حبيبة القاضي

بارت٦

.وبدت معاناتي مع بنتي ومرضها ودواها
.تمنيت معايشه هل يوم ولا شايفه هل معانات ودموعي الما وكفت ابد
.بيمن افكر بنفسي
ابمشاكلي مع زوجه
اخويه وزوجته
بنتي ومرضها تراكمت عليه المصاعب صرت اكبر من عمري بعوام
.مر ع طلاكي ٢ سنه وماكو شي جديد في حياتي غير المعانات
جتلي حنان
طيبه خلي اليوم نطلع نروح للمول
.حنان والله مالي نفس اطلع
حنان ..حبيبتي انتي صالج هواي حابسه نفسج بالبيت
طلعي حاولي غيري من وضعج دوري ع عمل
ع وظيفه لظلين ساكته وكاعده
.يله هسه خلينه نطلع توسلت بيه حنان
وبعدين اقتنعت وطلعنه مول المنصور
مكان جدا راقي وبي الحياه حلوه تشوفين الناس سعيده
رغم كل واحد شايل هموم ابكد راسه
بس لازم الواحد يغير من روتينه الممل العايشه
.وطلبوا مني الاطفال اصعدهم لعبه اسمها البعد الثالث دجيتال
.صعد بسام وجهال حنان بس شمس بقت يمي كانت اكو ابنيه حلو شكلها ناعم جالسه ابصف بسام
ونتبهت
عليهم بسام يحجي مع الطفله الحلوه
انتهت العبه وبدو الاطفال ينزلون شفت الطفله تبجي وبسام واكف يمها اركضت عليهم هاي شبيكم ماما خطيه رجلها اطلع دم
انتبهت صدك رجلها مجروحه والدم هواي اخذتها كعدتها ع كرسي عندي بالجنطه كنلس
وتعقيم نضفت المكان عقمته بس هي خطيه بس تبجي
.سألتها وين ماما
.كالتلي ماما ميته صدمتني وقهرتني حيل
خطيه ابهل عمر الصغير وفقدت حنان امها
.زين بابا وين
.اجه رجل وكف يمنه ارفعت راسي اريد اشوف منو هذا .
لا لا انصدمت افتحت عيني ما صدكت الشفته معقوله هيج الدنيا صغيره
وجمعتني بي من جديد
.العفوا شبيها بنتي اخذ بنته ابين احضانه بوسها وحضنها
ولزم جرحها بس العفوا اختي شبيها بنتي
.لا ممعقوله
صدك ناسيني وميذكرني
.احجي مع نفسي
.بعده بنفس الوقار والجمال والهيبه لا والزايده جمال وحسن ابشكله هوه الشيب الي ع راسه
يجنن خصله من برجمه بيضه اليشوفها يكول صبغ يالله شنو هل جمال اووف
.اختي شبيج
.هااا العفوا منتبهت شجنت تكول بنتي ابشنوا تأذت والله
ماعرف جانت تلعب ومن نزلت لكيتها مجروحه
اوك اشكرج اختي لان ضمدتي جرحها
.لا عادي استاذ عماد
.شنو انتي امين تعرفين اسمي
طيبه .عزه ابعيني اني شحجاني ونطقت اسمه يبوووو
.اسفه اني اعرفك لان كنت اراجع محكمتكم ابوكت طلاكي
وجنت انت لازم قضيتي
صدك اي قضيه ذكريني وصار شكد
صارلها سنتين
قضيه عبدالرحمن وطيبه
.لتكوليلي انتي طيبه
. اي صح اني طيبه
.لج هاي انتي وين شكد ظليت ادور عليج حتى رقمج سألت عنه
.ليش استاذ
.اووف غير لو تعرفين
.شعرف غيره مره احجيلج بس هاج رقمي وارجوك اتصلي
لان عندي معاج كلام هواي
.لزمت كلبي حسيته طار من مكانه وبده يخفق من جديد
ما تمنيت اعوفه وامشي
.هذا الشعور يجنن من تشوف الانسان التحبه كبال عينك بعد فراق طويل تشعر رجعت الحياه الك وبتسمت من جديد
ياربي ديم هل فرحه في كلبي
.واني احجي من الاستاذ ونتبهت بنتي بتعلقه بي وهوه حاضنها اول مره اشوف بنتي متمسكه ابشخص
وتضحك وياه
.المفاجئه كانت اكبر مني ماعرف اضحك ابجي اصرخ شعور تماسكني غريب
.شبيج طيبه شو احسج مو طبيعيه
.اي استاذ عندي شعور غريب
.ليش لان بنتي متعلقه بيك وجاي تفهم كلامك
.اي ويعني شنو هذا .
معناته بنتي بدت تتحسن وبدت تستجاب للعلاج

.انتي بنتج مريضه
.اي بيها توحد
.لا خطيه الله يشفيها وتفرحين بيها
.اشكرك استاذ
.اترجاج لتكولين استاذ لان احس بيها حيل جبير ابعمري
.لا بالعكس انت بعدك ابعز شبابك وروحك مرجه وحلوه
اليشوفك بالمحكمه ما يكول انت نفسم اهنا تضحك وتشاقه
يعني انسان ثاني عن المحكمه
.هذا بس من ذوقج طيبه
بس هم احب تناديلي بسمي عماد فقط
.صار تدلل استاذ .اااااااااااااااااااا العفو هههههه
عماد
.الله يجنن اسمي في صوتج وحلكج
.اوك استاذ اني اترخص
.بس لاتنسين دكي عليه لان محتاجج.
ان شالله ادك
.بس لا تتاخرين وتخليني عالشحن هواي
.هههههه
لا بأقرب وكت ادكلك
.راح انتظرج ع نار اخذت اطفالي ومشيت وكلبي وعيوني ميردون اعوفه
عيني جانت تنتظره وكلبي خفق من شافه
.اوووف شكد الدنيا صغيره بعد مرور سنتين رجعت شفته
.كعدنه اني والاطفال وحنان بالكافتريه
وطلبنه بركر كنتاكي سبايسي وفنكر
.بدينه ناكل واني فكري بس يم عماد اتمنى هسه هم اشوفه يمر من يمنه بالكافتريه
ما اجمل احساس الحب
حنان .....شبيج طيبه شو صافنه
.هااا حنان شكلتي لا سلامتج بس شفتج صافنه
.لا هيج ماكو شي
حنان.. .علينه
.وداعتج ماكو شي.
يله عيني الوكت تأخر لازم نرجع
.بدينه نمشي في المول متوجهين باب الخروج

.واني ادعي بأن اشوفه ولو خطف او شي بسيط
بس حرامات ما شفته ركبنه السياره ونطلقنه
لبيوتنه وصلت وبدت رحمه الله .
اي شعلينه ناس تطلع تفتر وناس مكابله البيت والمطبخ
.علياء فدوه رحتلج هاي اول مره اطلع من يوم طلاكي لليوم ف اترجاج لتخلين الطلعه تتحول زقنبوت
.ليش عيني شنو راح احسدج لو شنو قصدج
.مالي قصد بس انتي دائما اطلعين وتروحين البيت اهلج وتفترين ويه اخويه يعني الرجال ما مقصر وياج لحكتيني ع هل طلعه
ع