حبيبة القاضي

بارت٥

  ا بالسوك ومن يصير عنده سيوله ينطيني
واني ظليت عايشه ع هل امل وما انتهت مشاكلي مع مرت اخويه

مرت الشهور بابا تمرض وحالته ساءت حيل والسكر ظل مرتفع
وبليل جنه نايمين وسمعنه عيطه ماما طلعنه نتراكض اني ومروه وعلي
ها خير ماما شكو
ولك علي ابوك ما يتحرك
اخذنا للمستشفى ...واني دكيت ع عمر ..حجيتله
وكال راح اجيكم هسه
من وصلنه للمستشفى فحصه الدكتور وكال
ابوكم صارله ساعتين من ميت
نصدمنه امي غمه عليها
اني ومروه بس نعيط
وصل عمر شافنه نلطم ...انجن جنونه
اخذنا بابا وطلعنه
بقت مروه يم امي بالمستشفى
رحت اني ويه اخوتي للبيت نزلنه بابا صارت ساعه ٨ الصبح
راح عمر جاب ماما ومروه
او ودعنه بابا وخذوا لنجف يدفنوه
ما احجيلكم من تفقدون عزيز
تحسون البيت كله يوكع ع روسكم
دمار صار ابنفسيتنه
الكل منهار والبجي ما ينحمل
اووووف من ضيم الضيم
ومر ع وفاه بابا ٦شهور
وزاده علينه المصاريف والحمل زاد ع اخويه
وعلياء متقصر لان علي يصرف عالبيت
والمشكله الاكبر امي مساندته
لان متريد تخصر اخويه لان هوه المعيل صار اله حتى اذا كانت علياء غلط امي اتكول علياء صح
واني الغلط
.وبقيت متحمله وصابره الخاطر جهالي وقنع حالي اكول ابني يكبر ويطلعني ابيت وحدي
.وبين فتره وفتره اسمع عبدالرحمن دازلي جماعه بلكي يردني اله
.اني اعرف هوه يحبني هواي المشكله مو بي .بيه اني
.اني مكدرت اتقبله وكل ما افكر شلون جنت عايشه وياه ارفض اكثر لان الحياه الزوجيه مو بس احترمك وما اقصر وياك الحياة الزوجيه حب وئام وتفاهم

مروه بعد مرور سنه ع وفاه بابا ازوجت وسافرت مع اعيالها التركيا

..ومرت الايام والشهور واني ع حالي ماكو تغير زادت نفسيتي تعقيد صرت ما اتحمل احد

نفسيتي تعبت لدرجه حتى اطفالي بدو يعانون مني

.وبعد فتره بديت احس ع شمس تصرفات مو طبيعي حركات متنفهم متحجي بس اطلع صوت يدوخ
.حجيلت الماما ع حاله شمس وقررنه ناخذها لدكتور باطنيه
.وبعدها حولني ع دكتور اعصاب ودماغ
.اني اتخبلت شنو يعني اعصاب ودماغ
.اخذتها لدكتور طلب مني تحاليل واشعه ومفراس متصورون شنو هل شعور الجاي يأذيني
.الدكتور بنتج تعرفين شنو حالتها
طيبه ...لا
بيها مرض التوحد
.عزه ابعيني الطمت ع وجهي شنو دكتور مرض التوحد
.هذا مرض يعزل الطفل عن العالم كله
يعمي يعيش النفسه وبس وما يشعر بأحد
.زين اله علاج
اله اكيد بس التحسن يتاخر هواي .