻟﻰ
ﺭﺑﻲ ﻛﻤﻞ ﻳﺠﻮ ﻳﺤﻀﺮﻭ ﻟﻠﻔﻴﻮﻧﺼﺎﻱ ﻭ
ﻋﻤﻲ ﻗﺎﻟﻪ ﻋﻄﻴﻨﺎ ﻭﻗﺖ ﻭ ﻧﺮﺩﻭ ﻋﻠﻴﻚ
ﻧﺴﻴﻤﺔ ﻣﺎﺗﺖ ﺑﺎﻟﻔﺮﺣﺔ ﻭ ﻗﺎﺗﻠﻲ ﺍﻧﻬﺎ
ﻣﻜﺎﻧﺘﺶ ﻋﺎﺭﻓﺔ ﻧﺠﻴﻢ ﺭﺍﺡ ﻳﺨﻄﺒﻬﺎ
ﺍﻟﻤﻬﻢ ﻓﺎﺗﺖ ﻫﺎﺫﻳﻚ ﺍﻟﻠﻴﻠﺔ ﻣﻦ ﺍﺭﻭﻉ
ﺍﻟﻠﻴﺎﻟﻲ ﻭ ﺍﻧﺎ ﻭﻟﻴﺖ ﺧﻄﻴﺒﺔ ﺑﺪﺭﻭ ﻭ
ﻋﻤﻲ ﻗﺎﻝ ﻟﺒﺎﺑﺎ ﺳﻘﺴﻲ ﺟﺎﺭﻙ ﺍﻟﻰ
ﺍﻟﻮﻟﺪ ﻋﺎﻗﻞ ﻭ ﻣﺮﺑﻲ ﻭ ﺑﺎﺑﺎ ﻗﺎﻟﻪ ﻣﺪﺍﻡ
ﻣﺤﻤﺪ ﺟﺎ ﻳﺨﻄﺒﻠﻪ ﺍﻟﻮﻟﺪ ﺑﺎﻳﻦ ﻓﻴﻪ ﺍﻟﺨﻴﺮ
ﻭ ﺭﺩ ﻋﻤﻲ ﻋﻠﻴﻬﻢ ﻭ ﻗﺒﻞ ﺍﻟﺨﻄﺒﺔ ﻭ
ﻗﺎﻟﻪ ﺍﻋﻄﻴﺘﻜﻢ ﻧﺴﻴﻤﺔ ﺍﻟﻤﻬﻢ ﻛﻤﻠﻨﺎ
ﻳﻮﻡ ﺍﻟﻠﻲ ﻛﺎﻧﺖ ﺑﺎﻗﻴﺔ ﻭ ﺍﻟﻠﻴﻠﺔ15
ﺍﻟﺘﺎﻟﻴﺔ ﻗﻠﺖ ﻟﺒﺎﺑﺎ ﻳﺨﻠﻴﻨﻲ ﻧﻔﻮﺗﻬﺎ ﻣﻊ
ﺍﻟﺒﻨﺎﺕ ﻭ ﻭﺻﻠﻨﻲ ﻛﻤﺎﻝ ﻭ ﺑﺎﺑﺎ ﻟﺪﺍﺭ
ﻋﻤﻲ ﻣﺤﻤﺪ ﻓﻮﺕ ﻧﻬﺎﺭ ﺑﻴﻦ ﺍﻟﺒﻨﺎﺕ ﻭ
ﺑﺪﺭﻭ ﻭ ﻓﺎﻟﻠﻴﻞ ﺍﺑﻌﺜﻠﻲ ﻣﻴﺴﺎﺝ ﻗﺎﻟﻲ
ﺭﻭﺍﺣﻲ ﻗﻮﻟﻴﻠﻲ ﺗﺼﺒﺢ ﺑﺨﻴﺮ ...ﻧﺰﻟﺖ
ﻋﻨﺪﻩ ﻗﺎﻟﻲ ﺍﺑﻘﻲ ﻣﻌﺎﻳﺎ ﺷﻮﻳﺔ
ﻣﺎﺷﺒﻌﺘﻜﺶ ﻭ ﻏﺪﻭﺓ ﺗﺒﻌﺪﻱ ﻋﻠﻴﺎ ﻭ
ﺟﻤﻌﺖ ﻭ ﺣﻜﻴﻨﺎ ﻣﻦ ﺑﻌﺪ ﺣﻜﻴﻨﺎ ﻋﻠﻰ
ﺍﻟﺼﻐﺮ ﻭ ﻗﺎﻟﻲ ﺗﺸﻔﺎﻱ ﻛﻨﺘﻲ ﺻﻐﻴﺮﺓ ﻭ
ﺑﺎﺷﻌﺔ ....ﺍﺗﻨﺎﺭﻓﻴﺖ ﻋﻠﻴﻪ ﻗﺘﻠﻪ ﻛﺎﻥ
ﻛﻨﺖ ﺑﺎﺷﻌﺔ ﻛﺎﻥ ﻣﺤﺒﻴﺘﻨﻴﺶ ﻭ ﺿﺮﺑﺘﻪ
ﺑﺎﻟﻮﺳﺎﺩﺓ ﻋﺎﻭﺩ ﺿﺮﺑﻨﻲ ﻫﻮ ﻭ ﺑﻘﻴﻨﺎ
ﻫﺎﻙ ﺣﺘﻰ ﻃﺎﺡ ﻭ ﺟﺒﺪﻧﻲ ﺟﻴﺖ ﻓﻮﻗﻪ
ﺍﻧﺎ ﺍﺣﺸﻤﺖ ﻭ ﻣﺎﻟﻘﻴﺖ ﻭﺍﺵ ﻧﺪﻳﺮ
ﻧﻀﺖ ﻓﻴﺴﺎﻉ ﻋﺎﻭﺩ ﺟﺒﺪﻧﻲ ﺩﺍﺭﻧﻲ
ﺗﺤﺘﻪ ﻭ ﺟﺎ ﻓﻮﻗﻲ ﻗﺘﻠﻪ
ﺑﺪﺭﻭﻭﻭﻭﻭﻭﻭﻭﻭ ﻗﺎﻟﻲ ﻫﺎﺫ ﺍﻟﺤﺎﺟﺔ
ﻋﻨﺪﻱ ﺑﺰﺍﺍﺍﺍﺍﺍﻑ ﻣﺘﻤﻨﻴﻬﺎ ﻭ ﺟﺎ ﻭﻗﺘﻬﺎ
ﻗﺘﻠﻪ ﺑﺪ....ﻣﺨﻼﻧﻴﺶ ﻧﻜﻤﻞ ﺣﻂ ﺻﺒﻌﻪ
ﻓﻮﻕ ﻓﻤﻲ ﻗﺎﻟﻲ ﺣﺒﻲ ﺑﺮﻙ ﻏﻤﻀﻲ
ﻋﻴﻨﻴﻚ ﻭ ﻋﻴﺸﻲ ﺍﻟﻠﺤﻈﺔ ﻭﺧﻠﻴﻨﻲ
.... ﻧﻌﻴﺸﻬﺎ ﻋﻨﺪﻱ ﺑﺰﺍﻑ ﻧﺴﺘﻨﺎﻫﺎ
ﻏﻤﻀﺖ ﻋﻴﻨﻴﺎ ﻭ ﻋﺠﺒﺘﻨﻲ ﺭﻳﺤﺘﻪ ﻭ
ﻋﺠﺒﻨﻲ ﻗﺮﺑﻪ ﺣﺘﻰ ﺣﺴﻴﺖ ﺑﻨﻔﺴﻪ ﻓﻲ
ﻭﺟﻬﻲ ﻭ ﺑﺸﻔﺎﻳﻔﻪ ﻓﻮﻕ ﺷﻔﺎﻳﻔﻲ ﻭ ﺑﺪﺍ
ﻳﺴﻠﻢ ﻋﻠﻴﺎ ﻭﺍﻧﺎ ﻧﺴﻴﺖ ﺭﻭﺣﻲ ﻭ
ﺍﺳﺘﺴﻠﻤﺖ ﻻﻧﻲ ﺣﺘﻰ ﺍﻧﺎ ﻛﻨﺖ ﻧﺴﺘﻨﻰ
ﻓﻲ ﻫﺎﺫﻳﻚ ﺍﻟﻠﺤﻈﺔ ﺣﺴﻴﺖ ﺑﻮﺍﺣﺪ
ﺍﻻﺣﺴﺎﺱ ﻣﺎﻧﺠﻤﺶ ﻧﻮﺻﻔﻪ ﻗﻠﺒﻲ
ﻧﺒﻀﺎﺗﻪ ﻳﺘﺴﺎﺭﻋﻮ ﻭ ﻧﺤﺲ ﺩﻏﺪﻳﻎ ﻓﻲ
ﺟﺴﻤﻲ ﻭ ﺭﻏﺒﺔ ﻛﺒﻴﺮﺓ ﺍﻧﻮ ﻳﻜﻤﻞ ﻳﺴﻠﻢ
ﻋﻠﻴﺎ ﻭ ﻣﺎﻳﺒﻌﺪﺵ ﻭ ﺑﻌﺪ ﻣﺎﻛﻨﺖ
ﻣﺴﺘﺮﺧﻴﺔ ﺩﺭﺕ ﻳﺪ ﻓﻲ ﺭﻗﺒﺘﻪ ﻭ ﺍﻟﺜﺎﻧﻴﺔ
ﻓﻲ ﺷﻌﺮﻩ ﻭ ﻛﺎﻧﻲ ﻧﻘﻮﻟﻪ ﻣﺎﺗﺤﺒﺴﺶ
ﻭﻟﻘﻴﺖ ﺭﻭﺣﻲ ﻧﺴﻠﻢ ﻋﻠﻴﻪ ﺍﻛﺜﺮ ﻭ ﺍﻛﺜﺮ
ﻛﻨﺖ ﻓﻲ ﻋﺎﻟﻢ ﺛﺎﻧﻲ ﺍﻭﻝ ﻗﺒﻠﺔ ﻣﻊ
ﺣﺒﻴﺐ ﻋﻤﺮﻱ ﻣﺎﺗﺨﻴﻠﺘﻬﺎﺵ ﺗﻜﻮﻥ ﺑﻬﺎﺫ
ﺍﻟﺮﻭﻋﺔ ﺑﺪﺭﻭ ﻛﺎﻥ ﻳﺴﻠﻢ ﻋﻠﻴﺎ ﺑﺮﻏﺒﺔ
ﻛﺒﻴﺮﺓ ﺑﻘﻴﻨﺎ ﻫﻜﺬﺍ ﺣﺘﻰ ﺩﺧﻞ ﻧﺠﻴﻢ
ﻛﻲ ﺷﺎﻑ ﻗﺎﻟﻨﺎ ﺑﺎﻏﺪﻭﻥ ﻭ ﺟﺎ ﺧﺎﺭﺝ
ﻗﺎﻟﻨﺎ ﻛﻤﻠﻮ ﻫﻬﻬﻬﻬﻪ ﻭ ﺭﺍﺡ ﺍﻧﺎ ﺣﺸﻤﺖ
ﺑﺰﺍﻑ ﻧﻀﺖ ﻗﻠﺖ ﻟﺒﺪﺭﻭ ﺗﺼﺒﺢ ﺑﺨﻴﺮ
ﺭﺍﻩ ﺍﻟﻮﻗﺖ ﺟﺒﺪﻧﻲ ﻋﻨﻘﻨﻲ ﻗﺎﻟﻲ
ﻣﺎﻏﺴﻲ ﺣﺒﻲ ﺳﻠﻤﺖ ﻋﻠﻴﻪ ﻓﻲ ﺭﻗﺒﺘﻪ ﻭ
ﺧﺮﺟﺖ ﺭﺣﺖ ﻟﻠﺒﻴﺖ ﻭ ﺭﻗﺪﺕ ﻣﻊ ﺍﻟﺒﻨﺎﺕ ﻭ
ﺍﻟﻐﺪﻭﺓ ﻭﺩﻋﺘﻬﻢ ﻭ ﻭﻋﺪﺗﻬﻢ ﻣﺮﺓ ﻣﺮﺓ
ﻧﺰﻭﺭﻫﻢ ﻭ ﻳﺰﻭﺭﻭﻧﻲ ﻭ ﻭﺻﻠﻨﻲ ﺑﺪﺭﻭ
ﺍﻟﻄﺮﻳﻖ ﻛﺎﻣﻞ ﻭﺣﻨﺎ ﻧﺘﻌﺎﺷﻘﻮ ﻭ ﻗﺒﻞ
ﻣﺎﻧﻮﺻﻠﻮ ﺣﺒﺲ ﺍﻟﺴﻴﺎﺭﺓ ﻭ ﺳﻠﻢ ﻋﻠﻴﺎ
ﻗﺎﻟﻲ ﻳﺎﺭﻳﺖ ﻋﺮﺳﻨﺎ ﻏﺪﻭﺓ ﻭﺍﺵ
ﻳﺼﺒﺮﻧﻲ ﻋﺎﻡ ﻫﻬﻬﻬﻪ ﻗﺘﻠﻪ ﻳﺮﺗﺎﺡ
ﺟﺪﻱ ﻭ ﺳﺎﻫﻞ ﺍﻟﺤﺎﻝ ﻭﺻﻠﻨﺎ ﺍﻟﺒﻴﻨڨﺎﻟﻮ
ﻟﻘﻴﺘﻬﻢ ﻳﻠﻤﻮ ﻓﺎﻟﻘﺶ ﺑﺪﺭﻭ ﺑﻘﺎ ﻣﻌﺎﻧﺎ
ﺷﻮﻳﺔ ﻭ ﺭﺍﺡ ﻏﻴﺮ ﺭﺍﺡ ﺍﺗﻮﺣﺸﺘﻪ ﻗﻠﺖ
ﺷﺎﻳﺼﺒﺮﻧﻲ ﺣﺘﻰ ﺍﻟﻔﻴﻮﻧﺼﺎﻱ ﻧﺸﻮﻓﻪ
ﺍﻟﻤﻬﻢ ﺭﺣﻨﺎ ﻟﻮﻻﻳﺘﻨﺎ ﻏﻴﺮ ﻭﺻﻠﻨﺎ ﺣﻜﻴﺖ
ﻣﻌﺎﻩ ﻭ ﻗﺎﻟﻲ ﻻﺯﻡ ﻧﺪﻳﺮﻭ ﻓﻴﻮﻧﺼﺎﻱ
ﻓﻲ ﺍﻗﺮﺏ ﻭﻗﺖ ﻭ ﺑﻌﺪ ﺍﻳﺎﻡ ﺟﺪﻱ
ﻋﺎﻭﺩ ﺯﺍﺩ ﻋﻠﻴﻪ ﺍﻟﺤﺎﻝ ﺩﺧﻠﻨﺎﻩ ﻟﻮﺑﻴﺘﺎﻝ
ﻳﻮﻡ ﺟﺎﻭ ﺟﻴﺮﺍﻧﺎ ﺍﻟﻘﺪﻡ20ﺍﻗﻌﺪ ﻓﺎﻳﺖ
ﻭ ﻣﻌﺎﻫﻢ ﺑﺪﺭﻭ ﻧﺠﻴﻢ ﺣﻤﺰﺓ ﺳﻔﻴﺎﻥ
ﻛﻠﻢ ﺑﺎﻩ900ﺷﻌﺎﻝ ﻛﺒﺮﺕ ﻓﻴﻨﺎ ﺟﺎﻭ
ﻳﺸﻮﻓﻮ ﺟﺪﻱ ﺭﺑﻲ ﻳﺨﻠﻴﻬﻤﻠﻨﺎ ﻭﻧﻌﻤﺔ
ﺍﻟﺠﻴﺮﺍﻥ ﻭ ﺟﺎﻭ ﻣﻌﺎﻫﻢ ﺣﺘﻰ ﺍﺏ ﻭ ﺍﻡ
ﻧﺠﻴﻢ ﺍﻟﻠﻲ ﺟﺎﻭ ﻳﻮﺟﺪﻭ ﻟﻔﻴﻮﻧﺼﺎﻱ
ﻭﻟﺪﻫﻢ ﻧﺠﻴﻢ ﺍﻟﻤﻬﻢ ﻓﺎﺗﺖ ﺍﻳﺎﻡ ﻭ
ﺑﺪﺭﻭ ﻛﺎﻥ ﺣﺎﺏ ﺍﻟﻔﻴﻮﻧﺼﺎﻱ ﻗﺒﻞ
ﻣﺎﻳﺮﺟﻌﻮ ﻟﻔﺮﻧﺴﺎ ﻭ ﻛﺎﻥ ﻳﺎﻧﺴﻴﺴﺘﻲ
ﺑﺰﺍﻑ ﻭ ﻧﺴﻰ ﻣﺮﺽ ﺟﺪﻱ ﺍﻟﻠﻲ
ﻗﻠﻮﺑﻨﺎ ﻛﺎﻧﻮ ﻣﺤﺮﻭﻗﻴﻦ ﻋﻠﻴﻪ ﻗﺘﻠﻪ ﺍﻧﺖ
ﻣﺎﺗﺤﺴﺶ ﺑﺪﺭﻭ ﺭﺍﻧﻲ ﻧﻘﻮﻟﻚ ﺟﺪﻱ
ﻣﺮﻳﺾ ﻛﻴﻔﺎﻩ ﺣﺎﺏ ﻧﺪﻳﺮ ﻓﻴﻮﻧﺼﺎﻱ ﻭ
ﻧﻔﺮﺡ ﺣﺲ ﺑﻴﺎ ﺑﺪﺭﻭ ﺍﻧﺎ ﻧﺘﻤﻨﻰ ﺍﻟﻴﻮﻡ
ﻗﺒﻞ ﻏﺪﻭﺓ ﻧﻜﻮﻥ ﻧﺘﺎﻋﻚ ﻭ ﻣﺮﺗﻚ
ﺑﺼﺢ ﺍﻟﻠﻪ ﻏﺎﻟﺐ ﻛﻴﻔﺎﻩ ﻧﻔﺮﺡ ﻭ ﺟﺪﻱ
ﻳﺘﻌﺬﺏ ﺑﺎﻟﻤﺮﺽ
ﺑﺪﺭﻭ: ﺳﻤﺤﻴﻠﻲ ﻋﻤﺮﻱ ﻋﻼﺑﺎﻟﻲ
ﺍﺗﻘﻠﻘﺖ ﺑﺼﺢ ﻭﺍﻟﻠﻪ ﻣﻦ ﻛﺜﺮﺓ ﻣﺎﺣﺎﺑﻚ
ﺗﻜﻮﻧﻲ ﻟﻴﺎ ﺩﺭﺕ ﻫﺎﻙ
ﺍﻧﺎ: ﺳﻤﺤﻠﻲ ﺍﻧﺖ ﺗﺎﻧﻲ ﺍﻧﺎ ﺭﺍﻧﻲ ﻏﻲ
ﻧﻠﺼﻖ ﺑﺼﺢ ﺟﺪﻱ ﻋﺰﻳﺰ ﻋﻠﻴﺎ ﺧﺎﻳﻔﺔ
ﻋﻠﻴﻪ ﺑﺰﺍﻑ
ﺑﺪﺭﻭ: ﺭﺑﻲ ﻳﺸﻔﻴﻪ
ﺍﻧﺎ: ﺍﻣﻴﻦ ﺣﺒﻲ ﻣﻦ ﺑﻌﺪ ﻧﺤﻜﻮ ﻧﺮﻭﺡ
ﻟﻮﺑﻴﺘﺎﻝ ﺩﺭﻙ
ﺑﺪﺭﻭ: ﺍﻭﻙ ﺣﺒﻴﺒﻲ ﺍﻟﻠﻪ ﻳﺴﻬﻞ ﺗﺸﺎﻭ
ﺭﺣﺖ ﻟﻮﺑﻴﺘﺎﻝ ﺷﻔﺖ ﺟﺪﻱ ﻓﺮﺣﺖ
ﻛﻲ ﻟﻘﻴﺘﻪ ﻣﻠﻴﺢ ...ﺟﺪﻱ ﻋﻼﻗﺘﻪ
ﺑﺎﺣﻔﺎﺩﻩ ﻛﺎﻧﺖ ﻋﻼﻗﺔ ﺍﻻﺻﺪﻗﺎء
ﻭﺍﻻﺻﺤﺎﺏ ﻛﻨﺎ ﻧﺒﻐﻮﻩ ﻭ ﻧﺤﻜﻮ ﻣﻌﺎﻩ
ﺑﺰﺍﻑ ﻳﻌﺮﻑ ﻛﻠﺶ ﻋﻠﻴﻨﺎ ﻭ ﻫﺬﺍﻙ
ﺍﻟﻴﻮﻡ ﺳﻘﺴﺎﻧﻲ ﻋﻠﻰ ﺑﺪﺭﻭ ﻭ ﻗﺘﻠﻪ ﺭﺍﻩ
ﻣﻠﻴﺢ ﻗﺎﻟﻲ ﻭﻗﺘﺎﺵ ﻧﻔﺮﺣﻮ ﺑﻴﻜﻢ ﻗﺘﻠﻪ
ﻋﻦ ﻗﺮﻳﺐ ...ﺟﻤﻌﺖ ﻣﻊ ﺟﺪﻱ ﺣﺘﻰ
ﺍﻟﻠﻴﻞ ﻭ ﺭﺣﺖ ﻟﻠﺪﺍﺭ ﺣﻜﻴﺖ ﻣﻊ ﺑﺪﺭﻭ
ﻭ ﻣﻊ ﺧﺎﻟﺪ ﻭ ﺭﻗﺪﺕ ﺍﻟﻐﺪﻭﺓ ﺑﺎﺑﺎ ﺟﺎ
ﻗﺎﻟﻨﺎ ﻭﺟﺪﻭ ﺭﻭﺍﺣﻜﻢ ﻧﻬﺎﺭ ﺍﻟﺴﺒﺖ
ﺍﻟﻔﻴﻮﻧﺼﺎﻱ ﻧﺘﻊ ﻓﺮﺡ ﻭ ﺑﺪﺭﻭ ﻭ ﻧﺴﻴﻤﺔ
ﻭ ﻧﺠﻴﻢ ﻗﻠﺖ ﻟﺒﺎﺑﺎ ﺑﺼﺢ ﺟﺪﻱ ﻣﺰﺍﻝ
ﻣﺮﻳﺾ ﻗﺎﻟﻲ ﺟﺪﻙ ﻏﺪﻭﺓ ﺍﻟﺠﻤﻌﺔ
ﻧﺨﺮﺟﻮﻩ ﻭ ﻫﻮ ﺍﻟﻠﻲ ﺣﻜﺎ ﻣﻊ ﻋﻤﻚ
ﻣﺤﻤﺪ ﻭ ﺗﻔﺎﻫﻤﻮ ﻋﻠﻰ ﺍﻟﺴﺒﺖ ﻓﺮﺣﻨﺎ ﻭ
ﻭﺟﺪﻧﺎ ﻛﻴﻤﺎ ﻛﺎﻥ ﺍﻟﺤﺎﻝ ﻭ ﺍﻧﺎ ﻭ ﺑﺪﺭﻭ
ﻓﺮﺣﺎﻧﻴﻦ ﺑﺰﺍﻑ ﺟﺎﻭ ﻧﻬﺎﺭ ﺍﻟﺴﺒﺖ ﺍﻧﺎ ﻭ
ﻧﺴﻴﻤﺔ ﺷﺮﺍﻭﻟﻨﺎ ﻗﻔﺎﻃﻦ ﻛﻴﻒ ﻛﻴﻒ
ﻓﺎﻟﺒﻠﻮ ﻭ ﺍﻻﺭﺟﻮﻥ ﻭ ﻧﺠﻴﻢ ﻭ ﺑﺪﺭﻭ ﻛﺎﻧﻮ
ﻻﺑﺴﻴﻦ ﻛﻴﻒ ﻛﻴﻒ ﺳﺮﻭﺍﻝ ﺳﻠﻴﻢ
ﻛﻼﺳﻴﻚ ﻓﺎﻟﻨﻮﺍﻍ ﻣﻊ ﺷﻮﻣﻴﺰ ﺑﻠﻮﻥ ﻭ
ﻓﺎﺗﺖ ﻓﻴﻮﻧﺼﺎﻱ ﺭﻭﻋﺔ ﻟﺒﺴﻮﻧﺎ ﺍﻟﺨﻮﺍﺗﻢ
ﻭ ﻗﻄﻌﻨﺎ ﻻﺑﻴﺎﺱ ﻣﻮﻧﺘﻲ ﻭ ﻋﺮﻓﺘﻪ ﻋﻠﻰ
ﻋﺎﺋﻠﺘﻲ ﻧﺘﻊ ﺑﺎﺑﺎ ﺍﻟﻠﻲ ﻫﻮ ﺭﺍﺟﻞ ﻋﻤﺘﻲ
ﻭ ﻋﺮﻓﺘﻪ ﻋﻠﻰ ﺧﺎﻟﺪ ﺑﺼﺢ ﺑﺪﺭﻭ ﺣﺴﻴﺘﻪ
ﻣﺎﻋﺠﺒﻬﺶ ﺧﺎﻟﺪ ﺍﻟﻤﻬﻢ ﻓﺎﺕ ﻫﺬﺍﻙ
ﺍﻟﻨﻬﺎﺭ ﻭ ﺗﻤﻨﻴﻨﺎ ﻋﺮﺳﻨﺎ ﻳﻜﻮﻥ ﻣﻊ ﺑﻌﺾ
ﺣﻨﺎ ﻓﻲ ﺭﺑﻌﺔ )ﻭﻟﻜﻦ ﺍﻟﻤﻜﺘﻮﺏ ﻭ
(ﺍﻟﻘﺪﺭ ﺩﺍﺋﻤﺎ ﻋﻨﺪﻫﻢ ﺣﺴﺎﺑﺎﺕ ﺍﺧﺮﻯ ﻭ ﻫﺎﺫﺍﻙ ﺍﻟﻴﻮﻡ ﻛﺎﻥ ﺍﺟﻤﻞ ﻳﻮﻡ ﻓﻲ
ﺩﻧﻴﺘﻲ ﻓﺎﻟﻠﻴﻞ ﻣﺎﻗﺪﺭﺗﺶ ﻧﺮﻗﺪ
ﺑﺎﻟﻔﺮﺣﺔ ﺟﺒﻨﺎﻫﺎ ﺣﺘﻰ ﻟﻠﺼﺒﺎﺡ ﺳﻬﺮﺍﻧﻴﻦ
ﻧﺤﻜﻮ ﺍﻧﺎ ﻭ ﺑﺪﺭﻭ ﻭ ﻛﺎﻥ ﻫﺬﺍﻙ ﺍﻟﺤﺐ
ﻛﻞ ﻳﻮﻡ ﻳﺰﻳﺪ ﻋﻠﻰ ﺍﻟﻴﻮﻡ ﺍﻟﻠﻲ ﻗﺒﻠﻪ ﻭ
ﻣﺮﺓ ﺣﺘﻰ ﻛﻠﻤﻨﻲ ﻗﺎﻟﻲ ﻋﻨﺪﻙ ﻧﺺ
ﺳﺎﻋﺔ ﺗﻜﻮﻧﻲ ﻭﺍﺟﺪﺓ ﺭﺍﻧﺎ ﺧﺎﺭﺟﻴﻦ
ﻗﺘﻠﻪ ﺭﺍﻙ ﻫﻨﺎ ﻗﺎﻟﻲ ﻗﺮﻳﺐ ﻧﻮﺻﻠﻮ ﺍﻧﺎ
ﻭ ﻧﺠﻴﻢ ﻗﺘﻠﻪ ﺍﻭﻙ ﻭ ﻛﻠﻤﺖ ﻧﺴﻴﻤﺔ
ﻧﺨﺒﺮﻫﺎ ﻟﻘﻴﺘﻬﺎ ﻋﺎﺭﻓﺔ ﺍﻟﺴﺘﻮﺗﺔ ﺍﻟﻤﻬﻢ
ﺑﺪﻟﺖ ﻭﺟﺪﻧﺎ ﺭﻭﺍﺣﻨﺎ ﺟﺎﻭ ﻛﻨﺖ
ﻓﺮﺣﺎﻧﺔ ﻛﻲ ﺷﻔﺘﻪ ﺭﺣﻨﺎ ﻟﻮﺍﺣﺪ
ﺍﻟﺠﺎﺭﺩﺍﻥ ﻧﺠﻴﻢ ﺭﺍﺡ ﻣﻊ ﻧﺴﻴﻤﺔ ﻭﺍﻧﺎ
ﺑﻘﻴﺖ ﻣﻊ ﺑﺪﺭﻭ ﻓﺎﻻﻭﻝ ﻛﺎﻥ ﻛﻼﻣﻨﺎ
ﺑﺮﻙ ﻓﺎﻟﺤﺐ ﻭﺍﻟﻌﺸﻖ ﻭ ﺍﻟﺮﻭﻣﻨﺴﻴﺎﺕ
ﺣﺘﻰ ﻗﺎﻟﻲ ﺣﺒﻲ ﺍﻟﻌﺎﻡ ﺍﻟﺠﺎﻱ ﻫﺎﺫ
......ﺍﻟﻮﻗﺖ ﺗﻜﻮﻧﻲ ﻣﻌﺎﻳﺎ ﻓﻲ ﻓﺮﻧﺴﺎ
ﺍﻧﺎ ﻭﻗﺘﻬﺎ ﻓﻘﺖ ﻣﻦ ﺣﻠﻤﻲ ﺍﻟﻮﺭﺩﻱ
ﻗﺘﻠﻪ ﺑﺪﺭﻭ ﺍﻧﺎ ﻣﺎﺷﻲ ﺣﺎﺑﺔ ﻧﺮﻭﺡ
ﻟﻔﺮﻧﺴﺎ
أنت تقرأ
يِرُقُونِي حُبُكَ مَهْمَا كَاَن ( بلهجة الجزائرية)ْ
ChickLitوكنت اجد بك عشقا ؛ لم تتلوه الروايات....
