،كمل كلامو ب "عمر خطط،رزان راقبت،امجد كان حينفز"دة كل السناريو بالمختصر كدهه،طبعا في اللحظهه دي كان في حالهه من الذهول والصدمهه وانا مقلعه عيوني وبعاين لي مهيد ،قولته ليهو بصوت متمتم،ك كيف كيف يعني م فهمتهه؟طبعا الباقين مقلعين عيونهم تقول صبت فيهم مطرهه واحد منهم قادر يتحرك ماف،قال لي زي م سمعتي ي شهد،اخو مرتي العزيزة عمر م إكتفى بي إنو إتسبب في دخولي السجن هو وخيلاني واخدته سبعه سنه على جريمه أنا م عملتها إطلاقا،وحتى بعد م إتزوجتهه أختو م اكتفى بكدة،فكان بخطط وبفتش لأي فرصه يقرفني بيها حياااتي،صح ي عمر؟عمر قال ليهو ي زول دة شنو الإنت بتقول فيهو دة إنت مجنون ولا شنووو؟قال ليهو خليك هااادي واحدة واحدة اصلا القعدة دي اليوم انا عملتها عشان نصفي بيها حساباتنا،رزان،
لما قال إسمها رزان نطت مخلوعه،قال ليها انا قصرته منك في حاجه؟سكتت،واجباتي تجاهك م قايم بيها؟طيب حصل طلبتي حاجه وانا رفضتههاا؟بالرغم من عدم رغبتي بيك انا إتقبلتكك عشان م اظلمك معي ابداا،إتلفت وعاين لي امجد مساااافهه وقال ليهو وإنت ي صحبي الوحيد،وبقى يعاين ليهو وهو محتار وخاتي يدو في خدو،قال ليهو والله ي امجد إنت بالزات انا م قادر احسب ليك مواقفنا مع بعض،عشرتنا الليها سنين حتى السجن م هداها بتهدها مرهه ؟امجد بي صوت مبحوح قال ليهم إحم مهيد،مهيد قال ليهو خليني احكي لي ديل الحاصل عشان يعيشو معانا جو القصه وم يفضلو طاشين كدة،
طبعا ي امي قبل فتره عرفته إنو في زول بهدد شههد بحجات هايفه م ليها اساس من الواقع وماف زول بقدر يثبتها حتى اللي عامل فيها ضابط في الشرطه دة ،لما شهد حكت لي تفاصيل القصه من اولها إنتي كنتي في المستشفى وبالصدفه "ضرب فتحي في كتفو وكمل ب"إكتشفته إنو في اليوم الإنتي وقعتي فيهو شهد كانت طالعه مشوار ولقت فتحي موقف امجادو بره البيت ،طبعا فتحي دة عمرو العامر م حصل عرف شارع بيتي بي وين ولا حتى بالغلط وإستحاله تكون صدفه،وبالصدفه شافتو وهو عايز يوصل رزان مرتي وروابي فهي إفتكرت إنو انا اللي بهددها بكدهه وعارفه الحصل اليوم داك بالظبط ي امي في المستشفى صح؟هههه،وسبحان الله في اليوم داك زاتو امجد كان جاي وقال عربيتو وطلبته اوصلو قال لي لأ جاي بي عربيه قديمه مخزنه عندي،"لغاايه اللحظه دي م شكيت فيهو ابداا إنت بالنسبه لي حاجه م بقبل فيها باي منطق كان ،تخيل انا شكيت في منو؟شكيت في امي بي حكم إنها بتكره شهد وبتحب رزان بت اختها وكدة قولته يمكن عايزة تشوه نظرتي في شهد وكدة،الشك دة كان في بالي لغاايه م وقفته في شباك غرفه امي وعاينته ليك تحت وإنت راكب امجاد وسبحان الله اي بالفعل للحظه شكيت بس تاني نعلته الشيطان قولته ي مهيد ياخ معقوله اخر عمرك تشك في امجد كمان ،بس عارف السبب الخلاني ايقن تماما إنو إنت العملته كدة شنو؟إنو انا شلته رجولي ومشيت لي فتحي م اكذب عليك في البدايه إرتبكك ومثل غبي وإجتهد عشان م يقول الحقيقه بس في النهايهه شنو هو زولي قبل يكون زولك،المعرفه م بطول السنين ياخ انا من عرفتو م تميت سنه بس الوقت الإنت كنت بتديه إيراد يوم كامل 300جنيه ،انا كنت بديه على كل مشوار بمشيهو معاهو 150جنيه صراحه هو م عندو ذنب كل العملو إنو إنت قولته ليهو سوق الامجاد حقتي دي واقيف بيها قدام بيت مهيد اول م تطلع منو مرهه زي الساعه 3بالظبط بالتقريب وتشوفك وتقول ليك مشوار ركبها وجيبها لي ومهمتو كانت بتنتهي هنااا،وبرضو في نص دهه كلوو م كنت مقتنع تماما م إنت صحبي وخوتي النضيفهه صعبه علي اصدق الحاجه دي وعشان اتأكد من الحاجه دي مشيت ليك في بيتك متزكر؟وبيتهه معاك يوم كاامل دة كلوو عشان اتأكد، إنت كنت متطمن للدرجه اللي م حاولته تدس بيها التلفون الكنت بتتصل بيهو وبتهدد بيهو شهد،عرفته كيف إنو تلفونك؟رقمك كان في تلفون شهد وتلفون شهد عندي لما نزلته البقاله جربته أتصل على الرقم وبالفعل زي م كنت متوقع دخل ،شلته تلفونك وحزفته المكالمه ورجعته ليك تلفونك محلو،اما بالنسبه لعمر ي امي عمر دااير يترقى في شغلو لي رتبه اعلى هههه،وعشان يترقى إضافه لتسجيل الفيديو الشبه مفبرك وهو مصدق نفسو بيهو دة عايز يثبت إنو فعليا اسره شهد دي بنطبق عليها الكلام دة وعلشان يثبت الحاجه دي كان لازم يضيف فيديو جديد بنفس تفاصيل الفيديو العندو لزول من نفس الأسره وإختار شهد على اساس إنو يتصور ليها فيديو كاامل بي وضعيه مخله مع إحترامي ليك ي امي مع احمد والكلام دة كان حيحصل وين بالظبط؟في شقهه مشبوهه في الرياض بالتحديد شارع المشتل تحبو اوصف اكتر؟عمر هدفو كان واحد بس كان حيضرب عصفورين بحجر واحد الاول إنو حيداهم الشقه ويقبض على شهد وشويه نسوان شغالين في الشغله دي ويدخلهم السجن ويفتح تحقيق ويتشفتن نظام هو الضابط المثابر الحيفوت كونن في الذكاء ويربط الفيديو القديم العندو بشهد وتواجدها في المكان دة وبالتالي حيطلعها هي واسرتها إنهم شبكهه وإنو الشغل دة شغلهم وانهم هم المروجين للنوع دة من البيوت دي وامجد م كان حيظهر في الفيديو ده ابدا لانو وشو وحيطلع منها زي الشعرهه من العجينه وبما إنو حيطلع منها شهد م كانت حتقدر تفتح خشمها وتقول إنو امجد هو الكان معاها في الفيديو الإتصور ليها دة لأنو صحبي انااا ولا حتقدر تثبت حاجه تبرر ليها موقفها ،وم كان حيكون عندها اااي خيار غير إنها تنفذ كل حاجه بطلبها امجد وإلا حينفزو تهديداتهم ليها ،يعني في كل الأحوال هم لاعبين اللعبه صح وشهد كانت حتكون الخسرانه في الحالتين وحتى الشقهه متخيله معاي كانت في العقد مكتوبه بإسم امك ي شهد ههههههههه،طبعا بتاع العقار هو الفاجأني بالمعلومه دي م عارف حصل كدة كيف بس طبعا السلطه بتلعب دورها وعمر ماشاءالله عليه هو قدر يلفق علي تهمهه و يسجني7سنين متتاليه م بغلبو يفتح شقهه على شكل جمبهه بإسم اي زول عايزو خطهه زي دي م بحبكها إلا زول خبرهه صراحهه،وفي النهايه هو الكسبان من ناحيه الترقيه حيترقى،ومن ناحيه تانيه صورتك حتتشوه في نظري واكيد انا كراجل م برضى حاجه زي دي وحاطلقكك وهنا المكسب حيكون لي أختو اللي هي منو؟إتلفت وعاين لي رزان وقال ليها م غيركك صحح؟☺رزان دموعها جاريه عشره عشره قالت ليهو مهيييد انا و..،عمر قال ليها خليك ساااكته بكى شنو البتبكيهو من كلام فاارغ زي دة ،دة واااحد مجنون وعقلو الباطن بصور ليهو حجات م ليها اااي اساس من المواااااقع إنت ي ود الناس عندك إنفصام في الشخصيه حااول عالج نفسكك تمام،مهيد ضحك ضحكه خفيفه وقال ليهو جدااا،ححاول اعالج نفسي بس تصدق ي عمر ال7سنوات الأنا إتسجنتهم ديل ابدا م عدو علي من فراغ،يعني انا قابلته كل انواع المجارمه وعاشرتهم وعرفته كيف بخططو وقابلته المظلومين وعرفته كيف إتخدعو وإتغشو و...يعني طلعته بخبره تكفيني إنو انا م أقتنع بكل حاجه اشوفها قدامي عشان يمكن تكون دي م حقيقتهاا وإنو عندها جانب تاااني،انا لما قبلته بالظلم عارف قبلته بيهو لييه؟عشان خاطر حبوبه م كانت حترتاح لو م شافتني مسجون،وإنت وابوك وباقي خيلانك م كنتو حترتاحو لو م شلتو الخلاهو لي ابوي الله يرحمو لكن سبحان الله م إتقدمتو بيهو ولا خطوة بالعكس الجاهو سكري جاهو،والعمارتو وقعت وقعت،والشغلو معكس واليوم واليوم التاني مصادرين منو بضاعه مصادرنهاو....شايف حكمه ربنا بتظهر وين؟في الحجات الفوق دي هههه م هو ي عمر انا مقتنع تماما إنو جمله "ربنا يهمل ولا يهمل "دي عندها معنين،المعنى الأول إنو يخليك تغلط وتتمادى في الغلط مره وإتنين وتلاتهه بعدها يجي يعاقبكك ،والمعنى التاني إنو يبتليك ويخليك تتعزب وتتمرمط لغااايه م تياس بعدها يفتح ابوابو في وشكك بس إنت وعملك طبعا ههه،
