حبيبة القاضي

بارت ١

قاضي الغرام
للكاتبه # سارقة الورد

.....البارت ......١

اني طيبه من مواليد ٩٠
بنت بغداد من منطقه العطيفيه
شكلي متوسط حنطيه
عيون اوساع سود
شعر متوسط طوله اسود
اعشق الون الاحمر
.احب الاغاني والشعر والرقص
يعني ابنيه دلوعه بس كدام اهلي فقط بالشارع اختلف .
اني كنت صف ثالث متوسط ماحب الدراسه ابد والثالث مرتين عدته
واحتمال اعيده مره ثالثه جنت احب التنظيف الخياطه امور البيت
.كنت اداوم ع عمات عيني ماما تغصبني عالدوام اول مرحله بالثالث
جنت طالعه من الدوام اريد ارجع للبيت امشي اني وصديقاتي اثنين خوات توم حنان وجنان
طبعا هنه كيكات شنو بياض شنو شكل ايه من الجمال وحدتهن
اني يمهم كشر
.واحنه طالعين من المدرسه اتفقنه انمر ع محل عمو ابو نبيل نشتري موطه ونرجع للبيت
.مشينه هوه يبعد عن المدرسه مسافه حوالي مشي ربع ساعه
تمشينه اني وحنان وجنان
.طبعا مكتلكم ابكل حله من المدرسه امام المحلات نلكه شله مال شباب هواي
هذا اليعاكس وهذا المتواعد وهكذا
.انتبهت ع شباب اكللكم هذوله الاثنين جاي يمشون ورانه
من طلعنه لحد هسه
.اني بدون قصد التفتت شفت واحد لابس كله اسود وشماخ لافه لفه خليجيه
وشكله مجان حيل امبين
.لج لتلتفتين عليهم هسه عبالهم احنه حابين مشيتهم ورانه
.هاي شبيج جنان يمعوده قابل احنه اشرنه الهم
همه يمشون شعلينه بيهم
واصلا منو يكول ورانه جاي يمشون اي ولج قابل وره امي جاي يمشي
لسوين نفسج غبيه عفيه طيبه
.انجبي يله طلعن فلوسجن خل نشتري ونروح
.اشترينه موطه وطلعنه للشارع العام ننتظر كيه توصلنه للبيت
.احنه ما مشاركين ابخط خاص لان منحب نتقيد بالخطوط
كنه نروح ونرجع بالكيات لان اتمر من امام بيوتنه كملنه الموطه وكفنه شويه وجتي كيه
وهمه ورانه بس بمسافه بعيده عنه
.اكولج هذوله ليش ورانه بعدهم
.واني شمعرفني اكيد جايين وراكم لان انتن اجنن بيضات وحلوات وحدتكم معمل جكليت
خوما جاي عليه اني الجكمه العبده فسي
.دسكتي متعرفين تحجين
.لا علينه ولا عليج ولد يردون يرجعون البيتهم وطريقهم من طريقنه
اي حنان عفيه عليج اتعرفين اسفطين كذب
.جتي الكيه صعدنه وكعدنه بأخر الكراسي
لا قبل الاخير جلسنه اني وحنان اثنينهن سوه
وجنان بالكرسي الوحيد يم الجامه
.حركت الكيه شويه ورجعت وكفت صعدو اثنينهم كعدو ورانه
طيبه . ماشفت اله ورقه وكعت ع جنتي وسمعته يحجي الصديقه عود ساعه ٤ العصر اتصل بيه
مو تنسه مشينه خطوتين بالسياره ونزلوا اشرتلي جنان شايله ورقه صغيره اني اضحكت بس ما كتلها اني هم ضميتها وسكتت
.وصلنه نزلنه ولج جنان هاي شنو الورقه
.اسكتي طيبه الولد جان كاتل نفسه عليه طلع .

ههههه مو كتلكم همه عليكم بس ما صدكتوني منطوج رقم لا اني شنو
جنان . انطاني رقم يله افتحي الورقه خل نقره اسمه

.فتحت جنان الورقه طلع اسم الولد سيف والثاني معرفنه شنو اسمه بس ياترا منو سيف بيهم الابس اسود او السمين
.يله عيني اني افوت باجر نلتقي فتت للبيت
.هلو ماما
الام . اشو تاخرتي ليش
.ماعرف هي الكيه اتاخرت بالجيه شمسويه غده

.فاصوليا وتمن اهووو هم فاصوليا مو اكلج ماحبها

.لج اكلي وحمدي ربج غير عالم ملاكيتها
طيبه .حامدي يمه حامدي بس اسكتي فدوه رحتلج لان هذا كلامج دوم اسمعه
طبعا احنه عائلتنه تتكون من بنات اثنين او ولد اثنين وجاين بين طفل وطفل
اخويه اكبر مني مواليد ٨٨ اسمه علي
واني
واخويه اصغرمني اسمه عمر مواليد ٩٤
واختي اسمها مروه مواليد ٢٠٠٠.
وبابا وماما وحالتنه الماديه زينه بابا استاذ جامعي وماما مخلصه اداره واقتصاد
بس تركت الوظيفه ابسبب الاطفال والتربيه والمسؤليه
اخواني كلهم شطار بس اني لا طالعه ع عمتي كسلانه دبل
.ماما عفيه صبي ابين ما اغسل
.غسلت وبدلت ولتمينه كلنه عالغده
ماعده بابا لان يتأخر بالدوم يرجع ساعه ٣ الظهر اكلنه والحمدلله
شغلي البيت كله عليه وماما
بس عليها الطبخ
لان خطيه اديها تعبانه متتحمل تشتغل بيها هواي اموت عالشغل اشتغل واني اسمع اغاني واركص يعني مسويه العمل بالبيت وسيله تسليه ومرح الي وعود من يجي الليل شويه الزم اول كتاب ونعس ونام
وترك الكتب بالكاع والصبح احظر الجدول وطلع لدوام
.كملت كل شغلي والتنظيف ورحت ع غرفتي كعدت ع جربايتي
جريت الجنطه اريد اقره عود اسم الله سحبت الكتاب وطلعت الورقه وياه
.نسيت هاي شنو الورقه شمرتها بالسطله وبديت اقره احياء لان عندي باجر امتحان بي طبعا الكتب ماكللكم شنو الكه بيها هواي بنات عالكتب ترسم وتكتب شعر واااهات عاشقه حتى ارقام الكه مكتوبه

.فتحت الصفحه وبديت اقره كملت تقريبا اربع صفحات وكلبت عالخامسه وشفت رقم مكتوب بالصفه مال موبايل وتذكرت الولد اليوم شمرلي رقمه

دورت بالجنطه كله ماكو فلشتها تفليش ماكو
عبالك فص ملح وذاب
.عصرت دماغي علمود اذكر وين خليته وهم ماكو

.ارجعت اقره وبنص الصفحه اذكرت الورقه الشمرتها بالمهملات
اركضت عليها طلعتها افتحت الورقه رقم موبايله واسمه كان جدا غريب عليه مسامعه مثله قبل

اسمه كان ساري اتوهمت كلت خاف سالي مو ساري وهم ماعرفت ياهو هوه