،فجأهه اسمع ليك صوت مرهه وراي بتقول "دة شنو البتعملي فيهو دة انتي جنيتي ي بت هييييييي؟إتلفتهه لقيتها ام مهيييد ،طبعا بقت في لحظهه صمت غريبهه،ومهيد وسميرة واقفين وراها وانا واقفه وبعاين ليهم وبحااااول اشيل نفسي على قدر م أقدر،قالت لي ده شنو البتعملي فيهو دة انتي مجنونهه ولا شنو ،بتكسري عربيه راجلك ليييه،مهيييد قال ليها امي،قالت ليهو زح كدة بالله انت م شايفها بتكسر في العربيه دي كيف تقول جايباها من بيت ابوها،اسي ده تصرف واحدة عقلها سليم كدهه،هي بتتكلم وانا دايخهه وشايفه طشاش طشاش بعدها م حسيت بنفسي إلا وانا في السرير ،وصوت مهيد مع امو بره الغرفه وهو بيقول ليها دة م وقت تتناقشي معي فيهو م شايفاها جوة حالتها كيف؟اضافه لي كدة من الاخر ي امي دي مشكله بيني وبين شهد ونحن بنحلها ممكن تقفلي الموضوع دة على كدة؟قالت ليهو خلاص مسكتكك وبقيت ليها مرمطون خلاااص تعمل الهي عايزاهو وانت تسكت ليها،قروش العربيه دي انت لاقيها في الأرض خلاص مش دة شغلك التعبان فيهو ليل ونهار،مرتك تغلبكك ي خسارة الولادة والله،دخل الغرفهه وقفل الباب ،لقاني بحاول افتح عيوني،لما شوفتو غمضتهه عيوني،قعد جنبي وبقى يصحي فيني بصوتو من غير م يهبشني ،شال مويه رشاها علي،بعدها ضربني في وشي قال لي شهد فتحي عيونكك،فتحته عيوني لقيتو مقرب مني بطريقهه اقرب لي انو حاضني وكدة،قولته ليهو ابعد مني،قال لي شهد،قولته ليهو بصوت بطيئ مهيد ابعد مني،،قام وقف على حيلو وبقى ينادي "سميرة،ي سميرة ،فجاهه سميرة جات وقفت،قال ليها وين العصيير القولته ليك اعمليهو انتي؟قال ليها كده بنهرة،قالت ليهو جااهز بابا،قال ليها سرعه جيبيهو ليهااااا،بعد م طلعت عاين لي ومسح وشو بي يدينو ،قولته ليهو م عايزة شي انا بس اطلع برهه الغرفهه دي ،طلع وقفل الباب...
في الجانب التاني مشى لي امو في الهول لقاها قاعدة في الكرسي وتهز في رجلها،وقف ودخل يديهو في جيبو وبقى يعاين ليها،قالت ليهو مهيد لا إله الا الله؟قال ليها محمد رسول الله،قالت ليهو كدة جاوبني انت داير تبقى راجل إضينه ااخر عمرك تعيش تحت مرهه؟وينها هي المرهه زاتها م تامه مرهه ي ولد انت مجنون ولا الناس ديل عاملين ليك حاجه؟قال ليها امي،قالت ليهو اسككت هسسس ولا كلمهه اصلا انا من البدايه العرسه دي م كانت راكبه راسي وم كنت قبلانهه بيها بس انت ختيتني امام الأمر الواقع وقولته لي بعرسها في كل الأحوال وانا وافقته لكن اسمع هنااا انا مرهه قليله ادب م بتنفع معي فاهم ولا لأ؟الدلع والكلام الفارغ دة في بيت امها هناك م هنااا ،قال ليها امي خلاص اقفلي الموضوع على كدة،قالت ليهو شايف غرفتكك عامله كيف؟راضي بالحاله دي انت معرس ليك مجنونه تكسر وتخرب وانت عاجبكك الوضع ي ولد الله دة شافو بالعين ولا بالعقل؟؟؟قال ليها انا طالع يلا سلااام،خلاها جاايطهه وطلع خلاهااا،بعد م طلع امو ضربت تلفون وقالت"الوو،نمتي ولا لسسه؟عاااد م وريتكك مرت مهيد م طلعت مجنونهه،اااي والله بتجيها حاله براها اسي كان شوفتي جيت لقيتها مقلبه الغرفه بتاعتهم وكسرت عربيه مهييد ،والله كان شوفتي شي عجيب،ااااي دة موضوع م بتسكت عليهو اصبري بسس اصلا انا من يومي العرس دة م موافقه بيهو وكدة ي دوووب مسكتهه طرف الخيييط ،تمام بكره بتصل عليكك ان شاءالله💕🌸اليوم التاني فضلته قاعدة في غرفتي لا طلعته ولا جبته خبر زول،سميرة بتجيب لي الأكل والشراب،اليوم البعدو طلعته من غرفتي الصباح كدة،سمعته مهيد بقول"امي اطلعي من الموضوع دة انا إتزوجتها م بعرف احل معاها مشاكلي يعني؟قالت ليهو مرتكك ملعقهه م بترفعها بس الله يقدرها ترفع نخرتها عليك وانت عاجبكك الوضع؟والله صحي الكلب بحب خناقو،الحبشيه جايبها ليها لشنو؟وينها شغله بيتكم البتجيب ليها حبشيه م تشتغل براهاا،قال ليها شهد عندها جامعه م كل حاجه حتقدر تعملها براها،قالت ليهو مهييد دي واحدة م عندها ذره احترام حتى اسي امس اليوم دة كلو م فكرت تطلع من غرفتها عشان تقول لي اصبحتي كيف حتى ،قال ليها انا طالع الشغل وي ريت لما ارجع م تفتحي الموضوع دة ولا انتي اساسا قولتي ماشه صح؟ارح اوصلكك،قالت ليهو دة كلامكك؟قال ليها م عندي غيرو ،طلع من الغرفه لقاني واقفهه،اتجمد في محلو بقى واقف وبعاين لي،قال لي بصوت متردد"صباح الخير،امو جات طالعه عاينت لي بغيظ وصره وش،قولته ليها صباح الخيير ي خالتوو،قالت لي اهلااا،قولته ليها اممم انا اسفهه على موقف اول امس م كنت عارفه انو انتي في البيت،طبعا بتكلم وماسكه صوابع يدي مع بعض حاسه نفسي مجبورة بعتزر لأنو م من الزووق م اعتزر ليهاا،قالت لي وم عارفه انو قروش التصليح دي بلقوها واقعه في الارض برضو؟مهيد بعد نساافهه من نظراتو لي قال ليها امي خلاص الموضوع انتهى،قالت لي اي كانت المشكله بينك وبين راجلك م تتصرفي كدة،قولته ليها حااضر، قالت لي انا ماشه اها فتك بعافيهه،قولته ليها الله يعافيكك،بعد م طلعو جات فاطمه بت جيرانا سلمت علي وقعدت إتظارفت معي كدااا اثناء م بنتونس قالت لي الفترة دي لقيت لي شغل في عيادة ،قولته ليها يااخي؟طيب ظريف،قالت لي لو عندك اااي مشاكل نفسيهه او زوجيهه تعالي على طول م تخافي م بشيل منك قروش كتيرهه ههههههههههه8ه قولته ليها حااضر😂😂😂😂👊💔بعد اسبوع في يوم جمعه اتفاجأ بي ام مهيد جات عندنا البيت،وقالت لسميرة جيبي لي شنطتي برهه،رحبته بيها طبعا كالعادة سلمت علي بطرف صوابعها وقعدت ،جبته ليها مويه وخليت سميرة تجهز العصير بعدها فضلنا قاعدين والجو مكهرب شديد بينا،سميرة قالت ليها ماما جيتي هنا بالمرة؟قالت ليها ااااي جيت اقعد في بيت ولدي م مرحب بي ولا شنوو؟انا سكتهه،قالت لي م سمعنا صوتكك ي شهد،قولته ليها لالا حبابكك والله،قالت لسميرة شنطي دخليهم لي الغرفهه ديكك واشرت على الغرفه الانا قاعدة فيهااا،بقيت اعاين لصباعها واعاين على غرفتي،سميرة قالت ليها لكن دي غرفه ماما دي ،ام مهيد قالت لي اجيي كيفن يعني ؟سكتته،بعدها قالت ليها خلاص دخليها لي اي غرفهه،قالت ليها كويس،قعدنا لغايه م مهيد جا هو زاتو إتفاجأ بيها قاعدة سلم وطلع قال ليها ماشي النادي،قالت ليهو م بتاكل؟قالت لي جهزي لراجلك اكلو،مهيد قال ليها لالا م داير طالع على طول هنا لانو امجد منتظرني اودي ليهو عربيتو،قالت ليهو عااد ي ولدي كان حقكك إتكسر قدام عيونك وسكتهه كيف م تشيل حق الناس ،انا على طول قولته ليها تصبحي على خييير ودخلته غرفتي وقفلتها علي،عدت فترهه بتاعه شهر وهي قاعدة معانا وانا اساسا وجودي وعدمو في البيت وااحد م شغاله بزول وهي بتنظر وبتتكلم فاارغ بس انا م مركزة معاها حتى كنت مشغوله بتجهيز نفسي لإمتحانات البدائل جاتني هديل وفهمتني الحاصل،كنت في اليوم بسمع الف كلمه فارغه منها مطاعنه وكلام فارغ كتيير بس بطنش ،في يوم مهيد جا داخل لي الغرفه قال لي ممكن اتكلم معاك شويه؟قولته ليهو اولا دي م زريبه بتدخل فيها ع كيفكك،تاني شي ماف شي انا وانت مفروض نتكلم فيهو انا هنا عايشه بطريقتي وانتي نفس الشي وي ريت م تعتبرني عايشه معاك اصلا وولا تعتبرني مرتك ولا في عصمتكك اصلا والقسيمه الفي يدك دي بلها وإشرب مويتها فترة مؤقته واطلق منكك وكل زول يمشي في حال سبيلو اظن كدة كل شي إتوضح عندكك ودة الشي الإنت عايز تسمعو مني صح؟اقفل وراك الباب ماشي؟فتح الباب لقى امو واقفه هي زاتها إتخلعت،قال ليها في شنووو؟قالت ليهو جيت اشوف شهد لو عايزة شاي تساهر بيهو للقرايه او كدة،طلع وقفل الباب،هنا انا شبه إرتحت لما سمعتو الكلام دهه،بس برضو لسهه جوااي حقد فظيع تجاهو،اول يوم لإمتحانات البدائل،طلعته الصباح لقيت فاطمه قدام الباب كانت راكبه امجاد،سلمته عليها قالت لي على وين؟قولته ليها ماشه الجامعه،قالت لي طيب تعالي اركبي بنقدمكك ،ركبته بقينا نتونس مع بعض فجأهه فاطمه قالت لبتاع الأمجاد ايوهه اقيف لي هناا بس،نزلت قولته ليها شغاله هنااا؟قالت عيادتي هنا في العماره دي الطابق التالت على طول ههههههه،ي حبيب وصل الزوله دي لغايه الجامعه تمام؟ظفعت ليهو القروش بالرغم من اني قولته ليها م تدفعي،إتحركته مشيت وصلته الجامعه لقيت كم نفر ممتحنين معي،واحد من اولاد الدفعه قال لي سلمتي الأورنيك بتاعكك متين انتي؟قولته ليهو اورنيكك؟قال لي وحتمتحني بدائل كيف إذا م كان عندك أورنيك مرضي؟ ي زولهه انتي طاشهه؟،إتصلته على هدييل قولته ليها هديييييييييل انا م عملته اي إجراءات لإمتحانات البدائل،ي دووب إتفاجاتهه بي إنو في أورنيكك مفروض اسلمو و...قالت لي الله ينعلكك خلعتيني وصحيتيني من نومي،قولته ليها انا بقول ليك في شنو وانتي بتقولي في شنووو،قالت لي ي بت الإجراءات دي عملناها ليك قبل فتره انا وملك لأنو انتي حضرهه سيادتكك نايمهه في العسسل ومهييد الله يكرمو شايل هم قرايتكك احيييييهه منو بس كان شوفتي وصلنا السنتر وعمل معانا الإجراءات هو بزات نفسو،سكتته مساافهه م بين مصدقه وم مصدقهه قولته ليهو والاورنيكك جبتوهو من وين؟قالت لي م عارفه نحن إتلاقينا معاهو قدام الجامعه هو جابو ليناااااا،قولته ليها طيب انا داخله الإمتحان،قالت لي موفقهه ي مزعجهه😪👊💔قولته ليها يلاا،عدت فتره الإمتحانات ،في يوم حسيت بنفسي زهجانه لبسته بس وطلعته م عارفه نفسي وين المهم طلعتهه وركبته م حسيت بنفسي الا وانا وبقول لبتاع الامجاد اقيف لي هناا،وقفتو قدام عمارة العيادة حقت فاطمهه،كنت مترددهه امشي او لا فضلته مساافهه واقفهه قدام العيادهه،دخلتهه وصلته الطابق التالت لقيت لافته بي برهه كاتبين عليها عيادة الأمراض النفسيهه،إترددتهه م بين امشي ادق الباب او لا،نزلته وانا نازله أشوف ليك فاطمه داخله إتلاقينا في السلم بس،قالت لي بإستغراب شهههد،من الخلعه م عرفته ارد ليها بشنوو،قولته ليها ا،ا،اهليين،قالت لي كيفكك،قولته ليها الحمدلله تمام،قالت لي دي زيارة ولا مفاجأهه؟ضحكتهه وانا متوتره قولته ليها إعتبريها مفاجاهه هههههه،قالت لي طيب إتفضلي ،نزلته وصلنا عيادتها دخلنا ،قالت لي طبعا فاضيهه ي شهد بس بجي بالبركهه بس ههههه،قولته ليها موقعها ظريف ،قالت لي بس ماف مرضى ياااخ،ادتني مويه قالت لي كويس انك جيتي ياخ كنت شايله هم الحياكل معي البيتزا دي كلها منوو،قولته ليها والله ان،قاطعتني قالت لي من غيير نقاش تاكلي يعني تااكلي وبسسسسس،قعدته اكلته معاها بعد م خلصنا بدينا نتونس فجاهه قالت لي شهد انتي علاقتكك مع مهييد كيف؟اخدته نفس عميق وبعدها رديت ليها بإبتسامه وقولته ليها ظريفهه،قالت لي متأكدة ي شهد؟قولته ليها ايوهه ههه،قالت لي بس لييه انا حاسه عكس كدة ؟سكتته،قالت لي نفسكك تحكي؟على فكرهه انا هنا بسمع بس م عندي مشكله وم تفتكري انو الدكتور النفسي للمجانين بس دة فهم سائد عندنا هنا في السودان بس كل زول فينا مفروض يكون عندو طبيب نفسي خاص بيهو لانو ضغوطات الحياة وتراكماتها بتطلب كدة،لو حابهه انا هنا علشان اسمعكك على فكرهه،فجأهه من غير م احس دموعي بقت جاريهه،فضلت سااكته وبتعاين لي،قولته ليها انا م حاسه انو دي حياة المفروض الواحد يعيشها ،عارفه ي فاطمه انا احيانا بفكر انتحر وحاولت 😭قالت لي لييه ي شهد كدة احكي لي في شنووو،بديت احكي ليها تفاصيل عن حياتي زماان من لما كنت صغيره ،لغااايهه م وصلته النقطهه بتاعه تعارفي بي مهييد بقيت ابكي زيااادة،قالت لي م قادرة تكملي؟قولته ليها ايوة،قالت لي طيب ي زوله م تكملي إرتاحي نكمل في اي وقت تاني،قولته ليها طيب بس انا بالليل م قاعدة اقدر انوم بلاقي صعوبهه ممكن تكتبي لي اي دواء يساعدني انوم ويخفف علي التوتر؟قالت لي طيب تمام ي زولهه ،نزلنا مع بعض دخلت الصيدليه جابت لي ادويهه وطلعنا البيت،لما وصلتهه لقيت مهيد طالع من البيت،لما شافني وقف،قال لي بخلعهه مشيتي وين انتي؟عاينته ليهو وم رديت،دخلته البيت لقيت امو بتتكلم وبتقول ابداا دي م حاله دي ابدااا،دة عدم مسؤليه وفراغ وهيافه بتاعه بنات بس م اكتر،قولته ليها مساء الخييير،عاينت لي قالت لي مشيتي وين انتي بتطلعي وم بتكلمي زول لييييهه من البيت؟قولته ليها انتي كنتي ماف ،قالت لي وم بتستأذني من راجلكك؟سكتته،بعد شهر من الكلام دهه في يوم جمعه هي طلعت ومهيد كان مافي ، جوني عمات مهيد ،وعلى هوى انهم ظريفات وكدة بس المره دي كانت تصرفاتهم غريبه حتى اسإلتهم لي كانت غريبه،يعني مثلا انتي ومهيد كيفكم وعلاقتكم كيف،م فيها اي مشاكل و...انا طبعا مستغربهه بس برد وبقول ليهم نحن كويسين والله،لغااايهه م واحدة من عماتو اسمها ملهمه قالت ليهم هي م تدخلن ليها بجاي وتمرقن بجاي قولن ليها الجاين تقولو ليها عديل شنو الإساله بتاعتكن دي مش قولته ليكم حتكون م عارفه شي،سكته مسافهه بعدها قولته ليهم خيير،إسلام قالت لي والله ي شهد سمعنا تحت تحت مهيد دة قالو امو خطبت ليهو ،عاينته ليها بإستغراب قولته ليها خطبت ليهو؟قالت لي اااي لمن ودو قوله الخيير حقتو داسين الموضوع لكن نحن سمعنا غاايتو،اثناء م هم بتكلمو فجاهه سمعنا صوت بقول"الجاب ليكم الكلام دة مالو م عزمكم؟إتلفتنا كلنا لقيناها ام مهيييد،سكتتو كلهم،قالت ليهم الولد عرس بالطريقهه الهو دايرها ومن غير رضااي وخليتكم تعملو الدايرنو في عرسو،اسي جا دوري انا دايرة اعرس لولدي بطريقتي انتو المره دي خليكم بعيييد انا جايبه ليهو عرووس إسم وجسم ي يمهه بت العشى مربياها انا دي بي يدي عاااد صغيرهه وجاهلهه يربيها على يدو ويطلعها زي م هو عاايز،إسلام قالت ليها على الاقل خافي الله في البت المسكينه دي ،خافي الفضيحهه يقولو الولد امو خربت ليهو بيتو وهو لسه عريس م تم كم شهر مشت خطبت ليهو؟قالت ليها اسمعي هنا ي إسلام انتي بالزات م تفتحي خشمك انا الدنيا دي كلها كانت عارفه اني رافضهه عرستو دي بس وافقتهه عشان هو أصر ،واسي انا مصرهه وبسس،قالت ليها ياهو حالكك عااد تخربي لنفسكك ولولدكك معقولهه بس،وبقو يتناقشو وصوتهم بقى عالي،والخطبه شغاله فجأهه مهيد جا دااخل لقاهم من الباب بتناقشو،قال ليهم سلام عليكم ي جماعه خييير إن شاءالله في شنووو؟فجأهه بقيت اتبسم وقافله خشمي بي يدي وهو بعاين لي،قال ليهم في شنوو؟امو قالت ليهو جايات يتساوطن مع مرتك ويقولن ليها انو انا خطبته ليكك لكن كويس انو كلموها عشان في الحالتين حتعرف هي،بقى يعاين ليها بي صدمهه،قال ليها امي انا مش قولته ليك الموضوع دة يتقفل ؟قالت ليهو اسمع هناا انت عرسته وعملته الدايرو وانا م سألتك بس م تنسى لما وافقته قولته لي شنو،قولته لي وافقي وانا بعمل ليك اي شي دايراهو مني صح؟يلا اسي انا دايراك تعرس بت خالتكك ي إما ترجع لي اي قطرهه لبن انا رضعتكك ليها كان صحي كدة شايفني امكك وقدام عماتكك ديل انا بقول ليك الكلام دهه ،فضل ساكت وبعاين ليها وعماتو بنفس النظرهه،عاين لي وانا بضحكك ومبسوطهه بالدراما الحاصله دي م عارفه السبب المخليني اضحكك شنو بس بقيت اضحكك وم هاميني شي،قولته ليهو مهيد كل شي بتقد تعوضو في الحياة دي إلا رضى امكك فإذا كان زواجكك برضيها وببرد قلبها يبقى حبابو العرس نبدأ نجهز نفسنا ع طووول،بعد لحظهه بتاعه صمت قال لي انتي شايفهه كدهه؟قولته ليهو اكيييييد😍قال ليها إذن جدااااا ي أمي البتختاريها إنتي انا باقي عليهاااا...😊🌸💕
يتبع.....
