حبيبة القاضي

بارت ١٢

البارت ...٧

حسيت صدك بنته وهي فرحانه بي وبس تكول ابا ..ابا موقف صدك بجاني
.شمس حركت بيه مشاعر جنت دافنته من زمان ابكلبي
خلتني اعيد التفكير ابحياتي وبحياتها رجعوا الاطفال طلبوا اكل لان جاعوا طلبنه لفات ع مقرمش هواي اكلات
.اني اكل وعيون عماد ما شالها من عيني .
وعيني ما نشالت من عيون حور احسها تراقب خطواتي .
ياربي ليش هاي البنيه متحبني شنو سويت الها
كملنه شفت الساعه ٨..٣٠ حنان هم ياله نرجع لان الوكت ليل وتعرفين علي ولغوته الزايده يظل عاد يتحجج عليه كمنه
.عماد هاوين والله لازم نرجع اي اوك اني اوصلكم لا شكرا جينه ابسياره حنان

وسمعت عياط مرتضى عمه عمه

ابن اخويه الجبير مرتضى تعاركه ويه طفل بالمول وشاك شفته والدمايه تجري من حلك الولد وتعال اسمع العياط مال مرتضى فضحنه فضح لان ام الولد لازم مرتضى وتكله وين اهلك
وصل يمي وكال هاي عمتي ...عزه المره اكلتني بكشوري
عياطها يجيب التايه ..لمت الناس علينه
الغريبه ..انتي خاتون شوفي ابنج اسوه ببني وانتي فرحانه كاعده مسامر
طيبه ..عزيزتي بس اهدي تره مو بالعياط تنحل

الغريبه ..وجع والله وجع والنوب تردين عليه

عماد ...اختي شنو احنه مو ابعينج
الغريبه ..لا مو بعيني شوفوا ابنكم شلون شاك حلك ابني
عماد ...اكلج لا تاكلينه بعياطج ابنج لو فقير جان ابني ما ضربه ف اخذي ابنج وروحي من كبال وجهي

طيبه .لك عماد اسكت عوفها الحالها والله راح ننفضح
الغريبه ...والله لرفع عليكم قضيه اني زوجي ضابط

عماد ....ههههه ضحكتيني باباتي امشي منا لان الجاي تحجين كباله قاضي محكمه
الغريبه ...بسيطه والله ما اسكت
طيبه اخذت الجهال ورحت الحنان فدوه خل نطلع
اي حبي يله ...لان خاف تكبر اكثر
وانتي دشوفين اشو مصدكت الناس صارت عركه الكل طلع موبايله وبده يصور تكولين حفله او مهرجان
طيبه .اي حنان راح اسحب عماد طلعي قبلي وخذي الجهال وياج
طيبه ...عماد امشي تره راح اروح اني وعوفك

.ميخالف طيبه راح اجي بس تره مكملت كلامي وياج
.عود غير وكت
عماد .. لا اريد هسه اكمل باوعت ع حنان كالتلي انتي روحي وياه واني اخذ الجهال وخليكم ماشين ورانه وقبل لا نوصل للمنطقه تنزلين وتصعدين يمي .

عماد كيف بالكلام والاقتراح مال حنان لزم يدي وسحبني يله امشي ولتكولين لا
.هوه لازم يدي وننزل من طوابق المول وبعدها وصلنه الباب الخروج
.اوكفي طيبه ها عماد شبيك
.عجبني هذا الفستان اريد اشتري الج
.مو هسه عفيه غير وكت
.لا هسه لان غير وكت منالكاه .
دخلنه للمحل اشتريته اسود قصير للركبه وردانه شيفون وبي ورده صفره وسط حجمها جان جدا راقي بالبس
اخذناه وطلعنه حنان والجهال ابسيارتها واني وعماد وحور ابسيارته ومشينه
.ها طيبه شو مرديتيلي خبر
.عن شنو اردك خبر
.عن زواجنه
.ردت ارد وسمعت بنته صاحت ماكو زواج اني ما اقبل بعد مكدرت اكله شي ضلينه اثنينه ساكتين راد يرد ع حور.
اني اشرتله يعني اسكت مو هسه تحجي
.وبعدها افتهم هوه وما نطق ابكلمه ظلينه ساكتين وصلنه للمنطقه وكفت حنان وكف هوه نزلت وقبل لا انزل كلي خابري
.اي ونزلت ورحت سياره حنان ونطلقنه هااا ولج طيبه بشري شبشر بعد محاجي شي وبنته صاحت بينه وظلينه ساكتين الطريق كله
شكالتلكم بلله كالت ماكو زواج
..والله بنته خطره
طيبه ..خرب ببليسج حنان شلون هيج تحجين كدام الاذاعه
خرب راح الكاها ابحلك المتسمه
حنان ...طيبه هاي شبيج
طيبه .شاورت حنان ...لج مو ويانه جهال علياء شلون هيج تسئليني كدامهم
حنان ...خرب والله نسيت عذريني
وصلت للبيت ودخلت لكيت امي اصلي وعلياء بالغرفه
واول ما دخلنه حجالهم مرتضى عالصار
علياء مسكتت ابد عبالك اني المذنبه
والنوب دخل علي زاد الطين بله
حجتله علياء الصار وعادي لازم اكو زياده بالحجي
علي ..شكو طيبه اصاير احجيلي
ابنك متعارك وي طفل وشاك حلكه وام الطفل جتي بس تعيط علينا
مرتضى ..اي بابا بس تعيط ورادت تضرب عمه طيبه بس الرجال الجان يم عمه كال للمره شنو اني مو بعينج
طيبه ..ابكلبي كلت ..عزه ابعينك مرتضى راح انكتل من وراك
علي ..يا رجال هذا طيبه
طيبه ..هاااا ..ظليت بس اتبلعم اااااااااا شخص ماعرفه جان كاعد ومن جتي المره وكامت تعيط عليه كام هوه وكال اختي ميصير هالعياط واحنه كاعدين