، قولته ليهو دي بتسميها نفسنهه ولا قلهه ادب😡تاني رجع باسني والمرهه دي م حاولته اقاومو حتى اتسمرتهه في محلي،بعد مسااافهه اسمع صوت روابي بتقول ي مهييد قهوتكك تقيلهه ولا خفيفهه علشان م اتهور،اتفكيت منو عايزه ابعد رجع مسكني قولته ليهو بصوت خااافض مهييد خليني اطلع يااخ ،دموعي للحظهه كانت حتجري،فكاني فتحته الباب وجري مشيت غرفتي وانا من التوتر بقيت لا قادرهه اقعد ولا قادرهه اقيف وبتكلم مع نفسي وبقول هو كيف يعمل معي كدهه الحيوان دهه😭هو فااكر نفسو شنوو كمان،روابي جات داخلهه الغرفهه لقتني في حالتي دي وخاته يدي في شفايفي ،قالت لي شهد من قبيل ليييه م شغلتي التلفزيون هاااااا؟قولته ليها بخلعهه هااااااا،قالت لي في عينكك المسلسل حتفوتنا ي هطلهه😑شغلت التلفزيون وانا فضلته قااعدهه وسرحانهه ويدي في شفايفي لغاايهه م المسلسل انتهت م حسيت نفسي فاهمهه فيها شي،طوول الليل رااقدهه واتقلب واتدلم مع نفسي واقول"اذا هو حيوان انتي كيف تسمحي ليهو يعمل حاجهه زي دي؟ولييهه م قاومتيهو😢بقيت داخلهه في صراع بين قلبي وعقلي وم قاادرهه اتجاوز الموقف،قولته بسس بكرهه م بخليهو لازم احدد معاهو عملتو دي علشان تاني يخت بيني وبينو الف متررر قبل م يفكر يعمل معي حاجه زي دي😭😭😭😭اليوم التاني صحييت بدري قولته علشان اصادفو واتشاكل معاه ، مشيت المطبخ لقيت عمتو ليلى بتعمل في الشااي،قولته ليها صباح الخييير،قالت لي صبااح النووووور الليله مالك صاحيه بدري ،قولته ليها امممممم سااااي بس والله،قالت لي انا زاتي شالتني نوومهه قولته اصحى بدري عشان اجهز الشاي للولد دة لقيتو مشى،قولته في قلبي احييييييييي مشى يمشي فيهو لوووودررر😑😑😑😑😑😑😑😑👊💔فضلته طووول اليوم منتظرااهو بككل حمااس ،ومن ضمن الأيام اليوم ده هو اتأخر،روابي كانت مصدعهه كنت مرقداها في رجولي وبحضر في التلفزيون،عمتو ليلى جات قالت لي شهههد،قولته ليها ايوة ،قالت لي روابي الصداع خلاها؟قولته ليها شويه احسن اسي نااامت،قالت لي خلاص انا جهزتهه العشاء جاااهز وختيتو في الطربيزهه،مهيد دة كان جا شيلي ودي ليهو كويس لانو انا ماشه انوم م بقدر انتظرو اكتر،طبعا انا في اللحظهه دي لمن بلعتهه ريقي مرتين وقلبي عمل شحححح م عرفتهه اقول ليها شنوو،قولته ليها طيب،قالت لي يلا تصبحي على خيييير،قولته ليها وانني من اهلو،بعد م مشت شويه كدة سمعته صوت،حسيت انو دة هو،طلعته من الغرفه شايفه نور غرفتو منووور ،قولته خلاص انا امشي المطبخ اشيل العشاء اجي ادق ليهو الباب لما يفتح اقول ليهو الكلام العايزهه اقولو ليهو وارمي ليهو الصينيهه في وشو وخلاص😑مشيت المطبخ شلته الصينيه وجيت ماشه ودقيت الباب بي حدة،وانا في قلبي بعد 1'2'3'4'5'لما حصلته 6الباب فتح ،اول م شوفتو كل شي راح لساني اتشل ،والكلام بقيت افتش على الحروف م لاقياهااا😭😭😭😭😭😭😭😭بقيت واقفهه وبعاين ليهو وحتى عيوني اتهبلت،وهو حيوان بعاين لي وساكت وشايل بشكير في راسو شكلو طالع من الحمام،عجبو شكلي وانا بالحالهه دي فكان في وشو متوزعهه ابتسامات سخريهه كدهه عبيطهه😭😭😭😭😭😭😭😭😭😭😭😭😭😭😭😭😭بعد مسااافهه قال لي احم مساء الخيير،تلقائيا لقيت نفسي بقول ليهو مساء النور واااي من هبالتي😭😭😭😭😭😭قال لي العشاء ؟ومدة لي يدو شالو مني وانا لسسه واقفهه وعايزة اتكلم وم قادرهه،بقيت افتش على شجاعتي وزعلتي القبيل ديك كلها طاارت،قال لي في حاجهه؟قولته ليهو اااي،😐قال لي طيب اتفضلي،قال لي دقايق طيب ،دخل جوة خته الصينيه وجا راجع،قال لي اتفضلي😅سكتته مسااافهه وانا ماسكه يدي مع بعض وبضغط عليهم،قولته ليهو امممم انت ليييهه امبارح عملته كدة ؟قال لي عملته شنوو؟قولته ليهو م تتغابى وتعمل نفسكك م فاهم،قال لي انا امس عملته حجات كتيرهه اكييييد م حأستحضرها ليكك كلها انتي زكريني عملته شنوووو،قولته ليهو يعني م متزكر عملته معي شنووو؟قال لي ابدااااا،قولته ليهو شوف انا حركات الاولاد الزباله دي بعرفها واسي جاااي تتغابى علي وتقول م متزكر في حين انك متزكر بس،قبل م اكمل كلامي لفهه يديهو حواليني وقرب مني خطوتين وقعد يعاين لي في وشي قال لي طيب كملي قولتي نحن الرجال مالناااااا؟؟،انا هناا خلااص اتجمدتهه رسمي،بقيت اعاين للأرض،رفع لي راسي بي يدو وختاها في خدي وقال لي م عارف علاقتكك مع لدن شنووو او بتعرفيها من وين بس بالنسبه لي هي كانت زولهه في بيني وبينها علاقه وكنت متمسك بيها حتى وانا في السجن كنت متمسك بس م حصلت بينا قسمهه،ولما شوفتها في العرس يوم الجمعه حالتي دي كانت ردة فعل طبيعيهه تجاه زولهه اتخزلته فيها وفجأهه من غير اي مقدمات ظهرت في وشي،بعد مساااافهه قولته ليهو بس انا م سألتكك عن الموضوع😢قال لي بس انا حبيت تعرفي الموضوع وتفهمي انو من ناحيتي ماف شي تجاها ابداا،انتي اخدتي كل شي😅قولته ليهو بصوت خااافض طيب لييهه عملته معي كده امس كان ممكن تقول لي كلامكك ده من غير م تعمل كدة،قال لي عملته شنووو قولي،قولته ليهو بصوت طفولي مهيد ياااخ م تبدأ تتغابى😢ضحكك ضحكهه خبيثهه قال لي م هو انا م متزكر العملتو معليش لقد هرمنا ياخ عشان كدة قولي لي وزكريني عملته شنووو عشان احدد اذا كنت صح او غلط والمفروض اعمل شنو في الحاله دي،عاينته ليهو مسااافهه نزلته راسي نظام زعلانهه وكدة،،قال لي طيب انا إستحضرته حاجه عملتها حأقوم اعملها اسي لو هي قولي لي هي اتفقنااا😅؟؟فتحته خشمي مسااافهه بعدها هزيت ليهو راسي بمعنى لا ،قولته ليهو بس الاستحضرتها دي هي😑قال لي م هي شنووووو طيب؟؟قولته ليهو مهيد يوووووووخ😭😑👊😑قال لي رووح مهيد احكي،قولته ليهو حتفضل تغصبني على ...قبل م اتم كلامي ضحكك وضماني عليهو بكل قوتو قال لي يعني م حتتغصبي على حاجهه م عاوزاها ابداااا وباسني في راسي،قولته ليهو بس انت غصبتني قبل كدة ي مهيييد😢سكتت مسااافهه بعدها قال لي وحأفضل اعتذر واتأسف لغاايهه م تسامحيني على العملتو دهه،فضل ضاميني مسااافهه حتى انا نسيت نفسي،بعدها قال لي طيب تصبحي على خيير بكرهه عندي صحيهه بدري،من غير م احس لقيت نفسي بقول ليهو يعني حتنووم😢قال لي م نفسكك انوم؟قولته ليهو لااا م قصدي كدة ،قال لي طيب تصبحي على خييير،قولته ليهو تلاقى الخير،فضلته واقفه بعاين ليهو،قال لي عاايزهه حاجهه؟فكرتهه لنفسي قولته ليهو لأ،عايزهه اتحرك من محلي قال لي حبيبي،من غير م احس لقيت نفسي واقفهه وبقول ليهو ايوة،شداني عليهو ونزل باسني في خدي مساااافهه بعدها قال لي الجووو باارد خفضي درجهه المكيف واتغطي كويس ماشي💕قولته ليهو حاااضر فكاني قال لي يلا ادخلي غرفتكك،انا ماشهه بقيت اتلولو زي العويرهه وضربات قلبي ونفسي للحظهه حسيتهك حيقيفو😭😭😭😭😭لطافتو وطريقهه تعاملو بتموت فيني كل حاجهه وبتهبل بي قدامو م بقدر اتصرف اي تصرف بكون زي الهطلهه بين يديهو وهو عاارف كدهه😭😭😭😭😭😭😭😭😭😭😭😭😭😭😭رقدته في سريري وبقيت اتقلب فجأهه بقيت افكر فيهو وفي كل حركه عملها معي من بوسه امس لغاايه اااخر ضمهه ضماني ليها والبوسه الطبعها في خدي وهو بقول لي اتغطي كويس،للحظهه الشيطان وسوس لي وقال لي قومي امشي ليهو في غرفتو وقولي ليهو انا نفسي انوم جمبك بس اتماسكتهه 💔وانا بفككر فيهو كدهه فجأهه تلفوني ضرب،إتخلعتهه لأنو الزمن اتأخر شديد،رفعتو لقيتو مهيد،اخدتهه نفس مسااافه بعدها فتحته الخط ،قال لي لسسهه صاحيهه،قولته ليهو كنت حأنوم،قال لي يعني صحيتكك؟قولته ليهو لاااا ،هو زاتو صوتو كان مبحوح نعسان وم نعسان كدهه،قال لي طيب ،قولته ليهو مش قولته عندك شغل الصباح بدري؟قال لي حبيت اسمع صوتكك قبل م انوم فبس يعني...طبعا سكتته م قدرته ارد ليهو،قال لي يلا تصبحي على خير،قولته ليهو مهييد،قال لي ايوة،قولته ليهو امممم خلاص ماف حاجه ،قال لي متأكدهه؟قولته ليهو ايوة،قال لي طيب وقفل الخط وانا بقيت ملخبطهه واتقلب طول الليل لغاايهه م نمتهه😭💔صحيت الصباح بدري جهزته الشاي وختيتو في صفرهه الاكل برهه علشان لما يجي طالع يلقاهو جاهز ويشرب،وانا فضلته قاعدة في المطبخ ومراقبه اذا طلع ولا لأ،وفي بالي انو قال عايز يصحى بدري لانو عندي شغل مهم،لغاايه الساعه7ونص جات هو م صحى ولا كان في منو ااااي حركهه،قولته ي شهد امشي صحيهو يمكن شالتو نوومهه لانو امس ساااهر ،طلعته مشيت عايزهه ادق ليهو الباب لقيتو طالع،عاين لي مساافهه بعدها قال لي صباح الخير،قولته ليهو كنت عايزه اصحيك علشان..قاطعني قال لي فعلا صحيت متأخر شالتني نومه لكن حاستعجل بس يلا،قام ماشي قولته ليهو انتظر اشرب الشاي جااهز،قال لي لالا اتأخرته الشاي دة موالو طويل،قعدته اعاين ليهو وفي وشي ملامح الزعل والضيق،عاين لي بعدها غمض عيونو وقال لي صحيتي بدري عملتيهو انتي؟هزيت ليهو راسي بمعنى ايوة،قال لي طيب،مشى قعد شرب بسرعه بسرعه مع انو حار وشال ليهو قطعه بتاعه ينسون في يدو وقام ماشي،انتبهتهه لقيتو ناسي مفتاح العربيه ،شلتو قولته ليهو انتظر ،لحقتو جمب الباب قولته ليهو هاااك المفتاح،شالو مني عايزة اتحرك جراني وقربني منو وباسني في خدي مسااافهه بعدها قال لي طالما اصطبحتهه بي وشكك معناها كل شي حيعدي على خيير انا واثق اصلا انا بتفائل بيكك،بقيت اعاين ليهو وانا ساااكتهه،قال لي يلا سلام💕اتحرك مشى وانا فضلته واقفهه وبعاين ليهو لغاايه م وصل عربيتو وطلعها بره البيت بعدها دخلته،بقى تفكيري كلو حواليهو هو،وكل م اتزكر لينا موقف مع بعض اقد اتبسم،اليوم عدة وانا طبعا قااعدة منتظره متين اليوم يخلص علشان يجي واشوفو بس😭حوالي الساعهه5مساء كدة قاعدين بنحضر وبنتونس فجأهه عمتو ليلى جاها تلفون،ردت الله،اهلين اسلام كيفكك،وين في اي مستشفى؟لا يااخ ،لييه م كلمتوني طالما من امس،طيب مع السلامه،قفلت الخط،روابي قالت ليها خيييير؟؟قالت ليها عمكم عثمان دة قالو تعباان في المستشفى مرقد،قالت ليها شنوو؟ليييه ماالو؟قالت ليها والله قالو فجأهه تعب انا ماشه كدة اقوم اجهز،قولته ليها نحن كمان حنمشي معاك،قالت لينا طيب اجهزو،لبسنا سريع وطلعنا ،وصلنا المستشفى لقيناها ملااانهه نااس كلهم منتظرين ،تقول منتظرين حتى مهيد كان هنااك،فضلنا قاعدين للساعه9كدة قالو بعد كدة نرجع البيت،عمتو كانت عايزة تقعد بس مهيد قال ليها قعادكك م بفيد بي شي هنا افضل تمشي البيت،رجعنا هو بالعربيه ورجع المستشفى ،نص الليل حوالي الساعه 3صباحا كدة سمعنا صوت صراخ،انا نطين مخلوعه واتطاقشنا انا وروابي في الباب،وصلنا غرفه عمتو ليلى لانو الصوت كان جاي منها،فتحنا الباب قولنا ليها بصوت وااحد في شنووو؟قالت لينا ضربو لي تلفون اسي قالو عثماان دة بقى في رحمه الله😭😭😭😭😭😭😭وبقت تبكي ،وروابي تبكي وانا بهدي فيهم بعدها لقيت نفسي ببكي معاهم بي حرقه،طلعنا من البيت الساعه4صباحا ،نص الليل وقفنا في الظلط ماف شي في الشارع غير شويه عربات وكلاب بتنبح،جا بتاع عربيه وقف لينا قال لينا السلام عليكم خييير ي اخواتي في شنو؟عمتو ليلى قالت ليهو عندنا زول اتوفى ودايرين نمشي بيت الوفاة وم لاقين لينا عربيه،قال ليها الدوام لله اركبو بوصلكم انا دة لانو نص الليل دة ماف طريقه تتلقي بيها عربيه،ركبنا وصلنا بيت البكى،سبحان الله كانو الناس ديل كانو في وضع الاستعداد،كانو م مات نص الليل،يااخي نحن لقينا شارع البيت ملان عربات بطريقهه حتى العربيه م قدرت تدخل نزلنا بعيد من البيت،ولما وصلنا البيت لقينا كترهه ناس مبالغه بالجد بقولو خبر الوفاة ده بتنشر بسرعهه ،والناس دي كانت بتعزي وبتنوح بطريقهه خياليه النسوان ديل بتمردغو في الأرض وحالتو لسسه الجثهه م كان جابوها بعد م نحن جينا بعداك جابوها،والحاله كانت تحنن الكافر،فضلنا قاعدين ومتصبرين لغاايه م صلو الصبح وصلاة الجنازة بعدها قامو متحركين،ونحن في الشارع عيوني كانت بتفتش على مهيد في وسط دة كلو انا م شوفتو،فجأهه عيني وقعت عليهو وهو ماسك عمو الصادق وببكي معاهو وبحاول يهدي فيهو ،والله اول م شوفتو وهو بالحاله دي لقيت نفسي ببكي بطريقهه حتى انا م عارفه مالي،المهم شالو الجنازة واتحركو،،الصباح اتصلته على ملك قولته ليها مهيد دة عندو عمو اتوفى،قالت لي لا يااخي متين؟قولته ليها الليله،قالت لي وين انتو اسي؟قولته ليها في بيت العزاء في....بعد م فصلته منها فضلته ماشه وجايه اوزع في المويه والشاي وكدة حال بيوت البكى عموما ،حوالي الساعه9صباحا كدة اتصلت علي ملك قالت لي نحن وصلنا تعالي اطلعي لينا برهه،طلعته ليهم كانت معاها امي،طبعا عندي فترهه م شوفتها او ممكن اقول من يوم م حصل الحصل وانا م شوفتها سلمته على ملك،صراحه كنت خايفه ومترددة وم عارفه اسلم على امي كيف،تلقائيا لقيتها بتضمني وبتسلم علي وبتسالني عن احوالي وبتشيل لي الفاتحه،طبعا م كانت عندي اي ردة فعل لقيت نفسي متجاوبه معاها ببرود شديد،فضلتهم جوة وجبته ليهم مويه ،بعدها جو عمات مهيد شالو ليهم الفاتحه ومشو لي مرت الميت وبناتو وكذااا،بعد كدة رجعو قعدو مكانهم،مشيت المطبخ لقيت روابي بتجهز في كبابي الشاي،قولته ليها روابي انا حاشيل حفاظه الشاي دي بعد م تخلصي تفويط جيبي الكبابي دي الهول وتعالي سلمي على ناس امي،قالت لي ناس امكك جوو؟قولته ليها ايوة،شلته حفاظه الشاي وقعدته معاهم قولته ليهم اليف كيف لييه م جبتوها معاكم؟امي قالت لي في المدرسه طلعت بدري ،الراجل اتوفى مالو؟قولته ليها والله م عارفه بس اول امس قالو تعب ودوهو المستشفى اخد امس اليوم كلو واتوفى الساعه 3صباحا،فجاهه جات ام مهيد،مسكت امي وبكت كدااا م خلت دمعه م نزلتها بعدها مسكت ملك وبرضو نفس الشي بعدها قعدت وبقت تسألهم عن اخبارهم وكذاا،شويه كدة جات ملك قالت لي شهد،وقفته قولته ليها جبتيهم تعالي طيب،جات داخله ،قولته لي ملك ي ملك طبعا دي روابي بت عم مهيد،ملك قالت لي اجي ي شهد بعرفها انا م متزكره اني قبل كدة جيت البيت ولاقيتها ولا شنو هههههه،روابي جات وصلت الكبابي الطربيزه المختوته قدام ناس امي ورفعت راسها وفجأهه وقفت وبقت تعاين في امي بي خلعهه،امي قالت ليها كيفك ي بتي ان شاءالله كويسه البركه فيكم كماان،روابي لسسسه كانت واقفهه مكانها ،،قولته ليها دي امي ي روابي😊روابي ولسسه في وشها علامات الزهول طبعا م ردت ولا عملت ااي حاجه ولا كانت عندها ااي ردة فعل غير انها طلعت مستعحله من المكان حتى انا إستغربتهه،ملك قالت لي مالهااا؟قولته ليها من امس بالليل في الحاله دي انتي كبي الشاي وانا بلحقها،طلعته علشان اللحقها م لقيتها فتشته عليها كداا،سألته عمتو إسلام قولته ليها شوفتي روابي؟قالت لي مشت على باب الشارع اسي،وصلته باب الشارع اتلفته يمين وشمال م لقيتها فجأهه عيني وقعتوعلى مهيد قاااعد في مسطبه الجيران وبعييد من الناس ومنزل راااسو في الأرض وخاتي يديهو في جبهتو،من غير اي تردد ومن غير م اعاين للحوالي مشيت قولته ليهو مهيد؟م رفع راسو،قعدته جمبو قولته ليهو ربنا يرحمو إن شاءالله،رفع راسو عيونو ملانه دموع مسحها وقال لي اميين ،قولته ليهو قبيل فتشتكك وم لقيتكك،قال لي فعلا كنت في الصيوان،قعدته اعاين ليهو والله يااخ حالتو تبكي كان ببكي زي الطفل شكلو عمو دة كان عزيز عليهو شديد😭😭😭😭😭😭😭😭😭قولته ليهو مهيد الموت علينا حق وكلنا ماشين من الدنيا دي بس ربنا ماخر اجلنا ااي نعم هي حاجهه صعبهه واي شي بس البكى م بفيدنا بشي ولا بفيدو هو ولا حيرجعو لينا بالعكس احنا كدة بنعزبو ،ممكن ندعي ليهو انو ربنا يرحمو ويطيب ثراه صح؟مسح وشو بي يديهو وقال لي فعلاااا،قولته ليهو طيب ممكن تبطل بكى؟قال لي حاااضر،فجأهه اسمع صوت مرهه بتقول مهييييد وبتبكي،رفعته راسي لقيتها مرهه ومعاها رزان،مهيد وقف على حيلو وانا وقفته معاه،المره جات مسكتو وبقت تبكي وتقول ليهو مات الحنين ،عمك الحنين مات ي مهيد ي حليلو عثمان شيال التقيله،ي حليلو عثمان الماليك غيرو ي حليلو،دة كلو كوم وبكى رزان كان كوم تاني خااالص،كانت لابسه طرحه سوداء وعبايه سوداء،مهيد قال ليها ربنا يرحمو ي خالتي ربنا يرحمو،قالت ليهو والله سمعنا اليوم الصباح دة بس ليه م كلمتونا من بدري ليييييههه😭😭😭مهيد قال ليها مرضو جا فجأهه والله ي خالتي،اتفكت منو غفران جات بكل اندفاعه وقعت في حضنو وبقت ماسكاه وبتبكي😑طبعا انا بقيت فاتحهه خشمي كدهه😨😱ومن جواي بقول الليلهه دي حضنتو😭😭😭😭😭😭👊💔مهيد فكاها قال ليها ربنا يرحمو اتفضلو ادخلو جوة البيت،قالت ليهو عماتك ومرت الميت وامك جوة؟قال ليهم ايوة اتفضلو،المره وهي ماشه عاينت لي بي قعر عينها والله العظيم عيوني م كعبات هي فعلا عاينت لي عين كعبه كدة وساقت بتها ومشت😐بعد م مشو مهيد قال لي انتي كمان ادخلي جوة م سمحه قعدتك دي هنا،للحظهه حسيت نفسي حاقول ليهو حضنتها ليييه😭😣بس تاني رجعته مسكته نفسي وقولته ليهو طيب،دخلته البيت وتعالي شوفي رزان الرشاقه والطلعه والمرقه والشاي والجبنه وغسيل العدة واقعه في كل شي بي يديها ورجليها،حتى الناس كانو مستغربين فيها م من عوايدها هههه،وامها تشيل وتتلصق في عمتو ليلى وتتونس معاها وتفتح معاها مواضيع ،المشكله كانت في انو طول فتره اسبوع الوفاة روابي كانت مختفيه بتصل عليها ي اما م بترد ي اما تلفونها مغلق،بعد اسبوع الوفاة رجعنا البيت انا وعمتو ليلى وبقينا نمشي مره مره،وانا روابي كانت فارقه معي شديد،عمتو ليلى قالت لي هي حركتها شينه حتى لو ماشه كان تقول للناس ماشه م تمشي كدةلكن الا كان لقتها امها وساقتهاا،لكن خلاص امشي ليها في بيت خالتها كلمي مهيد يوديك،قولته ليها طيب،واكتر حاجه كانت غايظاني لما ارجع البيت ومهيد يكون في بيت البكى ورزان برضو بموت الف مرهه 😣عدت فتره بتاعه تلاته اسابيع بعدها مهيد جا راجع البيت بس م كان طايق زول وقرفان ومدبرس كدة،في يوم قولته ليهو الا توديني لي روابي ياخي عايزة اشوفها ،قال لي طيب اطلعي ارح نمشي،الساعه كانت 5مساء،طلعنا مشينا وصلنا البيت،دخلنا واستقبلونا وكذااا،قولته لي خالتها روابي وين مختفيه بتصل عليها م بترد فقلته اجي اشوفها،قالت لي قااعدة في غرفتها،قالت لي بتها ي شجن اجري نادي روابي ،،قولته ليها لو فوق خلي انا بمشي ليها اصلا عاملاها ليها مفاجأهه وصفي لي الغرفه بس،شجن قالت لي هههههههه طيب تعالي،طلعته وراها قالت لي دي الغرفه،قولته ليها شكراا،فتحته الباب برااحه وقولته ليها روااااااابي😍😍😍😍😍😍😍كانت مركبه سماعتها وفاتحه اللابتوب،عاينت لي وطلعت سماعتها،قولته ليها ي جزمه ي سجم م بتردي علي ي منفسنهه ي وسخهه ي وسخهه ي وسخههه،غمضت عيونها مسااااافهه ،قولته ليها بتكلم معاك انا ي سجم😒😒😒اخدت نفس عميييق بعدها قالت لي شهههد الجابك هنا شنوووو؟قولته ليها جابني مهيد ههه ههه حلوه صح😅قالت لي شهد.انا جاده معاك الجابك هنا شنوووو؟اتصلتي وانا م رديت عليك لانو م حابه ارد عليك ،رسلتي وبرضو م رديت تلقائيا مفروض تفهمي انو انا م حابه اي نوع من التواصل معاك،طبعا انا مصدومه من ردة فعلها قولته ليخا روابي بسم الله في شنو مالكك؟قالت لي ماف شي ي شهد بس كدة،قولته ليها لا في م ممكن زول يتغير360درجه براهو كدة،قالت لي م مجبوره اشرح ليك ،قولته ليها لا في الحاله دي مجبوره لاني م بتزكر اني عملته ليك شي غلط وحتى لو عملته يمكن بدون قصد وانا اسفهه بس انتي مفروض تقولي لي حاصل كذا وكذا ،قالت لي اقول ليك هههههه ي بت انتي بتستغبيني ؟احساس انك م عارفه وكدة 😂😂😂قولته ليها م عارفه شنووو م فهمتكك؟قالت لي شهههد الحركات دي ممكن تستغبي بيها مهيد وتلعبيهو على صوابعكك بيها بس انا لا،ياخي انا الحاسباك اختي وبحكي ليك كل حاجهه عن حياتي وانتي سبحان الله سايقاني زي م بتقولو بالخلا بس ياهو حال بنات النسوان الفاتحات بيووت امهاتهم يشتغلو وهم يعملو فيها ملايكهه وشريفات،قولته ليها روابي م تلفي وتدوري قولي في شنوو من الاخر علشان انا م عندي عقل للإستنتاجات دي،قالت لي لا م تستنتجي حبيبااه انتي اساسا كنتي عارفهه انو امكك التافهه هي سبب خراب بيتنا وطلاق امي وابوي وكنتي مضاريه ليها ،طبعا هنا كانت الصدمه انا لمن راسي لفه من سماع الكلام دة،قولته ليها شنووووووو؟قالت لي م تعملي فيها مخلوعه وتتغابي،سبحان الله انا م كنت عارفه شي،ولا كنت خاته فيك الشينه ابدااا،لغاايه م شوفته امكك ومشيت سالته عمر وعمر ابدا م اتردد وحكى لي كل حاجهه عنكم بالتفاصيل المملهه صراحهه ريحتكم فايحهه شديد حتى مجاري الصرف الصحي فايتنها في الريحهه عمر ابدا م كان غلطان عليكم هو كان شغال شغلو اللي هو مكافحهه الفساد البتمثل في الشغل الشغالاهو امكك دهه،نفسي افهم يعني فوق م امك شغاله الشغله دي كمان مخليه راجلك يدافع عنهااا ببساطه كدة؟زاتي مستغربه مهيد دة كيف متقبل الموضوع دة عادي كدة يعني امكك شغاله كدة فأكيد حتكون هي قدوتكك ههههه وم تكذبي وتنكري كنتي عارفه انو داك كان ابوي لانو حضرهه سيادتكك كان عندك فيديو اباحي كاامل لي امكك مترسل ليك والفي الفيديو دة كان ابوي انا ،طبعا انا بقيت ببكي بس،قالت لي بطلي بطلي الدراما الرخيصه دي اعمليها لي مهيد م انا ي شهد علشان انا الشي الوحيد البعرفو انو واحدة تافهه وحقيرهه ومستواها زبالهه وبريستكيوت زي امكك خربت بيتنا نحن،يعني حنى ماف مقارنه بين مستواها ومستوى ماما،بس معليش حال الرجال كدة بحبو القمامهه حتى لو ابوي برضو بحبو الحجات المتاحه للجميع وزبالهه زي امكك،م بعيد انتي زاتكك يمكن بعد فتره نلقاك شغاله نفس الشغلهه وتفتحو بيت كلكم مع بعضيكم كدة وتسموه الاسره الداعرهه بسم الله ماشاءالله عليكم ،كن غير م احس لقيت نفسي بلصق ليها كف لمن وقعت في السربر،وطلعته من الغرفه وانا دموعي جاريه ،م عارفه وصلته الهول كيف،خالتها قالت لي وينها؟م فتحته خشمي معاها طلعته على طول مهيد بقى ينادي علي شهد ي شهد،قالت ليهو مالهااا بسم الله،قال ليها عن ازنكك ،طلع لحقني جمب العربيه مسكني قال لي في شنوو؟انا لسسه بلكي،قال لي قولي في شنو مالك مع روابي الحاصل شنوو؟زعلانين من بعض انتو؟لما شافني بزيد في البكى ركبني العربيه وركب،قولته ليهو وصلني بيتنا،قال لي شهد ،قولته ليهو مهيد وصلني بيت امي م حاخد 5دقايق وحاطلع،قال لي شههد قولي لي في شنوو م تتصرفي تصرف متهور من عندك سااي،قولته ليهو حتوصلني ولا يفتح الله؟قال لي م هو انا لو م عرفته في شنو م حأوصلك ي شهد فهمتي؟!قولته ليهو طيب انت عايز تعرف صح؟ماشي يلا اسمع انت عارف الفيديو الاترسل لي وكانت فيهو امك كان معاها عمك الصادق؟عاارف بكدة؟سككت،قولته ليهو جاوب ،وروابي فاكراني انا عارفهه وبستغباها😭😭😭😭علشان كدة وصلني بيتنا انا بعد كدة الموضوع دة ازمني اكتر من اللازم وعايزة احلو واخت ليهو حد تعبتهه خلاص تعبتهه فاااهم😭😭😭قال لي بغض النظر اذا كنت عارف او لا خليني اسألك حتمشي تواجهي امك كيف بموضوع زي دة وحتقولي ليها شنووووووو؟ششششهد على قدر قذارهه الشغله دي حتكون وقاحهه منك تواجهي امك بالموضوع دة،وم تفتكري الموضوع حيكون سااهل عليها عارفه هي ممكن تعمل في نفسها حاجه لانو واحدة من بناتها عرفت ونظرتها ليها اتغيرت،م سألتي نفسك هي اشتغلت الشغلهه دي لشنو وعشان منوو؟كدة فكري البني ادم البجبرو شنو على شغله زي دي غير الحوجهه؟اي نعم هو حراام وم صح وكل شي بس لما نبطل انانيه ونجي نحسبها ونخت نفسنا محلها حنلقى انها اتجبرت على الحاجه دي ونحن م من حقنا نحاسبها ي شهد لا انا ولا انتي ولا اي زول غيرنااااا فااهمه،لما تدخل القبر ربنا هو البحاسبها على كل صغيره وكبيره انتي بتها بس برضو م عندك صلاحيه بكدة،عايزه تمشي صح؟طيب انا حأوديك مكان تسمعي منو الحقيقهه بنفسكك ،اتحرك بالعربيه فضلنا ماشين مسافه بتاعه ساعتين تقريبا،وصلنا مكان كدة غريب ،نزل دق الباب،سلم وقال لي انزلي،نزلته،طلعو لينا راجل ومره سلمنا عليهم،ودخلنا فضلونا وانا بعاين لي مهيد ومستغربه،فجأهه مهيد سأل اها اسي بقت كيف ان شاءالله اتحسنت بعد مشيتو وجيتو؟الراجل قال ليهو والله يعني الحمدلله اتحسنت شويه،مهيد قال ليهم ممكن اشوفهاا؟المره قالت ليهو طوالي اتفضلو ي اخوي،قام على حيلو قال لي يلا مشيت وراهو ،وصلنا جمب غرفه كدة المره دخلت عدت خمسه دقايق جات طالعه قالت لينا اتفضلو،دخلنا الصدمه كانت في انو الفي الغرفه هي خالتو سميه اللي سرقت قروش امي ومشت بس م اتعرفتهه عليها بسهولهه ياخي كاانت متغيرهه360درجه وحرقانه مره واحدة،المره اول م شافتني قامت تبكي،قولته لي مهيد انت بتعرفها من وين المره دي؟قال لي م مهم المهم انا عايزك تقعدي معاهاا،قالت لي الحمدلله ربنا عيشني لغايه م شوفته واحدة من بنات سوسن اختي وصحبتي مع اني كنت ناويه اشوفها هي زاتها ،ازيكك ي بتي كويسه؟قولته ليها الحمدلله وانتي؟قالت لي المرض هلكني خلاااص لكن الحمدلله على كل حال ي بتي ،قولته ليها ربنا يكتب سلامتكك ان شاءالله،قالت لي الله يسلمك،مهيد قال لي انا بنتظرك بره لما تخلصي حصليني،قعدته،قالت لي راجلك ماشاءالله عليهو راجل الهنا والسرور ي بتي ان شاءالله ولادة النسوان ويعقرو عليهااا،سكتته،قالت لي شكلك جايه تسمعي الحكيتو ليهو،قولته ليهو بإستغراب حكيتي ليهو شنووو؟قالت لي اسمعي ي بتي احكي ليك اصلا الكلام دة في زمتي قبل كذاا سنه اتعرفته على امك دي كانت حيرانه وظروفها كعبه ،المهم خلال ونستي معاها عرفته انها بتحنن،شلته رقمها،بعد فتره اتصلته عليها وقولته ليها جايبه ليك عقد بتاع شغل في كوفير في قطر،زول في حالتها م كان حيرفض شغل زي دة ،سوقتها ومشينا قطر اساسا انا كنت شغاله مع مره فاتحه بيت هناك ربنا يغفر لي من حقها،لما مشت وعرفت طبيعه الشغل اتفاجأت ورفضت اشد الرفض حتى شاكلتني حاولنا ناثر عليها بكل الطرق ونستغل وضعها الهي فيهو عشان تقبل تشتغل معانا بس رفضت وقالت عايزة ترجع السودان بسس،المره ست الشغل قالت ليها كان عندك قروش ارجعي،طبعا هي يدينها كانت مكتفه وجديدة وم عارفه شي للبلد وانا م اكذب عليك ربنا يغفر لي كنت بمثابه شيطان رجيم بوسوس ليها وم بفوت فرصه عشان اقنعها بيها لغاايه م في النهايه خليتها تيأس وتوافق عشان نفسها وعشانكم انتو اولادها هي م كانت شايله هم غيركم في الدنيا دي،اشتغلت معانا والدخل بتاعها كان كويس ولمت قروش كويسه بعدها قالت م عايزة تشتغل شالت قروشها اللمتها ونزلت السودان،انا حقدته عليها لانها نزلت بقروش جد وحسنت وضعها وست الشغل كانت بتديها قروش اكتر عشان تغريها في الشغل وكدة،المهم انا نزلته السودان ولقيتها محلها ده وقولته ليها شغليني معاك وهي م رفضت نهائي شغلتني وم كانت مقصره معي في شي بالعكس نصحتني اني اخلي الشغل داك وم ارجع تاني،وهمتها بي قصه كدة غريبه وشلتها منها القروش حقتها وخليتها تدين لي من غيرها دة كلوو عشان ادخلها في ديون واخليها تحتاج لمن تمشي ترجع للشغل داك،بس م رجعت وم اكتفيت بكدة وبس كان عندي ليها تسجيل فيديو مع راجل كان بطلبها كتير وم بطلب غيرهاا وبدفع ليها الشي الفلاني ،انا ي بتي قلبي كعب،لما احقد على زول بحقد عليهو شديد،مرهه حقد مني سااي ونحن في الشغل وامك ماشاءالله محلها جاري قلبي اكلني وقال لي بلغي عنها الشرطه بلغته عنها قولته ليهم انو المره دي شغاله كدة ووصفته ليهم بيتكم وبالفعل مشو قبضو عليكم وامك طلعت منها لانو م لقو شي يمسكو عليهااا،بس برضو قلبي كان مغلغلني منهااا عشان كدة شلته تسجيل الفيديو دة ووديتو برجولي لغاااايهه قسم الشرطه واديتو للضابط دة والله ي بتي امك اخدتني اخت قبل م اكون صحبه لكن ي بتي مرض القلب كعب بس ربنا عاقبني على عمايلي دي كلها وجاب لي المرض دة ،اسي انا عندي سرطان في الدم راجلك م قصر سفرني للأردن عشان اتعالج الدكاتره عملو العليهم كلوو وجابوني راجعه بس ماف اي تحسن الحال من بعضو،والله م عارفه عذاب الضمير دة عامل فيني شنو في العملتو في امكك والله العظيم ي بتي انا الليل دة عندي زي نار جهنم ،طبعا هي بتتكلم وبتبكي وانا ببكي،قالت لي اسي انا م دايرة منها شي غير انها تسامحني بس ي بتي،قولته ليها تسامحك؟حتى الحسبنه فيك بسيطهه انتي يااخي والله بسيطهه،طلعته من غرفتها ،مهيد قال لي خلاص؟قولته ليهو ايوة،طلعنا ركبنا العربيه هو فضل ساااكت وانا ببكي وبتنهد،قال لي عرفتي لييه انا م حاولته اكون ضد امك ليييه ي شهد؟فضلته سااكته وببكي لغاايه م وصلنا البيت الساعه كانت 11مساء ،هو دخل غرفتو وانا دخلته غرفتي ودخلته الحمام وبكيييت بطريقهه مجنونه ،فجأهه باب الحمام دق جاني صوت مهيد بقول لي شههد،قعدته مساافه لبسته وطلعته من الحمام لقيتو واقف لي جمب باب الحمام،طلعته وانا دموعي مختلطه بالمويه الفي وشي اول م شافني ضماني عليهو قال لي هششش خلاص بطلي بكى حبيبي،قولته ليه كدهه ي مهيد لييه الحياة دي م بتعمل الا معانا نحن وبتختنا في مواقف زي دي😭😭😭😭قال لي إبتلاءاات ي شهد إبتلاءااات م مؤمنهه إنتي؟قولته ليهو برضو نحن م نستاهل دة كلو ،امي م تستاهل والله م تستاهل ي مهيد يعني الله ينعل الظروف البتخلي الواحد يتجبر يعيش واقع زي دة😭😭😭😭😭😭😭😭😭بس برضو ليه امي ضعفت،ليه م اتماسكت،نحن كنا عايشين بالرغم من ظروفنا الزفته وحالتنا الميؤس منها كنا عايشين ي مهيد والله العظيم 😭قال لي ماف أم بتحب تشوف طفلها نايم جعان وتقعد يدينها مكتفهه ودة الحصل مع امك اتنازلت عن مبادئها واخلاقها وكل شي ختتو على جنب عشان م تتحرمو انتو من حاجهه،تعالي،ساقني قعدني في السرير وقعد جمبي قال لي عشان كدة ي شهد انتي م عندك صلاحيه تحاسبيها ابداا مفروض احترامك ليها يزيد حد الفيضان كمان وابدا م تحاولي تفتحي معاها موضوع زي دة ولا تحاولي تحسسيها انها عارفه لأنو هي لو عرفت انك عارفه م عارفه ممكن يحصل فيها شنو حتفقديها ي شهد صدقيني حتفقديها وم حتحسي بالفرق الا لما تعيشي احساس عدمها في حياتكك فكري في نعمه وجودها دي بس إتفقنا حبيبي؟سكتته،قال لي هااا؟اترميت في حضنو وقولته ليهو حااااضر😭قال لي يلا حبيبي م عايز اشوفكك تبكي تاني ماشي،سكتت مساافهه بعدها قولته ليهو مهييد،قال لي روحو،قولته ليهو انت بتعمل كل دهه ليهه؟ضماني عليهو اكتر وباسني في راسي مسااافهه وقال لي عشان كل حاجهه في الحياة دي بالنسبهه لي هي انتي...
يتبع....
