قال ليها إذن جدااااا ي أمي البتختاريها إنتي انا باقي عليهاااا،طبعا هو بقى يعاين لي بغييظ بعدها إتحرك دخل غرفتو،وامو مشت مننا خلتناا ،عمتو إسلام قالت لي ي بت هاا انتي مجنونهه؟عرس شنو البتخلي راجلك يعرسو وانت لسهه عروس ليك كم شهر سنه م تميتيهااا عويرهه دي،بقو يتكلمو معاي ويحرشو فيني وانا ولااا على بالي ،اليوم التاني إتلاقيت مع مهيد في الهول هو شبه كان طالع وانا قاعدة بشاهد،اول مرهه م يقول لي السلام عليكم ولا يقول لي صباح الخيير جا مااشي فيني كأنو م بعرفني وانا خالفهه رجلي ومشغلهه اغاااني كمان😂💔بعد اليوم دة امو مشت اهلها،وانا بقيت مواصلهه مع فااطمهه في العيادة حقتها يعني هي بقت قريبه لي ،بمشي بقعد وبفضفض ليها الحاصل معي شنووو بس م حصل حكيت ليها قصهه إلاغتصاب وكدهه بس بحكي ليها حجات هايفهه وهي بتونسني بحس نفسي مرتاحهه وانا معاهااا،بس مشكلتي كلهااا كانت لما اجي اقفل باب الغرفهه علي بالليل واحاول انوم كانت بتجيني تشنجات وحالات بتاعت رعب كدهه غريبه،حتى المهدئات وحبوب المنوم بدل واحدة بقيت اضاعفهااا علشان اقدر انوووم،في يوووم جمعهه ناس امي عملو لي مفاجئهه وجوني في البيت ومهيد جا لقاهم قاعدين،قعد إتونس معاهم كداااا،طبعا هو عندو قصهه غرام مع حاجهه إسمها امي ،بيعرف يمثل قدامها كأنو الملاك الطااهر،بتونس معاها وبضحكها وم بيخلي بالو مع اااي حاجهه تانيه لما يقعد معاها،شويه كدة إذانه ضهر الجمعه الاولى اذنت،امي قالت ليهو امشي إرتاح شويه ي ولدي عشان تطلع الصلاة،قال ليها طيب،قام ماشي امي قالت لي شهد شوفي راجلك عايز شنو وجهزي ليهو الحمام وملابس الصلاة،لما قالت كدة خلت خشمي ملح ملح،قولته ليها امممم جاهزات عندو في الدولاب وبعدين انا عايزة امشي اعمل الزلابيهه خليهو بلبسهم براهو،قالت لي ي بت انتي عويرهه؟قومي امشي اتبعي راجلك وشوفيهو عايز شنو الزلابيه خلي ملك بتعملها ليكك يلااا،قمته على حيلي ،قالت لي شيلي ليهو معاك جك العصير دة جاي تعبان م شرب غير المويهه،شلته العصير وانا ماشه وبتكعوج ،وصلته جنب غرفتو دقيت الباب،م فتح لي،تاني دقيت الباب،برضو م فتح ،دخلتهه لقيتو مافي شكلو في الحمام،مشيت براحهه براحهه ختيت ليهو العصير في الدرج جنب سريرو،عايزة اجي طالعهه هو طلع من الحمام ،اول م شوفتو قولته واااي وختيت يدي في خشمي،كان لابس شورت بس ،وانا اول مرهه اشوفو قدامي بالمنظر دهه،إتلفتهه منو قولته ليهو م بتشووف انت؟قال لي م فهمتكك؟قولته ليهو وانا بتمتم امي قالت لي اجيب ليكك العصيير دهه واسألكك لو عاوز حاجهه تانيهه بس،بس ما تصدق إني جايهه اسألك إذا كنت محتاج حاجه او لا دي امي فاهم ولا لأ،فجأهه حسيت بيد باااردهه بتمسكني وبتلفني بإتجاها ،طبعا بقيت مخلوعهه بعاين فيهو لبس ليهو فنيلهه ولفاني عليهو وانا جسمي كلو جاري مويه من الخوف والتوتر ،قال لي اهدي مالكك متوترة كدة ؟شايفه انا خلاص لبستهه مش دهه الموتركك ههههه،قولته ليهو اتوتر ؟اتوتر من شنووو،ماف ،ماف ،ماف،قال لي شهد هدي ،قولته ليهو امي قالت ليكك عايز حاجهه،قال لي ااي وقرب مني خطوتين ومرر يدو في جبهتو وقال لي عايز بتهاااا،على طوول لزيتو مني وطلعتهه من الغرفهه جري،لما وصلته الهول لمن شلته نفس،وضربات قلبي بقت تتطاقش من التوتر،فجاهه اسمع ليك امي بتقول لي جهزتي لراجلكك ملابسو خلاص؟قولته ليها بخلعهه اي ومشيت دخلته المطبخ لقيت ملك شغاله تقلع في الزلابيهه امي جات قالت لي ملك ي ملك جهزتي صحن مهيد عشان شهد توديهو ليهو،ملك قالت ليها ياهو جاهز ي امي خلي تشيلو،قولته ليها بخلعهه بس ي امي هو طالع الصلاة م حيلحقها،قالت لي بلحق ي دوب الاذان الأول اذن قبل شويه ودي ليهو م تخلي يطلع جعان،قولته ليها امي ياخ انا دايره اتونس معاكم خلاص خلي اليف تجي توديهو ليهو،ملك قالت لي انتي عويره اليف تدخل غرفه نومكم😒👋امي قالت لي شيلي الصحن وديهو يلا بسرعهه،شلته الصحن وانا بنفس الخوفه دي وصلته الغرفهه دقيت الباب برضو م فتح،إتلفتهه ورااي لقيت امي طوالي دخلتهه،لقيتو بلبس في الطاقيهه،قولته ليهو م سامعني بدق في الباب انت؟إتلفت علي وجا على طول ماشي بإتجاهي وانا رجعتهه لي ورا،قال لي م محتاجهه تستأذني عشان تدخلي،قولته ليهو امي قالت ليكك هااك،إتسمم،قال لي عمتي قالت لي إتسمم؟لفيت منو وشي وبقيت اهزز في رجلي،إبتسم إبتسامهه خفيفهه وقرب مني شديد،قولته ليهو ماشي وين انت؟قال لي عايز اشييل مالكك؟قولته ليهو هتشيل من الصحن ولا هتشيل من راسي؟؟قال لي حأشيل من الصحن اما انتي حأشيلكك في عيوني وإبتسم 🙆فتحته خشمي وبقيت اعاين ليهو وانا م قادرهه اتحرك ،شال زلابيهه واكل منها،قولته ليهو نسيت،نسيت السككر،قال لي طالما جبتيها انتي م محتاجهه سككر تاني،أول م قال لي كدهه انا من الرجفهه رميت الصحن بي زلابيتو لمن إتكسر وبقيت واقفهه مجمدهه م عارفهه اعمل شنوو،بعد مسااافهه قولته ليهو دي شنو الحركات البايخهه البتعمل فيها دي اسي شايف الحصل شنوووو؟قال لي اسي انا عملتهه شنوو؟انتي براك المتوترهه،عايزة انزل ألم الصحن،قال لي خليهو ،على طول طلعتهه وخليتو،وبقيت اقول لنفسي والله غرفتو دي تاني كان بقت قبلهه م بقبل عليها علشان قلهه ادبو وتفاهتو البعمل فيها دي معليش إستغل الفرصه علشان ناس امي قاعدين،مشيت المطبخ وانا بتكلم مع نفسي،ملك قالت لي جنيتي؟قولته ليها مالي،المهم اليوم عدة والمساء وصلهم البيت وانا كنت مرهقهه قعدتهه في الكنبهه وشالتني نومهه،وم حسيت بنفسي إلا بريحهه قويهه في مناخري وحاجهه مقربهه مني شديد،فتحته عيوني لقيتو مهيد شايني وعايز يرقدني في السرير،بس صرختهه بأعلى صوتي ،هو زاتو إتخلع ونزلني بسرعهه،ومن غير م أحس لقيت نفسي مدياهو كف طااخ،وبقيت ارجف لمن دموعي جات جاريهه،قولته ليهو انت مجنون،دة شنو البتعمل فيهو دهه ،ودي شنو الحركات الزباله دي،انت كيف بتقرب مني كدهه وداخل غرفتي كمان اطلع برهه،برهه قولته ليكك وبقيت اصرخ وابكي لمن وقعتهه في الأرض،طلع وقفل الباب وراهو وانا فضلته ابكي في غرفتي،احساس الخلعهه والخوف الحسيتهم وانا حسيتو هو شايلني ،في اليوم دهه بالزات بلعتهه اربعهه حبات منووم وبرضو م قدرتهه انوم،عدت فترهه من الموقف دهه وانا نتيجتي طلعت والحمدلله كانت نضيفهه م فيها مشكلهه وانا ومهييد كل زول فينا في حدودو،لا هو بتكلم معي لا انا جايبهه خبرو،لغاايهه م في يوم إتصلت علي عمتو إسلام،قالت لي جايبهه ليكك خبر ماهو كويس،قولته ليها خيييير؟قالت لي الليلهه ودو شيله مهييد،سكتته مساافهه قولته ليها ياااخي؟قالت لي ي بت الناس انتي مجنونه انا بقول ليكك ودو شيلهه راجلكك م شي عاادي،قولته ليها عمتو ياخي الشرع حلل ليهو اربعهه إنشاءالله يتنيه ويتلتهه ويربعهه كمان ههههههههه،قالت لي قولتي كدة؟قولته ليها ايوة،زعلت وقفلت مني ،بعد ساعهه إتصلت علي ملكك،قالت لي شههد،قولته ليها قلبها😍قالت لي صحي السمعناهو دهه؟قولته ليها سمعتو شنووو؟قالت لي مهيد عايز يتزوج،سكتته مساافهه قولته ليها القال ليكم منوووو؟قالت لي يعني الخبر دهه صح؟قولته ليها ااي،قالت لي وااااااي انتي م جااادهه،عايز يتزوج كيف يعني ،في شنو والحاصل شنوو ي شهد وليه م كلمتينااااااا،قولته ليها اكلمكم اقول ليكم شنو مثلا؟زوول وامو عايزة تعرس ليهو اها يعني اعمل ليهو شنوو؟قالت لي كيف يعني امو عايزة تعرس ليهو؟شوف المرهه التييييييييت دي،ليييهه مالها معاك ي شهد،قولته ليها امي عرفت؟قالت لي امي قاعد معاها مهيد اسي،قولته ليها مهيييد معاااكم؟قالت لي دقيقهه بعد يطلع برجع ليك عايزة اسمع بقول في شنووو...
