حبيبة القاضي

بارت ١٤

البارت ...٨

ماما ..اتصلي عليه ونطيني احجي وياه

طيبه ..كمت وتصلت عليه
جاوبني ابحب وغزل
طيبه..كتله امي تريد تحجي وياك
عماد .اي انطيني احجي وياها .
الام.. الووو
عماد ..اهلا خاله
الام..هله يمه .احنه مارجعنالك خبر ع موضوع خطوبتك

.اي خاله .
الام..عيوني يوم الخميس تشرفنه بالبيت وكل الهلا بيك
.عماد .من ردو الخبر فرحت لان اني حيل احب طيبه
واحس بيها راح تهتم بيه وبنتي هواي
صرت انتظر الخميس ساعه ساعه .
صح الانتظار قاتل بس حلو من يكون علمود انسان يستحق الانتظار
صار الليل خابرت ع طيبه وسولفت وياها وكتلها اذا صارت شتردين مني اني مستعد اسوي الج خطيه البنيه مطلبت شي كل طلباتها كانت بسيطه مثلها ثاني يوم اخذت حور بنتي ورحنه للمول
اشتريت الها فستان واني اخذت الي قاط رصاصي وشتريت الشمس بدله والبسام قاط والطيبه ايضا اخذتله فستان .وردي لونه
اجه يوم الخميس واني كلي استعداد لهذا اليوم الحلو
وادعي الله اخوها ما يطلعنه ابسالفه
تعبانه
عماد...دكيت ع طيبه .
.حبي حضري حالج اليوم ساعه ٥ العصر امر عليكم .

طيبه اي كل الهله بيك منو يجي وياك .
اني وحور وخواتي اثنين .كل الهلا بيكم

طيبه .تحضرت وحضرت جهالي وجهزت كلشي وكتلها العلياء تتحضر هي والجهال وماما وعلي
ماما اتصلت بعمر يجي هوه وعائلته ايضا
الكل صار متحضر صارت ساعه ٥ وعشر دقايق ندكت الباب
دخلو الجماعه للبيت استقبلهم اخويه مع خالي ولد خالي اثنين ايمن وايسر
وبدو يحجون وطلبوا من عماد اهم شي جهالي يداريهم والرجل مارفض اي طلب الهم
وهوه ايضا كال بنتي اخت تصير الجهال طيبه
وتفقوا ع كل شي والحمدلله والشكر
وتحدد يوم عرسي يصادف الاثنين واخوتي وخالي وافقوا ع كلشي مثل ما هوه وافق ع طلباتهم

وصارت الهلاهل وخواته باركولي وبوسني

طلع عماد وهوه فرحان حيل واني ايضا فرحانه وبدينه بالتجهيزات لان موعد عرسي حيل قريب لازم استعجل
بده كلبي يخفق سريع للن باقي ع عرسي بس يومبن
ما اصور راح الحك اكمل كلشي
بس ماما طمنتني وكالت انب وياج نكمل كل شغلنه لتهتمين
علياؤ ايضا كالتلي اي شي تردين اني بالخدمه
صح هي حقيره وكوه جانت متحملتني بس هم عدها طلعات حلوه
اخذت تلفوني وتصل بختي مروه
الوووو
مروش راح ازفلج خبر حلو
مروه .اي عفيه محتاجه اسمع خبر منكم حلو
طيبه ..اني نخطبت القاضي محكمه اسمه عماد وعرسي يوم الثنين هاي
مروه .ولج صدك هل خبر
طيبه ..اي صدك
مروه .الف مبروك حبيبتي والله فرحتلج واخيرا
طيبه .اي الحمدلله...زين انتي شلونج في تركيا
زينه جوها حلو تعودت عليه
وحبالتج شلونها
يمعوده لعبان نفس بس دوخه وتعب وكسل
وكل فتره اروح لدكتوره
طيوب ماما شلونها عمر علي الجهال
والله كلهم بخير ويسلمون عليج
مروه ....اكلج طيبه علياء اسوت من سمعت بالخبر
طيبه ..لج كامت تركص بجفيه مصدكت الخبر تعرفين جنت كاعده ع كلبها ههههههههه
مروه ...طيبه انطيني ماما اسلم عليها
اي هسه اروح يمها بس افتحب كامره
طيبه ...ماما هاي مروه تريد اسلم عليج
مروه ...هلو ماما شلونج والله مشتاقه الحضنج
الام ...فدوه الكلبج حبيبتي والله اني اكثر اشتياقي الج
شلون البيبي
والله ماما .متعبني بس تعب وكسل
الام .ديري بالج ع حالج بنتي ...عيالج شلونهم زوجج
والله كلهم بخير ماما
مروه ..يله اروح ان عندي طلعه باي
طيبه .باي
سديت الخط وعده اليوم علينه بالفرح
باليل واني يم جهالي وباوع عليهم وتخيل مستقبلهم شلون يكون مع اب جديد في حياتهم
وشلون راح اتعامل مع حور وخليها تحبني وتحب جهالي
وحيييييل الافكار تراكمن ناس فوك ناس في دماغي
بعدين تعوذت الشيطان ونمت
ويوم السبت الصبح ساعه ١٠ خابرني طليقي
اي طيبه عالخير سمعت نخطبتي
.اي صح اشكرك
عبدالرحمن ..زين موضوع جهالي اني اريدهم ماريد يعيشون مع زوج ام .
طيبه ..ما عليك بالجهال لان اولا اصغار وثانيا متكدر ع الاهتمام بيهم انت وثالثا شمس مريضه يرادلها مداره
عبدالرحمن .اني ميخصني بهذا الحجي كله اني اريد جهالي
.طيبه .هاي شبيك عبد انت ليش اطفرني من حياتي كتلك الجهال يمي
انت متكدر تهتم بيهم
وبعد لتلح كافي عوفني اعيش حياتي لظل حجر عثره في طريقي .
عبدالرحمن..لج اني حجر عثره ياحقيره والله ما اخليج تتهنين اخذهم يعني اخذهم
طيبه...وغلقت التلفون ابوجهه وخابرت ع عماد وحجيتله كلشي دار ابينه اني وعبد الرحمن