،وبقيت اصرخ وهو واقف وعيونو لونها إتقلب زي الشرار وضاغط على يدينو وعروق راسو كلها شطحت وانا بتكلم وبتكلم لغااايه م في لحظهه كدة م حسيت بيهو إلا وهو جراني بكل قوتو دخلني غرفتو وقفل الباب بالمفتاح،اول م دخلني الغرفهه انا خلاص دخلتهه في حاله هستيريه وبقيت اصرخ بطريقهه مجنونه،وبقول ليهو م تهبشني ي مهييد م تقرب مني ي مهيد الله يخليك م تقرب مني واااااي😭😭😭😭😭😭😭😭😭😭😭😭 زح مني وقف بعييد جنب الباب قال لي رووقي انا م عايز المسك وم عايز اعمل ليك حاجه فاهمهه انا عايزك تسمعيني بس ممكن تسمعيني ربع ساعه بس وهفتح ليك الباب دة ي شهد اسمعيني انا عايز اقول شنو،،قولته ليهو م عايزة اسمعك انا،م عايزة اسمعك طلعني من هناا عايزة اطلع من هنااا 😭😭😭😭😭😭خلاص نفسي كتم وبقيت اطلع النفس بالجلالهه،قولته ليهو همووت لو فضلته معاك هنا ثانيه واحدة افتح لي الباب دة قولته ليك،فتح الباب واتحرك من جنبو،اول م اتحرك جريت حتى من غير م احس ودخلتهه غرفتي وبقيت اشيل في نفسي ،قعدته هديت شويه فجأهه باب غرفتي دق،وقفته على حيلي والخوف إتملكني إفتكرتو هو م فتحته الباب،بالليل داك نمته وانا شايله قلبي في يدي ودموعي في عيني،الصباح فتحته الباب عايزة اطلع لقيت جك مويه وكبايه قاعدين قدام الباب ،على طووول رجعته وقفلته الباب،وانا في غرفتي فجاهه الباب دق،فتحته الباب لقيتها سميرة،قالت لي صباح الخير،قولته ليها صباح النور،قالت لي في ضيوف تحت ،قولته ليها ضيوووووف ميين؟قالت لي م عارفه قاعدين تحت،قولته ليها طيب ،لبسته لي توب ونزلته،لقيتها مره كبيره ومعاها تلاته بناات سلمته عليهم،المره قالت لي البيت والحي نورو بيك ي بتي ان شاءالله عاامر بيك كدة ان شاءالله ي رب،قولته ليها تسلمي ي خالتو الحي عامر بناسو ،قالت لي طبعا انا خالتك بدريه وديل اخواتك فاطمة ومريم وتهجد جيرانك المقاصدين ليكك هنا،قولته ليهم اهليين وانا شهد،فاطمه قالت لي إتشرفنا ي شهودة😍🙋قولته ليها تسلمي💕وبقو يسالو فيني بقرا شنو وكدة وتفاصيل م ليها اول ولا أخر، مريم قالت لي انا صيدله المستوى الرابع وبايره ابحث عن عريس😂😂😂ضحته قولته ليها بجيك م تستعجلي ههه،امهم قالت لي الشفقه كاتلاها البت دي😂💔تهجد قالت لي وانا برلومه إعلام وبرضو ابحث عن عريس خلاص ملامح البورة بدت علي😭😪💔امهم ضحكت قالت ليهم عااااد لكن ي بناتي بالغتن😂😂😂زينب قالت ليها هي ي امي دايرات السترة عااد اسي شهد دي م خلصت واهو عرست وحلات الدنيا عليهااا😂😂😂👊💔ضحكته قولته ليهم قسمتكم بتجي م تستعجلو،فاطمه قالت لي كدة خليك منهم هم انا خريجه علم نفس وحاليا بحضر في الماستر وم فكرته في العرس ديل شفع قليلات ادب سااااي😂😂😂😂😂😂😂😂😂😂💔قولته ليها ي زوله العرس ملحووق والله ههههه،طبعا انا بتونس بالجلاله بس تلقائيا لقيت نفسي مندمجه معاهم في الونسه لغاايه م طلعو مشو قالو لي تجيناا،قولته ليهم إن شاءالله،بعد م طلعو قعدته اليوم كلوو قافله نفسي في غرفتي،قريب للمغرب كدة طلعته قعدته في الهول لقيت سميرة بتحضر وقعدته احضر معاها،فجأهه اشوف ليك مهيد جاي داخل البيت،اول م شوفتو حتى م لحقته البس نعالي وجري مشيت الغرفه بتاعتي وقفلتها علي بالمفتاح ،اليوم التاني حوالي الساعه 2مساء كدة جو رجال ،انا كنت في المطبخ بشرب في مويه،فجأهه شايفه إتنين داخلين البيت سميره فتحت ليهم،قالو ليها ست البيت وين؟قالت ليهم دقيقه اناديها ليك،طلعته ليهم من المطبخ قولته ليهم السلام عليكم،قالو لي وعليكم السلام ،بعد م سلمته عليهم ،قالو لي الشاشه دي جايبنها قالو نركبها في غرفتك وكدة،سكتته مساافه قولته ليهم امممم منو القال ليكم كدة؟قالو لي سيد البيت،قولته ليهم م كلمني بكدة بس م تركبوها خلوها على جنب ،قال لي يعني م نركبها في الغرفه؟قولته ليهم لأ ،قالو لي طيب ،ختوها بي كرتونتها على جنب وطلعو مشو،بقيت ماشه وجايه واتكلم مع نفسي ،إنتظرتو لغايه م جا ومن ضمن الأيام جا متأخر ،اول م شوفتو فتح الباب وجا داخل وقفته على حيلي ،وشلته الشاشه مع انها تقيله بس سلفا كنت مطلعاها من الكرتونه،شلتها ورميتها قدامو بكل قوتي كل حته فيها طارت بإتجاه،قولته ليهو اول شي انا م طلبته منك تجيب لي شاشه او زفت تمام؟تاني حاجه فاكر نفسك بكدة انجزته يعني؟سميرة جات وقفت مخلوعه قالت لي مااالو في شنو ماما؟مهيد قال ليها امشي غرفتكك،مشت غرفتها،ربع يدينو وبقى يعاين لي،قولته ليهو يعني إذا إتزوجتني غصب وقفلتني في بيت مفروش ،ووفرته لي كل حاجه عايزاها بكدة خلاص كفرته عن ذنبكك التافه الإنت عملتو؟طيب دامكك بتقدر تشتري كل حاجه كدة إشتري لي ثقتي في نفسي ي مهيد،إشتري لي ثقتي في البشر،اشتري لي شرفي ي مهيد،إشتري لي إحساس الطمأنينه الكان جواي زمان تجاه اي زول،إشتري لي نظرتي للحياة وطموحاتي وكل حاجه إيجابيه فيها،إشتري لي نفسي الضيعتها انت ،بتقدر؟لأ طبعا ،فيبقى اخخخ تف على كل حاجه انت بتوفرها لي بقروشكك دي وتف عليك انت كمان ،خلصته كلامي معاهو وجريت دخلته غرفتي وقفلتها علي وفضلته ابكي ،في نفس اليوم دة بالليل جاتني سميرة شايله التلفون قالت لي هاك،قولته ليهو في شنوو؟قالت لي بابا قال ادوك التلفون دة تتكلمي في مكالمه،مسكته التلفون رديت "الوو،فجأهه جاتني صرخهه بصوت عاالي ومعاها صوت بقول لي العروووس التافهه الحقيرهه الراجلها نساها صحباتها والجامعهه،قولته ليها هديييل بلا ياااخدك ياخ وربي مشتااااااأاقيييين يااااخ،قالت لي حيوانه وسخه قليله ادب ع فكره نحن كنا قبل م مهيد يكووون وااااي م بتلحقيني في الشوووق ي سجم😍😪👊💔قولته ليها خبراااتكم والحاصل معاكم ،قالت لي ماف اي شي حاصل معانا بس فاقدنككك شديد ياخ الجامعه بلاك مسيخهه وبعدين تعالي هنا ي بت انتي الا يضربو ليك بتلفون راجلك؟ ولا م ناويه تنزلي ولا شنووو؟قولته ليها امممممم والله ي هديل م نفسي،قالت لي انتي حيوانهه؟كيف م نفسكك؟قولته ليها السمستر دة فاتني فيهو كتييير وانا اساسا م فاهمه ليهو شي م همتحنو يخخ،قالت لي شهد كذااااابهه والله م جادة،قولته ليها جاااادة والله ي هديييل م بقدر امتحنهم يااخ،قالت لي ده عيب العرس الواحدة من تلقى راجلهاا تنسى كل شي ي بت دة مستقبلك انتي فاهمه يعني شنو مستقبلكك؟قولته ليها م حاسه نفسي جاهزة امتحنو والله العظيم ي هدييل،قالت لي ي زوله نحن بكرة جاينكك هنتفاهم في الموضوع دة😪👊💔،قولته ليها بجججد جاييين،قالت لي اااااي جاااين ي زوله ،قولته ليها طيب منتظراكم 😍🌸بعد م خلصته من التلفون عاينته ليهو قولته "تفوووو وطلعته رميتو في الأرض طاااخ لمن اتكسر وعفصتو برجلي ودخلته وقفلته الباب علي بالمفتاح، شويه كدة سامعه صوت رجلين جنب الباب ونور غرفتي مولع خليتو كنت حارساه يجي يسألني بس ابداا م سألني فضلته صاحيه ومتحمسه لجيتهم علشان طولته م شوفتهم كأنو عندي سنه م شوفتهم وصباح اليوم التاني مقلقه وقاعدة في الغرفه ومنتظره متين سميرة تجي تدق لي الباب وتقول لي وصلو،بعدها فكرته اطلع اطبخ ليهم علشان احتمال يجو مع زمن الغداء او كذاا،طلعته دخلته المطبخ إشتغلته صنف كدة ختيتهم على جنب،وانا بعمل في المخلل جرس الباب ضرب،وسميرة كانت مشت الفرن،مشيت فتحته الباب بس م حسيت الا بي وزن تقيل واقع في جسمي كلهم بصرخه واحدة بقولو لي شههههههههههههههد،وانا بقيت م عارفه امسك منو واخلي منو بقو يتقالعو فيني وكل واحدة بتقول ليهم انا مشتاقه ليها خلوها لي الجزمه دي😂😂😂💔بقيت اكح قولته ليهم موتوني ي سجمانات،هديل قالت لي عاااد كيف احضانا م تموتكك وانتي اتعودتي على احضان مهيد الدافيه الحنينهه ي وسخه ي وسخهه،قولته ليها تافهه بطلي قله ادب😂😂😂😂👊💔اسيل قالت لي وين قله الادب في الموضوع كلامها حقيقهه مهيد النساك لينااا😪😏👊💔قولته ليها اريج تعالي انتي العاقله الرزينه خليك منهن مسكتها قالت لي انا قاطعه الفيافي دي كلها وجاياك من بيتنا علشان تحكي لي الحصل بالتفاصيل الممله من لحظه م اتحركتو من عندنا لغايه صباح اليوم التاني ليكم بلا عاقله معاك،كلهم قعدو يضحكو بصوت واحد،قولته ليهم كلكم بقيتو قليلات ادب اتفضلو اترزعو اجيب ليكم مويه😪😂👊💔عايزة اقفل الباب سميرة جات داخله،قولته ليها سميرة كويس انك جيتي ياخ جيبي مويه وجهزي العصير انا خاتاهو ليك في الفريزر 😍😘💕🌸هديل قالت لي دي حبشيتكك؟قولته ليها ههه ايوة،قالت لي وبعلي مالها سمحهه كدة😘😘اريج قالت ليها شدة م بحبها جايب ليها اسمح حبشيه ومكتفي بيها هي حييييييييييييييهه اللهم مهييييد،عاينته ليها وسكته،اسيل قالت لي شهد لكن يااخ ليه م فيك نورة العروس متين عرستي لمن قاعدة مبهدله كدة وين الحنه وين الدخان،اريج قاطعتها قالت لي وين غرفه النوم،قولته ليها غرفه النوم في عينكك ههههههههه،هديل قالت لي عااد لكن عيني باردة عليهو بيتكك ماشاءالله فرش وتصميم مبالغهه غايتو مهييد دة زووق زووق فظيع،بقو لافين في البيت،بعدها جو قعدو وبقينا نتونس،قولته ليهم دقيقه انتو الوصف ليكم البيت منووو؟هديل قالت لي جابنا امجججد،قولته ليهم كزابين والله؟وليه م دخل؟قالت لي قال مستعجل يخخ،قولته ليهم اهااا،اسيل قالت لي وبعدين ي سجم ليه م عايزة تمتحني انتي متخلفه؟قولته ليها م جاهزة والله ي اسيل،هديل قالت لي على اساس نحن الجاهزين يعني؟والله م جاهزين بس هنعديها ي زوله هندخل بالبركه وقدر العارفنو حنجي بيتكك هنا نشرحو ليكك وانتي اجتهدي بس،اريج قالت لي وبالليل خلي مهيد يراجع ليكك 🙈هديييل قالت ليها ياااااه مهيد هيراجع ليها حجات تانيهه 😂👊💔قولته ليهم بطلو قله ادب خلااص والله ي بنات م قادرة امتحن م نفسي والله انا عايزة اجمد بسس هديل قالت لي ي بت جنيتي تجميد شنوو؟م تفكري في الموضوع حتى فاهمهه دة ااخر شووط وسنه واحدة ونبقى خريجين تجميد شنو البتجمديهو ونحن نخليك ورانا هبله انتي؟،اسيل قالت لي طيب طالما م نفسكك خلاص شيليها بدائل وبكدة تقدري تعدي،سكتته،اريج قالت لي كلام اسيل منطقي اول مره تقول حاجه م فيها نوع من الغباء انصحكك بالبدائل طالما حاليا م جاهزة وحيكون عندك وقت للبدائل،قولته ليهم طيب ان شاءالله،وفضلنا نتونس واخدتنا الونسه وبعدها جهزنا الغداء إتغدينا،طلعو بعد المغرب،دخلته وقفلته الباب منهم كدة بس فجأهه اشوف مهيد ورااي،بقيت ماشه بطيئ على امل انو يسألني ليه كسرته تلفونو امس بس ولا جاب خبري قال مساء الخير وعلى طول دخل غرفتو،وااااي انا من برودو دة هيموتني م هو انا لااازم اعمل حاجه تقهرو،لااازم تكون في حاجه بتوجع قلبو وتهرد فشفاشو، وتموتو غيييظ،بقيت اكل في ضفوري وبفكر انا ممكن اعمل شنووو،عدة إسبوع جاتني عمتو إسلام الظريفه ديك ومعاها اولادها أولادها إتنين توام ،حلوين حلااا واحد مسمياهو مهييد،ومؤيد،فضلت قاعدة معي اليوم كلو ،قالت لي م ادس منكك ام مهيد دي صعبه شديد عندك حمايه غايتو الله يقدرك عليها بس انتي مالك ومالها امسكي راجلك بي يدينك العشرة وأوعى تديها فرصه فيكك اتجيهي وإتلحلحي وابقي عشرة على بيتكك ابو مهيد دة الله يرحمو اخوي محمد عيشتو في جحيم لغايه م مات مره فقرر ،طبعا انا ساكته وهي بتحكي لي م خلت لي عنها صفحه م حكتها،قالت لي ي حليلو مهيد والله ود العشاء خلقه واخلاق والله ي شهد الولد دة مهما شكرتو ليك م بوفيهو حقو ،طيبه واخلاق وكل حاجه سمحه فيهو،ود تقول المره دي م امو وحنين علينا نحن عماتو ديل محنه لكن خيلانو...بعدها سكتت مسااافهه،قالت لي بس ي بتي الله لا بارك فيهم ،قولته في قلبي الله لا بارك في ود اخوك انتي والله،قالت لي بحب النظام حب شديد م شوفتي فرش ليك البيت دة كيف؟شوفتي مهيد دة لو لقى قشه واقعه في الأرض بنزل برفعها مرتب لمن يعقدكك صح؟وقعدت تضحكك قولته ليها فعلااا،اليوم البعديهو وانا قاعدة مع نفسي وباكل في ضفوري فجاهه قمته على حيلي طلعته من غرفتي ومشيت قربته من غرفه مهيد،هو كان ماف اتراجعته خطوتين بعدها قوين نفسي وفتحته الباب وبالفعل زي م قالت عمتو الغرفه كانت نرتبه كأنو ماف زول قاعد دخلها وكلها بالأسود بديت من اقرب حاجه لي رميتها في الأرض وبطريقه هستيريه بقيت اقلب فيها وارمي كل حاجه في الارض وكسرته كل حاجه لقيتها قدامي وفتحته دولابو رميت ملابسو كلها في الأرض،وعندو زي مكتبه كدة فيها كتب كلهااا رميتهم ليهو في الأرض،فكرته لنفسي لقيت نفسي معرقهه لمن غلط ،بعدها طلعته من الغرفه رجعته غرفتي لميت ملابسي في شنطه وطلعته،في قروش لقيتها في المطبخ شلتها،وانا شايله شنطتي وطالعه من المطبخ لقيت سميرة قالت لي ماما ماشه وين؟قولته ليها ماشه بس وم رديت عليها وطلعته ،اول م وصلته باب الشارع لقيت فاطمه وانا متوترة طبعا،سلمت علي قالت لي على وين الليله؟قولته ليها ماشه ناس امي هههه،قالت لي والعريس وين مخليك تمشي براك،قولته في قلبي وبعدين مع الناس الحشريه دي إبتسمته ليها وسكته،مشيت لقدام شويه كان في ظلط ،وقفته جات ركشه وقفتها قولته ليها اقرب حته بتقيف فيها امجادات وقفني فيها،وقفني في حته كدة جا بتاع امجاد وصلني لغاايه البيت ،وسبحان الله هم اتفاجأؤ بجيتي وانا إتفاجاتهه بي جيه امي من دبي،قولته ليها جيتي متين؟قالت لي امس بالليل،فضلته قاعدة وراقدة ليها في رجولها،بعد فترة طويله اول مرة احس بإمطئنان غريب ،فضلته طول اليوم راقدة جنبها وبنتونس في مواضيع كدة هايفه لغاايه قريب للمغرب كدة جاتني غفوة كدة،ملك جاتها مكالمه ردت وانا مع المكالمه دي فتحت عيوني ملك قالت "الوو،اهليين مهيد مساء الخيير،لا نحن تمام الحمدلله م عندنا عوجه وانت؟امي كويسه والله جات امس هي زاتها بتسلم عليك،تسلم يديك العافيه،شهد؟قالت كدة وعاينت لي وكملت كلامها ،اي شهد معانا ياها قاعدة،ايوااا طيب تمام،خلاص ماشي،تسلم ي مهيد ،قفلت الخط وعاينت لي،امي قالت ليها خيير؟ملك قالت لي شهد انتي م كلمتي مهيد قولتي ليهو جايه هنا صح؟وم تكزبي،عاينته ليها مساافه،امي قالت لي م إستأذنتي منوو قبل م تجي؟قولته ليها هو شكى ليكك؟قالت لي م شكى لي بس ضرب بسال وخاايف عليكك ليه م تكلميهو ي شهد،امي قالت لي عييييب ي شهد،عيييييب ي بتي غلط فاكره نفسكك لسه هامله تطلعي زي م عايزة وترجعي وقت م عايزة، الزواج دة مسؤليات كيف تطلعي وم تكلمي راجلك كيف بس،وقعدت تجوط فيني وتديني في المحاضرات وقالت لي ملك اديني التلفون انا بتكلم مع مهيد اسي يجي يسوقها،ملك قالت ليها قال لي خلوها تقعد كم يوم خلاص،قالت ليها انا كمان حلفته جات بدون إذن راجلها م تقعد سرعه اضربي لي ليهو ولا اديني تلفوني وينو ،شالت التلفون ضربت ليهو قالت ليهو تجي اسي تسوقها وحلفت عليهو،وانا البكى شرطني،قالت لي متين عرستي لمن تتشاكلي مع راجلك وتجي من غير إذنو،دايرة تخربي بيتك انتي؟ملك قدر م حاولت تهديها امي لسه بتفور زياادة قالت ليها اسكتي ي ملك الولد دة م فيهو اااي عييب ادب واخلاق قوة الراس والعنااد حق اختك دي بت بطني وانا بعرفها زي جوع بطني،وانا ببكي ودموعي جاريه عشرة عشرة،شويه كدة مهيد جا،امي قالت ليهو يشهد الله ي ولدي م قالت لينا جايه بدون م اكلم راجلي،انا فاكراها...قاطعها قال ليها ي عمتي هي كلمتني عندها كم يوم بس انا نسيييت،وامس نبهتني انها حتجي الليله بس مع المشغوليات وكدة م إتزكرته فلما جيت لقيتها ماف في البيت وسألته الشغاله قالت لي م عارفه اتصلته على ملك بس بعد م اتصلته اتزكرته انها امس نبهتني بس ماف ااي مشكله والله،قالت ليهو ايواا لو كدة معليش بس برضو مفروض تتصل قبل م تطلع تكلمك،قال ليها م حصلت مشكله اسي ،قالت ليهو خلاص طالما جيت م ترجع بلاها سوقها وجيبها لينا خميس وجمعهه ي ولدي،قال ليها طيب تمام،انا زعلته زعل،إتخنقته خنقه كانو امي بترميني ليهو رميه الكلاب،كانو انا رخيصه وبايعني ليهو بأتفه تمن ،طلعته حتى مع السلامه م قولتها ليهم،ركبته العربيهه وقفلته الباب باقصى قوتي طااااخ ،بعدها هو ودعهم وجا ركب العربيهه وشايل معاهو شنطتي ختاها في الكرسي القدام،اتحرك ،اول م اتحركنا قولته ليهو انت البخليك تضرب لأهلي تسأل مني شنو مسؤل مني انت؟قال لي شهد،قولته ليهو م تقول لي شهد م تجيب إسمي دة في لسانكك عايز مني شنو عندك عندي شنو انت جايب الحقارهه والتفاهه وقوة العين دي كلها من وييين،الله يااخدك يااخي الله يقطعكك حتت وتاكل لحمكك الكلاب،قال لي شهد ممكن تسمعيني عايز اقول شنوو؟،قولته ليهو مستحيل تكون بني أدم طبيعي م لاقني بني ادم بي وشين زيكك كدة الله يقرفكك انت بتكتل الكتيل وبتمشي في جنازتو لييه؟م بتقرف من نفسكك م بتقرف؟انا لو مكانكك هرمي نفسي في جهنم من غير حساب حتى حقير تافه مبتذل ،فجأهه حكهه فراامل ،عاينته لقيت نفسي قدام البيت،ضرب بووري طاااااااخ بأقصى صوت عندو،فجأهه جات سميرة فتحت باب الشارع،دخل بسرعهه وهي قفلت الباب،نزل من العربيه وخلاني انا قاعدة ورا،وانا لسسه من جواي بغلي م قاادرة من الخنقهه،بعد نبذي ليهو وهو سااكت كدة زعلتي زادت م هو انا لو م فرغته غضبي دة في حاجه هموت،عاينته يميني مساافه على طول نزلته من العربيه ومشيت بإتجاه ركن كدة في البيت خاتين فيهو حديد مدور كتيير ،مشيت بإتجاهو شلته لي حديدة طويله وجيت راجعهه ومن قدااام العربيه ضربتها طااااخ كسرته قزازها،وبقيت اضرب فيها بطريقه اقرب للجنون ،فجأهه اسمع ليك صوت مرهه وراي بتقول "دة شنو البتعملي فيهو دة انتي جنيتي ي بت هييييييي؟إتلفتهه لقيتها ام مهيييد ..."
يتبع.....
